leunglingling's Profile

喺荔枝角返工，諗住避開中午食飯時間11:30去買個車仔麵外賣。之前試過3-4點去買碗仔翅食都0k係‘杰’左d，今次試下車仔麵。入到去冇客，睇左一陣想叫野食，有個講緊電話，有個行左入面洗野，等左陣，問我要咩，我話要牛腩牛肚韮菜餃河粉，之後亞姐語氣勁衰，話‘嗌左麵底先！嗌左麵底先！’咁咪嗌囉，嗌完問我要咩餸，我話牛腩牛肚韮菜餃，佢先話冇韮菜餃喎，真係好有衝動想唔要，不過見d粉已經整好哂求其叫魷魚諗住有d汁，點知見佢攞生嗰d烚幾秒整完冇汁冇醬，心諗中伏好後悔咁就成為$43！食物非常普通，份量少，唯一好既係河粉滑囉，牛腩好鞋、牛肚唔入味、魷魚冇味，我平時都唔浪費食物，但係真係食唔落，冇下次😢如果滿晒客人好多人等緊，態度差我都理解，得我一個客駛唔駛咁呀，喺呢區都係做街坊熟客生意，咁既語氣態度唔要得…Read More

之前去荔枝角食過，真係好靚好好味！不過中環返工太遠喇，依家尖咀開分店實在太好了！可以成日食到喇～佈置一樣咁靚！Service 一樣咁好！今次試Irish,正！我最愛baileys酒下次再試其他。不過位置有少少難搵，我都係跟佢fb 指示，經過Agnes b 就見到！…Read More

咁啱放lunch 去D2，見到新開左間蛋糕店，有拿破崙！即刻試下！！買左3件同同事share!好正！又脆又滑拿破崙仲有抹茶／咖啡味😍聽講成日轉款，下次會再試其他！…Read More

訂左位, 所以唔駛等.不過其實入面都唔FULL, WALK IN 都有位~叫左個SALAD, 份量好大份!芒果E＋當造，所以真係好甜～雞肉好滑，應該係用左雞脾肉，個汁都ＯＫ！主菜叫左意粉＆ＲＩＳＯＴＴＯ兩樣都比較乾身，意粉有d’鞋’，嗰串蕃茄就好新鮮好甜。ＲＩＳＯＴＴＯ個味幾好，　不過可能d米唔靚，texture差d，同埋唔夠creamy。兩粒帶子都幾大粒，同埋好好味。甜品揀左crème brûlée＋鮮果Waffle,Crème brûlée 加左EARL GREY茶去整，一心想食蛋香味，點知有少少茶味，一d蛋味都冇，麻麻地。鮮果Waffle都ok, Waffle切成一粒粒，再炸脆，幾香口，雪糕送上時已經溶左一半，　只可以當汁咁點waffle。。。…Read More

有幸去試菜, 佢地進行開業前2星期俾員工家屬試菜.ENTREE 都好特別好好味, 有魚/HAM用2罐TOMATO PUREE 罐頭LIFT UP 塊木板, 係視覺既享受主菜試左牛扒雞扒羊架, 羊架係最好味, 好JUICY!牛扒雞扒就麻麻地, 牛扒過熟, 雞扒是炭燒的, 但係真係成舊炭咁...仲食左PASTA, PASTA 係每天新鮮製造, 有特別既樣子. 不過好失望, PASTA 好似食緊麵粉咁, 粉粉的唔滑, 同埋好SALTY.可能係試業, 未到水準....甜品試左TIRASIMU, 奶凍, 雪糕, 全部都好好味!我鍾意佢既TIRASIMU有橙味, 同JAMIE OLIVA 個食譜一樣!!如果女仔去可以試下水果COCKTAIL, STRAWBERRY/PEACH COCKTAIL 都唔錯~環境就嘈左D...D STAFF 介紹D 菜色都唔係聽得好清楚.可能係試菜階段, 感覺有D混亂...…Read More

星期五夜晚去,BOOK 左位都要等一陣, 因為好多人!見到好多團購既朋友坐低發現超級迫, 隻腳係郁唔到既. 同埋好熱好焗!不過唔緊要, 諗住團購je, 食完咪走囉!都係嗰個套餐,揀左牛肉餅, 雲吞雞, 咖哩飯.牛肉餅好好味, 好香好多汁.雲吞雞普普通通冇驚喜.咖哩飯OK, 都香.真係熱得制, 叫左凍豆漿飲. 豆漿冇豆味.本身夏天食咖哩都已經唔係好適合, 因為越食越熱,仲要入面又熱又焗, 食之前真係要諗諗.如果冬天去可能冇乜問題…Read More