Missy_Foodie's Profile

晏晝一個人諗住食清啲，去咗海怡半島間元氣。坐低叫咗個$75嘅lunch set。呢個價錢都算合理。我不嬲都唔太喜歡食青瓜，所以就叫我員工唔好落任何青瓜落個set。點知嘢食一嚟到，真係有啲過分。首先係個蟹子沙律前菜。咦？ 沙律醬呢？仲要係蟹子同蟹子要自己動手去撈！之後係main set。亦唔見得比前菜好。你睇吓啲壽司嘅賣相一啲都唔吸引。明明餐牌show左三件炸雞，點知嚟到得兩件。快快脆脆食完就埋單啦。加一之後$82.50。咁失望幾個晏晝餐，我應該唔會短期內再幫襯。…Read More

琴晚放工後一個人係中環逛左陣，經過間燒臘店就決定入去簡單食一餐。睇嚟呢間嘅主打係乳豬，所以就叫咗碟乳豬三寶。乳豬三寶梗係有乳豬啦，仲有切雞同埋叉燒。仲送例湯，$75喺中環來講唔算太貴。份量唔少，嘢食質素都不過不失，略覺得啲飯有啲”淋”。下次經過又想食燒味嘅話我會再幫襯。…Read More

之前經過銅鑼灣希慎見過茶狼的pop up store,但一直未有機會試。今日經過灣仔利東街竟然見到，點都要入去買返一杯試吓。裏面有幾張枱可以坐下同朋友傾計，亦可以企出面望下利東街既精美佈置。話明係茶狼，當然有唔少茶嘅選擇啦!我選咗佢哋嘅top1水果四季春。茶香之如，水果亦都新鮮。杯內有🍊🍏🍎🍓🍉🍋仲有百香果同青檸。😋😋最後見到有賣蛋糕，都好吸引。但當時唔係好食得落，唯有下次再來買啦。又多個藉口比自己再幫襯茶狼😀😀…Read More

上星期約咗舊同事食飯。難得可以約到，想搵一個坐得舒服啲、可以傾耐啲計嘅地方，同事就揀咗呢度。入到去氣氛好好。打開餐牌見佢哋嘅其中主打係鰻魚飯，點都要叫來一試。我可以話係香港未試過咁好味嘅鰻魚飯！ 呢碗鰻魚飯同我喺名古屋試過嘅真係差唔多！佢仲可以（1）淨係咁食或者(2)加埋配菜又或者（3）變成茶漬飯！一個價錢三個食法，好物超所值。除咗鰻魚飯之外我哋仲叫咗個軟殼蟹卷。都一樣唔錯。兩個人兩個菜，已經好夠飽。呢個晚餐好滿足！…Read More