daisychiu82's Profile

由上年12月開始就周不時會去呢間到買早餐,,因為好方便可以WAPP落單,,加上$30大大件早餐又好食確係唔錯.但唔知點解呢幾次既落單都係錯左..我叫通粉比左螺絲粉. 由$30一加價就加到上$33....咁都算...雖然佢張餐單係寫長通粉但我由一開始都係咁叫都無錯.....我覺得奇怪點解呢幾次先比錯..咁我就WAPP去問下...點知個回覆竟然係咁真係好過份....就算我係寫通粉..點都係長通粉接近過螺絲粉啦...你有短通粉比我揀咩???仲要係我一開始都係咁叫都無錯..係呢兩次叫先比錯都唔認衰..仲要咁同番個客講..真係乜野服務態度呀你地...你點好食都好啦我都唔會再去食..食個早餐啫做乜要受你地氣..而家D人完全唔知咩叫禮貎!!…Read More

一年一度結婚週年又到...今年無出去食只係係元朗...而呢間一杯一直都想食就今日試試.時間尚早未到七點...我地被安排到卡箱...感覺真係好日本feel...所有待應都係著拖鞋...似足日本食肆~~一杯...我開動啦~~~元朗好興大大件壽司但其實未必係一件好事...呢到個size就大少適中...全部食材都非常非常新鮮...件海膽真係想一口自己咬晒..但都留左一半比相公..好甘甜呀~~~~海老好爽口...其他魚類都令人驚喜...其實計番每件只係$25又咁新鮮真係唔算貴..見到都好多人點.應該係全餐最失望的....份量少都唔緊要...問題係d茶係完全冇味..好似水咁...其實可以講真係有d難食..唔好話同日本比...我諗未去日本食過茶漬飯都覺得唔好食...話明茶漬飯茶係好重要...但點解會咁既??其實係幾特別...d湯係茶壺倒出黎..每人大約有三杯左右...好鮮甜...咁鮮甜主要係入面有隻大蜆...係得一隻同一隻蝦...仲有幾粒細元貝...我就食左隻蜆好大好甜...如果冇左佢d湯一定唔會成事.好香豚肉味..但感覺上燒得耐左少少...其實都有肉汁但只係耐左少少就係爭個少少...如果唔係就完美...每人都食到好多舊...蕃薯好好味..日本蕃薯真係甜d...牛肉牛糕就比較特別未食過...一片薄薄牛肉片包住年糕...好有咬口可以一試~~枝豆好大碟仲要係熱既...面頭有少少鹽...送酒真係一流...但係我地冇叫酒...開左壺日本綠茶..就唯有枝豆送茶..哈...另有一番風味~~燒豆腐好好食....好香豆味再加埋d木魚..又係一流~~~佢地lee到d燒物真係唔錯..壽司刺身夠新鮮...最重要係唔會限時限刻..其實都幾多人全場full..但唔會趕你走...可以慢慢食慢慢坐...而家都係食左$886連埋加一咁既食材同環境我覺得好抵...會有一下次~~…Read More

雞地又有新食肆開..又係日本野..無問題因為岩我...舖頭細細門面比較特別,,一道大木門趟門另一邊是一塊大玻璃..可以睇通睇透.等左大約五分鐘左右因為時間尚早只係約七點..所以人流不不算多~~不過坐位就好迫個袋都唔知放邊好同埋冷氣都幾大.同相公每人點左一個丼我既蟹丼...本身以為好少但食落都幾多...有蟹腳一隻係燒過既...另有蟹肉同少少蟹膏..加埋魚子都還可以...但食到咁上下已經冇蟹送飯三文魚新鮮..海膽比想像中少加上唔算甘甜...其實真係覺得飯太多..我知道唔可以飯同刺身成正比..但刺身份量真係太少...好彩係三文魚同魚子夠新鮮..都還可以.蟹膏香味不足...我係好鐘意食蟹膏但食得出唔係好貨...係中至下等貨...感覺有d失望...18蚊細細件~~~~~~~冇記錯應該係$4x...當然得一隻...好爽甜好新鮮..貴就貴d但勝在鮮甜..比起其他日式店佢隻赤貝真係數一數二~~食左$23x...貴唔貴呢??我覺得貴...仲要係元朗食..好老實講我出去尖咀食個刺身飯都唔洗咁既價錢...不過而家元朗食肆越開越多越開越貴...有時真係貴都唔緊要最緊係貴得黎要好食!!…Read More

係元朗仲未有時, 已經想出旺角食..但我呢D新界人冇咩事都真係好少出去..終於等到元朗有得食...聽聞要大排長龍..今晚又咁岩要去YOHO買野所以都去試下LA...點知平日差唔多八點時間都要等位好彩只係等兩張....大約7, 8分鐘左右就可以入去坐. 點左個餐..先送上一杯飲品...甜左D WOO.....唯有自己加水...跟住就等等等..........一等再等...大約15分鐘左右終於有野食...辣味適中...但飲第一啖湯就覺得今次大獲....肯定要勁飲水...配料有紅蘿白白蘿白..都幾淋身唔錯...牛肉帶住少許牛根的確幾淋牛肉亦有香味...麵質方面就..............好多都痴埋一舊...唔係一條條麵分開...我諗個廚太心急...其實份量已經唔係多...一舊舊個D麵比較硬身我當然冇食..真係唔多飽~~~湯底真係太失望...好咸好重口味!!!!!!!!!!!!再等多5分鐘左右, 另點左個小菜..終於上枱..但..........又係咸到呢.............真係好驚食完之後腎有事...如果食呢味送一定要送飯..或者用水洗下會好D..份量眼見亦都唔多又再等多5分鐘...終於有得食....足足等左差唔多半個鐘.....乜唔係預先滷好既咩????即叫即滷???先講味道滷水味帶點藥材味..感覺確似台式滷水...反而唔會太鹹...但食料就過火....唔知係蒸熱定叮熱..總之就一個字"乾"!!蛋: 一D都唔流心.....乾蛋黃雞翼: 好熱..不過好乾...有少許柴皮FEEL豆腐、牛展: 普普通通還可以..雞腎: 好多粒...但太硬身.............咬到牙較軟軟地腩肉: 又係乾到爆...乾到相公咁愛食肉都放棄左..食剩幾塊~最後上埋甜品opera..朱古力味....勁爆甜...其實預左...但蛋糕質地完全唔似蛋糕...好似好實唔鬆化...最後剩底半件...實在太甜~~失望..好失望..當晚我飲左成支水...好口乾好口渴....真係試過就算....仲要2個人食左$250..即係咁既價錢我可以食到好食既野囉...如果咁既價錢D野好食我絕對唔會介意..但咁既價錢令我咁失望..就唔會再有下次..…Read More

我本身好鐘意食魚...好多年前已經係荃灣既一間魚魚專門店到食開..但近排食過覺得魚湯味精重左D...食完會口渴~係元朗開左間呢D魚食肆我點會唔去試下呢寫到明唔落味精!!!魚同米線分開上....可惜係點解條魚會係煎..聽個唔知待應定廚司講係煎完先再淋魚湯..但我覺得咁樣唔太好..一來我唔太鐘意食煎炸過既野二來我會覺得唔新鮮既魚先會咁整...雖然係香口但始終魚鮮味唔夠出..如果可以做到荃灣個間咁就好..魚湯方面確係比較淡因為冇落味精...但佢地有D欖菜比你加落去..我加左少少又真係唔錯..不過魚湯D魚味可以重D就更好.豬扒係元朗實在有太多好食既食肆..所以LEE到一定比下去..但都還可以..魚角感覺似學利但佢地話係自己打自家制...食落又真係好彈牙.魚湯冇味精再D麻辣醬..相公成碗清晒一D湯都冇剩新鮮熱辣辣....最鐘意佢真係有蜆肉仲要係大大粒..只係鹹左D咁囉..不過都好好味呀~~其實都會再黎但真係想比D意見唔好再用煎炸方式...我記得個日隔離座有個食客都話下...煎GA???其實大家心中都想食得清淡同健康..最重要係想食到魚鮮味!!…Read More

新年公司放多一日假就緊係要出去食好野,,,咁岩屋苑派左COUPON, 之前又想去食所以LUNCH就試一試.望下個MEUN一D都唔平其實都預左...一人叫左一個SET牛肉都幾多..味道還可以...但我唔食芝士所以麻麻地...有前菜有漬物..都係一般..另加左刺身..如果以咁既價錢係日本應該可以食好D蒸蛋唔夠滑...其實個腩肉好好食...但實在太油太肥勁多肥膏~~~~麵豉湯真係失望到爆炸...淡而無味唔知想點...吉列又唔鬆化D豬又乾又唔嫩....................隻蝦叫做OK D....成個SET最好食係椰菜D...加埋柚汁同紫菜汁好好食仲可以REFILL加埋一扣埋COUPON今餐食左$300, 其實錢都唔係問題都預左..問題係好失望....主打吉列竟然係最差~~…Read More

知道厚福街好多野食...剪完個靚髮緊係同相公去食好野做做節啦....大約八點幾..樓下排好長龍等"車立", 無法食飯時間加上成楝樓都係食肆.上到去即有位...待應話只可以食個半鐘..而家香港地食飯好慘...周圍都限時限刻咁....當然我地2個人冇問題啦..咁凍食完都想快D番屋企...但如果一大班人邊食邊吹水都幾趕.一睇餐牌冇耐就決定揀你..其實都幾貴$198..係日本食一定唔洗咁既價...但冇法...止住引先~~定食方便有前菜、漬物、普通麵豉湯我地冇加$10轉蜆湯、茶蒸蛋...先講蛋...唔錯..不過唔太夠熱..有冬菇...底下仲有蟹腳蟹柳...係香港黎講算係咁...再講講個飯~~~~~~~~~又真係幾好味..D刺身..飯唔係幾掂....海膽佢寫明北海道直送,,,確係有淡淡甜味...魚子好多....三文魚好新鮮...一分錢一分貨..但諗起係日本食就真係覺得而家好唔抵~~自選刺身-赤貝, 三文魚, 吞拿魚定食同我一樣都係個D...但自選三文魚好厚切....吞拿魚肥美入口即溶,,赤貝好新鮮但少左D囉~~~~整體黎講係香港都食得過既....埋單食左4舊水...D刺身確係新鮮但D飯真係要改善一下...感覺上唔似珍珠米..或者係唔係靚既珍珠米...不過都絕對可以頂住引先~~…Read More

附近一間元朗出名既越南店執笠,,,呢邊箱即開一間越南店..其實都幾有頭腦, 起碼呢一帶越式野佢係獨市,,當間大約七點未滿座, 但過多十分鐘左右已經要等位~~先送上鳳爪, 份量適中...味道唔錯唔會過辣又或太酸.一上枱比個碗嚇一嚇....粉份量極多....蘿白可以再入味D...牛栢葉太少了, 牛丸牛肉不錯..只可惜湯底真係唔吸執左個間好...要好好改進~~~將D肉打碎左...仲淨一塊菠蘿比你食..唔錯唔錯~~~如果唔係跟餐就唔抵食其實係我自己飲唔慣..下次都係叫番普通檸水~~遲遲都未黎既炸蝦餅...唔知係咪人流太多佢地又未運作得順暢..等左好耐...終於黎到..但係好薄得個幾塊...重點係太多油~~~~~~~~~~~~~~~~~多油到油浸街咁滯~~失敗!!而家閒閒地食餐飯2個人都要二百幾蚊落樓..真係好貴...除非好想食如果唔係都唔會再黎...最重要係一定要改善下個湯頭~~…Read More

約一星期前訂位...因為節日關係要傳入$400訂金而我在電話上已預訂一條我夢未以求想食好耐既喜之次,,另訂一隻大扇貝.七點正去到ORDER左BAR枱, 可以睇師傅廚藝亦可以同師傅交流~~~由於燒魚需時要40分鐘所以揀好SIZE後就即刻燒.先送上前菜,,,,好清新..但係唔記得左叫咩名好好味...好香一D都唔"SO", 鹽唔會太多...好多時食LEE D串燒塊牛舌好鬼厚同勁多鹽好鹹..LEE到真係燒得好出色.一隻2個人食...加上冬菇同佢地自家既上湯...好味...只係覺得牛油味重左少少..因為我麻麻地牛油...佢係燒到半熟壯態有少少微暖..夠特別又保存到鮮味.燒雞腎,,,好爽唔錯...遲遲到未食得條喜之次...不如叫個沙律食下...有3款選擇,,,其中一款牛油果我係唔食...點知待應話推介牛油果..點解呢因為係北海道運黎...味道特別唔同...個個食客都讚...我聽見咁自己又心思思..所以我話就牛油果..不過我唔食GA..但你講到咁我都想叫黎試下..點知........好味到呢..我自從係澳洲食過覺得好青唔好食之後都冇再食過..今次係我第二次食..真係唔同D...激讚...好香牛油味同埋好淋身...好清新好香..加埋D蔬菜食一流...好彩有試下...睇黎要去北海道一轉愛牛者一定鐘意食...五成熟...肉汁多到流出黎....要做到咁真係好考師傅都好食但冇咩特別.....終於出場~~~~~~~~~真係好開心...第一次食亦都期望左好耐...細SIZE大約$1300, 待應好好解譯一番好詳細..原來係黎自北海道深海...仲教我地應該點食..仲同我地影相..真係好服務~~初初食背部覺得冇咩等別味道亦較淡..但再食落去..真係如待應咁講好多魚油..好香...好好味呀~~~~~絕對冇失望~~唔知係咪生於深海所以佢地特別多油..尤其係個腩位~~經過我地完全地拆骨之後變左咁....真係成碟油....再食埋D配菜清清口腔...GOOD~~~~~食材真係好新鮮...味道好特別佢地自家制第二到應該食唔到今晚真係好滿足...終於食到...希望去北海道再食過....唔知味道會唔會唔同呢???元朗真係越黎越多LEE D中上價食店...但最緊要係質素好...辛勞左成年點都要慰勞下自己...搵得黎洗得去..出年又要再努力~~~~~~~…Read More

每次去流浮山都只係識食海鮮...有一日係網上見到LEE間小白屋...決定節日時刻一定要試試...本身想BOOK早段但平安夜相公冇得收早唯有BOOK8:00, 上網睇定點黎做晒功課...同之前一樣泊出面迴旋處停車場..跟住行入去其實唔難搵~~但條路有D黑...小心就OK.BOOK左8:00..我地早左到..大約7:40就入座...其實我係BOOK左窗口位..可能前個轉既人都未走所以我都冇出聲話要坐窗口位...當然之後都冇轉位...坐左靠牆邊...個景係幾靚..如果黃昏黎到應該會仲正一入去...覺得個鼻好辛苦..因為陣香味實在太濃太濃..濃到不得之了....事後我D衫..袋..電話要幾日先散到陣味...其實有冇諗過鼻敏感人士呢???今晚係食指定SET只要選好主菜就可以...大約7:50送上第一道菜式....生果非常之新鮮.....蔬菜都一流..只係太少....同埋請問煙三文魚去左邊呢??飲得出係真材實料...味道唔錯~~飲到尾聲有粒粒細薯蓉等左好耐...終於有得食....我地另加珍寶帶子...絕對係唔珍寶同埋煎得耐左少少..入面有D老係勁等既情況之下終於有頭盤食...就係大蝦配雲吞...雲吞我真係唔識欣賞...好漏~~~~~~~~~~食左佢都飽左幾成...大蝦又確係唔錯...好爽口仲有好多膏好香~~無無聊聊越坐越凍..唯有叫杯餐飲先...普普通通係多次三催四請之下..終於有得食主菜...已經係9:15既事..真係火起!!!!!!!!!!點知食落好好食..外脆內軟...三文魚味好香...加埋芥苿醬真係唔錯...再等多2個字約9:25送上另一個主菜...又係好好味..但心情就真係唔多好囉.....最後再食埋個甜品...已經係9:45....味道好好..睇得出廚司好有心機整...埋單時大隻仔比左個9折我地..因為我地真係等得太耐...坐係到呆等凍到要著外套...就算環境幾好幾令都會悶GA...我發覺所有菜式都係一次過上...我以為係慳火喉..點知大隻仔話佢地得一個廚司係台灣過黎....好用心做...要一次過出..我話我都估到係一個廚司...但你一次出都要顧及下其他食客...我真係呆等到火都黎.但平安夜又唔想因為咁而影響心情...最衰係其實D野又真係幾好食....希望佢地LEE方面會有D改善...如果唔計時間食左三個鐘既西餐..其實環境同食物真係唔錯...LEE D環境係香港應該好少有..就算有都會係勁貴個隻....如果唔係咁我一定會再黎..但今次慢成咁我真係要再考慮~~…Read More

喜慶日子當然要同朋友食餐飯...可惜電話打極都冇人聽..留左言又冇人覆..到有人聽時又叫我等等跟住cut左線..想點??最後都比我成功打到....仲要成日提住食6:00就要8:15交枱...真係好怕lee d分時段既餐廳, 不過多年前係尖沙咀食過好食好有feel...所以今次試下間近少少...一樣有live band講歌.我地一行六人..安排我地坐u型卡位...好舒服..只可惜太黑暗..好眼訓~~~~~~~~~~~~~算幾好食...有2款醬...農夫包鬆化少少仲會好食d本身係3-4人份量..但我地5個大人都可以有2碗..味道唔錯...料算多..辣度適中其實應該好好食..但唔知點解咁鹹..配上酸菜仲鹹~~~~~~~~~~直頭係失敗..唔知仲乜事...鹹到呢...係食到成粒鹽係到....西餐自問唔係話食得多...但食扒真係第一次食到咁鹹同咁多鹽!!!!..可能係我唔識野掛 味道唔夠香..皮亦唔算好脆...有少少失望..係份量好多...要帶走番屋企煲粥又係鹹到唔知想點!!!點解????邊食邊飲水...係勁飲水成餐飯都諗起個鹹字.....食到一大半我地已經覺得渴要飲水....味精重..鹽多!!!!!唔洗佢地趕..我地自動食到8:15走人....唔會再有下次!!!…Read More

今日公司放早..一早就BOOK左天聚源..又想食海鮮又未去過藍地大街又見有得泊車所以就去食...真係第一次去...到達後有人會上車帶去泊車地方..其實唔遠不過要佢帶路先得. 我地大約六點半到達...入面原來好大..經過室內後再到室外...再行仲有室內..我地就係坐個到..我地二人坐..卡位非常闊很舒服~~~又有電視機,,待應服務又好..唔錯~~經待應介紹下點了二人套餐...有菜, 有半隻雞, 有什錦海鮮..牆上有說明蒸時間唔怕蒸過火.另外我地揀左粥底係皮蛋瘦肉..其實你可以唔揀但就淡D囉沙律唔錯..蔬菜新鮮...D粟米好甜~帶子好鮮味...蟹雖然細隻但都多肉...我完全冇點任何醬汁...食原味係最好食.D雞超滑..真係唔知點解...確係有半隻...我地好似蒸左七分鐘...雞滑之餘仲有好香雞味唔知係咪新鮮雞~~一人一隻....超大蜆..好鮮味又有海水味..鮮到邊食邊讚蝦非常之彈牙....有2款唔同既蜆..食得出分別因為鮮味唔同...有肉又有菜...再加2隻鮑魚..係仲郁.........好新鮮~~~又再加牛肋肉..本身覺得好怪..冇LALA叫碟肉去清蒸....點知又幾好味WOO~~~~~~~~~好香牛香味..又唔UN...跟佢地蒸既時間岩岩好..但中間有舊骨個舊要再蒸耐D又係估唔到咁好味..送啤酒一流~~~~~其實偏鹹左少少...但咁先好味...加上都好厚切..又唔會有陣SO味最後食埋個粥底..不過有少少失望....唔係想像中諗咁鮮囉...如果唔係揀左粥底我估會仲淡...我估係因為太多倒汗水...D海鮮汁根本就唔夠咁大煲粥用...我地留左D蜆仔送粥..咁食法可以帶起D粥味冇咁淡...GODO~~整體黎講係超出預算咁好..環境..服務..食物..各樣都唔錯..下次一大班人黎再食過..今晚冬至餐好滿足~~~~~~~…Read More

元朗拉麵店有好...差唔多每一間都試過...位於一條巷仔LEE個舖位已經轉左好多手....今次到LEE間山下拉麵...鐘意食日本野既我點可以唔試呢???舖頭細細應該只可以坐到十人左右裝修簡單但有日式風味...只有一位師傅所以等候時間亦都比較耐.相公既叉燒拉麵....湯底小辣唔會太搶...叉燒份量適中但好薄....味道唔錯同相公個碗既分別係叉燒比較少湯底唔同仲有多左2隻味噌溏心蛋..先講湯底其實黑蒜味唔多夠同埋偏油....拉麵直頭係失望..比較硬有D似硬身既公仔麵..完全唔係我杯茶...不過佢隻溏心蛋係我係元朗食拉麵當中最好味GA...味噌味唔會好鹹令到蛋白面頭有陣陣味噌香味...蛋黃好溏心...好香蛋味應該係日本蛋..估唔到咁出色..令我好驚喜本身唔想再黎...但比佢隻蛋令到我會有下次!!!!新鮮煎所以熱辣辣..但現成貨色冇咩特別...不過不失.其實以咁既價錢黎講算叫好好...佢D湯改善下冇咁油...麵唔好再用LEE隻咁應該仲會好好多...溏心蛋唔洗講..簡直係一絕~~~~~拍得上我係日本食拉麵既溏心蛋...最重要係佢唔係就咁溏心蛋係浸過味噌既溏心蛋~~…Read More

第一次去YOHO MALL食野就揀左純壽司, 一來我愛日本野食二來感覺環境唔錯...大約6:45到, 人流不多可即入座,,,還編排我們到窗邊自成一閣.感覺上跟峰壽司差不多..用IPAD落單, 款式亦八成似, 但這裏的小食款和其他款都跟峰壽司差得遠.真的很對版, 很迷你,,刺身款式多夠新鮮我每次食壽司都必點...除了紫菜夠爽...其實跟平價迴轉壽司分別的不大.份量多但味道不夠濃...即叫即做..估不到不是表面化...食到底都有料~~~仍然都係新鮮為主....味道不錯但其實價錢都唔平...對我地係不飽肚的..但已吃了差不多二百元..款式又不多所以都是決定走了…Read More

其實都開左一陣子, 今日決定試試...可能我地太早時間大約七點..得2枱人...到我地走都係得5枱人...又或者LEE到係樓上舖所以人流唔多~~服務好好...茶味香濃唔似普通酒樓淡淡的..先送上花生及青瓜, 邊食邊睇餐牌~~味道唔錯..份量一d都唔少...肉質不會太實..但唔知點解食完其他送再食肴肉會覺鹹左!!比想像中差...其實料好足...仲有幾粒蝦仁, 但味道硬係唔夠好味..唔夠辣同唔夠辣..其又係奇怪....明明唔夠辣但越飲係會越辣...只係唔夠酸同稀左少少~~四粒大大粒...出晒煙好熱..等一陣...篤開個窿...D湯流到成碗都係....再加醋飲..一流~~~~~~~~~~~~~豬肉味好鮮甜....的確係好好食..好想再點..不過2個人實在又太飽了~辣味OK...我欣賞上面D生蒜...雲吞大大粒, 只係有點偏鹹~估唔到咁好味...份量好多..牛肉起碼有十多片...底下有大量芽菜..薯粉..蒜頭..雲耳..芹菜等等...最好味係麻辣味好香又夠麻...真係有d驚喜...下次再食!!每人$150蚊..其實以食上海菜黎講一D都唔算貴..加上服務好好....經理仲介紹我地下次多人可以食片皮鴨...仲有其他小籠包...…Read More