星期六夜晚喺尖沙嘴收工，天氣又凍，經過亞士厘道見到「重慶洪鼎火鍋」，感覺幾吸引 於是就同朋友一齊入左去試～岩岩入去，已經聞到陣陣好香嘅麻辣火鍋味！我地只係等左陣就已經可以入座lu
食物嘅選擇好多，於是我地叫左紐西蘭羊肉片，手切本地肥牛，美國雪花肥牛，海蝦，脆鯇腩，加拿大桶蠔，重慶苕粉（即係平時叫開嘅薯粉），稻庭烏冬，響鈴同娃娃菜。而打邊爐當然唔少得野飲啦！飲品選擇都幾特別，經過職員嘅推介，我地最後決定試下「紅糖繽紛冰粉」。
首先黎嘅係呢杯好似啫喱嘅野飲，好解辣又冰涼，簡直係麻辣火鍋嘅好partner
仲有個針筒比我地自己控制甜度，真係好玩又特別！！唔洗好耐，全檯都已經佈滿豐富嘅嘢食～
首先講下紅肉類啦：美國雪花肥牛冇想像中咁薄，好濃牛肉味至於本地肥牛肉身就更加厚，但係比較難咬
，相比之下本人就鍾意雪花肥牛多啲～～而紐西蘭羊肉擺設都好靚，亦只係有陣少少羊肉嘅騷味，可以接受。順帶一提，呢到一碟肉嘅份量比起其他火鍋店大好多（建議食得曬先好落單，唔好眼闊肚窄浪費野食～～），真係又抵又好食，真正嘅平靚正！
至於海鮮方面，本人就覺得打邊爐食魚有少少唔係好match。但係，呢到嘅海蝦真係好鮮甜，黎到嘅時候都未死，所以食材絕對係新鮮！而且啲嘢食嘅presentation都好靚好有創意，絕對岩曬年輕人影靚相
不得不講嘅一定係加拿大桶蠔！！！呢到嘅蠔真係好巨型，完全係我意料之外～ 大隻多肉汁不特止，仲要極濃蠔味，岩曬啲鍾意食蠔嘅朋友呀！至於薯粉，本人覺得幾特別，同平時嘅薯粉唔一樣，麵身好闊仲好好咬口添，真係值得一試最後我地仲試左五色小籠包，分別係芝士，黑松露，麻辣，原味同埋蟹皇～雖然皮身比較厚，但味道都唔錯，打邊爐食小籠包呢個諗法好創新，不妨試下！PS我地湯底叫左麻辣同雞湯！麻辣湯底都好味，但我更加鍾意木耳雞湯！呢到嘅雞湯有木耳同原隻雞，味道極濃！同其他火鍋店最大分別就係湯底食得出真係唔係用味精，而係用好多唔同嘅食材煮出黎，真係勁好味，一定會再返黎～
…Read More
食物嘅選擇好多，於是我地叫左紐西蘭羊肉片，手切本地肥牛，美國雪花肥牛，海蝦，脆鯇腩，加拿大桶蠔，重慶苕粉（即係平時叫開嘅薯粉），稻庭烏冬，響鈴同娃娃菜。而打邊爐當然唔少得野飲啦！飲品選擇都幾特別，經過職員嘅推介，我地最後決定試下「紅糖繽紛冰粉」。首先黎嘅係呢杯好似啫喱嘅野飲，好解辣又冰涼，簡直係麻辣火鍋嘅好partner仲有個針筒比我地自己控制甜度，真係好玩又特別！！唔洗好耐，全檯都已經佈滿豐富嘅嘢食～首先講下紅肉類啦：美國雪花肥牛冇想像中咁薄，好濃牛肉味至於本地肥牛肉身就更加厚，但係比較難咬，相比之下本人就鍾意雪花肥牛多啲～～而紐西蘭羊肉擺設都好靚，亦只係有陣少少羊肉嘅騷味，可以接受。順帶一提，呢到一碟肉嘅份量比起其他火鍋店大好多（建議食得曬先好落單，唔好眼闊肚窄浪費野食～～），真係又抵又好食，真正嘅平靚正！至於海鮮方面，本人就覺得打邊爐食魚有少少唔係好match。但係，呢到嘅海蝦真係好鮮甜，黎到嘅時候都未死，所以食材絕對係新鮮！而且啲嘢食嘅presentation都好靚好有創意，絕對岩曬年輕人影靚相不得不講嘅一定係加拿大桶蠔！！！呢到嘅蠔真係好巨型，完全係我意料之外～ 大隻多肉汁不特止，仲要極濃蠔味，岩曬啲鍾意食蠔嘅朋友呀！至於薯粉，本人覺得幾特別，同平時嘅薯粉唔一樣，麵身好闊仲好好咬口添，真係值得一試最後我地仲試左五色小籠包，分別係芝士，黑松露，麻辣，原味同埋蟹皇～雖然皮身比較厚，但味道都唔錯，打邊爐食小籠包呢個諗法好創新，不妨試下！PS我地湯底叫左麻辣同雞湯！麻辣湯底都好味，但我更加鍾意木耳雞湯！呢到嘅雞湯有木耳同原隻雞，味道極濃！同其他火鍋店最大分別就係湯底食得出真係唔係用味精，而係用好多唔同嘅食材煮出黎，真係勁好味，一定會再返黎～…Read More
