只為食貓's Profile

搵左一日特登來食下，之有經過見到好多人又新開。好似好chillorder左杯peach soda ice coffee,酸酸的咖啡衝擊住水蜜桃soda，感覺一般，下次都係叫反其他野，pancake 都ok，上面的焦糖牛油很好食😋，但是漢堡的牛肉吾夠香，薯條即炸都脆口。 總結:埋單$290再加一，食物都算接受，環境都不錯，位子之間無咩距離。食左一陣外面就現人龍，1個小時用餐時間。要同朋友閑聊就要再搵下個地方。…Read More

重慶老巷一入到舖頭，舖面細細間，但係風味十足，座位唔多，有10幾個位置，兩個人帶咗一支細青島啤酒以及可樂叫咗一份辣辣的椒味炒脆腸，脆腸的份量唔多，但係啲配菜好足料，有我最鍾意食嘅洋蔥青椒尖椒紅椒，味道啱啱好唔會太辣，配返一支啤酒🍻好正好配合。仲叫咗煲仔飯，煲仔飯有好多選擇，揀咗冬菇田雞煲仔飯 ，田雞肉好滑溜，略嫌冬菇冇咩味道唔夠香，煲仔飯都係有飯焦的。感覺都係好新鮮！又點左少少串燒有啲相片冇影到。但係感覺最出色嘅都係小炒菜👍下次再嚟食！…Read More

收咗工之後好想食，特登過嚟食，鋪頭入邊冇咩人，今次唔使等位帶咗兩個丼飯， 加一份沙律，都算大份，送個麵豉湯好足料。兩個人食好飽，都差唔多食唔晒。環境都算OK ，味道魚生都算新鮮，海膽有啲臭味，唔太新鮮，份量唔多，不過我朋友話係咁嘅味。佢接受到海膽的腥味，我就一般般啦，我反而覺得份沙律最好食酸酸甜甜既！好開胃，好好味。而且，我覺得壽司飯冇咩醋味，而且有啲太實，太硬嘅感覺。價錢就一般般，埋單$400幾2個。…Read More

水記水記好好味宵夜好地方，簡單幾個小菜，配一杯啤酒。 三五知己吹水好地方！叫咗個馬拉盞炒通菜，好有鑊氣啊。正！價錢都好平，好抵食好大碟。另外叫咗一個雞煲，略嫌未夠辣，可以在辣多一啲。重點係啲配菜都好入味， 洋蔥好甜芹菜好香。另外一個係豉油王炒麵。都唔錯食！已經係第三次嚟呢個地方，位置比較偏僻，但係用Google都好容易搵到呢個地方。可以坐喺度慢慢吃，最後埋單都係二百幾蚊。簡直叫人驚嘆❗️ 總括而言，都係晚餐宵夜吹水超正。…Read More

每次食完飯經過都會買來食，大部份都係外賣拎返屋企去。所以每次都冇影相。但係佢嘅仙草芋圓係好特別嘅，特別嘅係仙草凍，食落去同出邊嘅唔同，有種煙煙銀銀既感覺，芋圓有三隻色，紫薯味，番薯味，芋頭味，食落去都係煙銀嘅口感，絕對唔會覺得粉！我仲特別鍾意帶黑糖桂圓芋圓，黑糖唔會太甜，清甜嘅感覺最啱晒女仔食，又滋補又養生。但係鋪頭入邊嘅座位就唔太好坐，感覺唔大間。之前仲見有小妹妹幫手執枱，幫手出嘢食。感覺係一家人自己嘅鋪頭。好窩心！支持支持！…Read More

已經唔記得咗嚟咗幾多次，有湯烏冬，撈烏冬，燒烤串燒，選擇嘅種類有好多好多。今晚我哋又來食啦！每人帶左一款烏冬，仲有幾串燒物，韓辣醬燒蒜芯及四季豆豬腩肉卷年糕外脆內軟，好好食。夠香口。而且年糕夠煙銀。兩個人食買單都唔使$300，算係好抵食，喺旺角區來講都唔錯。夜晚11點左右，都係好多人嚟食。仲有帶咗個蕃茄芝麻醬沙律，個沙律就一般啦，啲沙律菜唔凍唔好食感覺有啲怪，所以冇影到相。服務一般，有一個好貼心嘅點就係，每一個位置雖然好迫好狹窄，但係餐廳都會比一個小籃子你擺嘢！…Read More

特登過嚟深水埗搵食，見到呢間賣幾甜品好友台灣feel！😜入嚟試一試佢，有驚喜。價錢合理平民化，味道好好味。鋪頭位置唔大間，但係好有復古feel。我同朋友一人要咗一款，我食黑糖珍珠檸檬寒天愛玉，口感青青涼涼，酸酸甜甜，份量都好多^_^。食完又想食。朋友果一碗係雜果仙草凍，生果都算OK，有大量花奶，唔錯食。下次要再嚟。平靚正…Read More

特登食完晚餐行過來深水埗尼間食糖水，因為之前坐車經過，見到門面感覺唔錯於是就特登過嚟食，座位都算舒服，服務OK餐牌上邊的選擇不多，大部分都有芋圓，我哋order左1号特色仙草百配和3号桂棗雪耳湯底配芋圓^_^好好味， 冇諗過雪耳咁清甜，唔會太過甜，感覺好滋潤朋友話1號都好好味，有紅豆薏米仙草西米露小丸子珍珠芋圓，有齊晒佢最鍾意的簡直就係Perfect。總括而言，CP值都好高可以下次再嚟幫襯，介紹啲朋友嚟試吓。…Read More

果日見到同事拿左張外賣單先見到原來旺角都開左間奶茶王的店☕️🤣平時中意飲咖啡的我，對奶茶都係好愛好愛於是放假就特登來飲一飲，門口好多相 ，感覺好似吾錯甘，入面座位吾多，但都好多人，好full場叫左個常餐C，多士煙肉蛋，配雪菜肉絲米粉，常餐都ok☺️雪菜的份量都好多。最點係杯奶茶茶味香，奶很滑，都好夾。$48一份常餐配杯好味的奶茶，算是不錯的水平，下次可以試下個午餐 叉燒炒蛋飯見隔壁有叫，好似好正甘。可以再來食我見啲服務員都有好認真咁啲客介紹杯奶茶^_^…Read More

第二次嚟食，好明顯應該轉左手，裝修都唔同晒人比以前多左，要排隊等攞位。可能因為係晚上11點去嘅關係，所以好快等左兩張枱就到我地入去啦點左個真係菠蘿包，味道OK接受到，但係應該係再反叮左， 好明顯個味道會唔同啲。一般般！其餘果三樣係陳皮燉雪梨，都幾好人唔會糖水feel🤣牛肉翠玉瓜腸粉應該留咗單，崔左一陣先來。總括來講都OK嘅，喺旺角飲茶算唔錯。服務就一般般啦，門口阿姐好恶死，可能太多遊客，食完就走左。…Read More

朋友介紹話好好味，於是放工特登約咗幾個朋友過嚟食，好好味滷水拼盤，$78價錢親民，味道 顏色 種類都好滿意有滷水豆腐薦底，豆腐一啲都唔鞋，反而好滑。 再來係炒蜆，味道好濃郁好入味，蜆肉都好大隻，其他配料都好多。感覺都吾錯，可以在收工嚟食多幾次，我見仲有泰國嘅嘢可以叫， 下次試吓泰國小食， 朋友介紹泰國小食都話好好食嘅尼個細細間鋪頭，環境唔大，但味道質素唔錯，價錢親民 cp值都好高^_^。可以帶朋友再來，再叫杯酒小卓一下，咁又可以吹一晚！…Read More

見Open rice有好多好評，就膽粗粗嚟到銅鑼灣試一試佢 Book咗枱六點鐘，個場好少客，啲嘢食質素一般，有少少失望，牛肉唔夠味，好難咬！豬肉同雞翼都OK嘅。食完成餐飯買單六百幾蚊。職員服務態度唔好，食左1個半鐘，就開始收枱面啲嘢食中途又不斷過嚟搞你枱面啲吉碟同杯嘢飲！知道你冇嘢 做都唔使咁勤力收野㗎！一路食一路感覺差最後食緊雪糕嘅時候，成張枱已經收晒啲野，吉左！！重點係我哋仲未夠兩個鐘！差！好似好趕時間咁，好似我哋已經夠晒鐘咁，咁嘅服務態度，我不如去食茶記啦！絕對冇下次！！！中伏…Read More

平時經常經過尼間串燒，感覺好似唔錯，於是就搵左一日來試下，店面感覺吾錯，d野食都算大件，又有燒烤的味道，^_^坐係出面，好有feel。叫左燒茄子🍆，感覺感覺篇淋身啲，但都係好食的。燒雞翼都好入味。燒雞腎最令我覺得有驚喜，我鍾意有少少燒得焦焦地嘅感覺。燒豬腸，都燒得幾有油香，吾會太乾身。好中意尼間小店。呢間橋底串燒，都算物有所值^_^下次應該都會再嚟食。…Read More

特登行到嚟旺角度食燒烤，食完就覺得好嬲！我見店入邊人山人海，好多人都嗌重慶燒烤。就忍唔住，點左燒雞翼，青椒，紅衫魚，燒魷魚鬚，燒牛肉，燒韭菜。滿懷興奮嘅心情等待佢嘅到來。點知一嚟到就好令人失望，冇燒烤嘅痕跡，全部都係！燒雞翼 變咗炸雞翼好嬲呀好嬲！明明燒烤係會有燒窿嘅痕跡，一啲都冇，完全唔知自己食緊燒烤！條魚仲過分，佢明明寫燒烤魚。點知一出到嚟係炸魚，沈左啲燒烤粉係面度。又乾有冇魚味，由頭到尾都冇見過廚師喺度燒烤，但係我見有煙出。極度可惡！冇下次！大家唔好再被騙啦…Read More

一入到去門口，已經瀰漫着四川味道嘅一間鋪頭，一路食一路吸入辣椒油嘅味道 ，好有成都嘅味道，間鋪頭開到好夜，八點幾九點入座，一路都好多人黎食，鍾意食辣嘅人一定要來 試吓，第一次來食，點左一個鴛鴦鍋湯底，加咗錢轉藥膳雞。味道OK^_^。醬料就有好多選擇，亦都有生果俾你食，都會有杯水提供。服務員態度都友善，經常會過嚟幫你加湯，本身想食紅糖糍粑，點知無哂了總括來說，還算可以接受，係空氣中一直有辣辣的感覺吸入口鼻。…Read More