大苯和小呆's Profile

壽司郎好像每個月都會有一些特別的款式，今次主要試下特別的期間限定的款式。赤蝦二貫（加量不加價）感覺比平常的赤蝦大一點，同埋肉質會實少少。三文魚三味（加量不加價）有三文魚腩，厚切三文魚同炙燒三文魚腩。依碟感覺不到「加量」以及「不加價」，可能比起分開點的話平一點點，但如果不是3款都想食的話不如散叫。另外，10月有期間限定的萬聖節甜品蜜瓜味雪葩個蜜瓜幾「的色」，好冰凍，都好濃蜜瓜味架。唔知點解有國民回憶的稱號北海道南瓜焦糖燉蛋蛋糕面頭果層焦糖加上底層的脆脆，好脆好有咬口；而中間的燉蛋就幾滑，層次感幾豐富，亦都幾飽肚架。…Read More

星期日去左尖沙咀玩，玩到有D餓，見到K11呢間蓮苑有小丸子既裝飾，而且仲有午市套餐牌，所以就去左試了。套餐包括左一個主食，一杯飲品，一個前菜／甜品，價錢ok既，但份量好多。呢度有出面比較少見的炒銀針粉，個粉食左幾彈牙，成碟野幾有鑊氣，但鹹左少少。個人覺得係可以encore的主食。另一個主食係炸醬面和雲吞，個醬有少少辣，酸甜酸甜幾開胃，所以不經不覺會食多左。可惜個肉有d鞋口。雲吞好大粒，啖啖肉，係開心既。最後到甜品出場，我叫左薑汁芋圓，佢唔以台灣果D芋圓，所以好有驚喜，唔放圖了，有興趣就試下啦！…Read More

今次叫左泰式肉丸湯河，飲奶茶，加配春卷。成個湯麵望落好足料呀，有豆卜、蘿蔔、通菜、大豆芽。主菜肉丸細細粒，口感都算彈牙。個湯雖然唔辣，但好濃味，食完會好口渴，想飲好多水。所以平時會飲埋個湯既我都唔飲了。河粉厚厚短短唔太滑，個人就唔太鍾意呢個口感啦。份量都多，食完就覺得好飽。加配既春卷值得一讚，佢應該係即叫即炸，影完靚相放左一陣先食仲好熱辣辣，脆卜卜，好好味。熱奶茶，茶底好重，然後果晚我眼光光訓唔好，好彩第二日唔洗返工。星期六係要加一服務費架。時間關係，餐廳唔多人，都幾岩傾計架。…Read More

今天來到尖沙咀食下一蘭拉麵，冇辦法去日本唯有係香港食啦。仲記得剛開的時候要排好耐好耐隊先食到，但依家等一陣就有得食啦。買野食既方法亦都唔同左，以前係填紙仔，依家入到去要先禁機揀野食：其實都唔係好多選擇，基本的一碗拉麵，或者加配野食，亦都有飯同飲品。而我就選擇左最基本的拉麵。買完飛埋到位會有職員俾紙仔大家，揀麵的軟硬度呀，辣唔辣等。基本的拉麵有蔥同叉燒，識食一定係先飲啖湯。老實說，成碗麵最貴的就係個湯底，湯底好濃郁，配麵食好快一啖又一啖就食晒成碗麵，而且蔥同叉燒亦都同麵非常夾。如果食完唔夠飽的話可以加麵，加麵的份量好似同原本碗麵的份量一樣，咁就唔怕唔夠飽啦。…Read More

呢間舖頭既Logo係一隻熊，我就係俾隻熊吸引左去食晚餐。舖名同八方雲集好似，但野食選擇比較多，有飯有湯麵有拌麵可吃，有好多唔同既套餐可以點。我叫左拌麵加5隻鍋貼加配芋圓奶茶。雖然奶茶我叫左少甜，但都覺得好甜，可能因為芋圓係用糖水浸住。芋圓整得細細粒，方便飲用。個麻醬拌麵幾好食架，但一邊食，一邊覺得自己係屋企都可以好容易整到出黎。見到個鍋貼，都好肯定係八方雲集啦。整體黎講，個套餐雖然望落唔係好大份，但係食落其實好飽。如果再去食，應該會試下飯同湯麵。…Read More

原本就唔肚餓，但想坐下就食個下午茶，點知就叫左一個好heavy既下午茶。芝士滑蛋撈麵個芝士都好味既，但覺得似鹹鹹地既白汁咁，送公仔麵就好似白汁意粉咁，不過不失。滑蛋都滑架，仲加左d herb係表面，herb既味都幾重，可惜令到蛋同芝士汁有種分離既感覺。望落去，份量都唔細，但會不經不覺就食晒。呢個下午茶係冇野飲，但只要加三蚊就可以有珍珠奶茶。而我就貪心d，加左7蚊要特飲。因為跟餐有野飲既餐都係要加7蚊先叫到呢d特飲。我就叫左凍朱古力with脆脆。朱古力味好濃，但就唔係好滑，脆脆都比想像中少。…Read More

識食當然係會揀主餐牌第一個嘅招牌便當啦。便當啲主菜好似係即叫即整咁， 熱辣辣脆卜卜。 而且有三款嘅炸物包括有炸蝦、炸魚同埋炸雞。 啲肉炸完都係好滑， 配上他他醬，正！個飯素真係令我有一種日本嘅感覺，好岩送飯，好想再去到日本旅行呀！左上方既沙律菜都好新鮮，淋左少少醋，開胃！雖然望落份野食唔係好大份，但食晒都好飽架。整體而言，位於新蒲崗，呢個便當都算係貴。但有時候食野另一樣重要既係個環境，氣氛，同埋同邊個食啫🤪…Read More

香港的fusion菜相當出名。呢個下午茶絕對係值得一讚！綠茶雪糕紅豆西多士，首先，佢只係貴普通西多士餐少少，然後就會多左d紅豆同一球雪糕。然後，個賣相好掂，茶餐廳都有cafe既外表，仲有d朱古力淋面做裝飾。每樣食物加起黎好夾唔會有違和感，綠茶雪糕同紅豆一向好夾，紅豆係煮到淋晒而且甜甜的。西多士應該係即叫即炸，出黎既時候熱辣辣，同雪糕有冰火交融既感覺，好好玩。西多士既麵包好軟熟，好味！貪食既我有加配薯條，但佢令我好失望，一黎份量好少，二黎又凍晒硬骨骨都唔脆既，下次一定唔會再叫。…Read More

清湯車仔麵，可以揀3個餸。仔細一睇就會發現所有既餸都係肉類。好邪惡但啱晒食肉獸。眼花繚亂之際，所以我就揀咗頭嗰三個餸分別係豬頸肉，雞扒同埋牛腩。而個麵底就叫左最肥既河粉，跟餐仲叫左罐肥仔水。餸既份量的確唔少，個雞好滑，個牛好淋，相比之下個豬就不過不失。最令我驚喜係個湯。飲落有好清甜的白蘿蔔味，唔會有一種愈飲愈口渴既感覺，不經不覺就會飲左好多。價錢雖然比較貴，但坐落係D2 place，呢個價錢就好正常啦！…Read More

由於選擇繁多，樣樣都好似幾好味，所以就望住個餐牌好耐。最後就選擇咗豉油雞髀同卡邦尼意粉，配上一杯少冰少甜嘅凍奶茶。42蚊既下午茶餐+3蚊凍飲可能係隻碟太大？! 望落食物好少，以為會食唔飽。點餐嘅時候仲擔心個雞髀用刀叉進食會食得好唔方便，但上碟隻雞髀望落好殘好老，手起刀落既時候，好容易骨肉分離。食起上黎有啲 驚喜， 個汁好好味，而且啲肉又唔會鹹又唔會嚡口。值得一讚係個意粉其實好好食，夠晒creamy又有芝士味，焗到熱辣辣， 所以最後都食到好飽。由於個意粉係需要即刻焗嘅，建議肚餓/趕時間人士就唔好叫焗嘢啦。…Read More

車仔面就食得多，第一次食素既。38蚊3個餸，我就叫左粟米，茄子，紫菜卷。而麵就叫左菠菜麵。加左6蚊既凍豆漿。豆漿率先進場，飲落豆味濃郁，覺得好似一啲糖都冇，成件事覺得好天然，過於健康咁。原先以為菠菜麵會好似蝦子麵嗰啲咁會令到個湯底有啲味道， 點知個清湯真係好清， 建議重口味人士加錢試其他湯底啦！至於啲餸都畀到我幾大嘅驚喜，一開始估啲粟米係會切件有芯果種，但原來係用咗粟米粒，對於鍾意冇骨落地嘅人就啱曬啦！另外嗰兩個餸其實一啲都唔清淡，茄子嘅皮仲係紫色，一路食一路滴油出黎，應該用咗好多油去煮。而紫菜卷就似係炸腐皮加紫菜，算係響鈴個朋友啦，所以都油油地架！…Read More

平時嘅常餐大多都係湯麵或者米粉配上五香肉丁/沙爹肥牛/叉燒，好少見到會有撈公仔麵。 好奇心驅使下就叫咗黎試下。呢個餐嘅份量相當多，塊多士好厚，仲有啲脆，只可惜已經唔熱啦！炒蛋應該用咗好多油去炒，食到成個碟都見到啲油，感覺好肥膩。下次再嚟嘅話應該會嘗試奄列。瑞士汁嘅味道適中，唔會太濃，同撈麵好夾。下次可以自己喺屋企買瑞士汁試下。雞翼都幾大隻而且有三隻咁多，瑞士汁好入味，正！！呢個常餐，好健康咁有啲伴菜西蘭花喺度，好可惜只係白烚完全無調味。…Read More

今日，我到了藍屋的一間餐廳「時間關係」吃午餐，點選了營養師推介的燒雞薯菜套餐。這個午餐讓人眼前一亮，賣相非常吸引。鄰座的食客看到我這個午餐都跟著點選這個餐。燒雞表面燒得好均勻，雞皮好香口。不過，這隻雞比較瘦，雞胸有點嚡口，但有脂肪的地方，還是很滑的。配上甜甜的醬汁。可惜沙律菜的醋雖然能夠掩蓋蔬菜帶來的澀味，但還是太酸了。至於薯菜，雖然只是用水烚，但我覺得非常好吃，應該是調味料的功勞。薯仔配上五香粉加黑椒碎，而椰菜就是有淡淡的麻油香味。隨餐附送了粟米忌廉餐湯，可惜是差不多在最後一口喝到了一啖粉，破壞我了對這個湯的感覺。…Read More

聽說呢間餐廳，周末未開門就已經有人排隊。今日星期一，我地襯佢一開門，12點就入左去。未幾，餐廳已經坐得半滿了。職員只係俾左午餐餐牌俾我地，我地仲以為呢個時候係食唔到主餐牌既野食，然後小呆見到其他食客有request份主餐牌，記得要睇下主餐牌呀！好開心呀，叫左呢度好出名既石燒吉列牛，以解我想去旅行之情，同埋咁岩隔離枱真係有日本人係度食，氣氛fit晒。塊牛好雪花好靚，真係煮到全熟都唔怕咬唔到，吉列既脆邊，正。留意番，午市係有包一杯飲品，但唔可以加錢變做有沙律有湯既set。仲有，係唔洗加一，呢個午餐自己又有得食有得玩（燒），難怪咁多人都叫燒肉啦。…Read More

今天我光顧了位於E-Max的759車仔麵。原來下午茶的時段有車仔麵以外的東西吃，所以我叫了鹹牛肉蛋三文治（加了1蚊烘底）和凍檸茶。今次的三文治給了我很大的驚喜。平時外面的餐廳是把蛋炒好了放在其中一塊白麵包上，然後加上叮熱的鹹牛肉就完成了，一般都是其中一邊比較鹹。而這份三文治是把生蛋和鹹牛肉拌勻才去炒，所以可以見到蛋中有肉，味道比較均勻。蛋是剛好全熟沒有過老，配上烘底的麵包是一絕。其實這是雙拼三文治餐，和一般茶餐廳一樣，有好幾個選項。…Read More