foodie_joyce的個人專頁

北角依間任飲任食火鍋店地點超方便，地鐵站一出行幾分鐘就到，餐廳裝修古色古香，仲有D四川京劇面譜作為裝飾，地方寬敞，非常舒適。湯底有5款可以選擇，包括經典麻辣鍋底、花膠雞湯鍋底、番茄鍋底、菌菇鍋底和大骨湯鍋底。我揀左花膠雞湯鍋底，味道十分濃郁，鮮味十足，湯底仲加入左蟲草花同埋紅棗，好滋補。火鍋店既重頭戲係任撈海鮮，鮑魚大大隻，仲有大頭蝦、蜆同埋蟹，全部都新鮮生猛，$268任飲任食，可以自己夾海鮮，你話唔正呀?仲可以SCAN QR CODE 點其他野食，生蠔係必食，勁肥美JUICY, 鮑魚仔好正，唔係平時罐頭個D, 蝦滑足料彈牙，豆腐滑到不得了，牛肉切得好薄，高質。唔止, 仲有其他打邊爐必食既丸類、蔬菜等等。飲品方面, 選擇都多，最正係有即開椰皇，真係其他火鍋店都冇, 平時出面飲一個都收你幾十蚊, 依度係任飲，超讚!總括來說，值得一試!…查看更多

將軍澳中心依間餐廳性價比好高!我同朋友下午茶時間去到都大排長龍，真係好期待。下午茶好多款式選擇，真係樣樣都想試。食物既質素相當高，餐湯係濃郁既南瓜湯，配香蒜牛油手工酸種包，酸種包烤到脆脆，好重蒜蓉味。(+$22)推薦意大利黑松露煙肉野菌忌廉蝴蝶粉，黑松露好香，忌廉汁夠CREAMY。($68)安格斯牛肉芝士漢堡配炸薯條，賣相吸引，份量大，牛肉JUICY，個包仲係脆架，都只係$78!另外ORDER左水果藍蝶花梳打，好靚既紫色，打卡一流。(+$21) 另一杯係玫瑰阿薩姆奶蓋茶，甜度適中，清新既玫瑰味，出色既奶蓋。($+20)下次黎將軍澳會再試佢既LUNCH SET!…查看更多

星期六放假當然係瞓晏啲啦，所以就去mustardbarandgrill 嘆Brunch。依間餐廳環境舒適，仲有室外露天位置，趁依家天氣未係好熱，坐在室外吹吓風都係一個唔錯嘅選擇。Brunch有六款任食前菜，一份主食，價錢都只係$258一位，抵食吖！前菜方面，我最鍾意煙三文魚他他配青瓜同埋巴馬火腿配哈密瓜，食料新鮮，好Fresh, 好好味！炸魷魚配墨汁都好正，一碟份量已經好夠兩個人食，熱辣辣，脆卜卜🥰。主菜方面，我地揀左Ribeye Steak同羊架。件牛扒成隻碟咁大磈😋, 兩份都煎得剛剛好，非常juicy。整體來說，非常滿意，值得一試！…查看更多

依間居酒屋嘅裝修充滿日式風情，牆上有好多插畫，亦都有好多日式嘅裝飾品，真係令人彷如置身於日本嘅居酒屋裡面，好靚，好有誠意，好適合打卡！除左環境正之外，食物同飲品亦好有水準。飲品：1. 蜜桃烏龍熊茶($58)熊仔冰非常可愛，絕對打卡able, 蜜桃味濃，加上烏龍茶，清新解渴。2. 葡萄檸冰($58)葡萄味糖漿加檸檬梳打水，酸酸甜甜，消滯之選。食物：1. 石板A5宮崎和牛厚切($388)上菜嘅時候熱辣辣，傳來陣陣香氣，聞到已經好想食，和牛肉質嫩滑，好juicy, 生熟程度剛好。2. 帶子海膽青瓜卷($188)帶子同海膽都好鮮甜，帶子微微燒過，加埋青瓜，感覺好fresh。3. 鐵板照燒三文魚頭($98)三文魚頭好大個，亦比想像中多肉，蘿蔔同冬菇都好入味，如果有碗飯就一流喇。4. 天婦羅茄子田樂燒($68)冇諗過份量咁大，茄子外層係薄薄嘅炸漿，外脆內軟，茄子亦保持軟身，唔會炸到好乾。…查看更多

朋友生日想食日本野，於是揀左依間居酒屋。🍻甲羅燒係必食嘅，有蟹膏、蟹籽、蟹肉🦀、海膽、鵪鶉蛋，蟹膏味道鮮甜，食落Creamy，夾埋塊梳打餅，好好味。三色丼非常足料，賣相吸引，刺身新鮮👍磯燒鮑魚同白蛤都係必點，鮑魚大大隻又厚身，蛤都好鮮甜呀😍…查看更多

食完晚飯，梗係要食埋甜品至夠滿足。我揀左普洱巧克力芭菲配巧克力布朗尼蛋糕。上層係cream, 雪糕，布朗尼，朱古力條，下層係朱古力脆脆。淡淡嘅普洱味道，感覺冇咁heavy, 布朗尼味道濃郁，食到一半可以加入鮮奶同朱古力脆脆一齊食，yummy👍👍😍…查看更多

依間燒烤主打近來好流行嘅流水蝦，自己夾蝦自己燒，啲蝦真係好生猛，超新鮮，好好玩❤除左蝦之外，仲有好多野食，海鮮方面， 有鮑魚，蠔，蜆，帶子，蟶子，魚，魷魚等等，淨係食海鮮已經值回票價。仲有肉串，蔬菜，其他熟食以及甜品，雪糕，全部都係任食，好滿足👍👍飲品都係任飲架。任飲任食兩個半鐘，飽飽，下次一定會再去😍…查看更多

唔少人都會响觀塘東廣場揾食，依間麵店細細間，座位唔多，是晚獨個兒來試試。我order左黑蒜油豬骨湯叉燒手打烏冬，可以選擇拉麵，老闆會問加唔加蛋。先喝一啖湯，好濃郁，好惹味，蒜香重。烏冬係粗烏冬，沾上黑蒜油，入口好滑。叉燒大大片，好淋又入味，都只係$56, 點解唔試吓？…查看更多

每次經過依間Cake Shop都覺得啲蛋糕造型好有心思，一於試吓味道如何。我地order左蝴蝶脆餅同埋港式奶茶曲奇杯。🎀蝴蝶脆餅外脆內軟，入面係軟滑濃厚嘅花生醬，比較甜，但鍾意花生醬嘅朋友一定😍🎀曲奇杯入面有一層朱古力，所以倒奶茶入去都唔會令到曲奇淋左，奶茶奶味較重，如果茶味濃啲會比較好。打卡一流👍👍…查看更多

深水埗開左好多新Cafe, 依間真係超多人呀，於是同朋友試一試。我地點左：1. 香煎帶子墨魚籽龍蝦汁鮮蛋闊條麵賣相吸引😍濃濃嘅龍蝦汁掛响每條闊條麵上面，帶子煎得好香👍    2. 薄脆拿破崙配以伯爵茶雪糕，雪糕加左爆炸糖，好特別。拿破崙脆片好有層次感，上面係榛子同果仁粒，中間係吉士醬。3. 炸雞煎蛋窩夫炸雞好正，外脆內軟，窩夫熱辣辣，配埋楓糖漿，好好味！…查看更多

打邊爐一向都係我最愛，依間火鍋店嘅麻辣湯底一直想試，因為好特別，隨湯附上青蛙造型嘅牛油，打卡一流呀，而豬手湯底好足料，啲豬手大大件，仲有大量粟米同蔬菜👍配料方面，安格斯牛肉拼盤，賣相已經相當吸引，牛肉好高質。老成都人氣香腸，細細條，好重油香，可以一試。黑松露墨魚滑同蝦滑爽口彈牙，不容錯過。🥰…查看更多

趁放假去左依一間位於梅窩嘅Pause Cafe, Cafe裝修都幾Chill, 同朋友傾吓計，食吓野，感覺好舒服，同間Cafe嘅名字一樣，可以暫停一吓，比自己relax吓。食物同飲品方面，order左一件Homemade cheese cake, 好rich, 好濃郁，餅底好脆，飲品就叫左Matcha Latte同Espresso🥰…查看更多

蒸海鮮鍋大家可能食得多，但依間真係好多野食:1. 有8款蒸海鮮， 包括鮑魚，蟶子，海蝦，花甲，扇貝等等，全部都好新鮮2. 一人一盅燉湯，好足料，非常濃郁3. 一大鍋八寶飯，八寶飯仲可以自己揀配料，超入味，食左幾碗4. 蔬菜拼盤，種類多5. 任食安格斯牛肉，屬高質牛肉，用蒸嘅方法煮，入口即溶6. 蒸糕點有蜂巢糕，馬拉糕，奶皇包等，甜度適中，賣相不錯。…查看更多

一向都好鍾意食酸菜魚，今次試一試依間四川菜。酸菜魚二人分量非常足夠，有好多塊魚片，冇骨，酸菜好味，湯底夠酸辣，仲有我至愛嘅薯粉，好滿足。脆皮豆腐，大大碟，外脆內軟，熱辣辣。娘子香辣鍋，如果鍾意重口味嘅朋友一定要試，配料點了午餐肉，嫩牛肉，鮮魷，土豆，全部都好入味，尤其係嫩牛肉，好淋。仲叫左兩杯台式飲品，好好飲呀。…查看更多

土瓜灣站D1出口一出，行幾分鐘就到，非常方便。環境舒適，暗暗的，有高級日本料理嘅感覺，但價格十分相宜。二人套餐非常抵食，有兩份主食，兩份小食，兩杯飲品，都只係$256。主食點左醬油拉麵同埋慢煮雞胸飯。拉麵份量大，有兩塊紫菜，半隻糖心蛋，兩塊雞肉，一大塊叉燒，湯底唔油膩，麵質彈牙，正👍。慢煮雞胸肉質嫩滑，唔肥，配埋醬汁，值得一試。小食方面，點左餃子同埋芥辣八爪魚。餃子煎得脆脆的，滿滿的餡料😍, 八爪魚送飯一流。…查看更多