dudduddud's Profile

說來慚愧，大渣哥開咗咁耐都係第一次幫襯🥲今日難得出銅鑼灣，唔去食真係冇理由😤坐低望個Menu，毫無懸念，焗豬扒飯😂唔知有冇人同我一樣，not a big fan，但久唔久就會想食。等咗一陣，新鮮熱辣登場👏🏻👏🏻👏🏻賣相10分，最驚d焗飯嘅芝士得一篤，大渣哥呢個係平均分怖，亦都偏多，正👍🏻菠蘿用新鮮菠蘿係基本啦，但其實多數餐廳都用罐頭🥴，新鮮菠蘿先可以幫個焗飯中和油膩同減低食個個人既罪惡感，平均三至五啖飯，就食一粒菠蘿，我真係好滿意😊😊個飯仲有嘢一樣好重要嘅嘢，係細💛。豬扒切好，size係啱啱好一啖既size，而且好鬆軟，又焗得香口，啖啖肉都有肉汁架🤤🤤總括而言，呢個焗豬扒飯絕對係出色，填飽生理亦填滿心靈滿足。願渣哥能一直保持高水準，加油💪🏻…Read More

今日同男友喺大坑食完晚飯，諗起有間糖水舖喺天后，之前食過，但男友未，決定前行再食。特別要讚，甜品款式極多，中台西日有齊，之前食過熱既芋圓係正嘅，但晚餐食完個冬陰功湯粉，都係想食返啲涼浸浸嘅甜品，所以揀咗雀目牌蛋糕配雜果雪糕，貪佢夠多雪糕，開心😊不過啲食物都係切出嚟放上碟，一定係好食架啦，擺盤又七彩繽紛，所以好推薦👍🏻👍🏻如果想試真店家手勢，強烈推薦蛋白拼抹茶厥餅蜜紅豆，呢個真係好好味🥰三樣嘢單獨食都好正，味道全部都係主角材料，我同男友都讚不絕口，絕對可以再encore💋💋💋…Read More

工作關係，第一次去石門，去一個未去過既地方，最期待就梗係lunch個餐🤤同事介紹入麵呢間餐廳，佢話佢經常食，口水汁撈麵最為推介，本來我就嗜辣，又愛麵食，聽到佢嘅推介，自然不能抗拒😍打開蓋，過份平實既樣令我降低左個期待，撈勻後，賣相已可觀十倍，流口水啦🤤一擺入口，佢除左有咸香辛外，重有些少甜，呢個汁係出面食唔到，較得岩岩好，一啖接一啖，極上癮，重有個雞翼，我又好鍾意😍炸得酥脆，毫無油溢味，而且連外賣都有青瓜甘筍薯仔等配菜作伴，好耐無食過d咁有心既餐廳🥲一餐滿足口腹＋心靈之慾，只需要$33.5，係我無寫錯你無睇錯，只係$33.5，秘訣係下午茶餐+叫外賣（9折）就係呢個價啦😊…Read More

之前男友同家人食過小糖鈕嘅甜品，擺盤靚味道好，一直都諗住會再幫襯，咁啱我哋想睇嘅戲尖沙咀有場，決定睇戲之前去食個lunch😊唔使睇餐牌，已經一早決定食海南雞飯，因為最多好評😂。但坦白講，今次令我驚豔既，係男友個喇沙炆羊後膝😍先講海南雞飯，會有個中湯，＋$1可以配是日花茶，我個日係檸檬薏米水，超好飲，呢啲天氣簡直消暑👍🏻，而且係勁抵，出面凍飲至少加兩蚊啦，仲有個中湯好誇張，冇期望下，佢竟然攞咗碗椰子煲雞腳俾我，仲要係好清好飲有椰子味，crazy，睇相好似唔滿一碗咁，係因為我已經飲左一半🤣相反個海南雞飯可能我好大期望啦，我又覺得中規中矩，但$80海南雞飯+椰子雞腳湯+檸檬薏米水+甜品，呢個價真係好值👍🏻男友嗰個飯冇影相，因為我本來唔食羊，冇諗住寫，但見佢食得咁滋味，我就想試吓，第一站係汁＋飯，ok喎，唔so，而且個汁有少少辣，我勁鍾意😍，試吓個蘿蔔，正呀喂🤣，最後連羊肉都試埋，結論係，呢個冷真係好正，由汁到飯，配菜到羊肉，都比我同男友清乾淨，呢隻羊膝啖啖肉，食到我兩個超飽，完全滿足到食慾。入餐廳時間係晏晝兩點鬆啲，冇乜人，希望可以有多啲人支持呢啲高品質嘅小店，絕對值得支持👍🏻…Read More

店舖好細，但都好多人願意等，因為真係好好味🥰每樣食材都好新鮮，會推薦帆立貝同赤海蝦，性價比高，係一擺落口會有幸福嘅感覺💛💛仲想推介鰻魚手卷同蟹子軍艦，雖然好似好普通，但我真係覺得好好食😂，仲叫多咗round，其實大集團同呢啲小店真係冇得比，嗰種order完師傅係你面前整既感覺好好👍🏻…Read More

一直都好鍾意食韓國嘢，不過男朋友麻麻地，呢間係新都城都算係新開，裝修幾靚有黃店，佢就肯陪我食啦😊Lunch time簡簡單單食個豆腐泡菜湯飯，一向都好鍾意呢個菜，凍冰冰食完就暖笠笠，而且上枱時聽到湯好滾嘅聲，就有種好治癒既感覺🥰好濃味，好足料，送飯一流，一啖接一啖，好快就食晒成個餐，一定會再幫襯👍🏻…Read More

食飯時間經過厚福街都會見到大排長龍，今日12點去到，唔洗等可以即入✌️叫左4餸都好夠飽，我會推介甜蛋同火炙左口魚，碗壽司飯都有蛋印住鐵火堂，但同另外order嘅甜蛋完全唔同味， order嗰個好正，甜甜地又唔乾，好食👍🏻另外左口魚都幾肥，見到有油光，加埋豉油，撈埋壽司飯超正，下次食應該都會叫返呢兩個餸🥰…Read More

返屋企經過，見到門外大排長龍，一於過去湊下熱鬧，等咗10分鐘左右，已經可以入去坐啦😊😊我目標明確，天氣乾燥梗係食啲滋潤嘅糖水啦，所以揀咗木瓜燉雪耳，凍既❤️用匙羹臼第一羹，d糖水係杰杰地，會感覺充滿膠質，擺落口，果然冇令人失望，清甜滋潤解渴集於呢個木瓜燉雪耳，食完簡直係為一日畫上完美嘅句號。…Read More

第一次喺香港食馬拉嘢，本身唔係太好，但係見佢裝修吸引，價錢合理，又想試吓新野，就去食下啦我同男友各點左檳城福建蝦麵、仁噹牛肉撈麵、椰香珈央多士一齊食。先趁熱食個多士，非常香脆，男友好鍾意，而個多士嘅椰香珈央都勁足料，咬落去就bit晒出嚟，一碟有四舊，每一舊都係咁多料另外個蝦面個湯好好飲，陣陣蝦味，一d腥味都無，好鮮甜，我幾鍾意❤️另外一個仁噹牛肉撈麵我就麻麻，對我黎講個咖喱太濃味😅，又太多薯仔，真係食唔晒…Read More

去食呢間野，竟然係因為男朋友想食，好啦就去試吓啦，疫情下平日嘅晚飯時間都可以任揀位坐，唔駛等之下就試吓啦。但原來唔使等位但要等pancake，等成半粒鐘呀🤦🏻‍♀️🤦🏻‍♀️飲住杯野先，係芒果沙冰，好夠凍，連續飲幾啖，直情凍到頭痛😂，係好飲嘅，甜咗少少啦個pancake出場啦，食原味，擺落口，係唔錯喎。夠鬆軟而且熱辣辣，超飽肚。不過我本來麻麻哋pancake，而且雖然有三舊，但都真係有啲貴，加埋1要$200+…Read More

本身好鍾意食甜品同糖水，所以對於糖水舖有一定要求，食過好多間，係得小方糖呢一間會不斷再食同向人推薦今晚就揀咗芒果樂園，我唔知道芒果咩時候先係當造，但今晚食到嘅，係勁香甜，超好味呀真係，個奶凍又滑，加埋水晶珠，成碗好多唔同口感好多層次，我開始好掛住呢個芒果樂園啦…Read More

每次行過都會幫襯，今次行過唔係好肚餓，就揀左個light d既疏乎厘芝士蛋糕。返到屋企即刻開黎食，支叉拮落去，淋gg，擺落口，香甜濕潤，如果個甜味減少d，重好，anyway，食完滿足了…Read More

平時好少幫襯茶飲店，皆因年紀大左，傾向飲水或者無糖黑啡，但有時戚起條根就會好想好想飲奶蓋，今晚條根就戚起左啦望下menu，三秒時間就決定好啦，海鹽雲頂芒芒，呢個名直接聯想到好味好味好好味重有我想要既奶蓋，沒有不order的理由。首先試左個奶蓋先，又豐又綿，啖啖咸香，我滿足啦☺️個芒果茶都唔錯，果肉好甜哦，亦好解渴，我鍾意…Read More

今日同男朋友係尖沙咀食lunch，佢話有間野食辣既好抵，一去到，原來係小魚兒。記得以前食過烤魚dinner，係好食既，不過肺炎之後就好少食呢類野啦。坐低叫野食，俾個menu嚇親，咁平既😂，價錢大慨係$29-$33，我叫左個酸辣肥牛米線，男朋友叫口水雞飯，嘢食嚟到，再次嚇親，咁足料嘅😂😂今時今日，尖沙咀我可以用$29食一個好好好好味嘅酸辣肥牛米線，肥牛鋪滿面，多到我要俾啲男朋友，好好奇，佢哋賺咩呢😅…Read More

今晚同姐夫慶祝生日，行勻新都城一、二、三期，都係呢個拿破崙最靚，亦都有信心係最好食。首先食粒芒果，超甜呀💛，而細心睇吉士cream，入面有一粒粒嘅雲呢拿籽，證明足料，呢個size夠8個人分，會再幫襯😊…Read More