openrice 新人's Profile

喺荃灣突然想食格仔餅醒起路德圍有，但質素正常千色店隔離都有間，味道OK脆身，但就偏薄上網check吓荃灣格仔餅先知呢條橫街有一間，Google有4.2分去到店員sell我50蚊嘅焦糖雞蛋仔因為未幫襯過嘅關係所以我都照要原味格仔餅$24等大約4分鐘就整好喇估唔到非常厚實，仲好鬆軟，熱辣辣仲有熔緊的花生醬同煉奶係我想要的味道呀店員仲好有禮貌叫我慢慢食之後再經過路得圍的格仔餅雖然只要$15但呢間豬隊友真係好食…Read More

早兩日同同事講完九龍城有間新舖的椰子奶凍好似幾吸引，同事知我鍾意椰子嘢，今日竟然特登外賣俾我，好開心。奶凍底清甜QQ動L，加埋面頭的椰子脆脆味，好似椰子薄餅咁香咁濃，重要好大兜，價錢都合理，記得最緊要刮埋d椰肉食先唔會晒，開心😆重點係個椰殼好靚，刻左舖頭名，打卡好靚😍仲有榴槤味，桂花味，芒果味的椰汁奶凍。仲有好多嘢飲睇落都好吸引。下次去開九龍城食泰國菜會再幫襯，唔洗成日都係芒果糯米飯同西米糕。…Read More

13:37落單，14:00我先催單，見隔離檯都一樣情，我即時決斷改外賣。仲話要等多5分鐘就有堂食問我等唔等。香港人Lunch時間好忙，浪費30分鐘早知唔嚟，除非有大把時間。未ready好唔好開門，講完，一肚氣。…Read More

今天去了青衣城稻香吃晚飯。當我們討論菜單的時候，不斷有人站在我們背後問要什麼，又不斷推介。雖然那些侍應的服務態度都 OK 喇，但我不喜歡過份殷勤的表現，有少少煩及趕極不走的感覺。之前看 openrice 時，已看到不少人說上菜速度極快。果然，快到令人覺得好像一早整好似的，落單後不需 5 分鐘便上好了以下頭 4 道菜。10分鐘內亦上好了第 5 及第 6 道菜。友人說可能是因為夜晚大多數人都是打邊爐，所以廚房較得閒。這不無道理。但最後兩道需要即叫即整的菜卻在我們吃了約 25 分鐘後才送上，這很難叫人相信之前的菜不是整定。雖然我不知稻香是速度真的這麼快，還是一早整定，但講真，如果它真的是一早整定，它可以考慮遲 10 分鐘才把菜端上，混淆一下視聽都好丫。一行 6 人，叫了 8 個菜。1. 咕嚕肉：OK，不會有太多的粉漿，亦不會太酸。我個人不鍾意太酸。2. 唔記得個名 (有金華火腿、XX蚌、冬瓜及草菇)：OK。我個人鍾意 XX蚌 (貪佢爽爽的) 及金華火腿的鹹味。3. 肥牛金菇煲：OK。4. 金銀蛋莧菜：麻麻。5. 醬汁脆皮雞：OK，脆皮夠脆。6. 雜菌忟伊麵：麻麻，味道淡淡的。7. 唔記得咩羹 (有蟹肉、榣柱絲)：不錯，熱騰騰的。8. 清蒸青斑仔：不錯，即叫即蒸，重點是條魚比想像中大。因為是日的推廣價只需 $58，所以我們都沒有期望條魚的份量會這麼大，有點點喜出望外。 整體來說，我覺得味道普普通通。連我在內，2 人覺得味道 OK，2 人覺得幾好，2 人覺得麻麻。我個人不太推薦稻香晚飯呢！總消費：$640平均每人：$107…Read More