joseph_lau的個人專頁

終於搵到間長期飯堂，平時唔寫乜野食評，但呢間真心好食，好有屋企食飯既味道，唔覺有味精，味道好好，價錢適中（應該用平黎形容），份量適中，老板娘好好人，好值得推薦。琴日食左個牛尾牛腩飯，牛腩同牛尾都好入味同好淋， 之前試過蝦仁炊飯，手撕雞同埋墨魚餅，都係值得推薦，但遺憾地我冇影底相，所以share 唔到。對於我呢D 唔想煩，唔駛再周圍煩惱每日食乜野lunch, 11點落定單，12點就攞得，每日食個靚飯，返工時間都特別容易過。…查看更多

約左友人去西營盤食飯, 唔係太熟. 諗唔到食乜野, 入左條內街,見到有間西餐. 最後決定衝左入去試下先黎左個湯, 好味, 但熱D 會好D原本叫左個拼盤, 等緊既時候個廚師行左出黎. 傾下傾下, 佢話試下個蟹肉春卷. 咁就係個拼盤度加埋落去.呢個真係好好食, D 雞翅好大隻, 水牛雞翅, 好入味. 正. 蟹肉春卷. , 好juice, 好夠熱, 唔覺流. 如果女仔食, 應該食4條就夠飽.叫左一個意粉同意大利飯. 個黑松露意大利飯. 好夠熱. D 飯一粒一粒咁分開. 雖然係creamy, 但唔會覺流, 有埋D 黑松露味就更開胃最後甜品食左個朱古力方塊, 好濃既朱古力, 但我朋友覺得濃到有D 苦. 我比較鐘意食苦既. 所以對我黎講就真係好正, 個底又夠脆另外推介枝啤梨酒, 又係好好飲. 但唔記得影相. 最後埋單, 原來匯豐信用卡有折, 埋單4百頭. D 野咁好食. 咁既價錢差唔多啦.估唔到靜英英既內街, 都有咁既質數. 如果遲D 有地鐵直到, 應該會成日黎. …查看更多