iloveelsawong's Profile

今晚想食日本菜，唔打唔撞黎試新野。舖頭細細，但裝修好用心，環境舒服，坐得鬆動。同老公一人一杯，我就飲左Fruit Punch，賣相靚之餘，味道唔算太甜，arm曬我口味。老公叫左西柚橙味白啤，第一次飲覺得好特別，易入口，好似飲緊柚子茶咁。唔知有幾耐未食過厚切三文魚，啖啖肉。海膽咁新鮮，直接食，唔配紫菜都冇問題，好後悔冇叫海膽杯。胡椒豬骨湯煮蜆，唔好以為日本餐廳煮唔出胡椒湯既精髓，我話你知湯底真係一流，好在唔太辣，唔會搶左蜆既鮮味。主角出場：甜蝦軍艦&邪惡包Close Up望下就知點解「邪惡」，整到成個包樣，方便進食。鵝肝極野味，帶子中和返鵝肝既油膩，配合得宜，令人一試難忘。我諗最邪惡既部分係你會想再食多一舊。牛舌又係正正子，鍾意食牛一定要食。心之火焰鐵板牛柳串，上枱既時候大陣像，用火燒一燒，食落更香口。燒雞奕串不嬲都係我至愛，重點係要燒得夠乾身，調味好就加曬分。餸菜選擇都幾多，唔夠飽仲可以叫飯面，而我就揀左豬軟骨烏冬，貼心咁加左好多菜，清一清口腔都唔錯。不得了，竟然有我最最最愛既炸芋圓，少見。熱辣辣真係超正，入面煙煙銀銀，甜度都好適中。…Read More

今日同朋友黎左呢間泰式餐廳，格調唔似一般見五顏六色既泰式風格，反而屬簡簡單單，有點鄉土化。指定動作飲椰青，清甜解渴，可以幫助解膩。每一款泰式小吃都鍾意，一支骨雞奕、豬頸肉、春卷都非常野味，鳳爪辣中帶甜，最愛既蝦餅肉質彈牙，整得好乾身。冇理由唔食蒜蓉包配咖哩，完美配合，蒜蓉包烤到金黃鬆脆，今次揀左黃咖哩，微辣反而帶出豬肉碎既味道。朋友堅持叫串燒，第一口食牛肉串，So impressive ，串燒牛竟然仲有 juicy 肉汁，一d都唔「銀」，要推介呢個，包你有驚喜。黑松露薯條，真係見到黑松露，連醬都有，想多d黑松露味咪隨意加多d粉或者醬。另一推介，蒜蓉炒菜苗，食左咁多濃味野，佢就係一道清泉，將所有肥既感覺帶走，有少許上湯，引出菜既甜味。飽到上心口都要叫，芒果糯米飯不只，仲要配有椰子蓉既雪糕，芒果甜，糯米飯有咬口，真係出色既甜品。你話好地道既泰式餐廳就一定唔係，不過攪下fusion 都幾有特式，味道仲出乎預料地正，今次冇黎錯。…Read More

餐廳裝修好重要，遠一遠就見到歐陸式既設計，吸引左入去。實在太多選擇，望住menu成十分鐘都未揀到食乜。餐廳主打多國菜，西韓日台都有。就老公口味，叫左牛扒，已經叫最細分量（6安士），睇落都好大。今次真係喜出望外，牛扒質素好之餘，生熟度剛好，火力控制得宜。食開牛扒既人，基本上一切開已經分到高下。食第一啖，肉汁仍然keep住，好嫩，一啖食完又一啖，好快KO左。真心力推👍🏻屬小食之一「紫菜汁燒年糕」，最愛年糕喇！其實年糕唔難整，軟硬度適中已經好滿足，配上紫菜汁，夠曬創新。另一款小食炸雞配甜蜜蜜薯片，係啖啖肉既炸雞件，好似去左台灣夜市食一樣，夠曬風味。飲品種類都非常多，今次係珠珠系列，有珍珠又有爆珠，good choice!仲有一道主菜，係極有特式既「三文魚海鮮抱泡」，用蛋白整出泡泡，包住入面d飯，勁有體頭。食滿$150仲有藍青口送，今次真係大滿足。…Read More

平時淨係去K字頭食炸雞，今日黎會一會韓式Goobne，聽人講都話好味，又點可以唔試。環境方面，坐位夠曬寬敞，光線明亮，俾人一種舒適感。Menu都特別過人，亦細心為你準備食炸雞工具。你明唔明佢究竟有幾多種味道？當你心大心細之際，竟然細心到有一雞兩味既選擇，份量一樣，就可以試到兩款口味。今次我地叫左果味蒜香烤雞（圖上）+甜辣烤雞（圖下）。本人比較鍾意果味蒜香，小清新自然，皮脆肉嫩，加左果味（檸檬？）令到你越食越開胃。其次，鐵板芝士炒飯都好正，你知啦，溶曬既芝士熱食係超👍🏻好食。雖然豬肋骨成為了配角，但都不失禮，肉夠淋，醬汁甜甜地，同一般既燒汁唔一樣。芝士要拉極唔斷先得…Read More

千賀放題，無論你用咩策略，都冇辦法攻破既放題，絕對能夠挑戰胃容量既極限。裝修行fusion路線，日本風+少少工業風，都唔重要，因為好快你就會睇menu揀湯底。睇一次見到6小時任飲任食，太「放肆」，心諗：睇下點樣攻陷你😏跟住落黎，時間係唔會為你停下來。叫完湯底，就黎左魚生，前菜黎講，分量唔少。尤其要讚三文魚&蝦，新鮮肥美，good start! 魚生都未食完，轉眼間湯底&海鮮盤就黎，成枱都係野。what?! 咁多款，太感動。貝殼類既海鮮一直都係大愛，估唔到係脆玉魚鯇片，彈牙爽口，絕對唔係得個樣。肥牛都一樣精彩，雖然好易散開，如果大片d就好。除左枱上既預設食品，仲有自助區，琳琅滿目，款式勁多，就算你有幾揀飲擇食，都一定搵到你想食既。老細，你會唔會蝕本？熟食都有超過20款選擇，少見既東風螺都有，食到停唔到口，仲有炸榴槤，避風塘炒蟹，春卷，雞翼，車輪轉都食唔完。一浪接一浪，連甜品都照顧埋，精緻細細件，唔太甜，忍唔住又食多一件。咁多選擇，真係令我透不過氣來，食極都仲有，仲有好多想試，可惜我已經戰敗了。…Read More

今日早收工，同d同事黎左附近既西餐廳食晚飯，大部份工廈既餐廳都試過，決定要試新野，所以黎左呢度。裝修屬工業風設計，環境整齊，我鍾意佢地張櫈，特別設計，坐得舒服😌我地三個人叫左一份Dinner Set，再加散叫，分量好大，好彩我地食量都好驚人。好耐都冇食過新鮮熱辣既蒜蓉包，唔會好油，秒速食曬。飲到少許薑味，幾清新，但又食唔出係咩湯，即刻問下咩，原來係甘筍+薑忌廉湯。有我最鍾意既ham，加上黑醋，即刻level up。主角黎喇，安格斯😍My love! 超驚喜，5成熟就真係5成，火候控制得好好，大讚！少少肥肉連住邊位，本身牛既質素都好好。冇骨豬手，arm曬我地呢d懶人，同一般德國豬手唔同，塊皮雖然唔係脆炸，反而留返肉汁味道，當然唔少得中間少量肥豬肉，一啖食到三種口感。簡直係食肉獸上身，叫埋雞翼先滿足，蜜糖唔太甜，仲有脆脆地既外皮。跟餐仲有甜品&咖啡。…Read More

身為將軍澳居民，以為食盡區內既所有餐廳，百密一疏，竟然miss左間西餐廳，好彩朋友講開又講，今日專登黎試。今次真係有驚喜，呢度超大，裝修一流，可以同中環西餐廳媲美。除左外觀吸引，店內仲播住音樂，勁chill！中環區既裝修，將軍澳區既價錢，一d都唔貴，淨食環境都抵。今晚想食健康d，竟然俾我搵到vege set，超開心，味道一d都唔差，尤其係炒蛋，夠曬滑，分量仲剛剛好。老公唔會陪我食素，佢叫左牛扒，例牌5成熟，一開始都冇期待（可能因為價錢太平），但食落發現超出預期，牛味夠重，接近冇筋，性價比高。叫左杯特飲，叫夏天的尾巴，有菠蘿+橙+芒果，甜味同酸味都唔太重，有種清新感覺。阿女話要食喎，見咁平（$49）咪試下，焗出黎熱辣辣，真係流心，仲係我鍾意既dark chocolate，唔會甜死，yummy!我決定下次lunch or tea time黎食，扮下文青都仲得，要記得帶本書去先。…Read More

大人同細佬都期待既親子餐廳，間野開左冇耐，非常新淨。入面係食野既地方，出面就玩。據說有九千尺，又真係地方好夠大。當然要預先book位，排隊一個個入，入去之後強制性要叫野食先俾玩，要d細路忍住15分鐘先可以玩。最好係有人數限制，唔算逼，d野都幾好玩，我覺得2-7數比較適合，太大就唔好玩喇。野食大約10-15分鐘就有，要叫返個女返黎食野都有難道。意粉太醎，唔適合小朋友食。兒童餐都幾arm小朋友，細細分樣樣都有d, 味道都幾好。仲有解毒奶茶，冇諗過係度飲到。美中不足就係俾我發現小朋友既餐具有部分係舊既，舊到唔可以再用，即刻通知職員掉咗佢。…Read More

打邊爐真係唔少得倫哥，可謂任食表表姐，想唔飽都難。同時，食材絕對唔馬呼，CP值勁高。本人前後去左4次，今次第5次，要試試新舖，又有六送一優惠，咁抵，即去。每一次頭盤都有分別，今次係好難整得好食既鮑魚，make sure一人一舊。刺身都係賣點，可以比美日本放題質素。主角出場，六個人都有兩個煲，食雞都飽。我地明明有計時，但成日都過時，職員都要幫幫忙。雞當然滑，麻辣味剛好，唔係單一得濃味，其他地方食唔到。最buy倫哥其中一點：食完雞煲會轉打邊爐湯底，成煲轉一定唔油👍🏻又有主角出場，最正係刀貝，鮮甜到....仲可以追加。其他食材冇特別映，不過我地追加左2次手打墨魚滑&蝦滑，眼見大大墨魚粒，仲有接近原隻蝦，真材實料。就連甜品都要impress你，360牛奶，令大家完滿笑住走。笑住走仲因爲太平，6送1之後夾左三百蚊左右。…Read More

越南野定係泰國野？其實都唔太清楚。食物味道唔錯，為大家逐一介紹。招牌菜之一，貌似打邊爐，都幾特別。$398，份量都好多。蝦新鮮，牛肉雞肉嫩。丸既種類夠曬多，仲有菜籃。話就話兩人分量，其實4個人食都夠。馬拉盞炒通菜有鑊氣，上枱熱辣辣，不過油左d。食咖哩梗係配薄餅，好味聽聞係家庭式經營，服務好，感覺輕鬆。我地叫野食叫到失控，仲提醒我地唔洗叫咁多。最後仲送上甜品。食完埋單都係一百蚊鬆d，幾抵。只可惜地理位置太偏僻。…Read More

高級food court 你試過未？今日去左新開張既dorkyard，參考傳統food court概念加上新式設計，感覺新鮮，與眾不同。最令我有驚喜係用App點餐，係自己手機睇menu，睇arm仲可以用credit card過數，之後就有人送餐黎，超方便。因為太方便，我地叫完又叫，唔覺唔覺會食多左，真係有生意頭腦。第一次食，俾華姐清湯腩吸引，湯底好蘿蔔好入味，不過河粉唔夠滑。仲叫左$8既一口雪糕，食都甜品又唔會feel gratuity，arm曬我！聽講呢度仲有野玩，足球機、飛標等，夜晚有brand sound, 真係非一般food court。…Read More

大年初三就開工，真係慶幸有位。除此之外，買一個main course，送一個小朋友食品，覺得好切合拜年既組合，枱枱都有小朋友，唔洗幫佢地諗食乜，真好一支骨雞奕好好味，本身有小小辣，加埋面上既辣粉，更加香口野味。Pizza不嬲都係主菜之一，批薄餡料多，我一家大小都鍾意食。兩個pizza就送左兩個小朋友食品，小份量，arm 曬小朋友，唔會因爲送既食品而馬虎，都有平時既水準。走既時候仲有balloon送，如果有小朋友既家庭，一定鍾意黎。…Read More

雖然住附近，但甚少去樂糖食野，更何況係Lunch。真係因爲其他餐廳太多人，諗住唔洗等位，先入去。入左去就知道中伏，Lunch Menu上面得廿幾個選擇，揀左兩個都冇，留意反係剛剛入店，點解就冇提供？成個都問號，心入面起奀爽，跟住亂咁叫左其他野。以下既時間都係等待，都唔知等左幾耐，其實都唔係full house，奇怪點解要等？！食物味道方面，Pizza都算可以，但pasta就太醬，食到成口都係，流到爆本身好地地做甜品咪好，做d唔在行既野會影響曬，冇咁既必要。…Read More

不嬲食開滿記，比較起上黎，小方好味d，果蓉夠濃味，好豐富。雪糕下面仲有兩球酸乳酪，加埋芒果，酸酸甜甜，越食越開胃。超多小丸子，當飯食都得。芝麻湯圓，如果有花生味就好喇。…Read More

So far 試左咁多high tea，最有信心都係Lion King既，樣靚唔再講，食物味道方面都好到位。每次去都有分別，帶俾你新鮮感。今次呢個Tea set 係同 Elizabeth Arden合作，食完最後有埋試用品送tim。今次有得坐窗口位，雖然都係樓景，但小朋友勁鍾意見到火車出出入入。一見到mini burger 就心動，入面個肉加左芝士，好好味，反而個包有d淋。全部醎食都好好味，絕對唔馬哹。甜點方面，完全冇朱古力味，起初有d失望。但試左呢個芒果甜品，真係一食愛上，尤其係餅底，配搭得一絕！…Read More