ShimiMitsuru's Profile

屋企人係一碗沙嗲牛肉麵外賣中食到”脆口””爆漿”既感覺你以為係沙嗲牛肉既花生或其他配料??錯！原來呢個係一個親子丼沙嗲牛肉只係配角主角係 曱甴媽媽 + 曱甴寶寶屋企人食落口感到不妙馬上衝去洗手間嘔發現嘔吐物除左有曱甴媽媽，仲有卵再返返去睇碗外賣，如圖見到仲有多一隻卵BB卵都咁大隻，我唔敢想像媽媽身型有幾龐大如此恐怖既事屋企人馬上去到餐廳理論得到一員工解釋：有時煮麵有隻曱甴入左去我哋都唔會知🤷🏻大家下次係王牌冰室叫食物時隨時有機會食到此丼祝大家好運…Read More

呢篇係我第一篇既食評好希望我嘅評語可以幫到大家再三考慮應唔應該入呢間舖頭Omakase撇除開食物質素以外提供整體既係包括師傅同客人嘅互動準備功夫，細緻位，氣氛，環境，每一項都缺一不可呢間舖頭徹底代表到一間唔合格嘅廚師發板當日我哋訂枱12:00食omakase 我哋早到十分鐘左右職員先安排我哋入座舖頭細細好有日本小店既感覺感覺都良好嘅入座後我哋問師傅 menu上3個價錢食物上分別$780/980/1280師傅一味只推介最貴個款$1280有生蠔海鮮blahblahblah…無講另外2款(我當下感覺回想返以往食omakase，無論係係香港定海外，師傅/職員都係用一個中立既角度去介紹唔同價錢既食物分別，唔會有偏頗)而今次當然係明顯唔同我哋再追問咁$780/980呢？師傅再好輕描淡寫咁介紹埋其餘呢2個因為我哋4個有2位都對海鮮特別係生蠔都過敏，所以表示要$980 就可以頭盤：一個普通到係屋企都整到既一個波菜冷豆腐，外表同味道一致地普通我認為omakase其中一個令人最期待既係將一樣我哋平時認為好平凡或者一般既食物師傅用佢既經驗同功架帶出驚喜比食客咁呢個蒸蛋….同元氣食既差唔多之餘令人最失望既係個燉蛋係熱到燙口甚至我食到一半 都仲係好燙除咗熱之外，完全冇蒸蛋既入口香滑你可以話”咁咪代表即蒸既食！新鮮呀!”如果你係追求呢個趁熱食，你可以返屋企自己蒸，而唔洗出嚟食omakase連呢個咁簡單嘅位都做唔好，呢個點係失望打後既幾款刺身我諗住新鮮係最基本，唔會特別去讚佢新鮮，好普通，而稍為令人期待少少嘅海膽都係唔太新鮮之後呢幾款壽司都係好正常嘅白魚口感層次上幾款都係差唔多唔會有睇得出廚師喺口感上有咩鋪排而最後呢個拖羅都係一個非常一般亦唔會令你瞌埋眼尖叫回味嘅感覺相信食過廚師發板嘅人實會有一兩款魚令到你覺得好好食呀好正呀好想知係咩魚嚟㗎之後嘅熱食，味增湯都唔多形容前者都咁出色後者都唔會令你失望一個驚喜一浪接一浪冇諗過呢個價錢原來連甜品同咖啡都要二選一，因為對佢嘅食物實在冇信心所以最後都係揀咗咖啡重頭戲來了！因為當日係我屋企人生日訂位嘅時候都喺WhatsApp 同電話對話中多次提供生日女士嘅名- Karen 咁當我哋收到個生日甜品嘅時候大家都呆咗因為佢地係寫左一個完全未見過嘅英文名***Krean***壽星女都呆咗，覺得好掃興同非常失望！可能生日驚喜就係：一個好後生嘅女侍應行埋黎我同壽星女身邊大聲問今日邊位生日之後我哋有同師傅同埋職員講番佢哋串錯名佢哋嘅態度係”哈哈係喎””應該係K-A-R-E-N”但一句唔好意思/謙意都無嗰刻我就真係火都嚟埋最特別係埋單嘅時候後生女侍應竟然係將張單直接俾個壽星女嗰刻真係……不過其實都唔意外啦畢竟我哋都經歷咗個幾鐘最後後生女職員行過嚟比張單我哋嘅時候同我哋講“因為串錯你個名我哋唔收你生日甜品錢”到最後係一句道歉嘅說話都無彩蛋:然後喺最後面我哋聽到師傅問女職員有冇比到九折，唔知因為點解可能係因為寫錯個名女職員話我淨係free 左個甜品🙂不過都好彩你冇比個九折我哋咋我都唔想收你嘅人情…Read More