foodiefatbee的个人专页

一段時間冇去，聽到一個最令人唔開心嘅消息，就係老闆話呢排生意真係好差好差，好可能做唔到落去….一間咁有質素嘅餐廳做唔住真係好可惜！！未試過嘅朋友，鼓勵大家試一試，你就會明白點解百年路「執笠」將會係一個遺憾。😋 仁哥哥海南雞黃薑飯跟湯 $58雖然食咗好幾次都唔知邊個係「仁哥哥」，不過呢度嘅海南雞黃薑飯，雞肉鮮嫩而且無骨，黃薑飯唔會太油，恰到好處，加上秘製醬汁，可以話係錦上添花。😋 越香蔥油豬扒飯 $50食豬扒，最怕就係唔太un、難咬，豬扒鬆軟、入味，每一口咬落去都好Juicy，超級好味。老闆亦都細心到將一大塊豬扒剪開，令客人好容易就可以咬開，小小嘅心思，你就會知道老闆嘅細心。加埋呢隻太陽蛋同埋秘製嘅豉油汁，肥多幾磅都係抵嘅！😋 百年路蝦湯麵$50有時天氣太熱，最適合就係食湯麵，呢個湯麵唔會太油膩，有鮮甜蝦肉🦐又有嫩滑雞肉，最特別係呢度嘅摻摻一啲都唔馬虎，真係正宗嘅油面加米粉，咁樣嘅配搭，真係最好味！😋 特色薄餅 $20薄餅好食都唔需要點講，重點就係嗰個咖喱醬，而家諗起都想食，咖喱醬少少辣少少甜少少香，而加埋一齊就💯😋 班蘭葉拉茶（跟餐加$6）呢杯奶茶真係出色，好香嘅班蘭葉、茶香奶滑，必試！其他需要大讚嘅食物，仲有新加坡喇沙、黑醬豬扒雞翼乾撈麵，必須再次推介就係，佢哋嘅秘製醬汁每一款都好惹味，力推！喺疫情下，每一間小店用盡力去生存，無論環境幾咁艱難，依然繼續默默做好食物，用心去烹調每一道菜，無論係外賣好，堂食又好，大家都不妨試試！小店真係好值得我哋支持！希望百年路能夠撐過去！加油呀！抵食程度：⭐️⭐️⭐️⭐食物質素：⭐️⭐️⭐️⭐員工態度：⭐️⭐️⭐️⭐環境裝飾：⭐️⭐️⭐️衛生情況：⭐️⭐️⭐️ 食過返尋味：⭐️⭐️⭐️⭐（滿分：⭐️⭐️⭐️⭐️⭐️）…查看更多

又一間會掀起熱潮嘅包店，嗰日去到包店老闆話已經有兩間電視台訪問佢哋，佢哋主打係爆餡忌廉麻糬包，而且所有麵包價錢唔算貴！ 😋 法式拿破崙$10中間白色忌廉其實唔係忌廉而係用蛋白打成嘅，所以唔使擔心會肥！ 拿破崙個枝好脆，中間蛋糕係好鬆軟，加埋核桃食落更加有口感！ 😊 冰心伯爵茶麻糬包$13哇，真心爆餡！ 啲cream多到獨食會好飽🤣🤣 值得讚賞係個麻糬包，超煙靭！ 加埋凍冰冰嘅cream食落都幾得意，不過伯爵茶味就淡啲😊 布甸麻糬QQ $15布甸包衣加愈開愈多間麵包店出，呢款麵包皮都係用麻糬整，所以食落外皮煙韌，嗰餡料就軟滑，不過就算甜左少少抵食程度：⭐️⭐️⭐️⭐️食物質素：⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️…查看更多

.@gelatogelatohk 行街經過見到間gelato，見價錢吾算貴就買嚟試下！！ 衣加用消費劵可以優惠$66/2單球！ 😊 開心果一食落口係好香開心果味，第一啖食到最有開心果味，之後愈食就愈甜，雪糕口感都算煙韌，如果少啲甜就好！ 😊 石板街 原本以為有棉花糖nuts個啲，點知冇🥲 食落吾似石板街，似棒子味多啲，一樣偏甜，不過值得一讚個cone 好脆！！Ps 雪糕店標榜雪糕由香港製造，經過都可以試下～地址：Kiosk 3C, Level3, The ONE, 100 Nathan Road, TST Hong Kong抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）…查看更多

有冇諗過鬧市中有度地方可以同人傾計，同老闆一齊飲酒呢? 天井-影相就影得多，仲要好似尋寶咁先搵到。係天井入面就有一間日式小店。小店開左7年，係天井入面都經歷過吾同困難。小店位置吾多，但係比人一種好窩心同人情味既地方! 老闆除左健談，所有食物都係親力親為，所以每份食物都感受到老闆既誠意。亦都希望做到深夜食堂既感覺，所以客人都好鍾意有個聚腳點。老闆話聽到客人既讚賞都係堅持落去既原因，而且好希望有一日可以搬出天井! 😍雙重黯淡饅魚飯 $158你冇睇錯，鰻魚份量真係double 咁多，仲要係呢個價錢，真心抵! 太陽蛋用左日本蛋，老闆煎到岩岩好底微焦，蛋黃係流心狀態，撈埋蔥同飯加埋鰻魚，食落有幾重口感同滿足感! 鰻魚舊舊都相當肥美，男仔食都夠飽! 不過醬汁上咸左少少，連飯食會好啲!😆東京大板燒 $128一見到又哇左聲，冇諗過咁大舊同賣相好靚，好似生日蛋糕咁! 🎂 建議share。2個女仔都未必食得哂。大板燒有大量椰菜、粟米、蛋漿，頂層有煎到卜卜脆既豚肉。加埋木魚、紫菜同燒汁夠哂惹味! 呢度既大板燒有別於出面，呢度會重啲胡椒味，食落會比較香口同冇咁膩。期間限定-味醂烤雞泡魚乾 $48小妹好鍾意食雞泡魚乾，但係一直搵吾到岩心水既雞泡魚乾! 吾係太濕就係太乾，呢度係有驚喜，乎合哂我想要既口感，味道亦恰到好處! 岩哂送酒或者當小食🍺期間限定-吉列芝士豬扒 $58吾係講笑，塊豬扒都大過我塊面。豬扒係薄身豬扒，食落有汁吾會柴，炸粉亦吾會太厚身，食落吾會太油，加埋拉絲既芝士夠哂邪惡! 🧀焦糖菠蘿燒 $28老闆好細心批埋皮，菠蘿上面有薄薄既焦糖，食落更加甜。建議趁熱食，因為本身菠蘿係燒過，會令焦糖好快融。🍍鮮檸檬紅茶 $24檸檬絕不吝惜，有成5片，想要酸啲可以狂篤檸檬! 紅茶味道亦濃郁，有茶香味熱情果梳打 $28呢幾款食物都多醬汁，飲反杯清爽既飲品就岩哂啦! 熱情果酸酸甜甜，加埋梳打水即刻gur哂。而且係比成枝梳打水，份量夠多!P.s. 特別優惠: 持有效polyu學生證，於星期一至五午市時段可免費獲飲品!! 午市大約$48起，非常抵食!!另外，小店都有吾同類型既串燒，岩哂飲酒同傾計，小店可以自備酒水，同老闆一齊吹下水chill下都得!…查看更多

最近成日見到芒果疊疊冰，睇落好吸引，終於去試下！ 呢間位於中環鬧市，採取森林系裝飾，餐廳有幾個位置望向中環扶手電梯，不過就好似動物園咁比人望🤣🤣 😊 任你泰串（3串自選）$78揀左豬頸肉串、雞肉串同糯米豬肉腸，串燒必選沙嗲醬，夠惹味！ 豬頸肉同雞肉可以再燒得香口啲，不過肉質算柔嫩。特別啲係糯米豬肉腸，食落有泰國香料酸酸地，加左糯米令肉偏唸身😊 椰香青咖喱雞配薄餅 $98有冇人好鍾意咖哩配薄餅呢？！小妹覺得薄餅配咩味既咖哩都係夾！ 餐廳好好咁將薄餅分6小舊，方便一人一塊咁食！ 咖哩好重椰香味，不過可以再辣少少，雞就比較重雪藏味，有啲可惜😊 泰國啤酒配泰式魚餅 $98（happy hour)見到happy hour有酒有小食都覺得幾抵就試吓，除左魚餅可以揀春卷或者蝦片。啤酒飲落偏純，吾算太重麥味，清清地幾好飲。魚餅係以冬陰公作配料，食落係軟身，吾係實正既魚餅 🙂 菠蘿椰飄雪 $55飲落重椰子同菠蘿味，不過偏甜同好快融，飲落係偏水，飲品會有塊菠蘿乾食，食落酸甜酸甜，下次都係試第款🤣😋😋😋 芒果乳酪疊疊冰（2人份） $118大推甜品！！！ 甜品係比起主食好食好多。呢款真心好有驚喜，會想encore! 除咗有新鮮既芒果，疊疊冰用左新鮮芒果同乳酪製成，食落好濃郁芒果味，疊疊冰係好實在又大舊！ 最驚喜係中間係有糯米飯！ 諗住凍既會令糯米變硬，但係都咁煙韌！ 配埋椰漿又另一提升。綿綿冰都係用芒果整成，食落非常軟滑似食緊雪糕！ 真心好有驚喜！！ 🥭🥭Ps 餐廳都算多人，建議booK位，大推甜品！！抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）…查看更多

深水埗出名多cafe，但係間間都好多人咁，見到呢間吾洗第位就入去試下！ 見到裝修好似bar又好似cafe，原來餐廳係樂隊Kolor開既。餐廳以「日啡夜酒」模式經營，即白天是咖啡店，一到夜晚就變酒吧！ 符合香港人日頭反工夜晚放鬆既態度。店舖主打主打手沖咖啡及特色雞尾酒，不過因為仲日頭，下次有機會試下cocktail 😊 明太子蟹籽意粉 $115平時明太子意粉啲汁都好似吾係好夠，呢度既意粉既醬汁多到煮多一份意粉都得！ 汁係多過意粉😂 味道上算creamy，不過會愈食愈膩，明太子同蟹籽吾算多，整體上中規中矩 😊 牛油果青蘋果蟹肉沙律多士 $85見個菜式擺得幾靚，食落都有好多蟹肉，青蘋果就吾係好食到啦，多士用左酸種麵包，食落都算鬆軟😊 法式特濃熱朱古力 $50真係冇諗過朱古力可以濃到咁，似飲緊溶左既朱古力，係非常稠身，所以會比個杯仔慢慢飲，會想再加多少少水中和下😂 佢話就話熱，但係飲落口都凍哂🥲 會有更加膩既感覺🙂 Mocha $50呢個失望呀，冇啡冇朱味🥲 奶味偏重，飲落都係吾夠熱抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）…查看更多

最近經過銅鑼灣見到有間新開食冰既甜品店，原來係Life Toast既姊妹店，主打雪花冰同乳酪雪糕，款式吾算多不過就非常足料！ 😋 特濃四重朱古力雪花冰$88一上枱都哇左聲，因為全部都係超邪惡既朱古力🍫！！ 欣賞連個冰底都係朱古力味，所以每啖都係濃郁既朱古力。食之前可以淋上朱古力醬，不個淋上去會流到周圍都係，建議食少少冰再淋會方便啲！個朱古力忌廉巧巧食！ 食落係比較稠身，加埋啲冰食落更加軟滑。甜品入面有自家製朱古力無粉蛋糕，口感有啲似brownie，都係好香濃朱古力味。最底仲有個朱古力義式奶酪就好似布甸咁。整體上係吾錯，不過成個朱古力愈食會有啲膩，間吾中食都會開心既😂 同Shari Shari比較呢間店冰就細啲，但係味道/配料就多啲，大家如果食過都分享下你地中意食邊間！！Ps：店舖只有大約12個座位，所以想食都要早啲排隊！抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）…查看更多

餐廳由韓國人主理，部分食材由韓國直送，還原韓國既味道！ 一坐低就有幾款地道小菜比大家食住先！ 😊 醬油蟹$250/1隻 +$10白飯韓國延坪島直送既醬油蟹！ 一直未試過醬油蟹，見到呢間餐廳即刻試下！呢個價錢吾算太貴，蟹身偏細，不過都有蟹膏。本身都擔心腥味，不過食落係冇腥味，口感似啫喱，但係又吾算鮮甜，醬汁吾咸，不過吾可以提升到蟹既鮮味。加左碗白飯，店員會幫手整蟹蓋飯。不過小妹係香港都係食一次算😂 😋 厚切五花腩 $170呢個夠邪惡！！ 雖然可以再厚切啲同份量多啲😂 不過食落油脂充足，夠哂肥美，建議要點啲鹽可以更加提升豬肉既鮮味🐽😊 調味牛小排 $200牛小排不過不失，佢話調左味但係食落又吾太似，都係要自己再落啲醬汁先有味😊 牛舌 $150小妹都係中意厚身牛舌，呢款係薄切牛舌，食落有牛既香味，係彈牙爽口😋 Dancing papa apple cider $55本身有幾款apple cider，可惜得反呢隻，飲落比普通款會香濃啲，淡淡蘋果味，吾太甜，酒味多少少P.S. 店舖長期多人，建議bk 位，walk in多數冇位！ 抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）…查看更多

原先係旺角開，衣加係銅鑼灣開分店啦！！ 銅鑼灣分店亦加入新元素，包括特飲、重慶燒烤等，一次滿足你幾個願望💕 😋 冷鍋酸菜魚 $238吾係講笑，呢個價真心值，佢魚既份量係2-3人都絕對夠食！ 考下大家知吾知咩係冷鍋呢？ 小妹原本以為係凍食，原來冷鍋係指廚師已經烹調最合適既熟度，保持魚肉既鮮嫩同嫩滑，每魚肉既營養同精華吾會流失，所以食落係件件夠滑！湯真係用魚熬製，所以係奶白色。煲底有萵筍、大豆芽、金針菇、老壇酸菜同寬粉，最中意每條寬粉都包裹住酸菜湯既酸同辣，非常惹味😍 Ps 食完啲魚可以轉做打邊爐，繼續用呢個惹味湯底繼續食！ 😋 尖椒皮蛋 $45好難得係餐廳食到糖心蛋既皮蛋！！ 會叫正粒粒皮蛋係金黃流心，加上醬汁配埋尖椒一齊食酸酸辣辣，非常惹味！ 😊 黑糖糍粑（細）$42食川菜另一期待係呢款甜品，有別於其他餐廳，呢度係用黑糖，相對比紅糖健康，食落會酸少少，不過一定要將成個糍粑浸滿哂黑糖先正！ 糍粑食落煙靭，不過再大少少會更加有口感！😊 雪梨梳打 $36欣賞係比一罐既梳打，加埋雪梨醬連果肉，好岩夏天咁熱既天氣！ 抵食程度：⭐️⭐️⭐⭐食物質素：⭐️⭐️⭐️⭐員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️⭐️食過返尋味：⭐️⭐️⭐️⭐（滿分：⭐️⭐️⭐️⭐️⭐️）…查看更多

餐廳有新加坡人主理，最近見好多人食個爆漿多士，就心郁郁嚟試下！ 不過餐廳需要自己自行落單同取餐😊 咖椰爆漿$68呢個真心超邪惡超邪惡超邪惡！ 除左咖椰之外，仲有兩層牛油，加一層花生醬，再po上滿滿嘅朱古力醬同美祿粉，真係一啖熱量爆燈！不過食落淡淡咖椰味，整體係花生醬同美祿比較搶味，但係食完會好開心🤣 建議2-3人食，因為食一件都好膩😝😋 叻沙 $98叻沙真心推介，因為佢嘅辣好惹味，湯底好濃郁！加上都多配料，有成4隻大蝦，麵底麵可以揀粗麵，米粉啦或者粗米粉，小妹揀左粗米粉，不過可能煮得耐得滯所以米粉偏林😊 Kopi 咖啡（煉奶）$18（凍飲+$2）咖啡不過不失，咖啡帶有微酸，用埋煉奶令到咖啡更加香滑🙂 美祿爆炸$58原本好滿心期待呢款飲品，見到價錢都算貴，點知其實只係一杯美祿，失望了。比起平時嘅美祿濃郁啲，加上早餐脆脆同1塊餅乾，不過真係冇咩特別🥲P.S. 餐廳係要自己搵位，係冇職員帶位架，所以要眼觀四周、金睛火眼去搵位食啦！ 👀抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）…查看更多

鮨文（sushi man）一間幾出名既Omakase的日本料理，食材超過9成由日本進口，有啲仲要係即日運到，夠哂新鮮！ Omakase即係廚師發辦，由主廚決定食物，根據季節當造新鮮材料去製作料理，所以每次食都會有驚喜吾知會食到咩🤣Omakase (晚市）$2180重點介紹⭐️⭐️⭐️👍🏻 海膽素翅茶碗蒸：茶碗蒸用上上湯加埋瑤柱仔、海膽、素翅一齊烹調，令茶碗蒸食落非常軟滑同鮮甜五款開胃菜👍🏻 特別推介生粟米，冇諗過生嘅粟米係咁鮮甜同爽脆，有啲似甘蔗嘅甘甜！ 👍🏻 鮟鱇魚肝：第一次食鮟鱇魚肝都有啲驚，但係原來識落係咁好食。佢比起鵝肝更加軟滑，好似食緊smoothie，完全冇魚既腥味兩款刺身👍🏻 平靜魚聽個名幾得意，食落魚未唔算太重，只需要少少醬油同芥末已經可以提升魚嘅鮮味當造食材黑鮑：有冇見過手掌咁大嘅鮑魚，食落軟綿中帶點韌度，加埋鮑魚肝醬，令鮑魚既鮮味更提出八款壽司👍🏻 三文魚籽軍艦：主廚教落食軍艦要用兩隻手食咗上面嘅材料再成過壽司食落口，咁樣可以試到材料嘅新鮮同埋壽司嘅口感。三文魚籽用咗酒同自家製甜豉油醃製，食落非常鮮甜一啲腥味都冇！👍🏻 吉列炸帆立貝配他他醬：四個字形容外脆內軟，外層包上簿簿嘅天婦羅，裏面係晶瑩剔透嘅帆立貝，食到材料嘅新鮮同帆立貝一絲絲嘅感覺👍🏻 穴子：即係海鰻，肉質非常軟冧同香滑！穴子面頭仲有微微燒過，再掃上用穴子魚骨調製嘅醬汁同埋山椒粉，識落有少少焦香同入口即溶嘅感覺，食完真係返唔到轉頭💕👍🏻 海膽軍艦： 由北海道直送嘅海膽， 29係代表海膽嘅名次，識落鮮甜軟滑，冇喳同腥味，食到好新鮮嘅感覺👍🏻拖羅：呢款拖羅食落係有咬口，越咬越甘香湯👍🏻 用咗白魚，例如平靜魚啲魚骨熬製，所以熬出嚟係奶白色，飲落充滿魚嘅鮮甜味道水果日本當造水果，一個字甜，為今日作一個圓滿嘅句號👍🏻 蜜柑酒$90飲落有蜜柑香甜，但係係好易入口！ 吾算重酒味，一啖壽司再飲啖酒仲可以提升食材既鮮味Ps: 餐廳經常full booking，建議大家早一星期預訂。午餐價錢就比較平，可以比大家過下口癮🥰抵食程度：⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）…查看更多

呢間長期排隊既小店，專門食poke bowl，可以自己自由選擇材料或者揀set好左既poke bowl又得！！ 重點份量超多，啲材料一啲都唔吝嗇，係超大舊，食極都食吾完咁。唔好以為份量咁多會好肥，小店主打係有機食物，聽講事頭婆食咗三個月瘦咗10磅🤣🤣 😋 Nalu Bowl $98（+$12牛油果）呢款有八爪魚，壽司飯，櫻桃蕃茄，皇帝蟹棒，甜粟米，辛味蛋黃醬等。八爪魚超多，食落係爽脆煮得剛剛好！ 特別欣賞係佢啲櫻桃蕃茄粒粒又大又甜，加埋辛味蛋黃醬，令成個壽司飯辣辣地甜甜地，夠晒惹未同開胃💕😋 Ono bowl $98呢款有八爪魚，壽司飯，雞蛋絲，溫室青瓜，果仁醬，皇帝蟹棒等，食落比較清新！ 青瓜配上八爪魚估唔到咁夾，加埋果仁醬，令人一啖接一啖咁樣食落肚！ 😋 Ohana Bowl $98(+$12溫泉蛋）除咗壽司飯仲可以揀沙律！ 有三文魚，沙律菜，溫室青瓜，櫻桃蕃茄，蜜糖芥茉醬等，食得多都吾會有罪惡感！ 沙律係有機既食落好爽脆同新鮮，岩哂減肥朋友仔🤣😊 紅火龍果汁 $38果汁係用上新鮮火龍果整，老闆話冇落到糖，純粹係水果本身嘅甜味，所以飲落係好清新，飲落係淡淡水果既甜味。每杯仲有乾既火龍果可以食，即刻清哂腸胃🤣🤣😋 柚子薄荷沙冰$38呢款係老闆自創，大大推介！ 飲落有淡淡柚子味同薄荷既清新，味道好易入口同夾，岩哂夏天咁熱嘅天氣🌞Ps 咁岩見到老闆可以同佢吹下水，因為好好傾🤣 呢間亦都係動物有線餐廳，不過只有一個戶外位。嚟食就要預早時間排隊啦，因為都好多人。小店將會係尖沙咀開分店，到時都可以去試下哦！ 抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）…查看更多

成日經過見到咁簡約既cafe，又白雪雪好似好舒服咁，就想入去試下 😋 Chocolate $50濃郁既朱古力味，味道吾太甜，有啲似黑朱古力，飲落係順滑既感覺🍫😊 Fizzpresso $45呢款真係吾係個個會接受🤣 用左espresso，tonic water同熱情果糖漿調製，但係第一次飲咖啡加有氣既水真係好怪🤣🤣 可能係小妹吾識欣賞啦🤣 有冇朋友仔中意呢款咖啡？ 😋 Egg Tart $18見個個都食egg tart應該有佢過人之處！ 外皮係曲奇餅底，夠香脆！ 餡料係軟滑嘅蛋，食落甜甜地同蛋漿都好滑😊 Hojicha Basque cheesecake $48味道中規中矩，吾算太濃芝士味，食落有焙茶香味，不過有少少苦，蛋糕食落都軟滑同紮實抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️⭐️衛生情況：⭐️⭐️⭐️食過返尋味：⭐️⭐️（滿分：⭐️⭐️⭐️⭐️⭐️）…查看更多

😋 S’mores $60Churros上有半烤既棉花糖，加埋脆卜卜既churros，外脆內軟，食完都吾夠喉咁！食落會有少少‘呢啡’，因為棉花糖溶左會拉絲，加埋朱古力硬左，要啲技巧先食到🤣🤣 不過雪糕轉左細紙杯，真心吾夠食🥲 以前係大大杯膠杯架麻🥲🥲 雪糕有淡淡奶香味，不過融得比較快，所以要快啲食。Ps 佢地仲有迷你churros賣可以當散水餅！ 買得愈多就愈平！ 抵食程度：⭐️⭐️⭐️食物質素：⭐️⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）…查看更多

餐廳係fusion日加西，同時滿足想食西餐同日式既朋友仔！ 😋 明太子雞翼（3件） $62雞翼有少少辣，味道上好惹味同肉質多汁，加左明太子令雞翼咸咸地，岩哂開胃前菜！ 😋 西班牙慢煮黑毛豬鞍配薯條 $248黑毛豬鞍份量十足，用慢煮既方式令肉質呈鮮粉紅狀態，慢煮亦令肉汁鎖緊，咬落去嫩滑多汁，配上蒜蓉汁令肉質更加豐富，不過外皮再煎耐少少就會更加香！😊 醬燒比目魚群邊牛油果卷 $128呢款好食在於醬汁🤣🤣 醬汁有啲似鰻魚汁，會令人狂點啲汁食😂 比目魚群邊係刺身，食落爽脆，不過再切大塊啲就好😊 叄嘗卷 $128壽司卷有蛋皮、炸蝦、吞拿魚粒同牛油果，食落比比目魚卷失色，因為相對壽司冇咩味，醬汁少少辣，炸蝦都比較細😋 自家制心太軟配雪糕 $58新鮮焗出嚟特別好食！ 熱辣辣加埋雪糕冰火交融，心太軟朱古力味非常香濃，可惜切開一半中間未係好流心。😊 檸檬柚子梳打 $28正常既柚子味加檸檬，解膩之選😊 白桃乳酸梳打 $28飲落有少少藥水味，小妹就麻麻🤣Ps 餐廳座位比較少，建議book 定位食！ 抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）…查看更多