kayiikayii's Profile

今日行街路過 一間細細舖面 得兩個男人經營既小店 望到幮窗入面既泰式甜點被吸引駐足欣賞 經介紹後 決定買左一盒肉碎炒蛋飯+椰汁西米糕外賣返屋企做dinner因時間關係 唔記得影盒飯既相 就俾我食左啦但打開果陣估唔到咁足料差唔多半盒都係肉碎飯唔係白飯 而係有誠意既黃薑飯再加一樣煎得超超超靚既煎脆邊既流心蛋(我自問自己煎真係冇咁既功力）仲搭上兩片青瓜賣相絕對一流 用心程度加哂分但我唔記得影相 冇諗過盒飯咁靚仔味道亦相當唔錯 價錢亦非常實惠椰汁西米糕未食 先上圖不過聽介紹係小店皇牌如果好食下次會再幫襯 先寫住咁多…Read More

自從上星期嚟完 呢度就變左疫情後既專屬飯堂 環境舒適乾淨 服務貼心 價錢抵食又貼地今次試試另一個菜式 香濃惹味醬燒雞脾黃薑飯 大大隻雞脾 鮮嫩十足 而個醬汁煮得濃香 帶有印尼參沙醬既香味 估計個秘製醬汁應該係自己自煮調製 好特別 唔辣 個雞脾炆得好腍 唔洗刀叉 齋用匙羹都可以拆肉 仲好好好入味 配上我最愛健康既黃薑飯 一流因為身體不適 唔飲得凍野 一位貼心既店員推薦左我飲佢地一隻無咖啡因既天堂茶（熱飲）有甘草薄荷香味 飲落甘甜清爽 飲完成個人舒服哂…Read More

疫情後又再一次重溫呢間正宗印尼美食飯堂今次再叫賣飛佛 正宗既印尼口味 印尼沙嗲醬加洋蔥炒香豬肉 再配健康既黃薑飯 依然好足料 豬肉有醃左既香茅味 色香味俱全 價錢合理無加一 明碼實價無敵 值得Encore 再加配一杯消膩既青檸梳打 今晚既晚餐非常Prefect~…Read More

同朋友嚟gathering 難得放假梗要Tea 下就揀左個特色既峇里Tea叫左最喜歡既Bagel 同咖央多士再配兩杯香味十足既Coffee, Perfect ~~ 兩個人好悠閒地過左個好舒服既下午…Read More