beautyyyy's Profile

雖然天氣開始熱，但都不滅我打邊爐既興致，2個女仔今日達成共識要拆餐勁。一坐底已經感受到職員好好服務，仲同我地介紹招牌菜式。涼拌麻辣豬耳$38估唔到小食種類都幾多，豬耳好爽口，醬汁好惹味，岩曬我地口味！蟹籽墨魚油炸鬼$58呢個招牌菜無介紹錯，炸到熱辣辣脆卜卜，咬落唔會成啖油，即食又得浸湯食又得！頂級安格斯牛頸脊$188小份都大大碟，靚牛真係一食落口就知，好重牛味，肉厚但唔會un松葉蟹柳$38金菇菜$28鮮蝦雲吞x鳳城水餃$68皮薄餡靚紅薯粉$18佢係幼身既薯粉，但都好煙un，好味！秘製芝士墨魚丸x牛肉丸$68大粒到嚇親2隻丸都係手打的，肉丸好彈牙，芝士好香濃，配埋一齊又好夾油麥菜$28呢間火鍋小店食材都好新鮮，職員好貼心又有禮，仲主動幫我們拍照，座位幾舒適，最重要唔限時間想坐幾耐都得！下次一定會再來！今次想食辣所以點了麻辣鍋，下次要試下花膠鍋，職員話可以當湯飲好吸引…Read More

次次行過都大排長龍既村爺爺，今日終於試到。7點去到大約等左10mins就入坐入座前會為你落單，所以一坐低無耐就有得食，非常有效率餐牌選擇好多，樣樣都好想試，今日點了佢餐牌推介Top 1既真盛·村爺爺龍蝦湯泡飯（$128）一大碗湯，白飯另上，用料好豐富，有半隻龍蝦大大隻仲要有膏，肉質爽口，仲備有夾同濕紙巾比你食龍蝦用，好貼心另外仲有花膠、峴肉、帶子、尤魚、青口等等既配料。咁足料當然湯底好有鮮味，我仲追加響耐浸湯食！今次好滿足，下次一定要試下其他湯！推介推介…Read More

上次試完個流心芝士鬆餅回味無窮，今次原本為鬆餅而來，但見到個tea set又好吸引，心思思就叫左來試。我揀左朱古力香檳火鍋，另外佢仲有濃香烏龍茶火鍋。首先來了個香噴噴熱辣辣既紅莓鬆餅，仲配有鮮忌廉同果醬，入口好鬆化。Tea set好漂亮，配合聖誕主題，食物好精緻，仲有棵靚靚迷你聖誕樹做裝飾，打卡一流！食物方面樣樣都細細舊，但一點都不馬虎，又靚又好味！估唔到都幾多咸點香煎海鮮薯餅，煎得好香，有好香既蛋味巴馬風乾火腿蜜瓜紅菜頭撻，第一次食紅菜頭撻又咸又甜好特別，值得一試黑魚子多士，蒜蓉多士好香好脆口，仲配埋黑魚子牛油果雞肉沙律酥盒，酥皮好鬆脆，仲有我愛既牛油果醬，好滿足！甜點方面都有好多款，甜點包括迷你抹茶泡芙、薑餅人朱古力曲奇及布朗尼雪人棉花糖、紅絲絨聖誕帽杯子蛋糕、鮮雜果。我全部都沾朱古力醬食，要讚一讚朱古力醬並唔係好甜，所以沾完都唔會太膩，另外香檳會另外放，可根據個人喜好去加入，非常貼心！我地仲試左2杯winter drinksNovell有機花草茶（$48）西柚茶好清新香橙芝士奶蓋朱古力（$40）其實好似食緊甜品杯咁，芝士奶蓋好creamy，朱古力味香濃！…Read More

今日繼續九龍城覓食，今晚天氣開始變冷，仲要落雨，好想搵熱辣辣既食物暖下肚，所以被呢間湯飯吸引了，仲要有我最愛既冬陰公湯底！1）蝦匠湯飯（$48）加龍蝦（$20）黑椒牛丸（$10）蘿蔔（$8）蝦味湯底好鮮味好濃郁，友人大讚，龍蝦好大隻，好鮮味，仲有準備夾同手套給客人，好貼心！另外配料好豐富，本身湯飯已配了蝦，扎肉，魚片，豆卜，芽菜，配料全部都好食，友人最推介黑椒牛丸。2）陰公湯飯（$48）加龍蝦（$20）炸午餐肉（$10）個湯底無得頂，又係好濃味，比起泰式冬陰公椰汁味無咁重，岩曬我杯茶，而且好辣，食到我流曬鼻水，刺激我既味雷，正！我呢個湯飯就包左蝦，青口，魚片，秀珍菇，蕃茄，食極都有既配料令我好滿足！最後要讚一讚服務員很有禮貌，而且上菜亦很迅速，地方整潔又坐得舒服，還有最重要食物價錢超值…Read More

泰耐無食之下決定到出名多泰國菜既九龍城覓食，最後揀左呢間金寶泰國菜館，唔洗等位，一入去聽見𥚃面播住輕快既泰國歌曲，環境望落亦整齊清潔。龍眼冰($25)菠蘿梳打($25)2杯都好飲，飲品份量夠大杯，甜度適中，仲好多龍眼同菠蘿肉，絕不吝嗇酸辣鳳爪($60)呢味好刺激，鳳爪好入味又夠辣，食到個停唔到手生菜洋蔥都吃光光！馬拉盞炒椰菜苗($65)一向食泰菜都最愛椰菜苖，口感一流好爽口！泰式炒金邊粉($65)金邊粉比外面既煙un，炒得好香，用料都好足，非常好吃蒜蓉牛油雞翼($39)牛油味好香，雞亦好滑，唔錯！香芒椰汁糯米飯($50)糯米飯岩岩蒸好熱辣辣，配埋清甜既芒果畫上一個完美句號！…Read More

本人對所有黃金既食物無抵抗力，今日沖著呢個阿朱媽年糕多士焦糖雪糕大戰黃金流沙來，連個名都有氣勢過人入面都幾爆場，仲有間目測坐到20人既房間，好適合一大班人聚餐。味噌海鮮意大利粉配軟殻蟹（$128）意粉係粗身既，好煙韌，好有口感！個汁有點似忌廉汁，海鮮就係帶子粒同墨魚仔，另外軟殻蟹幾大隻，又炸到熱辣辣，脆卜卜！鹵肉韓式伴飯（$88）鹵肉咸道適中，加埋海藻，酸蘿蔔，煎太陽蛋仲有好小見拌飯會有既南瓜蓉撈埋一齊食，又幾夾幾好味波！阿朱媽年糕多士同焦糖雪糕大戰黃金流沙（$68）我為左佢而來，果然無令我失望，多士內有我最愛既蛋黃醬，仲夾左層年糕係入面，好煙韌，加埋花生醬同煉奶同焦糖雪糕係面，好邪惡，但又好好味道，推介…Read More

見佢21:30後任飲任食$152一位好抵食所以試下，本身期望唔大，因為始終平價火鍋，點知又有驚喜波！上到去見個場好大但都好爆場，一坐底當然立刻落湯底。點了台式麻辣和胡椒豬肚鍋，另外有肉類同海鮮類可以點，牛肉都是來自美國，有成4種咁多，我當然全部點來試一試！2個湯底我比較喜歡胡椒豬肚，無咁刺激，清清地好香既胡椒味，又唔會太辣。牛肉碟旁有顏色比你知道自己點了邊種牛，我最喜愛牛小排同黑牛，肥瘦剛好，喜歡吃肥既建議點牛五花。醬料吧幾有氣勢，諗到既醬汁都會搵到！連飲品都好多選擇，熱既，凍既，果汁，汽水，清熱既都應有盡有！食物種類繁多，打邊爐既用料擺放整齊，感覺好清潔，仲用左架黃色火車裝飾好搶眼另外仲有大量甜品包括Dreyer’s 雪糕，連榴連雪條都搵到，去到雪櫃先發現有稻庭烏冬，好煙韌友人大讚呢！…Read More

經朋友介紹到呢間新開無耐既日式料理餐廳吃飯，地點易找，店舖不大，但坐位舒適，伴著一些耳熟能詳既歌曲，見唔小人都忍不住唱2句。一坐底店員立刻放下一大壺熱麥茶，還介紹餐廳每日限定優惠菜式。蟹籽沙律（$32）好大方既沙律，大量邪惡沙律醬，加埋大量蟹籽，非常開胃！金菇肥牛壽喜燒（$88）肥牛份量都幾多，肥瘦適中，湯底香濃，d菜入曬味好正！牛舌串（$18）牛舌好出色，岩岩熟好淋唔會太韌，加埋面頭味粉好野味！炸軟殼蟹手卷（$22）岩岩炸起熱辣辣，脆卜卜，軟殼蟹好大舊，唔會食完第一啖就淨食紫菜白飯。吞拿魚壽司2件（$9）好新鮮，9蚊2件好抵食，好小堂食有呢個價錢！火炙焦糖鵝肝壽司（$32）最愛鵝肝既我好滿意，味道好重，加埋焦糖既甜味好特別又好夾！…Read More

入數碼港睇完戲覓食，決定試一試呢間人氣唔錯既奧壽司。走入店鋪感覺好舒適，還有bar枱，枱與枱之間有足夠空間，很適合談天。火灸壽司盛合（特上）（$ 280）上枱好有氣勢，魚生燒過但都食得出都好新鮮，特別推介海膽壽司，份量好多而且好鮮甜！大蝦壽司好特別，出面沾了燕麥脆片去炸，出面食唔到呢！牛油焗金菇 （$38）好香牛油味，另外仲落左paper去吊味，非常好吃！牛油燒粟米 （$18）粟米鮮甜，唔會燒到好干免治雞肉串 （$22）食到大量既雞軟骨，好有口感，雞肉串有𠝹開讓醬汁滲入，非常貼心！鰻魚蟹籽炒飯 （$108）呢個好讚，真係好大一碟，而且滿滿既蟹籽係面，食落好惹味，仲食到好多鰻魚粒，呢個飯完全超出預期，一大碟都被吃光光。三文魚腩壽司 （2件）（$52）三文魚腩好肥美，正！另外店鋪設有火鍋餐，見不小人點了，下次可以試一試呢…Read More

同友人慶祝生日於太子覓食，見呢間氣氛好好無限時又可以慢慢坐就入去試下，酒吧黎講食物種類真係算多Pink Lady（$63）果味香，好易入口Nuts 墨西哥脆片（$40）一坐底就會送上，芝士味夠濃，加埋個醬食到停唔到口德國蜜汁燒豬手（$188）好巨型一大隻，我最怕食到‘干爭爭’既豬手，但呢個唔會，好嫩滑既肉仲有脆卜卜既皮香煎美國特級肉眼扒（$228）好大塊又厚身既牛扒，肉眼好夠淋，正！5成熟我覺得岩岩好，想讚一讚就連伴碟既燒茄子，翠肉瓜都好好味另外仲配有薯角添忌廉芝士煙三文魚波（$68）邪惡之選，忌廉芝士加煙肉既配搭原來好正，肥都要繼續食要讚一讚店員服務都好好，服務好迅速，上菜好快，最好開心竟然不收切餅費，仲立刻送上刀叉碟…Read More

睇完食評好吸引就決定一試，一上去覺得好有feel，燈光暗暗的，有酒吧feel既西餐廳，坐位都好舒適，有設置等候區，Bar枱都好型格，打卡一流特級安格斯漢堡（$168）漢堡好巨型，咬落去牛肉好厚身又多肉汁，仲有煎香左既煙肉，另外個洋蔥我都非常喜歡，好新鮮個配搭好夾好好味！個餐仲配左好多薯條，炸到熱辣辣，脆卜卜，唔錯唔錯加拿大龍蝦意大利飯（$188）個飯好味，食意大利飯都會驚太濟，但呢個唔會，龍蝦仲大大隻，龍蝦肉好彈牙，推介！法式鵝肝（$138）鵝肝多士2大舊，多士同鵝肝一樣大啊，每一啖都好濃郁鵝肝味道，正Mix Berry Yogurt（$68）估唔到咁大杯，有得揀要唔要cream，咁邪惡既野我緊係要啦最後要讚一讚上菜速度真係好快，但絕對唔係整定果隻…Read More

而家天氣咁熱，當然要吃甜品消暑呢到既甜品唔係得個樣，睇得又食得香蕉窩夫配朱古力醬（$65）揀左士多啤梨味雪糕，雪糕普普通通，但窩夫有驚喜，食落好鬆軟，食得出岩岩整起，整體黎講都唔錯既！芒果益力多綿花冰（$65）原來益力多加芒果又幾正，雖然係冰，但2隻味都好濃，分開食溝埋食都好味。另外仲有附加小丸子同芒果粒，芒果好甜，小丸子好煙韌，唔需要落隔離個淡奶都已經好好味，推介！不過侍應服務麻麻地，本來開頭諗住叫綠茶綿花冰，但佢話無，所以先揀左益力多芒果，但轉頭聽到人地嗌又有好在益力多芒果都好味，下次去再試下綠茶先…Read More

經朋友介紹來了呢間素食餐廳，亦都係我第一次食素體驗，估唔到又真係幾有驚喜。入面環境優美，比人好干淨既感覺，餐牌好多選擇，最後決定叫dinner set前菜已經好出色，當中我最鍾意南瓜莓乾雪泥，南瓜好甜溝左d生果係入面好開胃，個湯都好好味，中湯好夠火喉，西湯黑松露味好香，2個都好飲！香芒牛油果苜蓿芽手卷呢個值得一試！一咬落去有小小苦，但食到有芒果同牛油果既時候個味道勁似軟殼蟹手卷，好神奇！好味道！食完個侍應仲遞上濕紙巾，好貼心呢！青咖哩野菜猴頭菇青咖哩好香，唔太辣，沾薄餅非常好吃！猴頭菇口感原來好似肉，如果事前唔知真係會以為自己食緊肉。黑松露意式野菜焗螺絲粉黑松露好濃郁，加埋芝士忌廉汁好邪惡百爵紅茶千層班㦸，芒果脆脆芭菲蛋糕茶味重，甜度岩岩好，好味芒果脆脆好足料，曲奇餅脆脆加上吉士醬為呢餐畫上完美句號！…Read More

呢間想食好耐，終於有時間去食！今次為左佢個流心鬆餅而來，但估唔到其他食物都帶有驚喜！牛油果蝦沙律配芝麻汁（$98）好大一碟，味道酸酸甜甜好開胃，沙律菜好新鮮，牛油果好大舊，一點都不吝嗇，仲有4大舊蝦係上面，正！自家製炸蟹鉗墨魚汁燴飯（$128）炸蟹鉗好彈牙，仲要內有乾坤，有新鮮蟹肉係中間，蟹肉好鮮甜。慢煮牛頰肉咸蛋黃醬寬條麵（$128）呢個我好喜歡，第一次食慢煮牛頰肉，肉質好淋唔同一般牛肉味，好特別！寬條麵好好咬口，個汁有點似卡邦尼，加埋份量好多既蛋黃粒，非常好吃！招牌水果茶（$48）因為鬆餅即叫即整，所以需要大約30分鐘製作時間，呢個時候當然要叫一杯飲品消滯，呢個水果茶就岩曬！流心朱古力軟芝士麻糬厚鬆餅（$108）呢個不得了，非常流心非常鬆軟，一切開勁多朱古力流出黎，上枱果時仲驚太大個食唔曬，點知2個人極速食曬，太好吃了吧！…Read More

上次食完唔錯今日決定再食試新野。7點多去到即刻入座，今次安排左我地去另外一邊廂，應該係比人開派對用的場地，一坐底店員就提一提我需要幫忙可以按鍾，非常貼心！事關我試過於某餐廳埋單時先發現有鍾按。黑松露野菌忌廉意大利飯（$114包$38飲品）呢個真心推介，黑松露好香，野菌都唔小，意大利飯軟硬適中，不過建議2個人以上share食，唔係會太膩。蒜香雞亦（$42）魚手指（$42）2樣都岩岩炸起熱辣辣，雞亦炸到好香口，魚手指炸到好脆，上次試完好食今次當然要encore！藍莓果茶（$56）第一次飲果茶，酸酸地既茶開胃又消濟！…Read More