leontaz's Profile

路過上環, 原來此店原址的delifrance已經結業, 換上了由樓下搬上來的Suzuki 本來就想飲咖啡, 也好, 試試此店新開水準如何order了一客焦糖咖啡, 很夠熱, 甜味剛好, 對我來說挺滿意的, 地方也清潔, 坐得舒服新開期內全店免加一, 只是不知此優惠做到何時維德近月開了不少新食店, 下一站會到pret a manger一試…Read More

與友人聚舊, 本想相約於鏞記晚飯, 豈料訂位時早已爆滿朋友乃梅夫人婦女會的會所會員, 遂建議到會所的大堂餐廳一試餐廳相當寬敞, 樓底高, 很有空間感所有人入內都必須關上電話 (電話響好像要罰款...), 所以地方相當安靜, 是靜靜聊天的好地方晚餐有SET DINNER供選擇, appetitizer/main course/dessert連飲品大約200元, 選其中2款就大約160元, 價格是合理的是晚的前菜點了帶子配燒茄子, 帶子味鮮肉厚, 茄子帶微焦的香味, 配上我喜歡的苜蓿芽, 是滿意之作主菜點了燒鴨胸, 肉質柔軟但不夠嫩滑, 尚幸調味及配菜得宜, 整體仍是不錯試了友人的羊肩及炸虎蝦, 兩者俱有水準甜品是全晚比較令人失望的, 黑白朱古力做成的慕絲賣相100分, 不過不夠香滑, 而且對我而言是太甜了點餐飲要了cappuccino, 頗對口味, 彌補了甜品的不足地方舒適, 服務殷勤, 食物質素整體也不錯, 是值得再來的地方. 如果能開放予非會所會員就更好了…Read More

住響西環好多年, 經常都路過巴依, 不過一直都以為係茶餐廳多得OPENRICE, 先知原來呢間係食羊既小店~ 是夜就來試一試7點黎到, 已FULL BOOKING了, 侍應很有禮貌表示要8點前走, 當然沒問題黎之前看過食評, 早想好了要食咩野叫了土匪雞翼手抓飯, 羊肉餃子及羊肉串燒先來一壺茶, 一陣淡淡花香, 原來是薰衣草茶, 不錯的第一印象, 收茶錢也是合理的食物約10分鐘左右就到土匪雞翼手抓飯: 38蚊, 雞翼味道不錯, 名字令人誤會是辣的, 其實不然. 如果是辣的相信會更好吃. 手抓飯據侍者所講係羊肉, 蘿蔔, 果乾等炒出黎既飯, 香味淡淡的但幾獨特, 飯的質地有點似珍珠米, 比普通飯只係貴多幾蚊, 值得一試羊肉餃子: 之前睇有D食評話羊味太重, 但就令我更加想試. 40蚊15隻, 其實也不太羶, 肉汁很多, 伴埋佢既醬油一齊食, 我個人覺得唔錯!羊肉串燒: 30蚊5串, 果然係好重既香料味, 但也沒蓋過羊的肉味, 不會燒得太乾, 肉質也彈牙兼肥瘦適中, 好味!唯一覺得要改善既係最好可以提供返D細份量既小菜, 因為大部分都要百多元而份量很多, 人少既話可選擇既食物就不多了離開既時間約7點45分, 已經全場滿座了, 下次再黎食既時候最好訂定位侍者的服務態度良好, 食物也有水準, 一定會再來!…Read More

自從上次食完一次之後, 一直不明白, 呢度點解咁多好評決定多給一次機會, 與食友再度約戰於此4個人, 一人叫一樣野食餐前麵包: 不冷不熱的麵包, 處於溫吞狀態. 香草包本來想點黑醋黎食, 可惜侍應只係倒好少黑醋及大量olive oil. 叫佢加多少少黑醋, 就真係只加多幾滴. 兩者既比例大概係1比9, 完全破壞了平衡. 其實每人口味唔同, 可以大方一點, 將兩樽野放響枱面上嗎?凱撒沙律: 平平無奇. 麵包粒質感很差, 菜不算甜, 吃不出新鮮的感覺. 彷彿係用大量既芝士粉黎掩飾不足之處焗釀蘑菇: 算是令人較滿意的出品, 蒜蓉味菠菜蓉釀在厚身多汁的蘑菇上, 脆脆的麵包糠鋪面增加了口感, 賣相和味道都ok千層麵: 賣相麻麻, 鬆鬆散散咁, 厚厚既麵咬落去有點似一劈糊. 味道亦只係麻麻. 呢個係幾個餸之中食剩最多既一道菜意大利海鮮飯: 非常濕, 意大利飯完全失去咬口,口感奇差. 海鮮既份量還是可以的. 不過咁貴食一個狀似泡飯既物體, 令人相當失望地方好迫, 同隔離枱拍得好埋, 枱同枱之間需要側身過, 好唔舒服由於人多, 所以好嘈下, 而侍應亦唔多得閒服務你裝飾都算別致, 不過太暗太黃, 可能好多人覺得浪漫啦, 不過我就唔係咁鍾意, 睇野睇到對眼好辛苦第二次經驗同樣不佳, 相信唔係巧合吧, 我諗此店實在唔合我既口味. 就此別過, 應無再會之期…Read More

因為"竹炭"二字, 才被吸引光顧食落真係無甚特別... 包既外層質地似蒸饅頭咁稔稔地但由於個包有返咁上下大既size, 中間又嫌佢實得濟味道極清淡, 食完好似飲左杯水咁, 不留痕跡... 係得表層既杏仁片有少少香味同咬口可能選擇返d有餡既包會好d吧... 不過無下次了…Read More

聽過盛八既大名咁耐都未試過, 呢日終於黎開餐早黎既緣故, 立即就有位了, 唔使等望望menu, 二人各自選了想食既野, 全部都係牛!?唔緊要啦, 試味嘛 鹽燒特選厚切牛舌: 自從響仙台食完之後就鍾意左食牛脷, 呢度既牛舌好厚, 好juicy, 口感很好特上厚切牛胸腹: 呢個肥瘦比例啱啱好, 肉汁豐富, 好有牛味, 98蚊抵食!嚴選上和牛肉排: 呢個係是日推介, 由168減到108蚊, 不過味道反而無咩特別, 及不上前兩者. 可能因為對厚切情有獨鍾吧!另叫了個一之藏拉麵, 估唔到入面都係牛! 不過就近似牛腩, 十分稔身, 入口即溶, 講唔出既滋味~ 拉麵仲加了大量既蔥, 配埋牛肉好惹味雖然成晚都食牛, 不過唔同部位比到唔同既驚喜, 貴係貴d, 不過食物的確有質素…Read More

呢間野既包比一般麵包鋪貴, 所以雖然開左好耐, 都無乜幫襯過經過時再睇下, 裝修幾靚, 店員都好禮貌睇左一陣, 終於買到個價錢比較合理既黑椒磨菇雞肉包味道的確幾好, 黑椒味濃, 磨菇同雞肉都好多, 比之前響美心食既同款包好味得多對呢間野有d改觀, 貴得黎好味既, 都值得…Read More

呢日晚飯黎左千兩食壽司比較起元氣, 走既路線較高檔, 個格局幾骨子先order了烤牛肉刺身, 比較失望, 牛肉鮮味不足, 而且帶根, 近80蚊只得4小片, 唔抵食不過都有好多好食既, 如卷蛋少少甜的, 咬落有層次, 處理得唔錯吞拿魚腩壽司非常鮮味, 老實講係第一次食吞拿魚腩, 食完連對魚生麻麻地既我都想添食甜蝦刺身好鮮甜, 而烤鰻魚亦唔錯. 其他都ok既響迴轉壽司帶上面既壽司都係已經加左wasabi, 唔啱我呢d唔食芥辣既人, 所以要另外order, 呢點比較麻煩…Read More

前陣子病了, 要食清d到何洪記, 人很多, 2個人不想搭枱, 等了一會剛好有個靠邊2人位要了豬膶肉丸粥. 豬膶很大塊, 又稔又滑, 好吃. 肉丸入口較實淨, 味道較搶, 如果胃口不好是會有點吃不消. 粥很熱很綿, 上枱時仲有沸騰既氣泡, 食時要注意熱. 不過同時見到有少量黑色一點點的異物, 不知道是什麼, 只輕輕片走了便算味道的確很不錯, 不過地方坐得幾唔舒服, 衛生一般, 價錢也貴了點…Read More

試完海天堂龜苓膏, 覺得都好似有d功效同朋友講起, 佢又話恭和堂既龜苓膏仲正餘瘡未清, 就再去恭和堂試下同樣係咁大份量既龜苓膏, 同海天堂相比, 有幾大分別...質感上無咁"膠", 水份較多味道上較苦, 加了少許糖漿中和味道不知道是否如朋友所講較為足料, 所以味道較苦價錢上是平少少, 而且有會員制, 飲得多有回贈不過味道上我較喜歡海天堂…Read More

呢間海天堂都幾隱蔽, 搵左一陣先搵到店子很小, 只有幾張枱本來都不太喜好龜苓膏, 不過最近忽然爆瘡, 唯有試試古法叫了一盅最普通的龜苓膏份量很大, 我同媽咪一人一半, 50大元, 計返份量其實都ok先不下糖漿試試原味, 咦, 又真係甘而唔苦... 仲帶小小甘甜最後一滴糖漿都無加就食完了效用不知如何, 不過味道的確很容易令人接受看見店內的promotion, 五花茶等只係幾蚊, 聲明絕不加價, 比街邊雜嘜涼茶鋪仲要平質素不知如何, 不過誠意可嘉, 搵日會黎試試…Read More

坦白說, 不太清楚湖南菜同其他菜的分別, 一心只想試試金滿庭以外的小籠包, 所以就黎到洞庭樓試試食通天向來人流多, 等位也是意料中事, 幸好時間早, 唔係等好耐, 幾分鐘就有位地方很寬敞, 比小南國坐得舒服, 餐具也很美, 留下幾好既第一印象看看menu, 很快就決定了食物小籠包: 一籠6隻, 挺不錯的, 皮也算薄了, 肉汁亦夠, 幾滿意朋友想食水餃, 有好多款, 最後選了大路既菜肉餃. 我對水餃麻麻, 總覺乾巴巴的不如小籠包. 不過呢度既菜肉餃都算不錯, 皮滑嘟嘟的不會太厚, 餡也很新鮮想吃點辣的, 叫了個羊仔柳乾鍋, menu上有一隻辣椒辣度屬於小辣, 羊肉好惹味, 伴碟的椒同蒜子也同樣好吃整體黎講呢餐響洞庭樓既晚餐都幾滿意, 有機會會再幫襯…Read More

一向對番薯包情有獨鍾, 西式既試得多, 中式就比較少見, 就買黎試試蒸完既飽摸上手, 軟滑既中式麵包皮, 輕輕撕開, 本來有點期待...但係一食之下, 食唔出番薯既香, 無論係餡定個包味道都好淡... 此時睇到雜誌, 中式蒸包點原來不比西式麵包健康多少... 咁既話, 我都係重投普通麵包既懷抱算了...…Read More

是日經過灣仔, 5點幾想搵d小食想起響OR睇過清真惠記既蝦子柚皮又平又正, 就上左黎試試5點45分, 原來佢地就黎收檔了, 六點要交場, 老細開始提醒客人, 但十分有禮貌, 仲會同客人講笑, 加分一問之下, 仲有蝦子柚皮, 未賣哂, 就黎一客啦上枱, 蝦子睇唔到, 柚皮就真係好多, 試試味先~好腍好厚肉, 食落無乜渣, 也沒有苦澀味味道有進步的空間, 如果蝦子多d甜d會更好, 我返黎見到其他網友的相都有較多蝦子不過13蚊, 真係好抵食地方比較污濁, 地下好多水, 餐具亦有污跡. 雖是大排檔, 衛生應該可以更好的下次會再黎試試馳名的咖哩羊腩…Read More

是日經過灣仔, 見到有糖蔥餅賣, 5蚊, 真不算貴, 興起買一件懷舊一番門面看鋪係3個後生仔女, 我叫了一遍糖蔥餅, 沒反應, 再叫一遍, 才動手包給我邊走邊吃, 覺得不對, 怎麼包得如此鬆散? 就好像沒學過似的想想那位後生仔的年紀, 算了, 本不應有期望味道還是不錯的, 只是吃得狼狽點罷了, 5塊錢, 還是值得的…Read More