reneewongwaiching's Profile

今日去尖沙咀行街~經過呢間金牌沙嗲湯底既小店好似幾吸引! 招牌沙嗲手切牛肉麵(拉麵) /沙嗲手切牛肉牛筋丸麵 (台灣幼麵)沙嗲湯底好惹味~味道濃郁, 同牛肉味道好夾!手切牛肉都幾新鮮, 幾重牛味! 🤤牛筋丸爽口彈牙, 唔會係好多粉嗰啲～炸花枝蝦扒蝦味比較突出! 幾好食😋現炸口感酥脆, 外皮唔會好厚~台式鹽酥雞份量都幾多, 雞肉肉質嫩滑~外皮炸到好香脆!涼拌台灣百頁豆腐百葉豆腐比較彈牙, 味道主要係涼拌醬帶出~第一次食涼拌嘅百葉豆腐, 感覺好特別!好有台式風味～感覺小店都幾用心經營~ 招牌既手切牛肉同沙嗲湯都幾好食, 而且喺尖沙咀地段嚟講定價合理! 都好值得去試下😝…Read More

今日去左Megabox 同屋企人食晚飯~屋企人唔食牛肉所以專登搵咗呢間以豬肉為主題嘅餐廳試下🥰豬手薄餅(9吋)第一次食有豬手嘅薄餅感覺幾特別～Pizza都幾足料~除咗有豬手粒之外, 佈滿晒芝士仲拉絲添! 食完幾有滿足感😝慢煮醬豬肋骨配薯條Ribs都幾大份, 肉質好腍~而且好入味! 醬汁係甜甜酸酸好開胃😆 薯條炸得香脆,一啲都唔油~ 香煎雞肉忌廉貓耳朵粉醬汁都幾creamy ~ 貓耳朵粉有啲似貝殼粉咁, 都幾掛汁! 本身以為係忌廉汁, 原來係蕃茄汁~味道大少少微酸, 都幾惹味😋Refreshing Splash食薯條都想飲返杯有氣飲品😝所以叫咗杯mocktail~入邊係柚子茶蘋果汁配左士多啤梨果蓉,味道酸甜解渴~都幾啱夏天飲！呢間餐廳啲食物份量都幾大~都幾啱一家人嚟食😝價錢合理👍🏻屋企人都話下次要再encore ! …Read More

做完瑜珈經過依間夏威夷蓋飯外賣店 決定買份返屋企試下~KORNER(慢煮雞胸肉, 三色藜麥, 牛油果, 溫泉蛋, 山葵乳酪醬, 芝麻, 炸牛蒡)慢煮雞胸肉加山葵乳酪醬無違和感，山葵乳酪醬既濃香豐富KORNER既味道，而且食落唔辣。牛油果好creamy~篤穿溫泉蛋 蛋香濃郁十足， 撈埋藜麥沙律好有層次感，好滿足~SHAKA(三文魚, 壽司飯, 菠蘿粒, 溫室青瓜, 雞蛋絲, 辛味蛋黃醬, 芝麻, 辣椒碎, 炸牛蒡)三文魚配上辛味蛋黃醬辣辣地係咁熱既天氣尤其開胃，菠蘿粒食落好清香，青瓜質感爽脆，炸牛蒡作為配料好酥脆 幾惹味!豆腐秋葵滑身豆腐與秋葵搭配上黎味道好夾依個小食兩個人食份量岩岩好 感覺很健康! 如果想食得再輕盈啲 可以要求半菜底+半飯底 同埋汁另上呢度啲食材都好fresh 味道都唔錯😝要encore!…Read More

平時日式放題就食得多～今次見到有韓國餐廳做醬油蟹放題咁吸引一定要試吓啦!!除咗醬油蟹之外，仲會有其他小食可以任食真係超抵呀~ 炸雞外皮好鬆脆, 肉質嫩滑～年糕腸仔超推薦！外皮好鬆脆, 年糕煙煙韌爛超好味～甜辣年糕魚片年糕魚片好掛汁~味道唔會好辣但好惹味!䧳蟹醬油蟹任食頭一輪會有一隻䧳蟹, 睇相就知道蟹蓋超多膏! 之後無限量供應公蟹～雖然冇蟹蓋但係都超多肉超大隻~ 而且紫菜飯任裝~醬油蟹配飯一流, 超好食!!成餐都超豐富! 餐廳唔會漏單, 而且每一年都好大碟, 一啲都唔hea~ 好容易食到回本haha, 好抵食! 外面叫兩碟醬油蟹都唔止呢個價錢🙈我哋上次到訪係平日晚餐時間~餐廳超多人, 建議一定要book位啊!😆…Read More

今日去MOKO行街, 突然好想食台灣菜, 見到呢間餐廳係台灣過江龍好吸引! 就試吓呢間啦~經典紅燒牛肉麵(手工麵)麵條比較粗身, 口感煙韌彈牙, 自己好鍾意食呢種口感嘅手工面😍 好有咬口～湯底微辣惹味! 牛肉都好正~肉質軟糯帶少量根,比例剛好, 幾好食😋台式肉燥飯滷肉肥瘦適中, 滷水汁味道好好～ 配埋糖心蛋🥚送飯一流😆鹽酥雞熱辣辣上碟, 皮薄肉嫩～有去咗台灣嘅感覺😝豬大腸豬大腸唔算好多肥膏, 滷水汁都幾入味, 味道剛剛好～仲有啲配菜花生同酸菜都好正🤤紫香芋奶特調自己好鍾意飲芋泥, 但係又怕太飽~所以就叫咗呢個香芋特飲, 味道唔會好甜, 口感好Creamy帶少少芋香, 幾好飲!鳳梨檸檬沙冰而家呢個天氣飲好涼爽, 鳳梨同檸檬好夾! 酸酸甜甜好開胃😉整體嚟講啲嘢食都幾好食, 而且價錢唔算好貴! 見到佢個拌面都幾吸引, 下次要再嚟試吓先得😆…Read More

今日同朋友去D2拎野, 順便喺附近搵食😋見到呢間餐廳個logo好特別就試吓~THAI-GER小食拼盤食泰國嘢點都要叫返個拼盤😝呢個拼盤都幾豐富!蝦餅都幾大件,口感彈牙～單骨泰式雞翼香脆惹味!豬頸肉烤得剛剛好, 口感爽脆,外層焦香!配上清爽嘅木瓜沙律~ 唔會太辣,又可以解膩👍🏻泰式香辣醉貓炒水晶河粉（鮮蝦)蝦肉都幾大隻,新鮮彈牙~水晶河粉好特別! 比較闊身,口感煙靭～炒出嚟好有鑊氣,幾好味😋泰式青檸梳打味道唔會太甜, 酸酸地好清新!好鍾意泰國嘅梳打水, 唔會好快走晒啲氣～呢個天氣飲真係透心涼😆感覺店舖出品都幾用心!味道幾正宗~平日都差唔多滿座~如果下次去要記得book位先得😊…Read More

今日去觀塘行街,見到呢間西餐廳有好多選擇幾吸引~肉眼扒(三成熟)火候控制得剛剛好, 外層煎到焦香, 牛扒🥩充滿肉汁, 肉味香濃~明太子珍寶鮮帶子扁意粉帶子煎得香脆~ 忌廉汁有滿滿嘅明太子, 味道好濃郁, 扁意粉好掛汁, 超好味😋香烤美國雞翼配青檸蜂蜜柚子醬配薯條雞翼熱辣辣, 炸到好脆好香口~沾上甜甜酸酸嘅青檸蜂蜜柚子醬, 好惹味! 仲有粗薯條🍟添~真係食到停唔到口🤤士多啤梨乳酸梳打/蜂蜜提子檸檬梳打兩杯梳打味道都唔會好死甜~ 而家天氣炎熱最啱就係飲梳打好解渴💖意大利芝士蛋糕成個蛋糕都好Creamy, 而且都幾大份~唔會好甜好漏! 呢間餐廳餐點嘅選擇好多元化～份量都算幾大份! 餐廳環境都唔錯, 近門口有啲綠植裝飾可以打卡~ 下次再嚟試吓其他嘢!…Read More

一直好想試呢間馬來西亞x港式嘅懷舊茶餐廳, 今日去開尖沙咀又經過呢邊終於有機會試吓😝小籠包胡椒湯小籠包入邊超多肉汁, 而湯底好特別好重胡椒味~叉燒豬油撈麵(豉油)撈麵好香口, 但食落唔會好油膩~ 叉燒肥瘦適中唔會好乾! 香煎脆邊蛋肉餅飯肉餅都幾大塊, 煎到好香脆~啲蛋汁撈飯好夾好正😋咖央多士多士烘到好香脆, 咖央甜甜地, 好有馬來西亞風味~招牌炸雞翼炸雞翼好香脆, 熱辣辣好香口幾好食~斑斕樽仔咖啡味道都幾特別，有淡淡嘅斑斕香~呢間舖頭啲嘢食性價比幾高，係平價懷舊茶餐廳~下次要嚟試吓其他野食先得!…Read More

今日約咗朋友出旺角行街,咁啱見到呢間北海道湯咖喱幾特別~Suage special 湯咖喱咖喱湯底係比較水狀, 唔會好漏～味道唔會太辣~ 呢款咖喱有好多餸, 賣相已經好豐富! 有條司華力腸, 雞腿肉同埋好多蔬菜~ 配埋咖喱味道都幾夾~將白飯倒入去咖喱度食好似湯飯咁, 啲飯吸晒啲汁超好食! 😋炙燒豚骨煮湯咖喱豚肉肥瘦均勻肥膏同埋肉一層層, 同埋肉質好腍, 幾好食! 仲有好多蔬菜添~ 配埋白飯好掛汁, 成個配搭同咖喱好夾~ 🥰韓式燉煮牛肋條牛肋條剪到細細條, 肉質幾彈牙～仲有啲蘿蔔同埋薯仔做配菜～味道甜甜地幾好味!Shake Shake 炸雞(燒烤）炸雞炸到好香脆, 雞肉好嫩滑~真係好似食Shake Shake薯條咁! 將粉同埋雞肉加入紙袋搖一搖😝就變咗燒烤味嘅炸雞, 趁熱食超好味!呢間店啲咖喱都幾特別~職員有禮貌同helpful~下次有機會再試埋其他款🤩…Read More

成日經過呢間舖頭都見到好多人食抹茶雪糕😝今日夜晚去Airside 終於有機會試吓🥰明太子大葉豆乳芝士意大利飯整個味道鹹鹹香香😋明太子味道濃郁~ 有芝士🧀食落都幾Creamy, 好好味!嫩雞肉明太子茶漬飯 雞肉肉質嫩滑, 唔會嚡口~ 我哋揀咗鰹魚湯, 味道有淡淡鮮甜, 唔會搶咗明太子嘅味😋如果想濃味少少可以加埋鹽漬海帶同埋腌菜~ 焙茶焦糖牛奶賣相好吸引, 焦糖味cream同焙茶味道都幾夾~超推薦~抹茶綠茶雪糕淡淡嘅綠茶好清新~加埋雪糕食好冰涼! 呢個天氣真係好啱🤩黑芝麻蕨餅芭菲賣相好靚～底下係黑芝麻布甸幾特別🩶啲cream配埋啲穀物脆脆口感好有層次感!抹茶生朱古力芭菲豆沙溶一啲都唔甜, 配埋抹茶雪糕幾好味😆抹茶味朱古力幾好食！成個set dinner都幾多嘢食, 性價比都幾高🥰嘢食賣相都好靚~ 有好多嘢都想試🤣 下次要再嚟食焙茶芭菲😋…Read More

今次去旺角想搵啲樓上舖試吓，咁啱見到呢間韓國嘢好似幾吸引~見到佢招牌菜係食燉雞就試吓啦!鳳雛燉雞(無骨) 加飯焦上菜賣相好豐富～有好多配菜, 有青瓜,薯仔,蘿蔔等等嘅蔬菜好脆口!入邊仲有啲好煙靭嘅冬粉,成個配搭口感好有層次感~😋當然仲有主角雞肉~肉質都幾嫩滑，唔會好嚡口!啲汁甜甜地幾好食,今次因為喉嚨痛所以冇叫辣味,如果叫微辣嘅話應該仲惹味添!😝我哋加咗飯焦! 感覺幾特別香脆嘅飯焦，撈埋啲汁食好入味~都幾推薦🥰檸檬梳打/百香果梳打兩個嘢飲都唔會好甜,食嘢配梳打就最解渴~百香果味仲有啲籽好有咬口😝兩杯都幾好飲!…Read More

夜晚坐outdoor都幾有氣氛~而家呢個天氣坐戶外都幾舒服, 唔會太熱!自家製酸甜醬雞翼雞翼甜甜酸酸好惹味~培根芝士薯條薯條炸到又香又脆~啲芝士仲拉絲添!煙肉粒好香口好正😆巴馬火腿披薩Pizza都幾大個, 不過薄批底唔會食到好漏~Parma Ham鹹鹹香香咁幾好味👍🏻蟹肉意粉有滿滿嘅蟹肉絲, 幾足料~ 食完好滿足🥰Berry Burlesque有薄荷葉同埋青檸汁感覺好清新~ 加埋薑啤味道都幾夾!Rosemary Blueberry Smash有少少迷迭香味都幾特別~呢度啲侍應服務都幾好👍🏻幾有禮貌～嘢食都唔錯😝下次可以encore!…Read More

平時經過呢間餐廳都好想試吓~今日去開Airside 就嚟試吓啦🥰三文魚親子丼賣相好色彩繽紛~ 三文魚好新鮮,口感滑嫩~ 三文魚子好咸香搭配牛油果, 整體味道好夾，幾好食😋三味吞拿魚丼有三個唔同部位嘅吞拿魚~ 有大拖羅, 中拖羅同埋赤身~口感鮮嫩, 入口即融! 吞拿魚愛好者唔好錯過😍 超推薦~兩款飯底用左赤醋, 都幾特別幾好味! 鯛魚茶漬湯麵豉湯都唔馬虎! 湯底鮮甜~鯛魚片好嫩滑, 有少少茶香~食完好滿足! 北海道牛乳海鹽雪糕牛奶味好重好香滑～估唔到配埋海鹽嘅味都幾夾👍🏻信州蘋果/秦王麝香葡萄碳酸有汽水都幾重果味, 味道唔會好假~而且唔會好甜!…Read More

夜晚有啲懶唔想煮飯, 就喺屋企附近搵嘢食~ 有啲想食日本魚生🥰北海道甜蝦帶子魚生丼 北海道甜蝦三文魚都好新鮮, 帶子好鮮甜~ 成個擺盤色彩繽紛, 擺盤都好吸引😍魚子葱吞拿魚腩丼 魚茸好綿滑，搭配魚子的鹹香，令人停唔到口！ 配埋魚子口感好有層次感～ 食完好滿足😝煎鵝肝帶子卷 滑嫩的鵝肝和帶子配上脆薯絲，口感好豐富, 係驚喜之作~超好食🤩海膽茶碗蒸蛋 蒸蛋好嫩滑, 搭配海膽的鮮味, 味道都幾夾😋個人認為呢間店係黃埔區入邊比較好食嘅日本嘢😋夜晚價錢都唔係好貴! 魚生都好新鮮~如果同朋友嚟聚餐同飲下酒, 都係一個唔錯嘅選擇! …Read More

今日同朋友去尖沙咀, 見到有間韓國炸雞專門店好吸引!半半炸雞(有骨)-瘋狂蒜香炸雞炸雞好香脆, 蒜香味濃郁, 肉質好嫩滑, 好惹味! -韓式甜醬炸雞秘製甜醬味道好特別, 甜度適中~味道都幾夾!爆粟雜錦炸薯有粗曲薯條, 薯格同埋薯角! 配上粟米味粉, 聞落去好香! 估唔到味道咁夾😋忌廉芝士波口感外脆內軟～ 內餡咬落去有爆漿嘅感覺! 好邪惡! 入邊有滿滿嘅忌廉芝士🤤檸檬梳打食炸物都係要有氣飲品配下先開心！呢款檸檬梳打唔會好甜好解膩～今次叫呢個套餐都幾抵~見到佢仲有其他套餐都幾吸引，下次要再嚟試吓先得～…Read More