leen903的个人专页

中上環有好多咖啡店, 連鎖的不說, 其他小店愈來愈多, 質素也很參差不齊.  所以遇到好地方就想一去再去, 但同時又想試一下新地方, 想發掘更多好啡. 這一間是附近工作的朋友介紹給我的.  上一次一起午飯後他帶我來嘆咖啡. 今次自己一個人來, 可以細閱一下餐牌, 細味一下這裡的裝潢和環境. 常覺得咖啡店的環境很重要, 可以大大影響嘆咖啡的心情. 地方不大, 但深色裝潢令人舒適平靜. 有少量咖啡用品裝飾.  最特別是一些掛畫.不過咖啡有點過熱, 可能打奶時間過長.…查看更多

去之前已經知道係味千級數，所以係0期望，但係唻到之後真係想俾負分！服務係唔錯的，入門口有人greet同帶位，坐低俾水俾杯，但係竟然係暖水？食拉麵唔係冰水真係第一次！餐牌上有拉麵，油麵，沾麵同飯，第一次兼最後一次唻，就試下最基本的大門拉麵。麵到，試一啖湯，是重重的魚介味，跟住一啖麵，粗身，唔係好掛到湯，有點硬，唯一好處係夠熱，咁就可以浸淋少少。叉燒，眼見係有肥肉，不過咬落都係硬。筍呢，有微微的辣味，不過我唔係咁鍾意隻味，所以最終碗麵係食唔哂。…查看更多

開了一段日子的donut店，曾經在印尼吃過，當時覺得不大好吃，比較喜歡另一品牌。既然來到香港，朋友間試過都有好評，所以也來試一下。今日星期日，有較多外傭在店內，不過也不算吵。這個donut有比利時朱古力在外，裡面是light tiramisu cream. 吃起來感覺鬆軟，味道比在印尼吃的好。店內座位挺擠迫的，也不多，我看見不少人進來了見沒位置又走了。但是，店的裝修頗漂亮！尤其喜歡這2盞燈,還有這句話，很有幽默感!…查看更多

下午2點多, 裡面都幾多人食緊, 因為呢間老字號又出名, 所以一直都有好多人出出入入, 有熟客, 又有操普通話客.我一個人, 本來諗住坐張細台, 唔好阻住佢, 不過佢見我大份又有個大背囊, 所以叫我坐大台, 話舒服D嘛, D阿姐都幾有人情味, 好好人呀!叫左名物-- 燒鴨瀨, 唻到真係見到好多鴨呀!D鴨肉都好嫰滑, 一排係有骨, 一排係肉, 所以一碗有哂2種口味, 瀨粉都好多, 所以好夠飽.呢間都好多選擇, 好似叉燒/ 牛筋腩都有得揀.…查看更多

好早, 6點鬆D就到達, 裡面只有1-2個人, 所以唔使等位, 可以直入.望下餐牌, 期間限定係蠔, 不過第一次唻, 試下基本野先.今次食白熊, 冇蛋, 筍的, 有木耳, 台面有3樽東東.  包括好似酸菜的, 辣芽菜, 同唔知咩.湯底頗濃, 同幾香, 不過係頭一啖好味, 之後就冇啦.  酸菜個樽就正好用唻解膩, 辣芽菜都幾辣, 我食左一箸就唔得啦.面有2種粗幼, 我揀左粗個隻, 不過都幾幼.叉燒揀左肥個隻, 炙燒過不過唔算好香, 而且真係好肥. …查看更多

今日11:50到餐廳, 職員有禮地讓我自己選擇座位, 我選了半隱蔽的位置.  餐廳有數個大windows, 所以好光猛!11:55出counter, 問店員可否叫lunch, 因12時才開始, 她望一望鐘話可以落order.lunch叫主菜送湯及飲品, 可以選意式咖啡, 不用加錢!今日的餐湯是白豆湯, 加了些鷹咀豆, 有口感, 好味道, 又有營養. wild mushroom risotto一來到就聞到好香菇味, 我好似聞到D松露, 唔知係咪加左松露油. 雖然garnish 係我唔食的alfalfa, 我撥埋一邊都OK. 不過我覺得portion有D細, 因為食完都唔係好飽, 可能係我太大食 店員係我飲完湯先上主菜, 跟住食哂主菜先上咖啡, 我覺得非常好, 唔使攤到凍哂.杯咖啡, 奶味同啡味好平衡, 飲落好舒服, 而且溫度剛好, 曾經有人講過, "如果飲杯latte, 辣親條脷就唔抵啦!"這個午餐, 我食到2點先走, 其間都係多左2-3枱人, 真係為佢擔心呀!…查看更多

今日好想飲咖啡, 所以上OR查下, 見到呢間就上去望望.入到去, 有位男士熱情招呼, 我同佢講只係想飲杯咖啡, 問佢有冇LATTE.佢話有, 餐牌都冇俾我睇就問我係咪要LATTE, 見佢咁熱情就即管試下啦.點知... 原來係自動咖啡機... 杯野唻到已經唔係咁開心, 摸一摸, 熱到辣手, 梗係攤下先啦.用匙攪下, 因為係玻璃杯明顯見到一層奶, 一層啡.  去正常的CAFE飲我係唔會攪的.見到D泡幾吋厚... 心諗, 我要LATTE, 唔係CAPPUCCINO 喎!攤左幾分鐘, 攞起試左一啖, 入口只得苦味, AFTER TASTE都係得苦味... 等多一陣再試多啖, 今次係口腔停留耐D, 不過依然只得苦味, 無奈放棄... 叫WAITRESS埋單... 竟然要$40. 我係地鋪CAFE咖啡師沖既都未必要咁貴啦.最後去過2條街的ARTISAN CAFE補返數.問心, 我講到明想飲咖啡, 你都應該同我講聲你只得自動咖啡機啦! 我咪走人去第二度飲囉! 仲同我講D咖啡好靚, 你自己有冇飲過架? 冇花香, 冇甜味, 冇酸度, 只有苦既咖啡叫好?…查看更多

第一次食係大約3星期前, 當時食左上海粗炒. 感動到想喊, 因為而家係出面食到既已經係冇色冇味的健康粗炒. 能夠食到濃油赤醬真係好開心!第二次食係星期二 (12/4), 食左排骨菜飯, 呢一樣就不算出色.今次, 外賣返屋企, 要搭25-30分鐘車.上海粗炒, 唔知係咪搭左車, D麵有D淋.餛飩拼雪菜肉絲麵, 都係淋, 但係佢有分開湯. 餛飩幾好食.獅子頭菜飯, 獅子頭肉質較鬆散, 但係未至於唔好食.春卷就淋哂, 雖然佢都有係盒度開HOLES. 不過, 餡料不錯, 新鮮炸起時應該好食.但整體唻講, 價錢略貴.…查看更多

呢度的填鴨係我每次長期離開香港後, 回來都一定要吃一次的.佢片出唻雖然係多肉左, 不過皮脆, 帶有少少肥, 食落好豐富! 另外d青瓜特別爽脆, 成日都忍唔住就咁食, 咁就唔夠包啦 可惜我只得一家3口, 每次食填鴨都食唔到其他野, 只係可以叫多一個菜, 我覺得水準都唔錯! 又唔係太貴.…查看更多

成日都會心思思想食outback的cheesy fries! 仲有佢的rib eye, 大件又好味!不過 service就麻麻, 我地唔夠牛油, 問佢可唔可以再俾, 佢拿到冇左影...加上我地比較遲食, d waiter/ waitress好似等收工咁食日圍埋傾偈.…查看更多

我每次都吃 BC combo, 仲要加gravy點fries! 唯一唔夠好係汽水太細杯, 次次都要去第度再買野飲.有試過 tea, 剩食fries加gravy, 真係super好味!!! 又平!不過, 金鐘好坐d!…查看更多

ceasar salad, 5 cheese pizza基本上每次必叫!我喜歡pizza薄脆, 跟我在rome吃的一樣! 當然, 有人說napoli的厚批才是pizza... 不過, 個人口味 ceasar不是最好吃, 因為略帶酸味, 不過也算是第二最好了.人多的時候, service不大好, 人手不夠的問題, 而且, 這裡的位置太好, 經常爆滿!…查看更多

標題冇打錯, 我想說的正是這裡讓你選擇要一籠兩件 or 3/4件!這個做法真的是天才! 食客可以多吃幾款, 酒樓生意又可以更好! 一舉兩得!這裡的燒賣不錯!…查看更多

腸粉係一種成日令我心思思想食, 但又好難找到好吃的食物.這裡稱不上PERFECT, 但在無competitor的情況下, 心癮起就唯有到這裡來.為什麼不是perfect? 腸粉太碎, 或太易碎... 對我來說是一大忌.…查看更多

通常午餐都吃老豆買的外賣, 這一家是他常買的一家. 我想是因為他喜歡吃咖哩吧.基本上每次都吃咖哩豬排, 也只有這一味是好吃的! 加上例湯, 昨天喝的是花生眉豆雞腳, 我最喜歡!豬排真的是脆脆的, 很好吃! 例湯感覺上沒MSG. 而且外賣的價錢相宜.…查看更多