joey9364's Profile

打電話去訂位嘅時候話冇限時，隔咗兩日又打返嚟話有限時，限兩個鐘。咁我咪問清楚，如果冇人等位係咪可以繼續坐？佢又話係。但係今晚個場都唔滿，仲要有吉枱（我二人檯啫），但啲呀姐都係都堅決收晒我哋啲嘢趕我哋走，唔緊要，咁咪冇下次囉！…Read More

睇到好多食評都話呢間自助餐OK，所以老公生日，就一心諗住去試吓囉！點知真係後悔莫及👎🏻所有嘢都要排隊，乜香港人原來真係咁鍾意排隊😤（如果我知要咁樣排隊，我一定唔會揀呢間）打去問，佢話有芝士焗龍蝦，原來係限量派發（我哋好叻，兩個人拎到四隻開邊）。凍蟹腳，你唔出去搶根本就冇，我只係成功拎過六條，仲要唔係keep住refill，長期經過都係冇嘅。凍蝦唔新鮮。生蠔條隊排到6:30都仲排緊（雖然我唔食生蠔）。啲所謂煎佐賀牛，每次只限拎一片，總之就食一片排一片。啲燉湯完全無味，我飲完，要過去睇返究竟佢係燉乜嘢，我先知自己飲緊咩。我斟杯桂花烏龍茶，都唔知自己飲緊乜，聽到隔離啲客人一路浸其他野飲，一路飲、一路話好難飲。雪糕先搞笑，佢拎蝦Häagen-Dazs嘅碗去裝雪糕俾你，但原來唔係Häagen-Dazs，啲雪糕勁難食。甜品好似好多款，但我試咗五款，都食唔晒已經投降🫣我唔明自助餐，點解所謂貴少少既野會限量，如果要做到咁cheap，就不如唔好做自助餐啦！全間餐廳最好應該只係可以寫生日碟囉！真心後悔，安排老公生日食一餐咁難食嘅自助餐😰…Read More

中午時間去到，被安排坐喺窗口位，好晒好熱，要要求先至落簾，食完餐飯熱到面都紅晒。午餐買一送一我哋三個人叫四個餐，啲侍應唔睇單就上前菜同湯，上少一份又要追返先有🙄叫左最貴個$588三色刺身餐，點解係咁樣樣既？佢送上黎時我眼都突埋👀👀啲份量真係少得可憐其他餐-壽喜燒同和牛西冷正常…Read More