averykiekie's Profile

1月1號行完山過嚟食午餐，本來諗住食西餐廳，後尾發現呢間食評幾好咪入嚟試吓囉，我哋嗌咗煙肉溫泉蛋忌廉扭紋通粉配荷蘭鬆餅仲有小牛扒沙律同埋紅菜頭沙律，本來諗住簡單食，但係食食吓發覺佢哋嘅質素好好，最後嗌埋dirty Tiramisu仲有Oreo Banana Milk shake ，啲嘢真心好食。👍🏻…Read More

因為入咗翠亨村會籍嘅關係，我哋平日夜晚黑多數會過嚟食晚飯，今晚訂咗隻片皮鴨，鴨連皮既盒已經一早嚟咗，放係枱旁另一張方枱上，等等下覺得唔對路，而且我哋都人齊，由等人片皮，直至到開始將隻鴨片開差唔多上得，都等咗最少20分鐘，於是上嘅時候片皮鴨已經凍晒，連同片皮鴨嘅白色皮都已經凍晒，我唔知道係因為唔夠人手啊定係佢哋搞錯咗，總之今日嘅晚餐就有啲失望，其餘嘅菜式都係一般啦，正正常常冇乜驚喜，不過最後即係片皮鴨真係大打折扣，原本好好味嘅一餐飯，因為職員冇嚟到切片皮鴨上菜而令到呢一餐晚飯最失色。:(…Read More

第一次去係晚市，嗰陣時疫情仍然未退，所以晚上客人唔多，我哋坐近窗嘅位置，枱同枱之間闊落，感覺舒服，可能人客少，服務都幾好。但係今日係午餐時間，我哋已經預先透過OpenRice book位，並且早5分鐘到達餐廳，但係職員指示我哋坐嘅座位相當逼夾，明明餐廳人唔多，八成都係空位，比一張二人枱我哋，我見到遲過我哋來嘅人，二人竟然坐四人枱，最奇怪係，佢見到我哋攞住兩大袋運動後用嘅物料，都叫我哋坐餐廳中間嘅二人枱，我哋當時都好狼狽，個袋唔知放係邊好，驚阻住通道，要問服務員，才為我哋提供一個放袋用嘅籃子俾我哋，呢個服務真係令我大打折扣，嘢食係OK嘅，份量唔多，羊架尺寸較細，由於沒有汁，送飯就比較難，咖啡一般唔使加錢，但係如果要飲朱古力咖啡，鮮奶咖啡，嗰啲就要加$18 ，但係杯咖啡唔算太好飲，整體午餐一般。…Read More

朋友介紹這間餐廳，地點位於女人街附近，雖然不太就腳，但一班朋友一齊去食飯，都算係方便，坐低嗌咗烤雞一隻，兩個唔同味道嘅漢堡包，一個係芝士蘑菇另一個係雙重漢堡，仲有松子意大利粉，沙律等等。食物到比想像中好食，最欣賞佢個松子意大利粉，意大利粉嘅質地好爽口，而且個汁好好味，有奶香味同埋好幼滑，其次係佢個原隻烤雞，外脆內軟，而且裏面係好滑嘅，比一般出邊嘅烤雞好食，而漢堡包應該係水準之作，芝士蘑菇或者係雙重漢堡都係好食嘅，最後杯咖啡就正常，唔算係會返飲，整體以呢個價錢嚟講都係好食嘅，可以再食😌可惜係好食嘅嘢唔記得影相😆…Read More

臨急臨忙喺油麻地要搵一間餐廳坐得舒服，無意中搵到呢間餐廳，入到去佢俾咗間私人房我哋坐，首先餐具環境新淨、服務員擺餐具嘅時候都特別細心，樣樣嘢整齊乾淨，送來個杯水係蝶豆花檸檬，一啲都唔係求其，我哋嗌咗四樣嘢食四杯嘢飲，最好味嘅係嗰個慢煮黑毛豬傳銷，肉質香甜，而且亂畫味厚，個個牙尖嘴利嘅女人都讚不絕口，其餘嘅無花果沙律，用新鮮無花果同埋無花果乾互相配搭、燒春雞、正常嘅好食，不過伴碟嘅甜薯薯條就真係讚不絕口，同埋菠菜大蝦意大利粉都係中上作品。…Read More

疫情之下，已經甚少外出糖食，昨天天氣寒冷，差不多三點才去吃午餐，原先諗住買外賣返屋企食，但係喺餐廳見到只有兩台客，只係得三人，天氣咁凍，好想吃熱辣辣的㗎咉多和奶茶，所以就改為堂食😬本來想去深水埗另一間出名嘅馬來西亞嘢食，但係因為深水埗最近比較多確診數字，所以就改呢一間未食過嘅馬來西亞餐廳，佢哋嘅落餐係用二維碼落單，間餐廳環境十分乾淨，服務員很有禮貌，送餐速度快，喜出望外嘅係每一樣食物都非常好味，最鍾意食佢哋嗰個老鼠粉，唔會太乾同埋太鹹，有鑊氣👍🏻還有通菜亦炒得好出色，值得一讚嘅係奶茶同鮮牛油㗎咉多都係我哋翻叫在翻叫，二人食了三碟三杯，係一間有水準嘅馬來西亞餐廳。…Read More

從來未試過出劣質嘅評價☹️六點過後外賣自取都已經變成常態，平時食開嘅日式鰻魚飯都好似食評影相咁樣，起碼兩舊手板咁大，正常都有一cm厚度，尋日即係2月4號晚上八點左右🥺外賣返屋企真係嚇咗一條，收我$158 ，雖然有八折，但係嗰塊鰻魚竟然係得掌心咁細仲要薄過0.3cm，可惜嘅係忘記咗影相，從來未試過食一餐咁唔開心嘅丼丼屋，八折外賣最多咪俾你縮水少少嘅份量，但係而家係得返¼嘅份量，以後都唔想再幫襯。😡🤬😡🤬 …Read More

這間餐廳由荃灣開始第一次，之後每個月也會去一兩次，再到大埔及沙田，都已幫襯了大約五次，每一次都有驚喜，不論係蟹肉意大利粉或者係北京片皮鴨漢堡包，都是我最愛吃的食物之一，只是中午12點打後是繁忙時間，排隊人數較多，一般來講都要等半小時，由於多數是自己一個人去，不用等位就可以坐到吧枱位置，咖啡也有水準，雖然要加少少錢，但係有值得推介。整體用心煮食的餐廳，與大班朋友用膳的時候，也隨便叫了幾個炸魚薯條餐，意大利粉，Pizza全部感覺也很好味，值得推介。…Read More

星期日的早上約朋友去吃早餐，由於元朗沒有一間手沖咖啡店，自己又是愛學咖啡的人，所以就第一次選擇這間咖啡室，基本上整間餐廳在早上九點也未有客人用膳，入到去之後，全間餐廳大約有12個座位，除了有吧枱外，就只有四張二人枱，地方較細，傾計時候一定會給餐廳的職員聽到。自己吃了一份牛油果雞胸三文治，朋友叫了炒蛋，兩份早餐也是暖的，味道尚可，但有點失望早餐積滯但是亂的，我們叫了兩杯cappuccino咖啡還可以。 應該唔會再幫襯。…Read More