Hayden魚's Profile

環境係幾好嘅，坐得幾舒服，可能我夜晚去唔係繁忙時間所以人唔多。食物份量算大，但係味道一般般，我食咗個黃金炸牛堡同歐蕾咖啡，價錢係俾個份量嘅，同味道不太相關，如果係嚟放鬆下，享受下me time係ok嘅，但嚟食味道就.....…Read More

lunch time特登走去裕民坊覓食，搵到哩間環境好好嘅泰國餐廳，人唔覺多，空間闊落，配合埋裕民坊露天平台嘅位置，係觀塘嚟講想搵個chill啲嘅地方食lunch依度無得輸。講返食物方面，唔記得叫咩面，但記得係lunch set L5，好好食，粒牛丸一定要讚，入面應該係牛油，不過唔肥膩，好香，非常正，牛肉係用煎完嘅牛排切粒，有湯有嘢飲。不過唔滿意嘅係要收加一，唔知服務咗啲乜…Read More

今日同同事食lunch,去咗工業大廈嘅魚川居，酸菜魚唔夠重口味，大家同以叫加辣，同事叫咗水煮魚，佢話好好食。佢地嘅土匪雞翼好好食，外面烤到好脆，入面唔會乾，好juicy, 我覺得係必試小食…Read More

一次過買曬佢地啲嘢食，有鹽水雞飯，宜蘭X包，蔥油餅鹽水雞飯唔錯，可以加少辣，味道更加好。個包比較多油，唔係太鐘意。蔥油餅就太乾身啦，有啲硬，唔推介。都係鹽水雞便當最好食…Read More

係利奧坊樓下，位置易搵。第一個係明太子pizza，見嚟嘅人幾乎係必點嘅，味道ok，但比較幹身，個人鐘意厚少少同juicy啲嘅。第三個係德國豬手，我地三個人食，份量啱好，配埋三種唔同嘅醬汁，仲有啲鹹酸菜，味道一流，外脆內嫩。…Read More

位置易搵，gps幫到你。裝修環境非常日式，好似去咗日本啲街邊拉麵小店咁。介紹返個魚介白湯拉麵，湯底味濃，但唔會似日本當地啲拉麵咁鹹，要讚一讚個麵，menu有得俾你揀食咩麵，我毫不猶豫咁揀咗chef recommendation，好 煙韌，但唔係橡筋，好有口感。材料方面有隻糖心蛋，啲雞肉係我另外加嘅，如果唔另加，係咪冇餸……好似大概冇記錯的話又真係冇餸。大家食辣嘅去到要試下佢擺係枱嘅辣芽菜! 好正…Read More

位於中海日升，位置便利，係地下最盡頭。哩個增肌減脂套餐入面有: 西蘭花，滷蛋，雞絲，雞髀菇滷肉，份量唔多，反正我食唔飽，性價比麻麻，但入面嘅料味道唔錯，不過偏淡，重口味嘅朋友可能唔啱，包咗一杯嘢飲，我叫咗綠茶，唔好飲。…Read More

觀塘返工就唔好再嫌多人啦，乖乖地排隊啦。隊依間值得嘅，咁大一碟椒鹽豬扒配白飯，55蚊可享有，椒鹽豬香口就梗嘅，但係依間做嘅豬扒好 鬆軟，無渣，其他lunch餐都正，同事食咗佢嘅擔擔麵，d醬料好香，下次試下再評價…Read More

位置放便，G floor嗰層都有幾間嘢食，其中一間就係韓樂，易搵。早餐時段去到11點30，有興趣嘅朋友早啲起身就可以食到依個咁豐富嘅早餐。40蚊嘅餐，入面有炒滑蛋，三塊火腿，少少沙律，一個牛角包，包一杯熱飲。我覺得牛角包唔錯，性價比高。…Read More

觀塘返工嘅巴絲都應該知中海，哩間店係中海一樓，位置非常好穩。lunch time觀塘就邊度都咁full，所以排下隊就梗嘅。佢地嘅鍋物係好多跟餐配菜嘅，我依個係雞柳餐，有味噌湯，三文魚刺身三件，飲品同埋水蛋，咁多嘢先係78蚊。…Read More

睇comment啲人話要排隊，咁我就早啲去啦，可能嗰日禮拜六，同埋我都算早去，所以就唔洗排隊，入到去其實裝修唔錯嘅，幾日式，好似有樓上位嘅，但我今次坐樓下吧台，相對逼夾啲。製作真係需時，我等咗20分鐘，所以大家趕返工就慎重。賣相真係唔錯嘅，但味道就一般般，好平常，無我想象中咁好味。…Read More

行經得寶睇下有咩食，之前得寶惠康嘅鋪而家變咗街市，裡面多咗好多唔同嘅小店，亦多咗個類似food court嘅位，裡面大概有7間鋪，有日式泰式中式嘢食。今次我就試咗下哩間，係哩個美食area嘅最入面，價格貼地，肉燥豬排菜飯有齊曬我鍾意嘅嘢食，唔錯嘅，但肉燥比較乾身，冇咩汁，豬排係炸嘅，幾香口…Read More

位置非常易搵，佐敦D出口向左直行三分鐘左右就到。咁啱打完風後一日去可能好多人取消booking，意外地唔需要等位，不過聽講平時要嘅，大家都係book咗先。環境幾闊落企理，上菜快，有一邊落地大玻璃，個view幾好，如果係tea time去個景應該好正。食物方面推薦個辣肉腸pizza同蟹肉意粉，非常好，pizza記得加 Tabasco，超正。R &B bacon真心鹹 同有啲肥，不過食落都唔會油膩，不過太鹹真係頂唔緊。…Read More

哩間敏華係商場嘅位置唔太好搵，要去到盡頭。同大部份連鎖快餐差唔多，位置唔會闊，快餐就將就下啦。不過我今次食哩個雜扒飯個人覺得好抵食，46蚊乜都有，飲品要另叫，唔包嘅。味道幾好…Read More

哩間泰國菜係moko，位置非常方便，直對扶手電梯，非常好搵。餐廳裝修唔錯，空間闊落，我地今次6個人，位置都好鬆動。菜式方面就訪有嘅泰國菜都有，但其實我認為味道比較本土化，食起上嚟唔識泰國菜，份量比較細，我地6個人叫咗10個餸加甜品，1200蚊落地。…Read More