肥仔成日食's Profile

考試翻學經過泳池邊，諗起好耐冇食過kabab，諗起佢啲烤肉嘅飯幾好食，所以就果斷入去買先。叫咗個烤牛肉飯，飯除咗有好多好多嘅烤牛肉之外，仲有一堆沙律。沙律都係不外乎青瓜生菜同蕃茄，不過都幾新鮮！👍👍👍👍👍牛肉嘅份量都好多，鋪滿咗成個飯，牛肉上面仲有啲汁。牛肉唔會好乾好柴，同埋牛肉味嘅肉味都好濃，配埋上面啲酸酸地嘅汁，都係非常之夾。同下面啲飯一齊食，都好食。其實好鍾意食呢一種，清真食品比較長嘅白飯。…Read More

kfc嗌咗個套餐，都幾抵食，雞嘅件數好多，食到好飽。佢啲炸雞入面油份都仍係好多，食落比較油膩。外皮都夠脆夠鹹。即使係外賣走，都唔會淋，而且仍能保持熱度。兩件炸雞上脾！微辣一件狂惹香燒雞，都幾入味，唔錯。仲有兩件炸雞翼，微辣。蘑菇飯，算好食，蘑菇汁都香，好多蘑菇。有好濃黑椒味。微微辣。份量細細盒。汽水，唔算多冰。👍👍👍去食kfc，不得不食嘅係葡撻。葡撻絕對係kfc最好食嘅食物，每次去都一定要叫翻個食。外賣呢間kfc pack得幾好 …Read More

一早去海邊行吓，行完見有啲餓就去McDonald's食翻個早餐早餐😋😋可能時間都比較早，人都唔算多，好多位坐，不過冷氣就真係幾凍......叫咗個豬柳蛋漢堡嘅早餐，成個套餐簡簡單單三樣嘢，包，薯餅，同咖啡。個包就同平時一樣，入面有塊豬柳，有塊成1 cm厚嘅蛋，仲有塊芝士。成個包都熱嘅，芝士微熔，正常水準食McDonald's早餐個精粹一定係塊薯餅。佢個薯餅炸得熱辣辣，外皮都幾脆！入面都食到好多嘅薯仔。McDonald's嘅咖啡都幾好飲，算係快餐店咖啡入面算唔錯嗰種。…Read More

食飯食得開心真係幾重要，好彩嚟得呢度都唔會令我失望，凡直友里真係元朗西餐嘅高質選擇！法式奶油焗蟹肉，入面蟹肉多，蟹嘅鮮味都幾重，口感唔會霉，做頭盤一流！餐湯緊係果斷加錢變蘇皮湯！佢下面係龍蝦湯，都好鮮好好飲！配搵個蘇皮一流！不過個黑松露意粉感覺就差少少了，雖然上面刨咗唔少嘅松露，但係松露味都係未夠。可能用多少少松露醬會更好！最後個甜品一流！心太軟即焗嘅，加埋佢自家做嘅開心果雪糕，好食！開心果味好濃郁！正！呢間西餐真係正！期待下次再食…Read More

去壽司郎真係排好耐隊，幾經辛苦終於排到入去了。今次都食咗唔少嘢，真係擦咗餐勁！雖然食咗好多嘢，不過影得好少相🥲🥲不得不說，佢個茶碗蒸真係圖片只供參考。佢張圖幾靚，拎上手真係......差咗少少不過啲料係沉咗底啫，冇事！✨味道嚟講都唔錯，蛋味都幾重！同質感都滑，唔會太老，都合格！甜品真係好重要，尤其係去到壽司郎！叫咗佢呢款芭菲。呢款幾抵食，夠大杯。上面有啲莓果，同雪糕食幾夾！今次真係食得好飽！正！整體嚟講都係好食！…Read More

荃新天地有間一芳水果茶，趁唔算太多人，當然要買翻杯茶，一解冇得去台灣旅行之愁啦😭😭😭😭因為係洛神花茶嘅關係，所以呢杯嘢成杯得紅扑扑咁。飲落去都幾重洛神花味！🥰🥰🥰🥰加埋檸檬酸酸地，係非常好飲嘅呢！加上我呢杯亦係少甜少冰，酸味max，不過我鐘意酸，所以覺得好正吖！🥰🥰🥰🥰呢杯飲品我再加咗愛玉，飲嘢之餘仲有啲嘢可以咬吓，正！🥰🥰🥰🥰一芳個名真係唔係浪得虛名㗎！確實係高質好飲嘅茶品。下次試吓其他先！…Read More

上次試過佢個英式早餐，今次就試吓佢個歐陸早餐先。呢個歐陸早餐嘅份量都大，有兩塊烘過嘅toast，一塊薯餅，煎蛋，火腿，三粒車厘茄，仲有最重要最重要，要係幾大塊嘅大雞扒！雞扒真係幾大塊，有成隻手掌咁大，上面有啲茄汁。雞扒煎得好食唔會柴同唔會乾。而且雞扒又唔肥，配埋雞皮咁食，真係正！上面啲茄汁酸酸地咁，都幾開胃！薯餅就同平時一樣好食，火腿就係普普通通簡簡單單一塊，冇乜大特別，煎蛋都係。係唯獨覺得車厘茄有啲酸。塊toast有烘底抵讚！食落脆卜卜！搽埋牛油一流。25蚊有埋熱飲，而且高質，抵食過其他ac嘅早餐啊呢！…Read More

喺city晏晝想食吓嘢，去ac1嘅城大食坊食，都唔錯喎，價錢係真係幾平喎。叫咗一個特色雞翼，西多士餐。望落去都乜靚仔，雞翼飽滿有油光，表皮有啲啲上色；西多都唔錯。雞翼幾好食，佢入面唔乾唔柴，同埋都夠味，唔會係啲淡而無味嘅嘢。多士入面嘅餡係花生醬，不過花生醬唔算好多，所以花生味都係比較淡。但係西多本身都厚，蛋味夠，新鮮炸起都唔錯。夠熱，加埋糖漿同牛油，一流。加多少少錢，加多份米粉，都幾大份，成碗嘅份量。廿幾蚊有咁多嘢食，抵！…Read More

天氣熱，想飲杯肥仔水降吓温涼爽吓，但係喺元朗嘅大卡司就真係一般般啦......😅😅叫咗杯鮮百香茶，加椰果，而且我要求嘅係少甜少冰。佢少冰係做到，拎上手冰唔算多，但佢個少甜真係好甜......我都已經撈均咗成支之飲，但係真係由頭甜到落尾......完全冇少甜嘅feel😅😅茶味唔算濃，底下有啲百香果嘅籽，不過百香果味都突出。買大杯飲品即送爆谷一份。爆谷脆嘅，不過味道就爭啲，食落有少少焦味，真係太一般了......…Read More

人人都話去得葵廣就要食佢，係葵廣必食之一，咁啱得閒咁就去試吓啦！簡簡單單叫咗個芒果pan cake。由於係即叫即整，而且都好多人排隊食呢間，都等咗一段時間先有得食。Pancake嘅成份好簡單，上面係cream，加啲朱古力醬，下面再有啲芒果粒，再下面就係雪糕。揀咗芒果味雪糕，雪糕軟綿綿，幾滑，都幾有芒果味，幾香。同埋芒果雪糕嘅份量都唔少。食到底都有。佢個pancake都有蛋香，新鮮整起確實幾好食。店家都貼心咁包多張紙巾，食曬就可以用埋，又唔太怕整污手。…Read More

喺荔枝角道有間西餐廳，望落都好似唔錯，入去試吓啦。佢lunch menu都有幾多選擇，不過我鍾意食肉，咁就叫咗個有牛肉嘅餐 餐湯係隨餐附送嘅，個甘荀湯一般啦，感覺淡口咗少少，不過有甘荀嘅甜味嘅，同埋食到有西芹味🥲🥲main dish就係呢個澳洲西冷配紅酒汁配薯菜。牛幾大塊，不過少少薄，如果細塊啲，但厚啲，應該會好食啲。不過塊扒都係好食嘅，肉味幾濃，同埋煎得幾香口，又唔會煎乾。真心覺得薯菜處理極好，燒到乾乾地，突出到蔬菜本身嘅甜同本身嘅甜。叫多咗個小食，唐揚炸雞，呢度先2x蚊。抵爆！外脆裏面多汁，而且有醃過嘅雞入面好香好食！高質！…Read More

嘉湖會所入面有間仙跡岩，可能因為會所係住客限定，唔係個個可以入去食，所以人特別少，地方都特別闊落。枱同枱之間都相隔好多位，而且用餐環境都好靜，所以環境嚟講呢度確實係一流。🙂🙂🙂🙂🙂不過食物就真係一般般了……呢個係台式豬頸肉滷肉飯，再加半份台風大塊雞。好老實，佢個大塊雞真係超級薄切再薄切再薄切。塊雞又薄又細又乾又柴又鹹，真唔係咁理想。佢個飯份量唔算太大，不過滷肉係唔太差嘅，同豬頸肉都煮得尚可。不過環境舒適，可以靜靜食個飯都夠了。…Read More

夜晚打完波，想同啲朋友食翻個甜品，去天水圍ganggang嘅新北江商場度食就最好了。呢間小店都幾難搵，都行咗陣先搵到，因為佢都喺啲好入唔算太起眼嘅地方。叫咗個芒果滑粉食，上面係一啲芒果冰，下面就係啲滑粉，同啲糖水椰奶。撈埋佢地一齊食，佢個芒果味都突出喎，味道唔錯。佢下面個滑粉都真係幾滑，加埋一齊食都幾唔錯，成個味道甜甜地，有啲芒果味，而且冰涼透心，喺啲熱到爆嘅天氣下面食，真係一流。而且價錢合理，夜晚做宵夜一流。…Read More

章魚燒，或者會叫章魚小丸子，真係由細啲街邊檔食到大。喺葵廣有檔章魚燒好出名，所以有日去葵廣都特登食一次佢。呢隻算係叫做原味嘅章魚燒。粒粒都好圓好飽滿，隔離啲鰹魚碎都好多，多到好似唔洗錢咁😂😂上面嘅醬汁同紫菜碎都好足夠。因為係新鮮整起，每粒章魚燒都係好熱，真係要小心啲先食。章魚燒用料充足，每粒入面都有一隻章魚仔，唔係求其俾粒好細粒嘅章魚粒就算。而且味道都好好，入面有啲鹹味。不過呢間店舖都好多人幫襯，所以都要等一陣！…Read More

入得元朗食糖水，十個有九個都話想試吓遠近馳名嘅B仔糖水。咁佢話曬都咁出名，又上曬電視，咁就試吓啦！！叫咗佢個B仔船，其實即係香蕉船，佢有一球雪糕，我揀咗曲奇味，係正常雪糕味。佢條蕉都幾熟，係okay嘅。到佢碗上面嘅其他生果，有椰果、蘆薈、西瓜、蜜瓜、桃等等。不過其實有唔少都係罐頭嘅嘢，唔好expect到有咩好味道，都係一般嘅正常嘢，想食生果就唔洗特登去了。冇錯嘅，佢個份量確實幾大，不過價錢都唔平。質素一般。…Read More