ZzzzzzzHello's Profile

大圍新開商場，住裡邊甘多年萬眾期待！趁住先開幾日，衝來行街打卡~路過哩間泰國菜，氛圍好好，餐牌食物都好吸引。都好多人排隊，香港人都唔想錯過任何一條隊LOL，試下啦~裝修真係好靚，位置闊落好舒服。ORDER左肉碎太陽蛋飯配椰香飯，太陽蛋勁靚！羅勒好香，肉碎入味唔會太辣，啱我口味，椰香飯粒粒金黃飽滿。炭燒豬頸肉真係驚喜，炭燒風味十足，分量好大，食肉獸大滿足最後歎一杯薄荷葉青檸梳打，相機先飲，成個造型顏色配搭都好用心，酸酸甜甜加薄荷葉好fresh。食飽之後一路飲住野同朋友傾下閒計，簡直享受鋪頭都好繁忙，店員都盡力滿足到我地需求，整體服務都滿意。會再帶屋企人來試下晚餐~可以多食幾款…Read More

LUNCH 試左哩間新野，見新聞介紹都好吸引。過江龍米芝蓮，當然要搵日獎勵自己。我一個人，店員卑左bar臺位，都算ok，有個籃卑我擺下野。叫左一個咖喱吉列豬扒定食睇餐牌介紹係用熊本豚，都大有來頭。吉列豬炸完都係保持粉嫩嘅顏色，賣相都真係非常吸引。入口炸衣薄身酥脆，豬肉肉汁鎖住係炸衣裡面。炸衣吸收埋D咖喱，又係另外一種味覺體驗。咖喱非常日式，輕微辣。最後篤開個溏心蛋，混個蛋黃咖喱豬扒同飯，一啖食落口，享受油脂、蛋香、碳水，三重快樂食完非常滿足翻office，搬磚都有左D動力，會再來…Read More

又黎幫襯哩間日本菜，從開鋪食到宜家。最開始我行入哩間店，被店內的裝潢和氛圍所吸引。店內燈光柔和，覺得非常舒適。店員都好友善，熱情地向我們介紹餐牌食物，推薦翻佢地時令菜、隱藏menu之類。Order左銀鱈魚西京燒、三文魚刺身，好快就有得食。定食質素保持一直嘅高水準，滿足我對星期五LUNCH嘅美好期待。西京燒配嘅蒸蛋好足料，每次食都幸福感爆棚。食埋個沙律，胃口大開。西京燒燒得好靚，味道都非常好，魚肉夠味嫩滑。追加三文魚刺身大件夾抵食，油脂唇齒留香。用餐期間，店員都幫我倒水，傾兩句食物意見，整體來講，非常滿意服務、環境同食物質素，強烈推薦哩間…Read More

長輩過生日，搵到哩間新開係銅鑼灣食通天嘅上海菜，之前element店十里湘薈經常幫襯。環境裝修古典同現代結合，卡座好多，私密度唔錯，幾適合傾計。服務體驗貼心，晚市都會幫手換碟加水，問下我地對食物嘅意見。香烤脆皮雞   5+3！！！/5星，如果滿分係5星，我願意卑佢8星，真係太驚喜。外皮超級脆，肉維持嫩滑多汁。餐飯食到最後，凍左依然係脆皮。乾燒石鍋北海道帶子 4.5/5星，帶子勁大粒，又豪氣卑好多粒，燒得好入味。刺參花膠小米粥 5/5星， 為壽星婆婆特別準備，好適合老人家，料豐富實在，每一啖都可以食到小米同海參花膠mix，蝦好多只。最後甜品係薑汁卵石湯圓 5/5星，食湯圓過生日都幾特別，巨大粒，奶黃餡，一咬就流出黎，薑汁十分夠香。屋企人食得好開心，會再幫襯，適合同人慢慢食飯傾野，食物服務都好岩我。…Read More