love tasty's Profile

本身入去諗住用咗張餅卡去，就咁岩見到今年出左新月餅，就係拔絲蓮蓉蛋黃月餅。佢嘅拔絲喺指常溫狀態下，入邊嘅蛋黃都可以做到拉絲嘅效果，佢早鳥價係$128 ，一盒四個迷你月餅。咁我貪得意，咪買盒試吓囉。返到去我就冇加熱或者再焗熱佢，就咁常溫食。味道就真係一般啦，冇特別，佢個蛋黃係真係做到拉絲嘅，但係蛋黃個味唔太濃，同埋蛋黃量都唔係好多，滿足唔到我呢啲鍾意食蛋黃嘅人。純粹貪新鮮試吓，都覺得有少少伏。不過好在係做緊早鳥價買黎試。如果用正價好似要二百幾蚊，如果用咗正價買黎試就真係好伏啦。…Read More

呢日朋友們話要帶我去任食豆腐花，成日聽佢哋講話好味又抵食，終於有機會帶埋我去啦。地點位置都幾偏僻，我見好多單車友踩住單車咁入去順便食。大熱天時，徒步行入去，真係行到身水身汗。豆腐花同豆漿都係一個價錢就任食任飲。豆腐花好滑，豆漿唔會太甜，兩樣食物都好有豆味。不過我覺得最驚喜，反而係另一樣小食。我哋人多，所以仲叫咗煎豆腐同埋煎素鵝。因為佢係即煎嘅，所以要啲時間，我哋一入去坐低就即刻叫，等咗大概10分鐘左右就有啦。煎豆腐就冇乜特別，都唔錯嘅。但係個煎素鵝就真係好驚喜，超好食，煎到脆脆地，豆味好濃郁，再配埋個類似酸梅汁嘅醬，真係好食到停唔到口。佢只係$30一份，但係都幾大份，可以比兩至三個人share做小食。呢度嘅煎素鵝，暫時喺我食過最抵又好食㗎。…Read More

今日要陪太子上堂，送咗太子上堂，難得有me time, 梗係要好好嘆吓，享受下。想搵個坐得耐嘅地方，就去咗附近嘅南豐紗廠。入面都有好幾間咖啡店，但朝頭早10點去到，得一兩間開咗門開咗門，喺門口大概睇咗個餐牌就揀咗呢間入去。餐廳環境好大，座位之間有好多距離，空間感好好，所以坐得好舒服。咁我就叫咗份koko breakfast 早餐, 再加杯flat white。其實價錢都唔係平㗎，淨係份早餐都要$128 ，不過難得有自由時間，就梗係唔理幾錢啦。個早餐就不過不失，當branch嘅話份量唔算太多，但食完都唔會肚餓嘅。杯flat white就有驚喜，好香，不過就細杯咗啲，有少少唔夠喉。總體來講，呢個價錢主要係食環境同杯咖啡，可以relax下。後尾差唔多中午時間，就越來越多人帶着狗狗嚟啦。所以如果你本身唔喜歡狗狗，或者好怕狗狗吠，咁就唔太適合黎呢度啦。…Read More

呢間王幺妹都係紅磡紮根左好耐，但係我呢d老人家好少可試新野，食開個幾間就幾間，點知有一突然心血來潮想衝出comfort zone，試左王幺妹嘅乾拌抄手就大件事啦，好啱我口味，搞到我間唔時就要食下佢咁。我食過佢個紅油同乾拌抄手，乾拌出色好多，佢有d辣豆角Lo埋一齊，d辣豆角真係好畫龍點睛！次次都食到一粒都無得剩！抄手嘅大小剛好，一隻一口。記得要買埋佢碗冰粉！辣到流晒汗個時，就食啖冰粉，解辣真係一流，透心涼晒！…Read More

This is a coffee shop which is near my home. I do think it has the best coffee in Hung Hom district. The coffee is much better than those big chain store. The price is also reasonable. Americano only costs $25 and mocha only costs $33. The staff can always remember each customers’ favour and they are nice to chat. …Read More