潮偉's Profile

今日加班，所以買外賣做餸，自己煮白飯，15分鐘就可以開餐啦！最啱我地呢D要返工嘅師奶！叫左3個小菜，菠蘿咕嚕肉，甜甜酸酸好開胃，D粉漿唔會太厚，啖啖肉。滑蛋蝦仁，由於有九黄，所以配合起嚟好香，D蛋唔會炒到過哂火喉，都幾滑。鐵板日式牛柳粒，都有成十粒，超淋，D日式醬汁幾好味，餸飯一流，我真係食左2碗飯。不過要留意，全部係2人份量！D外賣餸盒好靚，可重用！…Read More

今日同家人飲早茶，酒樓已經有好多人，咁就証明消費已逐漸有信心，希望嚟緊越來越好我地鍾意依間係因為環境乾淨，茶具潔净，俾到消費者有信心。叫左壽眉，茶色清晰，有茶味，嘆下茶，傾下偈，真係令人好寫意㗎！点心叫左义燒包，义燒腸，鳳爪，上湯煎粉果，賣相都令人滿意，食落到OK，整體味道都好！冇時間限制，可以同家人坐下傾下偈，環境不會好嘈，值得推介！…Read More

今日投完票, 去咗水車館街食好西本身鍾意食餃子，呢間以自家手作作賣點，日日新鮮，想去食好耐，終於今日可以去試下啦， 原來除咗呢間外，喺教育路還有分店叫咗湯餃、煎餃同埋兩款小食招牌四拼餃有八隻，分別有韭菜、香菜、芫茜、大白菜，另外煎餃係黑松露拼韭菜 每人各三隻，本來想叫芝士粟米果款拼煎餃 ，但係姐姐話賣曬，️ 點解咁快嘅！餃仔皮薄餡靚感覺好新鮮，尤其芫茜餃為出色， 而煎餃個底煎到好脆口， 食落有肉汁、好惹味， 兩款都跟是日無味精木瓜雪耳雞腳湯， 湯頭十分濃沃，真係夠曬滋潤呀😊小食方面，炸蝦春捲脆口、彈牙 、多料， 炸鯪魚球啲魚肉同蜆蚧用料也夠曬實在除咗餃子，也有其他麵食，食物款式多、材料新鮮，用心製作，坐得又舒服，小店經營，比個 like 佢👍…Read More

今日晨早去飲早茶，去左上次食晚飯個間，聽朋友講都唔錯。環境真係唔錯，枱與枱之間唔會好逼，樓底高唔會好嘈，光猛舒服。今次叫左壽眉，茶色幾清，茶味甘，算幾好另叫D京色点心试下蒸饅頭，冇乜味係正常，但起碼鬆軟煎鍋貼，都多肉汁幾好味，但D皮厚左少少高力豆沙，份量超級大，豆沙唔太甜，不過油膩左D咁不如慢慢坐飲下茶嘆下，冇時限。…Read More

今晚冇煮飯，去左飲茶吃点心。呢間舖頭細細，坐位不多，所以比較逼，當然你唔會好似平時係酒樓飲茶咁坐個幾鐘，食完就走，主要做街坊生意。蒸雞飯$43，D雞好滑，蒸飯好淋，啱哂我，D雞油滲左落D飯度，配埋甜豉油食，熱辣辣，幾好味個生菜清清地，夠大碟，$18沙嗲牛肚$24，辣辣地，夠入味山竹牛肉嘅size比想像中大，冇彭沙味，好味過D名牌酒樓唔食西餐，飲茶食点心都係一個好選擇…Read More

今日到觀塘工作，揾左呢間食lunchmenu以定食為主，價錢由$40蚊起，算幾經濟叫左滑蛋雞飯+沙律+面豉湯+熱柚子蜜+雪榚$54沙律係生菜加粟米，D菜都新鮮，叫做均衡D，午餐食到咁多菜，個湯夠熱，但太咸，雞飯D雞就有少少鞋，大打折扣。最好味係杯熱柚子蜜同雪糕，加一埋單$60蚊。…Read More

今日朋友介紹去左內街食越南嘢，店內坐位濶落舒適，冷氣夠凍，裝修都幾有越南特色。下午茶時段叫左下午茶餐：手撕雞飯加凍O茶$44，手撕雞份量都幾多，D雞有少少鞋，配左黑椒做配料，送飯都0K。另叫左蕃茄牛腩湯河加熱華田$46，份量超級大，D蕃茄湯唔算太濃味，牛腩有6舊，好入味同好淋，河粉好滑。全店不加一，食完可以慢慢嘆飲品，支持小店。…Read More

餐廳由雞地搬往近千色店，餐廳面積比舊舖大得多，由於有一大排窗呈L形，由餐廳望出之街景亦十分開揚，週圍有很多綠色的樹及植物，採光度十足，再加上今日藍天白雲，又係星期日，感覺好悠閒，好relax，這点唔係間間食店做得到，正正我地坐嘅位置就feel到呢種感覺，所以要好好嘆下個brunch先！值得一提，店外另有雅座比其他有需要之食客，夠哂貼心！我今日唔想食咁heavy，所以叫左個熱溶芝士配煙金門火腿($158)，另有配菜：燒新薯、火箭菜、洋蔥、橄欖、酸青瓜。嗰芝士好香同味濃，配多士火腿食啱哂，D菜好新鮮，作為一個清清地嘅brunch，very good!另外叫左一個鲜蟹肉扁意粉配蟹膏、蝦膏忌廉汁($118)個意粉好香，有好濃嘅蟹蝦味，伴住D碎蟹肉食，啖啖滋味！餐茶有凍0茶及凍0水，賣相都好靚、又大杯又夠凍，冇時限，可以慢慢坐住嘆！另外仲想讚下D待應姐姐，真係好有禮貌同nice！…Read More

今日難得放假一天， 就約埋朋友食飯，問佢地有咩好介紹，近近地去左荔枝角食pizza。這間pizza店門面細細，但是座位十分舒適，侍應服務態度亦相當周到。我地叫左西班牙黑毛豬扒配炸番薯條， 切開豬扒D肉汁好豐富，一啲都唔韌， 值得一提，炸薯條食得多，第一次食到炸蕃薯條， 炸得脆而帶有甜味。另叫左自選雙拼12吋薄餅，巴爾瑪風乾火腿和瑪嘉麗塔。巴爾瑪風乾火腿配火箭菜加水牛城芝士，香氣撲鼻，十分好味。而瑪嘉麗塔則味道濃郁，番茄加芝士，令人一試難忘。豬仔包配黑醋，好鬆脆，配黑醋十分特別，酸酸地，夠哂開胃。青檸荔枝梳打， 配搭十分新鮮，夠哂冰凍， 最後加埋意大利芝士蛋糕，真是十分滿足的一餐。…Read More

今晚同家人一齊食飯，再次嚟呢間食，因為實在太多款色選擇。燉湯都有4款，我地叫左節瓜鰂魚煲唐排$98超級大煲，D湯好清甜，唔覺有味精，湯渣都超級多，足料，每人可飲3至4碗，我覺得好實惠，買料自己煲都差不多超值孖寶套餐都有好多選擇，食足一個禮拜，日日唔同款都得，價錢由$118起我地叫左海鲜孖寶$268，包括清蒸老虎斑仔同芝士焗海蝦伊麵條魚嘅size比想像中細左D，但都好滑，食落冇渣，個伊麵D芝士汁濃左D同偏咸，但係共有13隻海蝦，超級多，蝦嘅size仲唔細添，抵讚。因為有太多款式選擇，所以都會再嚟試其他菜色。…Read More

今日放工同同事去呢間食飯地點非常就脚，係yoho mall商場入面，環境都好光猛，坐得舒適。豬軟骨飯賣相好靚，但係D紫菜淋晒同好韌，豬軟骨有D就淋，有D就好鞋同韌，最好味係酸薑牛肉飯D牛肉醬汁好入味，配埋洋蔥送飯幾好，但係D牛肉又係比較韌雞翼有陣雪味，餃子D餡就新鲜，埋單$230，不太抵。…Read More

約左舊同事食飯，有人提議食泰國菜，於是去左呢間試下。由於我地6点3就到，餐廳仍然有好多位，我地仲可以揀枱坐，環境好有泰國特色，坐位都好濶落，坐得舒適。我地叫左D特色食品：特色蒜香包好香脆，賣相好靚泰色咖哩海鲜份量超級大，有蜆、蝦、蟹，D汁唔會好辣，甜甜地，麵包幾鬆軟，点埋D汁一齊食，有特色泰式無骨豬手D豬手幾淋同入味馬拉盞炒菜泰式金邊粉串燒拼盤埋單每人$200，不過有時限，未能盡興。…Read More

今日父親節，一家人去食自助餐慶祝！呢間餐廳環境非常大，好優雅舒適、濶落，我地坐嘅位置仲可以望到海景，今日天氣晴朗，望過去維港景色都非常靚！嘢食方面有熱盆，壽司，魚生，由於今日係父親節，每位父親都附送一大杯啤酒，每枱仲有新鮮生蠔送，D生蠔都好鮮甜！最特別有韓式石頭鍋泡飲，加左泡菜、辣酱及其他佐料，真係好似係韓國食個D咁。…Read More

今日放工同同事去旺角附近食日式放題，揀左地鐵站隔離呢間，地点十分方便，我地去到都唔使等位，地方環境唔錯，仲有卡位坐，啱哂我地傾下偈。黄金焗帶子，有好濃嘅芝士味，煙煙韌韌好有口感。鉄板大赤蝦，好新鮮，用秘製醬汁煎，入味同索哂D汁。鉄板牛柳粒，好有牛味，好淋同多肉汁。西京比目魚，鮮甜又入口溶化。對我地呢D細食嘅女士嚟講，價錢唔太貴，埋單每人$210，又可以食好多種類嘅日式食物，汽水、果汁、清酒、梅酒、雪糕任食…Read More

今日放工約咗朋友去屯門食嘢, 揀咗呢間食德國豬手我地7点就到，侍應姐姐好殷勤咁安排我地入坐，餐廳環境都好濶落，坐得都好舒適，傾下偈、飲下嘢啱哂！德國咸豬手配酸菜及薯仔沙律$218份量超級大碟，D豬皮炸到脆卜卜，肉質都好嫩同juicy，点埋佢D特製醬汁，特別好味伴碟有酸菜同沙律，酸酸地，食落唔會覺得heavy墨西哥香葱芝士薄餅$88新鮮熱辣辣，好軟熟同薄脆，D餡係薄薄嘅芝士，加埋香葱，点埋D秘製醬汁，真係又香又脆…Read More