I4DforFood's Profile

老蘭除咗飲醉，仲有飲飽食醉😆由大埔開到嚟嘅L’AMOUR裝修有情調又個靚靚白色鋼琴，適合小情侶嚟個小幽會👩🏻‍❤️‍💋‍👨🏻👩🏻‍❤️‍💋‍👩🏻👨🏻‍❤️‍💋‍👨🏻叫咗一個3course晚餐（$398）同4course晚餐（$468）1️⃣餐包（配黑松露牛油 及 豬肉醬）黑松露嘅香味唔會蓋過牛油香，兩者取得平衡🤌🏻豬肉醬配餐包令我諗起越南Banh Mi，鹹鹹香香幾開胃2️⃣焦糖法國鵝肝撻 及 藍鰭吞拿魚他他估唔到將鵝肝融入蛋漿，由甜品變成鹹品又幾夾😚吞拿魚他他都好鮮味，配上脆脆嘅多士就好滋味😆3️⃣是日餐湯：南瓜海鮮湯主廚將南瓜湯打到起泡，口感起蓉鮮甜，蝦肉爽彈青口鮮嫩🥂4️⃣有機野米釀法國鵪鶉鵪鶉嫩肉包住煙糯嘅野米😘好食5️⃣慢煮韓牛牛肋骨（+$68）廚師將牛肋骨煮到好淋好淋，一絲絲嘅肉滲透好香嘅牛肉汁，食落喉嚨好順滑舒服6️⃣是日甜品：焦糖燉蛋正常發揮，如果個士多啤梨再整走塊葉就方便啲7️⃣原隻海膽雪糕（+$48）呢個新奇配搭都幾衝擊🤣估唔到鮮鹹嘅海膽夾埋甜甜哋嘅豆腐雪糕又幾得意！8️⃣紅酒（+$128/2杯）紅酒嘅醇香，有埋靚仔waiter哥哥親切又elegant嘅service，為是晚增添三分醉意🤤.性價比：🌕🌕🌘🌑🌑美味度：🌕🌕🌕🌕🌑獨特性：🌕🌕🌕🌗🌑.📍L'AMOUR (中環)🥂中環蘭桂坊德己立街58-62號協興大廈地下A&B號舖.…Read More

Ciao~飲飽食醉嘅體驗呢間餐廳位於AIRSIDE地下室外，少咗份繁忙熙攘商場感，景色望住公園草地比較放鬆💆🏻‍♂️環境裝修昏暗怡人，牆上有唔同意式盞鬼海報，亦播住歐美音樂好chill💅🏻.1️⃣意大利雜肉碟（$148）3種肉唔會做得太鹹，配旁邊餅乾食就恰到好處🤌🏻要特別一讚嗰一細兜olives又幾鮮甜清爽好食！2️⃣八爪魚片（$168)廚師用檸檬同橄欖油醃八爪魚，口感清爽又爽口，夏天必點～3️⃣香草大蒜墨魚汁蜆扁麵線（$168）墨汁手工意粉每一條都沾到滿滿嘅蒜油，煮得啱啱好al dante，蜆肉鮮味彈牙4️⃣和牛西冷蘑菇汁（$278)揀medium rare好正確☺️廚師控制得啱啱好，外皮微微焦脆，裡面粉嫩，仲好細心切好一塊塊等人可以好elegant地食，入口好易咬開之餘亦散發出淡雅嘅牛肉香，係高分嘅作品！配菜薯蓉都好creamy滑身、炒蘑菇好焦香👍🏻5️⃣(Cocktail) Aperol Spritz（$98）一般係用Aperol利口酒＋Prosecco氣泡酒＋梳打水調配，不過店家採用白酒，佢哋話一樣咁有酒香、一樣咁易令你醉😈版主飲咗少少已經上腦，暫時log out from reality👨🏻‍🚀log in微燻世界～6️⃣榛果避風港（$58）Essentially係榛子奶昔，有好rich嘅榛子甜味，嗜甜嘅朋友可以一試～版主本身唔太好甜，而且夏天想飲清爽嘢，所以呢杯個人還好7️⃣Gelato（$78/2球）每日都有唔同味道，版主今次揀咗best seller香蕉焦糖同斑蘭味，兩款都唔會太甜之餘又好濃香蕉同斑蘭味，為呢餐畫上圓滿句號～.性價比：🌕🌕🌕🌑🌑美味度：🌕🌕🌕🌕🌖獨特性：🌕🌕🌖🌑🌑.📍The Cipollini Pizzeria🍝啟德協調道2號AIRSIDE G樓G012號舖.@thecipollini #啟德美食 #新蒲崗美食 #italian #gelato #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

舒舒服服嘆新鮮火鍋料！.天氣涼咗又係時候邊邊佢！呢間樓上火鍋擺盤夠晒排場之餘，食材都好新鮮㗎！師傅會先端上一碟六兜調味料自由mix醬，湯底要咗瑤柱冬瓜鮮蟹肉鍋，清甜鮮味，另一邊要（小）麻辣鴨血粒粒蜆鍋，醒辣暖胃！.1️⃣叄樓至尊牛拼盤（$438）有齊本地牛、牛胸爽、金錢輾、安格斯、牛舌、牛柳粒，全部新鮮切起，牛肉質地嫩滑有濃郁牛味.2️⃣墨丸，鮮牛丸、手工餃、雲吞（$208）丸類爽口彈牙，牛丸亦有顆粒感，食得出係手打，手工餃皮薄餡多，食落巧C服.3️⃣響鈴（$48）即刻炸起熱辣辣，浸湯幾秒索晒湯汁上返碟仲保持到少少鬆脆口感，超正！.性價比：🌕🌕🌗🌑🌑美味度：🌕🌕🌕🌕🌘獨特性：🌕🌕🌕🌑🌑…Read More

呢間大推🤌🏻🐉咁平得唔得㗎癡線‼️鍾意食鱔一定唔可以錯過，呢間主打做$58白鱔片飯套餐，滿足晒鱔控口癮🤤仲有做豬、牛、雞飯，最平係$38燒牛肉金菇飯🍛一問店主Felix @catng1982 原來呢間餐廳係慢煮屋副線，原慢煮屋無執，搬咗去4樓😂Felix有批發新鮮白鱔來源，所以先做到咁平，每個餐由切魚烹煮都親自操刀，feel到佢對每份餐都有份熱誠。真心，出面食鱔閒閒地都講緊百幾蚊碟，仲要多數係單一豉汁蒸，呢度淨係汁煮都有4款，連炸鱔球都有4款任君選擇💃🏻點可以放過佢。.1️⃣🌶️花椒醬油汁鮮白鱔片飯($58)(可加+$30鱔片增量)58雞但一啲都唔hea你。首先店主一捧個餐出嚟，都未擺落枱，陣花椒味直撲鼻窿👃🏻攏盤一洗中式蒸白鱔嘅平實賣相，變成仿日式嘅精緻排場，胃口🆙‼️數一數都有13塊薄切成蝴蝶形嘅白鱔片，食落鱔皮爽脆、鱔肉鮮味有彈性，同餐廳名「鮮活」一樣，將食材最raw最新鮮嘅味道釋出嚟，個汁唔會濃到蓋過鱔味，恰巧增添辣勁，個汁我索性撈埋飯😋飯就正正常常啦，咬爆芝麻粒會更香。湯就應該係味噌湯，清清哋幾解油感。會覆桌‼️‼️.性價比：🌕🌕🌕🌕🌕美味度：🌕🌕🌕🌕🌖獨特性：🌕🌕🌕🌕🌑.📍鮮活之味(觀塘)🐉觀塘開源道60號駱駝漆大廈第三座11樓G室.@freshhomekitchen #觀塘美食 #白鱔 #鱔片 #eel #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

.1️⃣Sakura Martini：一坐低就端上，櫻花味清新唔嗆口，為呢餐揭開序幕2️⃣前菜沙律、白蝦三文魚子、帶子漬菜：三文魚子超鮮甜，白蝦肉粒都好彈牙飽滿🤌🏻3️⃣車子天婦羅（瀨尿蝦用紫蘇葉包住）：無諗過瀨尿蝦都可以炸到脆口爆汁，紫蘇葉恰當中和咗些少膩感4️⃣南非鮑魚配羅勒醬同法式甘筍汁：靚仔師傅純熟迅速切出一粒粒bite-size鮑魚，仲好貼心放返落殼度擺靚個盤，咬落好焦香好彈牙，一啲都唔難咬😌jeng5️⃣加拿大龍鱈魚配白菌湯：佢先煎咗個底10分鐘煎到脆邊，入面嫩滑嘅鱈魚肉同個白菌湯溫和配合得宜，係舒服嘅一道菜6️⃣蘇格蘭蟶子王配蒜蓉豉油同法式青豆醬：貼心切開一細片方便進食，佢燒得啱啱好，蟶子肉爽口不韌，蒜蓉豉油好惹味7️⃣🌟🌟🌟太平洋赤金鯛配松露汁：全晚最驚喜嘅一道，師傅用「辣鱗燒」嘅方式，將赤金鯛浸落一煲滾油焗到表皮鱗片超級超級脆，同時將入面啲肉焗到啱啱熟，咬落索索聲😳好似食緊爆炸糖咁，有被驚艷！8️⃣澳洲龍蝦配蝦頭膏：都係貼心剝晒殼，龍蝦咬落有少少韌，但肉質鮮甜爽口彈牙9️⃣熊本和牛：揀咗五成，不失所望，粉嫩嘅和牛入到口，油脂香衝襲味蕾，細心咀嚼後好柔和咁跣落喉嚨🔟高菜燒飯：諗住都係當填肚，點知又係好出色嘅燒飯！各種野菜碎加埋炒到爆香嘅芝麻粒，日本米炒到粒粒分離好香好軟熟，食到唔想停口！🤭1️⃣1️⃣炒清湯（牛肉湯）：清清哋，refresh一下味蕾。1️⃣2️⃣水信玄餅：大大粒透明濕潤嘅水信玄餅沾上黃豆粉同黑糖蜜，既保持到香甜滑溜嘅口感，又唔會令成件事漿口，好舒服地結束呢一餐，ご馳走様でした😋.性價比：🌕🌕🌖🌑🌑美味度：🌕🌕🌕🌕🌕🌕獨特性：🌕🌕🌕🌕🌖…Read More

大埔良心店🫶🏻即叫即整椰汁.11月日頭都仲係好熱，今日介紹一間大埔墟站附近、區內響晒朵嘅良心小店💛主打即叫即整唔同口味椰汁：芒椰🥭 、椰子咖啡、牛油果椰汁🥑等不定期出現，另外仲有限量斑蘭卷、紅棗卷、黑芝麻卷等⚠️日日都唔同⚠️‼記得上佢社交平台「Joe 椰」睇有無開店同埋當日有咩食品賣‼️.1️⃣400次椰子咖啡（$40）⛑唔肯定仲有無⛑佢個咖啡打到好foamy好輕盈，開蓋食少少🤏🏻比得上cappuccino咁泡泡，帶有latte味，撈埋下面順滑嘅椰汁好夾呀🫶🏻超好飲2️⃣芒果椰子汁（$40）行到去身水身汗，整返杯真係透心涼😭gosh芒椰絕配唔使講，佢啲芒果仲係有果肉有咀嚼感，甜味突出嘅芒果汁對味蕾零負擔，加埋無渣香甜嘅椰子汁真係巧c服～3️⃣斑蘭椰汁卷（$25）緣分食品，最期待係呢個，賣相吸引，想買記得☝🏻當日朝早睇定FB講有無開✌🏻有無你想要嘅卷👌🏻最好早少少去，因為佢唔會整太多盒✋🏻必要時WhatsApp定老細留貨不負所望，椰汁同斑蘭味都好出好香甜，煙煙韌韌，買到嘅話一定要買.性價比：🌕🌕🌕🌕🌑美味度：🌕🌕🌕🌕🌖獨特性：🌕🌕🌕🌗🌑…Read More

親民價嘆手工意粉🍝裝修有香港特色.手工意粉呢啲心思嘢一般都要二百尾甚至三百尾落樓，估唔到呢度百幾起就試到🥳仲要裝修好有心思，觀塘分店搵藝術家寫書法喺圓柱身，搖身一變成打卡點。燈光暗暗地望住裕民坊水池好舒服。佢仲有唔同cocktail畀大家揀🫶🏻.🆓佢一嚟會有兩件多士做前菜畀你點欖欖油同醋食（類似PICI），正常😂1️⃣新鮮青口配茴香酒汁（$118）必嗌！青口首先份量多，店員貼心畀碟擺殼，青口肉新鮮到不得了，飽滿得嚟唔會咬好耐，絕對唔係雪藏貨，值得一提個酒汁完全唔嗆口，甜甜地完美結合青口🦪2️⃣白鯷魚茄子蓉多士（$98）小衝擊係無諗過凍食嚟😳但ok喎又🫶🏻鯷魚無骨肥美啖啖肉，佢上面仲有啲paprika辣椒粉，辣辣地蓉蓉地平衡乾多士🫶🏻3️⃣新鮮波士頓龍蝦意粉（$228）店家重視到擺佢喺MENU封面鎮場🤩呢款意粉講真出面食係要298-398，呢度228就有。平時意粉口感會係煙煙韌韌，呢隻手工意粉質感幼身顆粒沙沙，我個人係幾鐘意🍝汁係蕃茄汁為主。要大讚好貼心幫啲客分好龍蝦肉、摵好再擺原位，儀態加分🤌🏻肉質彈牙新鮮，好唔捨得食晒😚4️⃣Tiramisu（$58）又係平均比同類型舖頭平，酒香濃郁無挑剔🥰5️⃣奶凍配百香果醬（$48）好似小新patpat 咁動L😂玩到人哋裂！佢奶味好濃好濃，食到悶仲可以溝啲百香果醬加酸🤌🏻6️⃣Campari Orange（$88）典型cocktail，酒味唔明顯，適合想飲果酒嘅人🫶🏻7️⃣Sweet Dreams（$98）Gin酒+蝶荳花tonic water + 各種香草果味，仲可以加檸檬汁由藍色變成紫色，仲有隻檸檬皮蝴蝶喺杯中飛下飛下🦋好難形容咩味，好清新嘅梳打咁，成杯嘢好有玩味🛝.性價比：🌕🌕🌕🌖🌑美味度：🌕🌕🌕🌕🌖獨特性：🌕🌕🌕🌗🌑.📍Pentola (裕民坊YM²) (觀塘)🍝觀塘協和街33號裕民坊YM²3樓305號舖.@pentolahk #觀塘美食 #手工意粉 #pasta #cocktail #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

申子居酒屋姊妹店🥘無限時邊爐放題.波鞋街商場原來有間極隱蔽嘅火鍋店叫天心 @tengokoro ，位置喺1樓TINY模型店左邊門穿出去天橋，再過去先會見到🫠因此比較少人，亦因為咁坐得好舒服，仲無限時打邊爐添！.1️⃣廣島蠔套餐（$598）佢會先嚟定量嘅5隻蠔同1大盤牛，部分牛同海鮮蔬菜熟食係任嗌。蠔好重海水鮮味，本身係刺身蠔淥40秒-1分鐘就食得，好飽滿好creamy亦都唔腥😜牛有牛小排、牛肩胛等不過不失.2️⃣嚴選美國牛肉（$298）有肥牛、牛舌、牛板楗咁唔吝嗇1整盤上枱，正常發揮啦～佢個豆乳柚子湯好正！清新酸味除咗無咁油膩之外都提升咗食材鮮味🫶🏻海鮮要講吓鮑魚淥完唔會好咬唔開，爽口質感大love！.性價比：🌕🌗🌑🌑🌑美味度：🌕🌕🌕🌘🌑獨特性：🌕🌕🌕🌑🌑.📍天心 (旺角)🥘旺角奶路臣街17號THE FOREST 1樓114號舖.#旺角美食 #旺角黃店 #打邊爐 #火鍋 #火鍋放題 #無限時 #黃店 #黃色經濟圈 #黃店推介 #美食推介 #良心小店 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食…Read More

🍢銅鑼灣多汁串燒店.呢度坐得舒服之餘，更加唔會有傳統串燒店烏煙障氣嘅感覺，因為佢擺好晒抽油煙機喺個爐上面，而且用亞加力膠板三面圍住晒，所以唔使驚食完成陣燒烤味！啱晒慶祝食！.1️⃣炭番Set（$528）🥗豆腐野菜沙律：清新開胃🐟七味魚翅乾：香口煙韌，小食係牛肉絲金菇冬菇🤱鹽燒雞胸軟骨串：之前嘅post講過我係好鍾意食呢個部位，呢度都一樣做到好爽脆焦香🍗鹽燒雞髀軟骨串：比雞軟骨多咗層雞肉喺面，有爽脆感亦有肉感🐣免治雞肉棒：佢將雞肉唔同部位撈埋一齊，既有雞肉彈牙同結實口感，仲有少少軟骨口感，配埋生蛋醬油就好惹味😀🐟燒白鱔：皮燒得好香脆，鱔肉鮮甜多汁🥓煙肉荔枝卷：荔枝香甜中和煙肉油膩🐷豚肉露筍卷：豚肉本身都燒到好香，而露筍令成件事爽脆咗🍑白桃果實酒：清新果味濃嘅酒適合每次清一清味蕾🙌🏻.2️⃣甲羅燒配法包（$78）蟹膏上枱時仲出煙🤤蟹膏味好出3️⃣鹽燒和牛（$88）油香帶淡淡肉汁牛味4️⃣煙肉蠔卷（$58）個蠔好香！由頭慢燒落尾，煙肉亦唔會過鹹搶味5️⃣燒明太子（$68）鹹鹹辣辣同青瓜夾住，不過我都係覺得太鹹6️⃣燒羊架（$78）有肉汁嘅羶香，正！7️⃣燒多春魚（$38）燒得完整濕潤嘅多春魚，夠焦香8️⃣青短柚子酒（$68）又係離遠都聞到好濃嘅柚子酸味，中和油膩感同滋潤個口一流.性價比：🌕🌕🌕🌘🌑美味度：🌕🌕🌕🌕🌗獨特性：🌕🌕🌕🌗🌑.📍炭番串 (銅鑼灣)🍢銅鑼灣駱克道487-489號駱克駅18樓.@yakibanhk #炭番串 #串燒 #skewers #銅鑼灣美食 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

3個人食＄399餐都夠飽！打卡度max超長牛舌👅.元朗呢間燒肉套餐最近做緊特價，最平＄299就食到！店員都好nice好主動換網同幫你燒牛舌👍🏻唔係間間燒肉店做到.1️⃣超長牛舌講真比較難handle😂所以都叫職員幫手唔燒使怕醜，目測係有1米咁長，可以同職員講想要生啲定熟啲，佢三兩下手勢就燒熟晒剪成一塊塊貝殼形狀咁用嚟夾住蔥食，幾香口～不過個人認為夾住食會有啲厚.2️⃣鳳梨牛肋條牛肋條唔使燒太耐就已經好爽口好有牛香唔韌🤪.3️⃣厚燒豚五花佢係兩條好長既五花腩，每邊燒半分鐘就反一反，然後用較剪剪成細細塊，肥膏比較多，包埋生菜蒜頭辣椒就可以中和油膩感🐷.4️⃣雞腿肉建議先擺爐邊烤熟入面雞肉先再擺爐中心燒脆個皮，仲好食.5️⃣三色腸拼盤白色係彈牙豬肉腸，黑色係墨魚腸，紅色係台灣腸，正常發揮～.6️⃣超大杯鴨屎香手打檸檬茶（＄45）講真呢啲鄰近地區新興飲品係唔會主動買嚟試😂心諗香港一早有檸檬茶出晒名啦，但唔否認一餐咁油既燒肉係要有一大杯果茶先爽！佢呢度仲有得揀超大杯裝，毫不猶疑就嗌咗。佢其實係香茅青檸茶既味道，清新鮮甜，解膩作用係一百分，加上咁大杯，目測每一枱都嗌呢杯！仲有其他美食不能盡錄😂.性價比：🌕🌕🌕🌕🌖獨特性：🌕🌕🌕🌕🌑美味度：🌕🌕🌕🌑🌑.📍摩登牛舌燒肉專門店🥩元朗教育路31-41號南天大廈地下8號舖.@modern_barbecue #摩登牛舌 #燒肉 #yakiniku #元朗美食 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

🏮燈籠海高價舒服越南菜🏮.食厭咗傳統越南菜兼想環境靚靚就可以睇呢間😗適合啱啱出咗糧嘅你嚟歎少見嘅越南菜式❗室外空間嘅燈籠都真係好吸睛，都幾清楚佢會係IG流量密碼😌.1️⃣黃薑雞胸檸檬葉撈檬($119)平時越式撈檬主要係倒酸辣汁撈，今次用黃薑汁撈都算係新奇🥸佢個黃薑味香而不稠，配埋扁扁嘅檬粉令人食不停口，雞件都煮得好嫩滑大舊飽滿（其實佢令我諗起澳門嘅椰汁咖喱雞麵，which我又係好鍾意）.2️⃣綠糯米炸鵪春蛋配熱情果醬($48)同樣係新派嘅食品，不過唔同嘅食物都各自表達緊自己嘅味道，綠糯米炸衣嘅存在感係😲而鵪春蛋本身嘅蛋味唔太明顯，再加上個汁係酸酸熱情果醬，自然會畀個醬搶盡風頭。欣賞佢嘅創意，可以試第二啲.3️⃣串燒拼盤($198)可以喺粟米、菠蘿、豬扎肉肉丸、牛扎肉肉丸、五花腩同其他要加錢嘅item揀6串，每串都燒得焦香但唔會太乾太硬，個酸汁好開胃.4️⃣✅✅✅斑蘭布甸法包配自家製椰子雪糕($128)天堂級好食OMG🤯，佢係先烤到個包脆到不得了，再淋上極之濃厚嘅斑蘭醬，成個甜品上枱時係熱辣辣，建議唔好打卡打太耐。佢本身好細心切咗3份啱晒share，一咬落去先食到個包口感非常鬆脆shok shok聲，第二下係食到個斑蘭醬好強烈嘅椰汁+咖央味爆入口內，成件事係好邪惡但又夾到天衣無縫，我可以嚟淨係食呢個！.🎤環境之所以咁chill都係多得呢間餐廳願意邀請busker駐唱，當日嘅 @oscartkc71 就獻唱咗好chill嘅歌，包括貓王嘅《Can't Help Falling In Love With You》令成個vibe都好放鬆，高質歌手真係要多多支持‼️.性價比：🌕🌕🌘🌑🌑美味度：🌕🌕🌕🌗🌑獨特性：🌕🌕🌕🌕🌗.📍Lúa（銅鑼灣）🍜銅鑼灣東角道26號怡安大廈1樓13-15號舖及地下13-16號舖.@lua.hk #pho #vietnam #銅鑼灣美食 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

ToNick恆仔有份開設嘅川菜館！.酸菜魚近年越嚟越多人食🥵今日試下有ToNick主音恆仔加持嘅麻辣風雲試試！.1️⃣炸饅頭（$58）最吸睛嘅係6個饅頭仔係由諸葛亮君從容不迫咁親自撐船撐過嚟，嚟到仲氣定神閒咁撥緊扇，船身仲標緊煙添，賣相有心思，加分！饅頭啱啱炸起夠脆口😋.2️⃣太極鴛鴦魚（$388）鴛鴦魚由水煮魚同酸菜魚組成，由於淆底同關注後庭翌日健康關係嗌咗最少辣🌶🤌🏻，辣度溫和唔會搶咗魚嘅鮮味，每邊魚都有大約廿幾塊，無骨、嫩滑🐟略嫌寬粉煮得有少少黐埋咗一舊.3️⃣香辣茶葉炒蝦（$188）必食之選！蝦殼基本上都係食得，我都妹咗妹耐先妹晒啲汁落肚🫣好香嘅辣椒mix茶葉味.4️⃣小炒花菜（$98）即係麻辣炒椰菜花同五花腩片🥦佢呢個麻辣有少少驚喜喎，喺頭先呢餸都無呢隻花椒香辣味，初初以為麻辣舖頭每樣餸都一樣辣味👍🏻偽減低罪惡感之選😼.5️⃣黑糖糍粑（$58）正常發揮🤠To無食過嘅人：類似放題嗰種炸年糕點黑糖粉同黑糖醬嘅感覺.6️⃣落神花茶（$58）菊花茶（$58）落神花茶有水準！唔似出面某啲放題店會整到好淡好淺色好稀：菊花茶中規中矩.性價比：🌕🌕🌑🌑🌑美味度：🌕🌕🌕🌗🌑獨特性：🌕🌕🌕🌑🌑.🐟麻辣風雲 (旺角)📍旺角彌敦道628號瓊華中心10樓.…Read More

🍣はま寿司首日開張率先食！真金白銀.⚠️食物只反映6月29日首日開張質素⚠️🍣攞飛機制：1-10人都係計101-699號飛，之後又到返101新cycle如此類推，過咗number一個鐘內都入得🍣等候時間：18分鐘（16:13攞飛，16:31入得🤣）🍣價位：$12，17、22，有啲$15、29🍣店員：nice，肯解答唔同客人不斷問問題🍣廁所：要問店員攞卡🍽menu超多款，但其實好多都係同一款食物嘅唔同煮法（鹽檸檬炙燒、明太子醬燒等），一條友食量有限🙏🏻🍽壽司碟好油🥹有畀濕紙巾但無乾，要自備🍽豉油多到選擇困難🤣佢有寫建議點嘅食物👆🏻睇圖2.✅✅✅✅大三文魚腩（$17/2）店家每日新鮮切吞拿魚三文魚，新鮮肥美✅✅✅大吞拿魚（$22）平對手壽司郎$5，油脂香滿溢，但有少少筋，未去到咬唔斷✅✅✅鹽檸檬蝦（$17）蝦大隻彈牙，炙燒富炭香+檸檬汁=正😬✅✅吞拿魚富士山（$22）=巨量吞拿角軍艦+魚籽，份量取勝，雖係魚頭魚尾同埋未解晒凍但都有油脂香同大份✅炙燒左口魚（$12）油脂有但燒得唔夠焦香，不過$12有兩件性價比MAX🆗炸雞胸軟骨（$12/7件）T字位好爽口但炸份少厚🤌🏻無乜雞肉味🆗澳洲安枱斯牛（$17）少少嚡口嘅牛肉，淡淡嘅牛味，唔使特登試👌🏻🆗明太子醬三文魚腩（$12）只食到三文魚口感，味畀醬冚咗，但神奇地又唔係好食到明太子味😟❌❌噴火灣大帆立貝（$17）貝類大伏🤢畀圖fake到以為好大件仲燒到好香，一上枱唔止好細粒仲要係凍嘅🫤失望，咬落無乜鮮味❌❌❌❌廣島縣大蠔（$17）蠔類仲伏🤦🏻‍♂️睇圖明明好肥美仲大隻到見唔到舊飯㗎嘛🥹🦪點知嚟到係隻攞貨bb size急凍蠔🥲雖然佢係平民壽司定位，但咁嘅樣$17我極之想喊，食落無蠔味，醬油都救唔到佢.👷🏻‍♂️以上純個人意見；未試過而唔使排太耐可以一試.性價比：🌕🌕🌕🌘🌑美味度：🌕🌕🌕🌑🌑獨特性：🌕🌕🌕🌕🌑（醬油方面）.#はま寿司 #壽司 #sushi #寿司 #佐敦美食 #japan #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食 #香港美食…Read More

衝擊你印象中嘅滷水店💛.標題係誇張咗啲，但我諗大家滷水店印象離不開油淋淋、好嘈嘅叫賣聲、街邊風塵僕僕、係師奶諗唔到煮咩餸買返去加料咁。呢度正好有對90後老闆夫婦採用新式裝修，日系定食擺盤方式呈現畀食客。我想講presentation係呢個世代真係非常重要🥹所以我極之欣賞肯諗計革新傳統食物嘅餐廳，絕對會吸到好多打卡客同年青客源！老闆，如何你睇到嘅話不妨留個comment，好想畀你知道我係好鍾意呢類型小店😆.1️⃣獅頭滷水鵝件餐（$65）揀完main course後，麵同小碟都係自由選擇，麵要鵝油撈日式麵小辣、小碟就揀咗醃蘿蔔。獅頭滷水鵝件🦆滷得都算入味，鵝肉有彈性唔會太鞋，畀嘅位就睇彩數，當日有肉有肥膏。（值得一提嘅細心位係佢會額外畀個碗你𠼱骨）碗麵個辣椒油🌶非常非常有花椒香，同荃灣荃豐小廚美食嗰種辣椒醬係一樣味，好建議嗌辣，配埋日式麵🍜一條條彈牙口感係好合襯嘅配搭，好容易令人食唔停口！（佢好快會變一餅嘢，食之前要整返鬆佢撈）初初碗湯份量唔多，唔太起眼，但一飲係極濃極鮮甜嘅湯，建議盡早飲以免攤凍🥶。醃蘿蔔正常，有助清除膩感😇.2️⃣鵝片拼豆腐餐（$75）第二個餐就揀咗貴少少嘅鵝片，都係睇滷水師傅表現，當日嘅鵝片滷得略嫌唔太入味，色水較淺，切得比較薄，而且有一件食到有細骨🥹（之前睇訪問，老闆娘話會小心處理走啲細骨，希望只係師傅一時失手）難免會扣少少分，大家食嘅時候要留心啲食！但係！點完個蒜蓉醋後係有提升返分數，成功吊起返鵝肉個鮮味👍🏻小碟揀咗炒花生魚仔，花生ok但魚仔有啲硬😂但始終咁嘅硬件都睇得出店家好有誠意革新香港傳統美食形象💕.3️⃣話梅花雕雞軟骨（$34）花雕酒味淡淡清香，雞軟骨爽脆shok shok聲，幾有新鮮感，可以一試！雖然我始終覺得雞軟骨點都係椒鹽炸先最好食🤣😋.性價比：🌕🌕🌕🌕🌑美味度：🌕🌕🌕🌕🌖獨特性：🌕🌕🌕🌕🌗.🦢榕基滷水專門店 1992 (大埔)📍大埔廣福道97-99號地舖.@yungkee1992 #大埔黃店 #滷味 #滷水 #滷水鵝 #goose #定食 #黃店 #黃色經濟圈 #黃店推介 #美食推介 #良心小店 #香港好去處 #九龍好去處 #新界好去處 #性價比高 #香港美食指南 #852food #相機食先 #food #foodie #foodporn #foodiehk #hkfoodie #instafood #hongkong #hkfood #foodstagram #foodlover #食評 #食好西 #必食 #人氣美食…Read More

灣仔出晒名係burger嘅修羅場——有連鎖top tier店亦不乏低調高調街知巷聞小店搶market，要喺呢個腥風血雨嘅戰場standout係要有啲本領，呢間新貴又有咩料？🤨.佢哋由飼養牛到進口全部都係一手包辦自家牧場🤌🏻直送100%全天然hunter Angus beef🥩 香港少見咁神心嘅牛肉貨源，淨係呢點已經值得試💕.1️⃣意式香草莎莎醬漢堡（$115）首先包裝紙好貼心，摺咗一半方便食唔會爆餡/漏汁，個牛望落已經好濕潤好有光澤✨咬一啖個口腔內即刻爆發牛肉油香，鬆軟🐮，而輕盈嘅莎莎醬唔厚身，酸酸甜甜好開胃🫃🏻特別要讚肯擺三色椒呢種味道比較明顯清新嘅蔬菜入burger，切咗一粒粒既增加爽脆口感，更令成件事fresh咗🥗.2️⃣黑胡椒醬漢堡（$80）賣相極之標準且垂涎嘅漢堡！牛肉味道同上，份量就會少啲🤌🏻本身個黑椒汁味都好夠，配埋洋蔥圈就更惹味🌶.+$55配套餐3️⃣薯條/薯角薯條嘅份量比想像中多😮同埋用粗薯新鮮炸起，加分🆙薯角份量少啲，有啲脆有啲腍，有啲燶咗少少，不過都唔錯！佢仲要有4隻醬揀💁🏻‍♂️蜜糖芥末💁🏻‍♂️Cajun💁🏻‍♂️BBQ💁🏻‍♂️黑胡椒，各有千秋，平時蘸茄汁蘸到悶嘅話必試呢間🥂.4️⃣N+有氣檸檬水/有氣青檸檬水炎炎夏日飲呢個幾清爽！不過同其他檸檬凍飲一樣，飲到中後段個口會涸同想飲水🍋可以一試.性價比：🌕🌕🌕🌑🌑美味度：🌕🌕🌕🌕🌖獨特性：🌕🌕🌕🌕🌗.🍔N+ Burger📍灣仔汕頭街32號地舖.@nplusburger #burger #beef #漢堡 #灣仔美食 #香港好去處 #九龍好去處 #新界好去處 #性價比高 #香港美食指南 #foodlover #食評 #食好西 #必食 #人氣美食 #香港美食 #NplusBurgerhk #NplusBurger #FarmtoBurger #FarmtoTable #Wanchai #WanchaiBurger #Burgerhk #Angusbeefburger #食評 #食好西 #必食 #人氣美食 #香港美食…Read More