lamlamli998's Profile

今日下午放lunch黎到奧海城羅麥記，入面裝修別緻，充滿70、80年代情懷。一場黎到今日就試下佢地既招牌撈丁，而我就叫左個蔥油雞扒撈丁同奶茶。一上枱就聞到好香既蔥油味，雞扒大大件，而個撈丁麵底又夠爽，煮麵既時間啱啱好，醬汁既咸甜亦適中。另外杯奶茶夠晒熱辣辣，而且口感濃郁，飲既時候仲有掛杯的狀況，又夠茶香味另外仲有服務方面唔錯，雖然午飯時間咁忙，但一舉手就即刻有侍應過黎幫你，上菜速度都好快，認真抵贊…Read More

自從搬左黎青衣住之後，我經常都會黎依度食飯，餐廳既環境保留上海風味，員工亦親切有禮。另外，餐廳的食物質數也很高 。今日我就order左蔥油餅，小籠包同埋炒年糕。我特別推薦依度既蔥油餅，咬落去口感酥軟，加上蔥花撲鼻的香味，實在令人停唔到口。小籠包方面，外皮製作夠薄，夾起亦不易散爛，而湯汁之中更有淡淡既鮮味。最後就係上海炒年糕，年糕軟糯，有鑊氣得黎唔算多油，唯一不足就係份量較少。希望餐廳會推出更多有特色既上海菜同保持依份獨有既上海味道。…Read More