chung7675's Profile

今次係第二次幫襯海灣餐廳, 對上嗰次係26/11, 哈哈~原來一個月都唔夠(I Love Macau 呢~)之前好多篇食評都話呢間冇水供應, 要比錢, 唔知係咪改咗,上次一坐低就比咗兩杯茶我哋, (梗係唔駛錢啦) 今次我就問佢攞咗兩杯冰水上次叫咗虾角(超正), 焗蟹蓋(好味), 焗豬扒飯(咸咗少少)今次係想試佢嘅非洲雞而嚟, 為咗唔會好似上次咁爆肚, 所以叫多個飯兩個人食就夠! 餐前送嘅豬仔包, 外脆內軟暖笠笠, 雖然驚飽但係都忍唔住食晒 其實我係第一次食非洲雞, 但比我想像中仲好味, 雞好滑, 汁唔太辣撈飯正, 連配菜嘅厚切薯仔都好好味, 下次一定再食多次 今次叫咗個焗鴨飯, 個飯亦都唔錯, 飯嘅硬度適中, 鴨絲唔嚡, 連飯面嗰幾塊葡腸同埋煙肉都好味, 唔咸, 唔硬!今餐雖然只係叫咗兩樣嘢, 但都好滿足, 好飽!…Read More

荃灣有好多間茶餐廳，有時真係唔知選擇邊間好咁啱行到呢頭，就比呢間個午餐Ｂ吸引到。。。（對有選擇恐懼症嘅我，ABCD巳經係極限)如果我冇睇錯，呢間茶餐廳好似全部都係卡位，加上佢Ｄ冷係夠晒涼，feel so good！跟住個阿姐好有笑容咁幫我落單，唔駛好耐Ｄ嘢食已經嚟齊豉椒牛肉：個汁好味，有好多牛肉凍奶茶：好有茶味，都好大杯原來呢間都有好多熟客幫襯！下次一定會去多次…Read More

其實我好多時都會去佐敦食飯，但係呢間就咁多年都冇去過。。。雖然個個食過都話好味，但係就食到好似趕客咁，我就接受唔到！點解今次會去呢？因為我太太夜咗收工好攰，想快Ｄ食完返屋企，所以終於鼓起勇氣，去試一試!可能夜咗關係（大約９：００ＰＭ），都有幾張枱冇人坐，但好奇怪Ｄ侍應都要我哋撘枱，但係都算幾細心，比多張櫈我哋擺袋我開始感覺到佢哋Ｄ節奏好快，我都要入鄉隨族，好快咁叫咗兩個餐（叉燒通，多士，炒蛋，火腿）嘢飲未叫已經走咗。。。嘩！好快呀～佢哋已經用迅間轉移擺低咗碟通粉，隨後多士炒蛋火腿都到埋!叉燒通燒ＯＫ啦多士好味，夠厚，外脆内軟炒蛋果然炒得好滑，唔油食到咁上下，個侍應主動寫餐飲，我哋就叫咗兩杯凍唂咕（之前睇過食評知道佢哋Ｄ凍飲，係用熱飲玻璃杯，所以有晒心理準備）不過太多冰喇！成大半杯都係碎冰，好凍，但好淡總括嚟講，炒蛋真係好得，其他都唔錯，凍飲太多冰（下次試吓叫少冰）而侍應Ｄ態度都OK，都比時間去睇餐牌，可能真係因為夜咗唔爆，冇趕客，但係佢哋都係習慣咗以快打慢囉…Read More

屋企人生日好多時都食中餐, 今次到我生日, 梗係換吓口味啦!Buffet 就係我最佳選擇, 因為鍾意食乜就攞乜, 唔使就住人地嚟叫...但係依家D酒店Buffet好多都貴晒, 冇三四百都埋唔到單!!!經過一番挑選, 終於揀咗呢間, 地方就腳, 價錢合理, 仲要有Movenpick雪糕喎, 唔Book都對唔住自己啦!:我哋大大細細, 都夾埋成11個人, 所以預早兩個禮拜Book位, 費事Book唔到啦~以前試過Book某間酒店Buffet, 話人多要先俾$500Deposit , 咁都可能係為咗保障自己啫, 但呢間完全唔使開飯喇! 終於等到怒食嘅時間喇開頭以為佢會俾5張枱對坐加一位主席位, (好多時我哋11個人食西餐嘅坐法),但估唔到佢竟然俾近門口打橫嗰兩張6人梳化, 即刻覺得鬆動咗, 仲多咗個位攞嘢添!環境方面, 地方可謂寸金尺土, 用盡每一個地方去擺枱同擺食物, 所以間唔中都會有少少踫撞,好在其他D食客都好有禮貌, 加上酒店用咗薫衣草同埋紙鹤做裝飾, 心情好relex, 食都食得好開心食物方面, 佢嘅火熱推介汁燒霜降牛肉真係冇介紹錯, D牛肉好嫰, D汁又好味, 仲要每次俾嘅份量絶對唔少, 簡直滿足到極!另外, 三文魚剌身亦係必食之一, 雖然唔講得係肥美, 但食落去都好新鮮, 加上可以自己任夾,爽呀! (依家好多都係由師父切, 每次最多俾嗰三四片, 冇癮!!!) 而希靈魚剌身好少酒店buffet會有得食, 咬落去D黃色魚春充滿住成個口腔, 非常爽脆凍食有生蠔, 蟹腳, 青口, 龍虾仔, 凍虾, 煙鴨胸, 自製沙律, 剌身沙律, 沙律醬冷麵, 螺肉.... 二百幾蚊都有生蠔食, 唔好要求咁多囉, 食落都好鮮美, 唔差, 雖然好多人都話蟹腳好咸, 但D人又不斷咁攞, 睇你受唔受得囉熱葷之中, 地獄翡翠螺, 焗田螺, 鵝肝温泉蛋...都好好味, 除止之外, 有個叫豆漿藥膳???(唔記得個湯名添) 必試!!! 嘩! 仲有天婦羅, 薄切牛扒羊扒, 果汁, 沙冰... 要留肚食雪糕喇!原來十個有九個真係為咗Movenpick而嚟, 好快已經冇咗大半 雖然真係好飽, 但前前後後我都食咗3大杯, 正!除咗雪糕, 仲有水果, cheese cake, 布丁, 小杯甜品, 芒果黑糯米, 桂花糕, 豆腐花, 朱古力噴泉...總括嚟講, 當中有好多我鍾意食嘅嘢, 而且價錢都算平, 我覺得我今餐食得好開心, 好滿足有機會嘅話我一定會再幫襯P.S. 不時出去巡吓有咩食, 隨時會有新發現…Read More