member_509969's Profile

平時都有食super sandwich ，貪佢快上餐得黎又坐得舒服。不過呢間分店真係冇下次。意粉同其他分店一樣，飲品叫咗小冰都勁多冰，所以有啲淡。最差係我哋只係食咗20分鐘，大人食完小朋友仲有少少，店員已經嚟收兩次野，仲出聲叫下次早啲黎趕客走。明白係繁忙時間，但由坐低到走前後都係約35分鐘。我哋又唔係坐度傾偈，小朋友野又未食完，等佢食埋先走係基本吧。好彩我本身都趕時間，食完嗱嗱臨走，但對super sandwich 印象大打折扣，冇啦啦受氣，仲慘過食澳牛。…Read More

朋友聚會後想食甜點，突然想起這間一路都冇機會試既舖頭，終於食到了～～舖頭有兩層，感覺有點像以前前幾間舖又係有窩夫食既甜品店「心甜」，可惜已結業。我們點了抺茶特盛，魔鬼窩夫及竹碳窩夫。食物賣相一流，至於味道前兩者不過不失，只有竹碳窩夫有驚喜。抺茶特盛及魔鬼窩夫索價過百，價錢妣美過江龍人氣龍店，但味道未見突出，不會再試。竹碳窩夫有特色可一嘗。店舖食物價錢偏貴，且座落大圍地區，大夥兒飯後甜品打個卡是ok的。但若要有回頭客相信要在食物和店內環境上再提升了。後記：當日有兩位店員，男店員親切主動，對我們問餐牌上的問題都樂意回答，相反另一戴帽女店員態度傲慢，可能嫌我地睇唔明個餐牌兩人相映成趣抺茶特盛太貴魔鬼窩夫竹碳窩夫內有麻薯，雖然食落同冇加既窩夫冇咩分別，但配上芝麻醬，十分可口…Read More

大圍有好多好野食，呢間絕對係我其中一間心水小店。鋪仔細細主要賣小食，三文治。雞蛋咸牛肉三文治好好味，雞蛋夠厚，相當足料，配埋厚多士，有別於一般茶餐廳貨色。最得我心既始終佢既奶油豬，外脆內軟，奶油又香，相當出色。下午茶必食。近排俾我發現佢出咗雪糕奶油豬。老板仲推薦我試佢地既特別版雪糕奶油豬，超級可愛！中間隻豬仔係朱古力mousse～朱古力味濃郁～上面講既都係即叫即整，新鮮熱辣特別好味，食得出老板用心，而且價錢仲超級抵食。…Read More

今日黎到紅磡行行下見到呢間門口唔錯既餐廳，二人set lunch有沙律、餐湯、兩個主食、甜品、野飲都只係大約百七蚊，於是就入去醫肚。後來發現原來是一間社企，部份員工係聾人或弱聽人士。枱上有特別既餐紙俾你指俾d員工睇落單。呢度既餐碟碟份量都唔少野，兩個人食呢個set luch會好飽豬手好脆，薯角新鮮炸，配菜都唔會白烚冇味，很好吃意大利飯味道都相當不錯，有菇香，配上三大件羊架，可惜羊架調味略嫌不夠整體來說，性價比高，餐廳環境舒適，仲要係得奬社企，當然要支持。…Read More

第一次寫食評，因為太好飲了！食燒賣冇意中發現呢間飲品店。呢度既奶蓋茶，與其話係奶蓋，不如叫做cream cheese更合適。唔同一般台式奶蓋茶，呢度既奶蓋係有超香濃既芝士味，第一次飲超級驚喜。奶蓋茶有幾款配搭，我暫時試過朱古力、綠茶、阿薩姆茶同烏龍茶。朱古力就唔多啱我口味，因為個奶蓋本身已經好香濃，配朱古力就太留了。相反，奶蓋同烏龍茶簡直係絕配！茶味香同芝士香出奇地夾！我心水係奶蓋桃香烏龍茶阿薩姆都係一個唔錯既選擇。其實佢門口仲有牛根丸賣，個樣好似幾辣，下次再去試。…Read More