岡山白桃's Profile

早餐見有位入去坐低，搭枱正常，但佢個坐位設計比其他茶餐廳逼，坐低心口差唔多痴住枱邊，烏低身身野同對面食客會撞頭，真係逼人食完即走。叫蛋牛治，即咸牛肉炒蛋，全份就得幾粒仔咸牛肉，罐頭野姐，又唔係新鮮和牛，洗唔洗少到咁啊！ 雙併三文治30起喎…Read More

落雨不想出地鐵站，本來打算去K仔買個包，發現對面有三文治試吓。15.5合理（比以前凱詩平好多）蛋味濃冇加D怪調味，見到蛋黃蛋白粒，麵包邊有點乾。食左2日，分别就是麵包質素，希望繼續努力。e個位唔起眼，店面冇乜麪包又用全白設計，感覺冷清。之前入過去睇吓啲包覺得個樣好蒼白，引吾起人食慾，行過圈買唔到野，如果想生意好啲，店主應該參考下人地包款同裝修，或者搬去旺小小嘅位。…Read More

$85竟然有e個質素，開心。carbonara 、salad, coffee . 加68有個超大薯條（如果炸多2分鐘更好）兩人份量，慢慢食，好飽！11:50入坐人不多，環境舒服，服務態度好。menu 選擇也多，又可以配搭小食同甜品，非常滿意，材料不是求其比啲嘢你，算係良心食肆。…Read More

要照顧家人多左機會食下午茶餐，黎過三次，第一次叫炸雞肶薯條，雞髀真係醃得好食，個皮又脆，但薯條唔得，太油似係返炸，所以冇乜特別感想。第二次叫西多士，有花生醬饀，個人不喜歡但現在間間都係有餡，冇辦法只好接受，賣相ok既。今次蛋牛治，冇加錢烘底，麵軟熟叫走油真係有走油，咸牛肉亦係好食個隻，真係要讚下，好多茶記連基本野都好難食。另外一個加分位係伙記有禮貌，又唔會見你36蚊坐個幾鐘頭收人D野，我覺得唔錯，現在坐位舒服嘅茶記好難搵。…Read More

牛肉又淋又有牛味食得出食材有質素，個飯都好好食日本米，128個飯覺得好值好飽，想食甜品只好留下次。餐廳唔起眼，又要上樓梯，所以靜啲，如果係街舖或者商場應該好多人。果汁特飲果味不特出，只是甜味氣水。去茶餐廳都八十幾蚊位，我寧願去餐廳坐得舒服又乾淨。現在銅鑼灣樓上餐廳好靜，有質素都難做，希望佢捱得住，或者搬個地方，好食又價錢合理既地方真係不多.…Read More

見到開業好耐, lunch都多人應該不錯就去試吓。1人去不論有冇枱都會叫你坐bar枱，怕曬的話要注意。Bar櫈不好坐，因為冇欄桿踩。食物選擇不算多但lunch 可以接受。第一次叫店長推介比較穩陣，beef burger + latte 真係好食，牛肉味濃少少黑胡椒調味剛剛好，但薯條應該係返炸，吸左好多油又硬，扣分。咖啡都好飲。 店內環境不錯，枱不算太密，店員都好friendly, 自己攞食物同tray return ，這樣好好，希望可以多啲這種食肆。 Bar枱上有蟻，希望店家噴下藥，天氣潮濕注意清潔。…Read More

每次都想食正餐但都忍唔住叫tea set, 銅鑼灣中嘅綠洲，空間大又唔趕客。覺得比尖沙咀間好食。三角形果隻鬆餅果仁味豐富，配士多啤梨一流。另一最愛係草莓雪芭，酸甜但有層次同口感，日本都唔係間間分店好食。$178可食三款加飲品，這個環境香港算合理，食完完好飽。…Read More

成條街D茶餐廳都要等位，想求其食碗粉，見有位就入去，見重有茶餐叫碗豬扒河加2件春卷，以為茶餐份量不大，點知成枱都係野，碗河粉係實心，食極吾完😅。味道ok豬扒冇過強既香茅味，亦冇用鬆肉粉乸到吾知食緊咩，湯亦不是太味精，幾樣野都ok, 加凍檸茶75蚊，我食唔晒。難得係乾淨，枱上面嗰啲調味料吾係笠痴痴放千年個種，免費嘅茶個味幾特別，餐具乾淨，招呼都幾好。5:45食完今晚都唔洗食飯。臨走見人叫飯餐，諗起一個形容詞，山量……Read More

薯蓉是真薯仔，田螺口感好又大粒，比薩利亞品質好好多。好特別係個個店員都好有禮貌，其中有位長者員工好勤力，執枱抹枱噴消毒好爽手，重順手掃埋個地🥹店面整體好乾淨，亦冇趕人走，可以慢慢飲完杯咖啡，食物、環境同服務都好又唔貴既地方真係好難得。…Read More

灣仔上班的國內人挺多，對這個飯堂滿期待，失望也更大！8个菜里1是包，1蒸餃、1煎餃，1鴨、1炸菜、1水煮旺菜、1酸菜雜汇，1雞粒。白飯、罗白渴、糖水。大部分是没温度涼的！颜色看起来也差不多，大锅饭。萍果橙原个也不知道怎吃，沒刀削皮也没有湿纸巾擦手。麵条泡糊了也没有什么肉，所謂牛腩就是肥膏一粒，成本低廉但食客难受。取食物安排也不好，那個大飯桶我半個人探下，那么多企业有饭堂不去看看比人怎运作吗？这样真的30元也不值。店家自己要試味啊…Read More