SomMeiLi's Profile

昨晚跟好友在圓方行街經過Mango Tree，就入去食晚餐，環境雖然比較暗但感覺好舒服，入坐差不多full house就比較嘈，職員服務態度好好！我哋二人order咗咖喱炒蟹，法包，炸蝦餅及柚子蝦沙律。先講炸蝦餅，好食又夠脆口，柚子蝦沙律略嫌佢太鹹，可能廚師重手咗！咖喱炒蟹唔辣嘅，好多香料味，個汁調較得唔錯，但失敗在隻蟹唔新鮮，D肉”好爍”，隻蟹鉗一半係空心嘅，好失望，好在個汁ok, 最後order咗一客法包點汁食埋佢。…Read More

今日十月五日第一城百佳休息，可能咁其他商舖生意特别好，有好多商舖都提早關門，紀香都一樣好好生意，麵包賣淨好少選擇，我一向買開嘅香葱包，價錢不變都係$10.-一個，但非常噩然麵包size係平日嘅一半，我真係唔敢相信，做到仲細過個豬仔包，而豬仔包都係做細咗，係而家社會活動嘅大問題，市民大眾應該係共渡難關，而唔係趁亂博大霧，趁機會赚一筆，咁做形同欺騙街坊金錢，趁火打劫，真真正正嘅奸商，所以要話俾大家知，一定要罷買！…Read More

今日喺朗豪坊做完treatment, 見到喺𨋢內嘅廣告，介绍呢家星加坡嘅海南雞飯（内容寫連續多年有米之蓮推介），相片影出嚟亦好吸引人，所以我就去咗試下！真心非常失望，D雞唔係太熟，仲有D血，我只好咬走未熟嘅部份，又無咩雞味，D油飯又硬又無油香味，我要倒D東瓜湯落飯先食到，俾碗白飯我仲好！個餐有碗東瓜湯，味道好淡似水多D！諗唔到食咗咁多年海南雞飯（係我嘅至愛），今次係最差嘅一次，如果10分滿分我最多俾3分，真係無下次！…Read More

23/5路經天后琉璃街，睇見有一家新嘅中菜館名為圍爐新開將，覺得個名好有親切感，（圍住個爐一齊食飯？）門口開將花牌成條街左右放滿晒，咁多人支持，心想廚房一定好得，於是相約好友們28/5晚一齊去試菜，當晚飲咗個黄耳椰子煲雞湯，個湯好潤無味精好正，跟住食香煎鼔油皇大蝦，簡直係我嘅至愛，大蝦夠新鮮彈牙，我一個人都食左两隻，仲有一味西蘭花炆香東菇，東菇又香又爽脆又入味，好好味，仲食埋個鮮焗蟹蓋，味道及用料十足，朋友個個邊食邊讚，再食左個西芹甜豆腰果炒帶子，金銀蛋炒莧菜，楊州炒飯等等，廚房果然夠鑊氣，食到眾人…Read More