pbn2e's Profile

人都有錯，由其係當一班細路嘻嘻哈哈當廚房係遊樂場的時候，人客有禮貌地攞返遺留的餐具，細路二話不說大大聲呼喝話無（留意返當時客人唔係問緊佢），買粟米唔俾餐具叫人逐粒執來食或倒落口食？大家都係買雞翼又無俾醬人，外國人攞醬即俾，其他問攞返包醬又係話無，仲要收錢，喂喂喂，雞翼本身跟一包醬，係你無俾人，仲要聲大夾惡要收錢，陀地黑社會古惑仔上身？呢個場已經出名態度差，因為連大粒的態度都係咁惡劣，仲話買少少野唔稀罕人去幫襯，咁不如落閘咪唔洗俾人煩或阻住你們嘻嘻哈哈數錢清潔囉！如果大家買個包擔心食唔飽，來呢間受氣受到你飽！…Read More

西式麵包舖周街都係, 行過發現呢間中式包點舖 門口放咗個用木蓋蓋住黑孖孖既大窩, 入面整齊的排滿了一隻又隻的鍋貼隻隻都好飽滿, $10有4隻, 仲跟埋包浙醋添, 真係好少有, 之前係其他地方買都無既 d鍋貼幾好食, 肉汗唔算太多剛好, 唔會一咬就彈到周圍都係但又唔會太乾, 係略嫌層餃皮較厚.除鍋貼外, 仲見到有其他包點, 豆漿, 中式糕點可供選購添 可惜唔係成日經過, 下次經過必定再試其他包點 …Read More

近幾日發現呢度有新湯外賣, 總共十款湯, 每日一款, 即管試試.今日既湯係「椰子煲雞」. 攞湯時經理話個湯係用新鮮椰子肉餚製而成架. 返到去一打開個蓋, 真係勁香椰子味, 味道清甜, 而湯渣有椰子同雞肉, 仲細心到跟埋豉油添 又一方便就腳外賣靚湯既地方, 以後唔一定要老遠行到落地底先有湯飲啦 :)忙起上黎仲可以叫外賣送上門添 真方便, 又唔洗好似其他咁, 要早幾日訂定.而價錢 $48, 9折, 十送一, 除返開都係$3x, 同地底差唔多啦.除靚湯外, 仲發現新加咗糖水外賣添喎 下次想食甜品時, 唔洗黎黎去去都係食cake, 又多一個選擇 …Read More

行過見到有新口味, 外面又下大雨, 就同朋友一齊入去試下。先試 "芒果熱情果" 應該係芒果雪糕+熱情果醬, 但略嫌d果醬酸咗少少 而 "杏桃" 反而最得我地歡心, 又滑又香甜, 以後my flavor又會多一個選擇 …Read More

例牌雲吞面+菜, 已經好飽, 亦試過其他丸同餃, 但就覺得無乜特別.這裡的鮮蝦雲吞真係好好食, 粒粒雲吞d蝦都好大隻架.每次午飯時間經過這裡, 都會見到一條長長的人龍, 但肯排隊都未必有得食架.有好幾晚收工走來食, 點知d雲吞都已經賣哂... :(…Read More

今個月有花紅分, 同幾個同事決定黎個「鮑翅餐」豪一豪佢 - 春菊紅燒翅：雖則做緊半價ｐｒｏｍｏ，但材料依然十足，真係抵食，配春菊一齊食好爽口- 鮑魚獅子頭：一大舊鮑魚+一大舊肉，肉質鬆軟無乜肥肉，仲諗住會好"漏"添，若然多2條菜就更好喇- 雞泡魚干：甜甜地口感有ｄ似豬肉干，但又無豬肉干個種肥膩感，做送酒小食一流- 蒜泥白肉：另一個送酒小食，但唔夠辣，連一個唔食辣既人都食到- 雪菜肉絲炒年糕：好多料，但年糕略為"煙銀"咗少少，上枱時熱辣辣仲好香，經理話係新鮮即炒所以耐咗少少仲有甜品送，服務都唔錯，招呼周到，但略嫌同隔離枱太過親近。臨走聽到隔離枱話ｄ燉湯唔錯喎，下次一定要試下先。:)…Read More