我一大班朋友（7人）光顧呢間餐廳，最後食到一肚氣！我哋7人叫咗2個set dinner,另外再叫咗3個菜式（豬手& 2個明太子釀雞翼）2個甜品及散叫7杯飲品！7pm入座，本身都好好，侍應服務周到， 4人份的湯換成7碗上，我哋都覺得好好！但接近950pm時，客人陸續賣單，我哋開始越坐越凍，原來有個男侍應走過黎我哋張枱，用遙控對住冷氣開到最大！點解我哋會知，因為佢個著西裝經理問佢有關冷氣，肥男侍應大大答佢經理「我特登開到個冷氣最大」！其實間餐廳係10pm關門，你哋只需要同我哋講聲仲有5分鐘關門，我哋客人自動準備走人！你哋用呢d陰招趕客人走，真心令我哋不滿，我哋這餐消費都$2000以上（雖然唔算大單，亦感謝openrice訂座有85折優惠）我哋係會bad list呢間GAVI餐廳，唔會再光顧！一個侍應的無品行為破壞晒所有好的印象！請呢間餐廳的負責人好好注意呢啲細節！市道唔好，就更應努力做好留住客人吧！…Read More
