rickylee622's Profile

新年期間早幾日打電話想訂枱，但被通知細枱無得預約，咁都無辦法只可以去拎飛。去到細枱輪飛個半鐘都等唔到4張飛。中間望到有吉枱佢又唔叫飛，等等下就有熟客就咁入去坐。建議唔係熟客都唔好去等…Read More

最近出咗bonus，想同女朋友食餐omakase慶祝下，咁啱見到一間以前食過嘅omakase 最近搬咗鋪，所以就帶咗女朋友去試下。入到去見到間鋪裝修真係靚過以前舊鋪，睇得出用咗好多心思去設計。我地夜晚時間去，揀咗$1,588嘅set，食物方面同以前比保持到水準，而且師傅今次都設計咗d新嘅菜式，多咗份驚喜！成個set有大約15-16道菜，當中我最欣賞嘅係磯手鮑魚配上鮑魚肝醬，口感彈牙而且食落鮮甜，配上肝醬有兩種層次嘅味道！印象中係舊鋪重會配埋師傳特制嘅蘿蔔，但今次無咗有少少失望，希望下次再去會有😢另外令我比較難忘嘅有沙甸魚同秋刀魚，都好值得一試！特別係沙甸魚，顛覆咗我對沙甸魚嘅印象！除此之外，有一款菜色叫拖羅生死戀，師傅用紫菜天婦羅夾住中拖同大拖，咬落去真係好滿足！必配嘅日本生蠔亦都大大隻非常甜美，無乜好挑剔。後面重有各種嘅壽司，全部都好新鮮，例如有鰤魚、赤貝等。個set亦都包咗一款幾特別嘅菜色，係甜蝦配龍蝦膏雪糕。師傅用龍蝦膏整成雪糕，口感細綿軟滑，配上鮮甜嘅甜蝦，誇張咁講真係甜到好似真正嘅雪糕咁！當然個set都有甜品喇，個甜品係師傅自製嘅蝶豆花水信玄餅。配上檸檬汁，好睇又好食！Overall係一次幾好嘅用餐體驗，期待下次再嚟！…Read More