kidman's Profile

見到屋企附近有間新麵館開張 初時無咩為意見到門口咁多剪報 又走入去博一博咦.....咁熟嘅"胡椒豬肚雞腳豬骨湯"即刻問下老版娘係咪同花園街果間一樣架？ 老板娘話果個係我老爺黎架當時真係有的隔世重逢嘅感覺唔駛講例試胡椒湯(依家仲有中小大辣選擇)沉重而濃郁的胡椒味道香而不辛 水準依舊炸豬扒就乾左的真係一般啦其實仲想試埋韭菜餃 可惜一個人食唔到幾多唯有等下次 橫豎依家咁近不過要提提大家果日係平日 六點鐘到就賣哂胡椒湯底 老板娘索性反轉個牌收工所以要食真係早的呀 …Read More

好耐都無黎 唔止門面光鮮左白白淨 連檯面都唔同哂原來全部轉哂用發寶膠餐具 (係咪應該環保D呢)不過老字號配即棄餐具 總係有點格格不入 一坐底最緊要"胡椒豬肚湯麵"湯底照舊胡椒味十足 但唔知點解無左肉湯應有果種味道有點兒失望添:(…Read More

幫趁左咁多次 連我老爸都食到上左癮 係時候寫翻篇食評讚下啦！！…Read More

黎得呢到梗係食刀削麵同麻辣啦通常每次我都食勁麻辣 食咁多年都無問題點知最近果次去唔夠麻 叫呀姐加麻辣比我佢就用隻羹o係到攪攪攪唔知攪咩初時都奇怪 但無問佢 咁就倒左落碗麵到啦一食 怪怪的 D湯變左杰達達咁心諗無理由 再拎起D麵睇下 頂 原來呀姐用麻辣油加多多辣椒粉 所以頭先就要攪攪下最終成碗麵唔洗食 埋單走人如果辣椒粉係解決到 咁我洗鬼幾十蚊同你賣支麻辣翻屋企食咩如果個個買左翻屋企都加D辣粉去攪 你仲洗賣貨咩雖然幫趁左咁耐 但呢次經歷 真係打哂節扣 唔通間間食店出左名都會係咁？？ …Read More

尋日係囝囝幼稚園舊生活動，因為就o係隔離，所以學校撰擇左呢到攪活動！從來都討厭到燒烤場BBQ，今次係第一次，估唔到會令我對呢D場地改觀！食 物 － 非常入味 尤其黑椒味至正 D肉無話醃到梅哂 食落好有咬口(之前有好多人讚過 不再多講)環 境 － 入到去地下白雪雪 唔會黐笠笠 沒有一點炭漬／蜜糖漬 (如果夜晚去會差D 因為係第二輪) 兒童遊樂場D滑梯同軟墊都好乾淨服 務 － 員工服務都OK 去拎食物話呢樣多D果樣少D都無黑面 見到隔離用一 個碟都拎到成個山仔咁多肉 從來無過問你地幾多拎幾多野食 抵讚！ 最窩心係會比小朋友用粉筆o係地下畫畫 (細路從來未試過 最開心) 我地由1300玩到2200都無人理衛生設備 － 洗手間沒有一點異味 (呢樣最重要) 常備廁紙 洗手位置乾淨 無肥淋淋 近邊位每隔3米到有水喉洗手 方便坐得遠ge朋友…Read More