sapphiresmoothie's Profile

分量少，味道似係7仔或者超市隨便買啲嘢擺埋一碟俾你食。伴碟嘅蝦片多過叫嘅餸。上菜慢，叫碟意粉，上到嚟都仲係凍嘅。以性價比嚟講，特低。侍應無論你講中文定英文，佢都好似慢一拍咁，唔知有冇聽到你講嘢。舖頭細，空間少，必須同隔籬枱坐得好親密。只係適合兩到四個人去，人多真係唔知點坐。入邊好嘈唔適合傾偈。HH咁啱喺附近去飲一杯可以（當然你行到去嗰個位，附近更好嘅選擇好多），特登行條斜路上去或者去食嘢就不必啦。…Read More

呢間嘅嘢食好食，人少嘅時候啲姐姐仲會同你吹吓水，幾親切好開心，好有人情味。炸豬扒、炸雞扒、肉碎蠔仔米、沙嗲牛肉出前一丁麵都係我哋一般會叫嘅嘢，新鮮滾熱辣，每次都食得好開心好滿足。另外仲有沙嗲湯底、蕃茄湯底、烏冬、乾或者濕意粉可以選擇，盡顯香港茶餐廳嘅靈活百搭。佢哋嘅奶茶都沖得好好飲，香濃絲滑得來夠奶味。始終係茶餐廳，人多遊客多嘅時候會坐得冇咁舒服，但係真係街坊風味十足。算係我哋喺香港比較常去比較鍾意嘅茶餐廳。…Read More

做完gym經過想入去買杯咖啡，店員態度極度惡劣臭串，唔知仲以為我去乞。入門口嘅時候已經有一個客人喺度。店員見到有人排隊，亦都冇快啲收錢，繼續喺度同嗰個客施施然傾偈。今日放假，我哋唔趕時間所以唔介意等一陣。排到我嘅時候，店員黑住面問我要咩豆，我問佢有咩豆，佢指左下牆上面嘅Menu，示意我自己睇。牆上面嘅Menu又遠啲字又細(font 5?), 我做完gym冇戴眼鏡睇唔到。同店員講我冇戴眼鏡，佢直接一句得過嚟，”咁我幫你唔到”。我唔明簡單介紹吓咖啡豆有咩選擇有幾難。咖啡好唔好飲？我唔知，不過我知上環好多好好嘅選擇。既然使錢就唔應該要受氣，唔知仲以為我爭佢1000幾百萬。咖啡好飲沖得好飲嘅人起碼要鍾意咖啡。如果你鍾意咖啡，尤其是開咖啡店，應該係唔會介意同人分享咖啡心得，但係店員好似根本唔憂做。心情好入到去呢間舖頭，店員嘅惡劣態度都會令你心情立即變差，好耐冇遇過一啲咁冇禮貌咁唔識尊重人嘅人，係咪以為自己嘅咖啡係鑲金嘅？呢間嘢一定唔會再去。…Read More

晩上7點左右隨機走入去食日本野做晩餐, 客人吾多，3成滿。坐低個碟有D吾乾淨，要叫侍應換過。生野吾新鮮，飯同超市壽司一樣又冷冰冰又硬。熟食一般貨色。侍應無咩禮貌，9點鬆D係咁叫人埋單趕收工。我想用洗手間，見有條走廊，下意識走過去，未去到已經俾人喝住"你做咩", 超級無禮貌亦不明白有什麽應需要大聲喝人。你怕人走錯去廚房咪貼告示出黎講俾給大家聽點樣行去廁所囉，好聲好氣吾使死嫁。總之以後吾會再去。…Read More

和同事工作完打算進來快吃晚餐，晚上8點40分來到這間分店，餐廳仲有四成滿，仲有好多枱未收拾。誰知道多種食物已經賣完，唯有點個最簡單的炸雞翅米。聽餐廳經理和廚房說話，廚房已經準備下班。不知道是不是因為準備下班，所以免得煩，經理直接跟我說這個時間連米粉都沒有，要吃吃公仔面。其實就是不想回家吃公仔面，才想著來這裏快吃晚餐。什麽都沒有的情況下，最後唯有起身離開。經理勁開心，立即和廚房說最後一桌客人都不用做了可以收工了。其實一個茶餐廳連米粉都沒有真係匪夷所思，虧你好意思講。定係廚房趕著下班費事做？Elements租這麽貴，正常租戶應該吾會因為想為早點下班而縮短營業時間，偏偏這間茶餐廳就是這樣，雖然不知道賣多少個茶餐先夠俾租，偏偏就是嫌你單細不稀罕你幾個客，財大氣粗😆😆…Read More

我想阿姐應該不知道什麽是手打檸檬茶。但是就算作為一杯普通檸檬茶，這杯野都一點都不合格。‘檸檬又少，茶又淡，看樣子已經不開胃。看著阿姐整杯檸檬茶，hea到連檸檬都懶得戳, 還說是手打檸檬茶, 味道連一杯茶餐廳凍檸茶都不如, $32, 勁呃錢，下次寧願喝紙包檸檬茶。…Read More

看到網上好評特別開車去試下呢一間茶餐廳。去到個心已經嚇一嚇，店面比相片中更殘舊，行入裏面更加喺一陣酸叔味。一場黎到多諗住點都試下。我地下午2點幾去到，鋪頭坐滿20％左右，入到去無人招呼，自己搵位坐。坐低嘅時候正好有另外一台客人係度發脾氣，話叫左杯野飲，45分鐘都未到，心裡面已經諗伏味濃。之後坐左10分鐘先有人黎幫我地落單。兩個人，叫左常餐同埋佢地話係招牌嫁蔥油炸雞髀飯。等咗20分鐘一直未到。叫個後生仔幫我地催下單，後生仔一臉厭世咁問我欠乜嘢。先生，枱面空空如也乜嘢都冇，好明顯乜嘢都未到啦， 望住我做咩呀，需要我重新落一次單咪直接講囉，當然係冇道歉啦。之後再重新落一次單，再等多15分鐘，之後發覺佢地又再漏左單。叫個常餐同埋炸雞髀飯差唔多40分鐘之後先先後上枱。上先係沙爹牛公仔麵，難食到嘔。話係沙爹汁，事實上喺一pat無味嫁獻汁淋到左喺公仔麵度，沙嗲獻入面凹凸加幾片牛肉，當然喺肉還肉，汁還汁啦。到個蔥油炸雞髀飯上枱，又話係生炸雞髀，實質喺番炸左無數咁多，里里外外又柴又乾又吾新鮮。話蔥油只係係雞髀下面放咗啲劣質豉油，豉油上面灑左一啲唔新鮮嘅蔥，兩樣野根本就唔夾，難食到一個點，根本就係劣食。我地各試左一啖，決定即時起身走人。又污糟又唔好食，只能說有些機會不是我的。…Read More

門口兩張大海報上面寫着抗疫期間外賣8.8折。叫左外賣，埋單冇8.8折不特止，仲要每份點心加收一蚊，仲衰過堂食。如果因為而復常所以唔再有折扣的話，就應該將門口海報拎落黎。另外，任何时候亦不應該明减暗加，有違香港商品説明條例。仲有每份點心外賣加一蚊的話，最起碼將食物包裝到食物吾好倒瀉。叫炖雪梨外賣，包外賣可以包到用膠袋將外賣盒勒到變形，連蓋都飛埋出黎，短短五分鐘路程，就住行但因為個蓋根本包吾住個碗，倒瀉左半碗，其他點心嘅辣椒油又跌埋入去。不過講到底，淨係做生意吾誠實，一兩蚊折扣一個點心都要欺騙顧客，已經吾會再幫襯。…Read More

經過無人排隊諗住順便買一杯，點知個職員係度左搞石搞見到個客企係度，有眼神接觸都一直無視。終於等到有人理，職員行埋黎，一句野都無講，下巴向上點一下，意思叫人落單，無禮貌到爆。到落單，吾尾音咁同我講無波波。我諗佢嫁意思係無珍珠。。。。珍珠奶茶店無珍珠，搞gag 咩？又吾早D講！之後職員又吾會提供其他選擇，只係重覆無波波。只可以講，呢間鋪頭真心無興趣做生意。。。…Read More

一向有去何必館食晚飯，第一次食lunch, 大失所望，不知所謂。菜式都好咸。叫左隻雞，好鹹。同侍應講，佢答我入面有金华火腿。其實啲咸味點黎吾重要，重點係太鹹，但係餐廳嫁default position 就係佢地一定無問題，所以咁樣答個客。跟住上個冬瓜盅，一行7個大人都覺得好鹹，點係小朋友食。同侍應講，佢又答我有金华火腿，跟住佢攞左碗湯俾師傳飲，出嚟同我講，師傅覺得吾鹹無問題。第一，我地一行7個人都覺得鹹，好明顯吾係個人口味問題；再者，我地係客，食嫁係我地，俾錢埋單又係我地，你淨係個冬瓜盅都過千蚊啦，吾啱客食都算，點解可以同我地講係我地口味太清淡。最後，我地叫左個菠菜苗，又係好鹹，價錢仲係$420😱😱😱我地問佢點解咁貴，佢先話幫我地加大左半份，但加大之前無問過我地，黎到size 亦係正常。加大先正常分量，吾加大咪好小？？入得嚟食飯都冇預過平，但系吾好好似劏客咁囉。…Read More

經Openrice 訂座，後來打電話去改時間，接電話個男人餵左一聲，我咪講廣東話囉。對方無尾聲咁一句得過黎：Speak English. 講英文無問題，吾使咁嫁態度。店位置在兩個地鐵站中間，大熱天時搵到去身水身汗。去到門口只有一枱，心裏面已經有D猶豫。入到去，D人見到我地好似見吾到，企足成分鐘先有人啋我地。坐低左，水都無杯，淨係掟底menu就走去做自己野(吾係招呼客人)。坐左5分鐘後，我們終於忍唔到口渴，我地問櫃檯後面的人要杯水。他勁臭寸咁答，“I am on the phone (我係到講緊電話)” 。終於落單，餐具先到了，不太乾淨。叫左仙人掌炒蛋，當食物黎到時，份量小，賣相同相兩回事，味道平淡，睇落和食落似自己係屋企做咁。雖然份量小，但因為唔好食嫁關係，只係食左一半就停手，係我係香港食過的最差的墨西哥野，一定唔會再去。…Read More

食物選擇不多，主要是海鮮和牛。食材新鮮，煮得恰到好處。麵包松軟，和牛紅蝦和魚吃起來嫩滑多汁。Wine list 上的酒一般，可以接受。環境不錯，枱和枱中間有足夠距離，我們坐的那張枱剛好在窗前，十分開揚。服務是垃圾。這種食物價錢走fine dining路線的餐廳，服務是走翠華路線。Serve 我們的從門口到離開一共5個侍應，每一個看上去也超討厭他們的工作，十分敷衍。説話也不看著人眼睛，像在對空氣唸書一樣。每一個人説英文中文咬字也不清晰，好像你在逼他説話一樣。其中一個侍應的指甲群黑邊，以一間高級餐廳侍應應更注重衞生。上菜收碟是澳牛速度，你一放下餐具他們就想走過來收碟，馬上給你上下一道菜。吃完最後一道菜，幾個人一分鐘內輪流走黎問你要吾要coffee or tea。一餐飯吃得很有壓力，像趕公司deadline 一樣。本來是想悠閑的吃一頓brunch，最後從坐下到踏出餐廳才一個小時5分鐘，趕過平時返工食lunch。最搞笑係，一叫埋單，張單(絕對無誇張)真系一秒出現兼送到枱上面，趕到一個點。。。餐廳其他都很好，就服務是a massive turnoff。絕對不建議和重要客戶吃飯或男士和女生頭幾次約會選這裡，出錯的機會很高。…Read More