kit_harley's Profile

若果一間日本餐廳的餐牌不是有太多選擇，理應相當有水準，而這間為處於鰂魚涌的日本餐廳卻意料之外。以接近$200的一個午餐真的不是物有所值。油甘魚油脂滿滿在我而言只是正常的水準，但是食落的口感及味道而且又細細嚿，完全不值這個價位。當然從相片中也知道這個份量🤦🏻‍♂️。沙律份量不少，但是醬汁的味道偏酸，並沒有日式沙律的感覺。冇記錯應該是味噌湯，味道也略為偏鹹。只能說這個價錢在中上環區或者銅鑼灣會有更好的選擇。…Read More

依家冰室開到成行成市，與一般茶餐廳分別在食物選擇唔算多但勝在夠專門，這家「樓下冰室」就主打自家熬煮無味精番茄濃湯。唔好睇小呢間「樓下冰室」，其實早在荃灣已經打響名堂，無論咩鐘數都有好多人喺門口排隊。【蕃茄濃湯通粉】話明專門店，咁緊係一定要試佢地既招牌菜啦，由4個品種的新鮮番茄做成的番茄蓉，加入以雞骨、豬骨日日新鮮熬製的湯底，蕃茄湯好濃，多蕃茄粒，食落微酸，另外配有炒滑蛋，超級正呀。【下午茶瑞士汁雞髀配薯角】雞髀肉質勁嫩滑，瑞士汁好入味，唔太甜，另外，瑞士雞髀其實係可以叫店員斬件上，食起上黎就會方便好多。…Read More

沾麵一向於香港未算普遍，難得喺網上見到喺奧海城一個foodcourt內開了間#高橋つけ麺製作所，當然要去試一番是否有🇯🇵風想念下家鄉。沾麵比較粗身容易掛湯，再將麵條沾落有大量濃郁又帶有龍蝦味的湯汁，而且這處的湯較杰身，食起嚟相當濃味，龍蝦湯底內裡一粒粒彈牙既龍蝦肉&豚肉；叉燒邊位置燒得微焦而且沒有太多脂肪不會太油膩， 另外加上糖心蛋&紫菜&荀片，一個做足基本配料而又爽口的沾麵便形成。湯底濃郁但龍蝦肉比較細及小，初嘗一試，與預期有點落差，但以價錢來講還可以。…Read More

IKEA喺最近使出一浪接一浪的榴槤甜品攻勢，熱潮繼續席捲全線分店，今次第三輪係食到D197貓山皇榴槤燕麥奶新地～D197 貓山皇榴槤氣味濃烈伴上幼滑燕麥奶後更提昇香氣，一啖一啖咁令人愛不釋手。新地更附上嫩滑的D197貓山皇榴槤果肉，冰涼配搭堪稱齒頰留香，還可以以一次性想一次享用$13 追加榴槤肉一份，滿滿果肉的滋味令人一試難忘。真係學IKEA個廣告話齋，依然想試下係咪真貨，唔使嘥1000萬嘅，只要嚟IKEA美食站用$29，就可以驗到！冇錯！呢個「D197貓山皇榴槤燕麥奶新地」，只需要$29。PS：其實在乘搭長電梯上去IKEA的途中，已經聞到陣陣的榴槤香從美食站裏面的店舖湧出來。你又係咪榴槤控，快啲把握埋最後第四輪啦！…Read More

許留山外又一間芒果主題店 皇冠（呂宋芒）專門店。香甜多汁嘅芒果係唔少人嘅最愛，芒果甜品就更加受歡迎。呢間主打菲律賓自家果園直送呂宋芒嘅專門店，喺早2年到荃灣開第一間有堂食座位嘅概念店，唔單止繼續供應芒果同一系列好啱Grab & Go嘅芒果甜品，仲有最新推出可以邊行邊食嘅芒果糯米飯綿綿冰、飲品同新地！今次試了杯芒果布甸爽不論味道、價錢、甜度都幾近是許留山的翻版。確實是有濃郁的芒果味但係都有一定的甜度，此外布甸的味道較為失色，有點似酒樓的那種只是多了一種果肉。在台式飲品等各類充斥着市面的情況下，以這個價錢的話難禁會令人想像這間店舖會步許留山的後塵。…Read More

相信於屯門出沒的朋友都認識被譽為「屯門名物」的——— 「雲川」！雲川共有兩間店分別位於盈豐商場及虹橋(總店)。餐牌跟一般米線店無異，湯底分豬骨、鮮魚、酸辣、麻辣及拌麵，不管吃不吃辣，都有選擇，可配米線或紅薯粉，配料超過20款，其中香茅豬扒、豬頸肉等為雲川招牌。湯底色澤偏淡，不會紅彤彤，亦未見大量油光，入口微辣帶酸，完全不麻不鹹，算是比較溫和。香茅豬扒切開共5件咬落去唔會乾之餘仲有濃郁的香茅味，果然係必試招牌之一。雲川的性價比確實挺高，難怪無論平日或者假日兩間分店都滿滿人龍。…Read More

位於旺角的「大勝丼」，一向是大排長龍的💛之一，而且最出名係「一嚿水」有找的魚生飯。最怕排隊的我之前來過總見到人頭湧湧便放棄離去，所以一直都尚未幫襯。今日適逢早收工，約18:15有最後一個位置俾我可以一嘗味道。店內除了供應特定丼飯外，還有名物「大勝自選丼」，可以選擇自己喜歡的刺身，然後自選醋飯和其他食物組成自己心愛的丼飯。刺身種類也很多，包括「劍魚腩」，「北寄貝」，「八爪魚」，「帆立貝」，「吞拿魚」，「生蠔」，「海膽」，以至「磯燒鮑魚」都可以選擇，實在豐儉由人。丼飯用上了一個較淺的盒子盛載，至於刺身片也大致蓋滿了飯的表面，擺盤也可以。畢竟只選了三款食物，所以好難有爆丼的感覺三款刺身分別為油甘魚、牡丹蝦及三文魚籽。油甘魚是厚切的，口感柔軟細滑，油分多；牡丹蝦也不細但爽口，只是未有特別鮮的感覺，以$68來說略貴；三文魚籽雖然只有20g，但係都能夠鋪滿大大半丼飯。跟餐還有一碗的日式味噌湯，還是熱辣辣的，中間加入了日式油揚，喝下不太咸，又正好解渴。大勝丼的整體質素中上，但睇埋地段及價錢卻相當實惠。以這價錢來計，是親民的，近似日式平民食堂那種，來個輕鬆丼飯的話而不怕排隊的話這間可以再來。最後埋單還有88折。總價為$125，至衰我點了牡丹蝦令到過了一嚿水😅。…Read More

日本炸牛排專門店「牛カツ京都勝牛」主打各個部位的吉列牛，選用美國及紐澳牛肉，配搭自家調配粉漿高溫快炸60秒。招牌吉列牛外層金黃酥脆，牛肉鮮嫩多汁，套餐可以一次品嚐炸翼板、厚切菲力及薄片醬味牛。喺日本食過翻尋味，可惜….重點來啦！這裏是香港，首先講營運問題，1）入座限時一小時，但由點餐至上檯追了又追後38分鐘才送到2）外層依舊酥脆，肉質也維持約三成，但毫無肉味3）有喺日本食過都會知SIZE真係差了一點4）價格定位以一貫披著日本名物之名，普通一個元祖牛排餐也已經$168還未計加一。食過就算，等通關再去日本食過。人人口味唔同，但終對不值。最好笑係話香港店特別備有燒爐比你輕輕燒5-10秒更香口。咁同去食石燒牛有什麼分別、不是原著食法。又係披著日本名物之名來賺錢…Read More

德發粥品專家係一間老派廣東粥舖，生滾粥、熟料粥、油器、糕點、糖水都有。呢一類傳統老店喺香港粥舖真係買少見少絕對有保留嘅價值，而且足料高質夠懷舊仲要24小時營業，以往也是附近一眾夜班醫護人員宵夜之選。碎牛粥碎牛一啲都唔吝嗇抵到爛，食到最後都包你啖啖係肉，粥底味道唔會太鹹。腸粉最喜歡堂食係因為每枱都有芝麻、甜醬、麻醬、辣醬同豉油任你自己加，加到滿晒都得。重點來，咁樣食到飽嘅早餐都只係$24炸，係金拱門都只係買到一個又細又唔飽嘅包炸！…Read More

早前2022年《香港澳門米芝蓮指南》正式 宣布了，其中「必比登推介」中有間開業25年的紅磡小店「滿堂樂」係我已經光顧過不少次，真係估唔到呢個小店會榮獲此名。滿堂樂老闆說受晚市禁堂食困擾，加上不少公司推在家工作，生意受挫，希望「米芝連」可以幫到佢撐過疫情。滿堂樂的招牌粢飯屬即叫即做，酸辣湯與鹹豆漿亦都大受歡迎。好食嘅粢飯真係買少見少，呢度仲要$23就有大過拳頭嘅粢飯；鹹豆漿因為口味問題我就無試過；酸辣湯係經老闆改良，帶蕃茄味道，因為我上次拔到食1/3個蕃茄，所以越食越開胃。日前喺《米芝蓮》推出後，再次經過店舖外，人龍經常排到長長，老闆包粢飯真係無停過手😆😆…Read More

新華茶餐廳係一間傳統舊式的茶餐廳，坐位都是窄窄的，而且仲有閣仔雅座，必有一番風味呀！茶餐廳點餐一定要快，也不可以猶豫，還好目標一致，很快就點好餐了，一來便即刻點了新鮮出爐的蛋撻。蛋撻酥皮略厚，隱約看到酥皮的層次，色澤頗金黃，幾有酥皮香，吃落有種化開的感覺，口感也豐富。 蛋心：蛋香突出，甜得來不膩，夠滑，蛋漿濃稠度恰到好處。份量多，很大件，有滿足感。另外都點了一個特餐 。凍奶茶先上場～ 香淳濃滑的奶茶通常係熱嘅，但係今次呢杯凍奶茶卻飲到奶香而不會搶去茶味，味道平衡得剛好，放耐咗也不會比溶化的冰塊溝淡奶茶的味道，這杯奶茶絕對喜出望外。👍🏻👍🏻然後就到特餐的主食沙嗲牛肉麵，呢個絕對係最令我意想不到嘅美味的沙嗲牛肉！可能因為無期望便沒有失望，正當我以為只會同一啲普通嘅快餐店一樣用「嗱」到肉質散亂的牛肉，點知🤭沙爹絕對不是一味死鹹死辣死糊, 沙爹醬不會過量, 差不多能夠把每件牛肉包裹着, 食嘅時候，沙嗲醬濃郁而帶花生香，微辣鹹香，牛肉嫩滑的，吃得到有花生香氣，牛肉是有少許被「嗱」過的滑質地，但竟能吃得出牛肉的鮮味來, 沙爹味道也沒有把肉鮮味道掩蓋, 那肉鮮味是根本不能夠用人工方法去偽造出來，鹹與辣都來得融洽。火腿奄列的份量也不少呀～ 奄列蛋香十足，奄列煎得香香，而且黃澄澄的蛋漿其蛋黃香氣會在口腔內盤旋。火腿絲切得幼細, 條條長度寬度是差不多一樣。總結：雖然依度以蛋撻文明，但係蛋撻相比幾店之隔的金園茶餐廳確實稍為遜色，但係沙嗲牛肉麵卻成為這次光顧這間茶餐廳的主食。…Read More

窮人恩物車仔麵檔喺香港已經所剩無幾，喺荃灣好多人只係認識「榮安」，其實我有一間同樣食咗多年嘅車仔麵都喺荃灣，而呢間位於大窩口McDonald’s後邊既「富貴小食」可謂平絕荃灣。店內面積不足二十尺，所有顧客都要露天進膳，夏天絕對食到出汗，冬天可以食到暖，老闆娘顧客至上，人情味濃，朝七晚十二營業，無論返工放工都佢同你一齊，門口掛著白底紅字廿二款麵餸。由中學到現在20年吃慣這些地踎小食，食的不只是味道，還有回憶，而且細個食嘅時候，成日都會諗起周星馳電影「食神」啲對白🤣🤣🤣門口向老闆娘講：「米線、豬紅、蘿蔔、蝦條，要辣，幾錢？」老闆娘：「$28」喺現今那百貨通漲環境下仍擠出來的價廉物美，更何況這是既平又好的一餐。試想晚上政府禁堂食，只能拿着外賣與公園的座椅上爬吓一兩啖飯，現在簡單美味又未嘗不可。豬紅非常入味夠腍、蘿蔔揀過無渣夠腍又不會太生，平時仲會叫埋煎釀紅腸可惜今日賣晒。雖然簡單再滾兩滾，但係辣汁仍然好入味。…Read More

「Fish & Chick 」主打的炸魚薯條，提供每日從香港本地漁市場新鮮運來的鱸魚、盲曹、鯛魚、左口魚，無論揀咩魚都係即叫即炸。「Fish & Chick 」堅尼地城舖以海洋色為主題，店鋪係半開放，小店得幾張台！今次難得有位一於喺度lunch chill下。今日揀選咗鱸魚，食得出佢地炸漿薄脆，魚肉豐盈多汁！又厚又大件，真係成隻手掌咁大呀！肉質紮實又唔嚡口，炸皮香口鬆脆，無雪味，而最重要係一啲都唔腥。至於薯條夠晒長又夠粗，自己落少少鹽調味，薯味濃郁！…Read More

咖哩魚蛋、魚肉燒賣係掃街廉價小食之選都會有高質或低劣(如龍x⋯⋯)。就如葵芳巴士總站都有數間小食店，不過講到最具人氣，其實都是隱藏在後巷細細間小食店「強記小食」，放學放工繁忙時間人流高峰亦釀成小店排出人龍！小店本身樸素無任何多餘的裝修，卻製作出本土風味小食，非常地道，食過都大讚其辣汁香辣有層次，經歷超過十多年味道也如一。出品相貌平庸 ，不過就憑著特色甜辣醬汁有畫龍點睛之效。魷魚、生腸辛辣味道的彈口魷魚有嚼勁，香濃咖喱汁混入辣度極週的指天椒粒，奇味無比。最吸引嘅必定係魚彈結實而富咬口既陳皮魚蛋。…Read More

MILK TOP牛奶布甸就試得多，牛奶軟雪糕又有幾多人試過呢？MILK TOP軟雪糕的原材料有接近百份之70是牛奶, 而且是自家由北海道進口之北海道牛奶, 香濃奶味不用再多說; MILK TOP之軟雪糕不添加香料, 食出最原始之北海道牧場牛奶軟雪糕味道。試下這款北海道原始風味的牛奶軟雪糕!北海道函館3.7鮮牛奶 - 軟雪糕…Read More