麻辣涼粉's Profile

星期六的晚上去到，發現很旺場，環境不錯。坐得舒服，氛圍也很好。食物看餐牌似乎不貴，但是上枱份量不多，要叫得比較多，四個人連甜品吃了11樣東西，剛剛飽的程度。人均消費三百多。不算便宜，已經沒有叫飲品，因為自己帶了酒，開瓶費收$100一支。如果有叫飲品一個人一定超過400。因為他的飲品也偏貴。食物味道不錯的，但不是驚艷的程度，屬於正常水平。青木瓜沙律真的比較細碟這個拼盤百多元，除開要超過$10一粒。燒魷魚也是過百元的，跟手掌差不多大。芒果糯米飯也只有半個芒果和兩個乒乓球大小的飯。…Read More

連續兩日都食咗百分百，琴日食下午茶，今日食早餐，鯉魚門廣場選擇唔係太多，先至揀佢。首先講咗下午茶先， 5:30入座，6:00先有得食，一個係魚柳餐，一個係焗豬扒飯，焗豬扒飯個盤好淺，得好少飯，豬扒就正常一件，份量都OK啦。魚柳餐份量係OK嘅，但係唔明點解要等咁耐。咖啡紅豆冰係+$9 ，就完全唔值得，只係一杯凍咖啡加咗少少紅豆，真係好少，正常紅豆冰嘅冰應該係碎冰先啱，佢就完全係同凍咖啡一樣大粒冰。到早餐，大家睇吓嗰塊豬扒，同隻雞蛋咁上下大，哈哈。佢啲奶茶咖啡都唔好飲嘅，檸檬茶就冇真檸檬。不過你話佢好差咩又唔係嘅，集團式，我估好多嘢都係半預製，味道有Standard，所以又唔會難食。呢間餐廳冷氣都幾凍㗎，同埋坐得唔算舒服，雖然座位算闊，不過好頂腳，張枱個櫃桶好頂腳，高嘅人坐得比較辛苦。…Read More

九龍灣德福開咗肉肉大米，長期都排晒隊，好在排隊都唔需要等好耐，人流都去得快。入到去全部都係圍住廚師嘅Bar枱，可以睇到煮食過程。主要有三款漢堡，原味，芝士，同埋牛油果。$140就有齊三款唔同嘅漢堡。店員全部都係年青人，你一坐低就會同你介紹食法：湯、飯、西蘭花都係可以添食，漢堡就你自己揀一件兩件定三件，雞蛋就每人都係一隻。枱面上邊就有水果水。我自己喜歡原味漢堡，加少少海鹽已經好好食。芝士漢堡好足料，煮嘅時候已經有芝士，店員仲會在你面前加上芝士碎。牛油果都比得好足，有牛油果醬之外再加上兩件新鮮牛油果。佢啲飯都好好食，個蜆湯又好飲，啲店員又Nice，絕對會再去。價錢都算合理。…Read More

食早餐我好鍾意食湯米粉，不過唔鍾意食粗身款，鍾意食幼身果隻。我問茶餐廳姐姐，米粉是粗的還是幼的，她以肯定的語氣回答說是幼的，但是結果是粗的，哈哈。粗身的米粉真的一點也不好吃。兩人都要了太陽蛋，太陽蛋OK不太油抵讚，應該是用模具令到佢圓形，所以沒有脆邊。多士是薄多士，牛油是人造牛油/植物牛油，不喜歡。用QR code 下單，多士都可以揀大火，很好。豬扒以前很大塊，現在細很多了。這家茶餐廳早餐的時間很多人，坐了在門口的小圓枱，坐得不太舒適。一定要讚他的奶茶，其實我也是因為他家奶茶是附近比較好飲的，所以來吃早餐。服務不錯的。…Read More

第一次去中環燒烤堂，想不到星期日的中環區竟然這麼好生意。餐廳裝修別致，有Bar枱位置，又有卡位。我地今次坐卡位，店員放低一個爐仔讓我們放串燒保温，又會放定檸檬連夾，服務很到位。食物質素高，特別推介1️⃣和牛捧，會連雞蛋和日本米飯，芝士碎一起上，拌勻吃超正。2️⃣三黃雞腿肉肉質結實，有雞味，雞皮燒得香脆。3️⃣日本萍果豚肉卷，萍果香甜，同豬肉好夾。4️⃣燒牛小排，好香牛味又唔會太肥另外仲試咗好多其他串燒，海鮮如生蠔，蟶子等等。這間燒烤堂服務好好，而且性價比高，所有飲品都只是$16-30多，生啤買一送一，飲多幾杯都不肉赤。如果喜歡清酒的也有很多選擇。總結：氛圍輕鬆舒服，很適合情侶和三五知己。…Read More

食過唔同牛大人，今次第一次食將軍澳分店，連住地鐵站，落雨都唔怕。店內很寬闊，又坐得舒服，出去拎嘢又唔使迫。去到發現正推出「炎夏椰樂祭」限時活動，以椰子為主題，有限定湯底可選：喇沙椰爺仲夏鍋和木瓜椰皇嫩雞鍋。仲有movenpick 椰子雪糕。食到中途，店員來跟我們玩知識就是折扣遊戲，答中題目贏取餐飲折扣或食物。我地就贏咗杯椰奶蓋芒芒爽。我地點咗「日本黑毛和牛A4+」晚市套餐，落單後仲會送上海鮮拼盤，又任食三款冷盤鮑魚。「日本黑毛和牛A4+」晚市套餐仲包了雞尾酒特調飲品及指定啤酒無限暢飲。不過已經太多嘢飲嘢食試唔到。成件事勁豐富，啲嘢食嘢飲多到試唔曬。A4和牛好高質，任食真係輕易回本，有自己去超市買過A4和牛就知，喜歡食和牛同椰子控好值得試下。唔夠椰的話，仲有罐裝椰青水都好好飲。…Read More

慕名而來係為咗食甜品。意外發現lunch set好抵食，價錢就睇你揀咩主菜，包一杯Earl Grey 或者齋啡，另外仲可加購是日餐湯或沙律（$18）及 是日甜品 （$25）。我地試咗：慢煮手撕豬腩窩夫三文治$88凱薩沙律配煙三文魚 $104龍蝦汁大蝦意大利飯 $106絕對會為咗呢個慢煮手撕豬腩肉窩夫再來，窩夫是新鮮即做，手撕豬腩肉好惹味，配上沙律菜蕃茄芝士，成件事好Balance 。凱撒沙律配三文魚，擺盤好靚，三文魚成朵玫瑰花咁，拆開有勁多三文魚。我哋冇加錢食set 的甜品，留肚食招牌疏乎厘班戟同埋法式千層酥。兩樣都唔會令你失望，甜度剛剛好，法式千層酥好酥脆，絕對係水準之作。依家Lunch set 仲可以儲印花。…Read More

新店，去試個早餐。雞扒沙嗲牛肉米，熱奶茶。雙拼粉麵$36，雞扒+$3，共$39價錢唔貴，坐得舒服。雞扒好細，小半塊，大約半個手掌心咁大，不計手指。牛肉睇落多，但完全冇味，最神奇冇質感，完全唔洗牙咬，食咗都唔知食咗。應該用咗幾多食粉同食咗好多水。除咗牛肉，其他正常的。米粉是我最鍾意的幼身米粉，成碗食晒。奶茶ok 好飲。這個價錢可以。會再去，但一定不會食沙嗲牛肉了。見煎蛋同豬仔包幾靚，下次try try 。服務唔錯，光猛好坐。因為個牛肉拉低分數。…Read More

一入門口先揀套餐，經店員介紹揀咗最新出嘅「手切潮汕牛套餐」。會包埋親自捉鮑魚海蝦放題。自助區又會有其他火鍋食物同埋蔬菜。所有任食套餐都包咗以下5樣選1樣：泰金烤魚煲/ 風生水起秘撈雞 / 藤椒烤魚煲 / 農家回味雞煲/濃湯花膠雞煲（+$98）因為要打邊爐唔想食咁飽，就揀咗最輕食風生水起秘撈雞。賣相和味道都很好。見到佢枱面擺枱一塵不染，感覺好衛生舒服，座位亦都夠大夠寬闊。一人一爐，可以自己揀自己嘅湯底。可以透過QR code追加牛肉，潮汕牛真係好好食，我哋都有encore。另外幾款牛肉都唔錯，都有試，全部都好新鮮。最正當然係出邊拎嘅鮑魚同埋鮮海蝦，自己捉嘅，肯定係新鮮，擺落個煲嘅時候小心佢彈返出嚟。外面熟食區好多泰國嘢食，尤其鍾意佢個泰式海南雞同冬陰功湯。食完打邊爐最緊要玩埋佢個刨冰，可以自己加配料，自助吧枱每日的食物都會換。甜品我自己最鍾意食椰汁西米糕，當然唔會放過，呢度所有泰國食物都係同泰國菜館一樣咁好食。…Read More

不嬲都好鍾意食任食，見到呢間燒肉都好多好評，未食過就嚟試吓。選了澳洲M5和牛吃到飽 ，除咗和牛牛舌心是限量每人兩件之外，基本上全部嘢都係任食。包括牛肉同埋海鮮。自助區域有12款醬汁自取，應該係呢間餐廳嘅特色，枱面上的餐紙都有說明邊款醬汁襯邊款食物，我都有跟着嚟試吓。海鮮方面，虎蝦必點，因為好大隻，肉質結實彈牙。配埋佢特製嘅醬汁，確實唔錯。牛肉方面：M5 和牛油脂分布均勻，我覺得簡單配上海鹽已經很好吃。另外有我最喜歡的SRF極黑牛，我鍾意佢唔會太肥，牛味濃郁。佢而家做緊個威士忌烤醬系列，問咗店員佢話呢個鳳梨內裙柳係牛肉嚟。佢哋仲話五月尾就會出新Menu。大約個半鐘左右，店員就會拎張單過嚟俾你核對，同埋提示你last call。當然last call之後仲可以出去拎吓嘢飲同埋甜品，兩小時都算充裕，食到好飽。加埋一就係下面呢個消費。⬇️服務方面，送餐同埋收碟都好有效率，仲會主動換吓燒烤網咁。俾錢時問佢有冇信用卡優惠，店員話上佢哋社交平台，指定平台購買有時做優惠。我果日即場先至問就冇了。…Read More

見這間餐廳有很多好評，上到去，發覺餐廳很大，坐得舒舒服。食物整體也很好吃，服務也不錯，。吃了幾款大家都在推介的食物。驚喜二重奏可以滿足又想食牛又想食雞的我們，有一件牛扒，上枱的時候大約三成熟，可以自己用熱石控制想吃的生熟程度。韓式牛肉蛋捲外層的蛋很滑，裏面有牛肉之餘仲有可以拉絲的芝士。味道調教得很好，推介。鮮蝦沙律蝦很新鮮，不似一般般的雪藏下，而且是有蝦味的，肉質很實在，似是鮮蝦，沙律汁是甜甜。火炙牛牛肉上枱由職員會現場用火槍火炙，再配上洋蔥韭菜蒜片一起吃，很香口，juicy。蘋果清河有氣清酒淡淡的生果香氣，微甜，比起一般韓國燒酒更清新，酒精度不算高只有7%，很適合女孩子。…Read More

呢間串燒店好好生意，閒日都好多人。價錢唔貴，味道都幾好，全部都係即燒即上熱辣辣。肉食個人推介：鹽燒雞腿肉和豚肉荔枝卷。豚肉荔枝卷真的是一個很好的配搭，荔枝的清甜可以化解豚肉的油膩。鹽燒雞腿肉火候控制得很好，雞肉燒出來不會嚡口而且還有肉汁。蔬菜類個人推介：樟樹小青椒和燒茄子小青椒一啲都唔辣嘅，不吃辣的也可以放心叫。海鮮方面個人推介：泰式燒墨魚仔，佢個泰式醬汁好惹味，墨魚仔燒得剛剛好不會韌。另外生蠔亦都唔錯，一份有兩隻，新鮮大隻。飲品定價吸引，當日有啤酒買一送一，飲多幾杯都唔肉赤，坐得舒服。服務態度友善。…Read More

偶然見到呢間茶餐廳，門口泊到車，就入去食個下午茶。六點前都仲有下午茶餐。炸雞髀沙律，啲沙律就比較多沙律醬，感覺好高卡路里，唔係我杯茶。不過朋友話隻炸雞髀幾好食，夠味。我自己就食豬扒包，有洋蔥蕃茄同青瓜做配料，入面有牛油同埋千島醬，如果下次再嚟食，一定要記得叫佢走牛油同埋走醬。當然有牛油同醬就會惹味啲。奶茶幾有水準，夠香濃同滑。間茶餐廳應該係新開，好光猛同乾淨，連啲餐牌都好乾淨。希望佢可以保持乾淨同埋水準。兩個茶餐70幾蚊，抵食。…Read More

牛大人任食火鍋，之前試過他的無限時午市火鍋，覺得唔錯，今次約了朋友晚市過來，選了120分鐘日本黑毛和牛A 4+套餐，包了一份和牛牛丸和海鮮拼盤。湯底選了紅燒牛骨鍋＋胡椒豬肚雞鍋紅燒牛骨鍋是很香濃的牛湯底，很適合配襯牛肉。胡椒豬肚雞鍋裏面有半隻雞，而且有豬肚，自己喜歡用它配襯海鮮和菜類。海鮮拼盤有兩隻龍蝦仔，扇貝，鮮鮑魚和生蠔，全部很新鮮。不得不提這個套餐重點在於鮑魚任吃，熟食鮑魚有三款，包括醉鮑魚、炭燒鹽蔥鮑魚和柚子燒汁鮑魚。日本黑毛和牛油脂分布均勻，肉質粉紅，上枱已經覺得高質，絕對是回本之選。另外試了花甲，海蝦，還有美國SRF牛肉…幾樣都很滿意，其實見到附近枱很多都飲珍珠奶茶和其他特飲，部分是免費包括的，不過我自己不喜歡喝甜的，就另叫了一杯少爺啤酒。就算不喜歡喝甜的飲品，自助區冷泡茶的選擇也很多，還有梳打水。無糖飲品選擇多是我喜歡牛大人的其中一個原因。試了獨家新品movenpick 芒果雪葩，芒果味道香濃，雪葩質地清爽，很適合打邊爐之後享用。總結：環境舒適，企理乾淨，上菜快，飲品甜品選擇多，主動加湯，用料質素亦高。…Read More

喜歡這間分店，環境比較舒服，有自然光，佈置有啲似坐喺花園入面，最喜歡放假的時候下午過來吃午餐。新春幾日都係賣假日brunch餐牌。燒雞味道唔錯，而且好大份。底下仲遮住咗一半菜，有啲黃色同綠色嘅zucchini ，仲有兩舊焗薯。呢個餐雖然貴$20 ，不過性價比就高過其他。紅菜頭三文魚的Egg Benedict ，雖然作為一個假日早午餐很適合，但是樣子和味道都比較較行貨。煙三文魚用紅菜頭醃過，變咗紅色，但係味道就好一般，底下鬆餅都好Hea。伴碟比較簡單，呢一份餐收百幾蚊就真係唔值。另外仲叫咗炸魚薯條冇影相，炸魚都幾大份，有兩大條，不過炸粉好厚。杏仁牛角包，出面幾好食，入面嗰啲吉士餡heavy。咖啡唔錯，服務都幾好。…Read More