katkatcc's Profile

話說⋯呢日買咗碗外賣係三酸撈薯粉加凍奶茶（圖2），拎外賣時比咗呢個外賣我（圖1），返到屋企發現唔係我碗麵，打番落去同佢講，佢仲死撐唔會，問係咪我自己拎，同事唔會比錯㗎，又質問我邊個同事比（咪玩啦阿姨，我識晒你d同事個名咩，我又唔係喺度做）之後唔打算換比我，我講多兩講先死死氣比我換。我拎番個錯嘅去番店換，兩個阿姨全程西口西面冇講野，唔好話要佢地道歉啦，但都唔好西我面，自己做錯怪個客，我唔當住全部客面前開你拖算仁慈。…Read More

買個外賣下午茶都一肚氣，買到返屋企發現冇比牛油、糖醬已經好嬲，一切開⋯乜依家大快活d西多士原來冇花生醬喺入面㗎？！ 我係order食西多士，唔係order炸麵包。垃圾⋯幫襯大家樂都唔會幫襯大快活…Read More

凍冰冰最好食蛇羹，去到門口企滿晒人，好彩等咗廿分鐘就有位，兩個人點咗一個蛇羹套餐（花膠燴蛇羹、臘味糯米飯、涼拌拍青瓜雲耳）再加一碗蛇羹，蛇羹好大碗，食唔晒😂糯米飯平平無奇啦。反而見其他食客都叫叉雞飯，唔知係咪都出名呢？…Read More

身為一個不折不扣的pancake控成日行街經過都好想試呢間餐廳個pancake, 今次終於的咗條仔同我食😆點咗個溫泉蛋和風肉燥乾咖哩伴油飯，可能太好味嘅關係，所以覺得份量有點少🤣仲有點咗個matcha souffle💕果然冇令我失望，賣相同味道都十分好👍🏻不過menu唔算多食物款式揀，貴精不貴多都啱嘅可惜價錢略為貴咗少少🤏所以都要考慮吓下次會唔會再嚟😭因為呢個價錢可以試其他店嘅pancake😊…Read More

唔知食咩好，喺海之戀兜咗個圈，天氣凍凍哋心血來潮想打邊爐，海之戀都有好幾間邊爐食肆，呢間有一人一鍋，而且呢間有我最愛嘅泰式椰奶雞湯底，就衝咗入去😊可惜嘅係呢個青檸椰奶雞湯底唔似泰國嗰啲（失望），反而個冬蔭公湯底值得推薦👍🏻食物方面係半自助形式，圖中嘅牛係fix咗嘅（二人份量，有四層），出面有自助形式嘅食物，好多丸呀腸呀菜呀蟲草花等等都有呀，雪條嘢飲都係任食任飲，泰式奶茶好飲，唔太甜有分幾種肉嘅套餐，價錢都不一樣我呢款寫住$108，但入座話今日要加$10，可能星期六啦，入座起計60分鐘，超準時叫交枱😂呢樣都理解嘅，比貴d就可以90分鐘的…Read More

聖誕節公眾假期，周圍食嘢人又多，經過十二味就上去啦，一上去間舖好大好多位，兩個人叫咗酸菜魚同辣炒牛，嘩，都幾大碟喎，味道仲要好好嘅味☺️平時食開十二味晚餐，冇諗過lunch會咁抵，兩樣加埋$136咋仲要有嘢飲👍🏻…Read More

早兩日去，用OpenRice book位有85折，去到話每人至少order 一杯野飲，就算個餐已經包咗野飲都要再 order野飲，最後冇本事賺佢呢個85折 😓埋單話只收 Alipay, WeChat pay，話現金就最好唔駛點找因為冇散紙🧐如果我當日帶唔夠現金又冇嗰兩樣支付方式真係唔知會點。仲有 service 真係kick kick 哋，特別係企門口有個後生仔侍應講野鬼食泥，冇笑容，好似前世欠咗佢咁唯一讚嘅係個邊爐椰奶雞湯底味道幾好,但個邊爐set 百幾蚊得5片牛，豬紅咁平嘅嘢都要切到咁薄好似好矜貴咁。真係再去呢間嘢？！不了！…Read More