cecichm102101's Profile

禁堂食之後好少出嚟食飯，難得放寬，即刻出嚟打下邊爐先！去左呢間叫滾得起嘅火鍋店，睇落有啲似古代裝修，仲有聖旨咁款嘅餐牌，玩味十足。我地先叫左個花膠雞湯底，花膠大大塊好足料。第一樣我地係飲啖湯先先，再滾下d雞先，d雞食落好有肉味，滾完雞個鍋d雞味更濃。我地兩個人，無叫好多野，但必叫嘅一定係呢道嘅牛，呢度嘅牛部位選擇都唔少，我地就簡左牛頸脊。牛肉厚薄適中，肉色鮮紅，脂肪分布平均。食落果然係和牛級嘅質素。之後我地仲叫左響鈴炸魚皮雙拼，兩款炸物都脆口唔油膩，想兩樣都試少少可以叫呢個。其他我地仲有叫聖子同墨魚丸，聖子新鮮，墨魚丸都係誠實之選。…Read More

今日放工去左尖沙咀輕食一下，簡左一間叫Poseidon restaurant & bar試一試佢。坐低首先叫左杯野飲先，我簡左我不嬲最中意嘅Pina colada。Pina colada 係沙冰底，菠蘿味加椰子奶果然係絶配，好有夏天嘅味道。今餐無食好多野，只係叫左個鱘魚黑魚子三文魚他他同芝士肉醬牛油果薯條。他他個外觀已經夠吸睛，底層白色嘅係酸忌廉，深紅色嘅係切碎左嘅紅菜頭，之後再上一層係三文魚三文魚他他，最多就鋪滿咗䲖魚黑魚子。味道食落好開胃，紅菜頭配搭酸忌廉令到紅菜頭少咗一啲草青味。成個菜式亦都好有違和感，因為所有材料都切得差唔多大細，睇得出係心機之作。另外牛油果薯條就大大碟，我都差啲食唔晒，薯條係偏粗嗰種，炸得卜卜脆。牛油果醬加肉醬又係另人一試再試嘅組合。感覺餐廳係有心嘅餐廳，下次我會再約朋友過嚟食多幾樣野。…Read More

經過幾都話想試，今次終於入去試左。結果俾想像中有驚喜。我叫左個三文魚餐，有薯蓉，三文魚，沙律，小食，飲品同甜品，性價比非常高。仲要每樣都有咁上下水準，唔會feel到有hea嘅感覺。…Read More

星期六朝早訓晏左，過左12點，但老闆娘都俾我地叫個早餐。我簡左豬扒烏冬加奶油豬同茶走。烏冬係清湯，豬扒唔會太油，奶油豬就兩大舊，搽足料。奶茶茶味重，但未係最香個種。整體都ok，會考慮再幫襯。…Read More

今日出糧，去食野好嘅。同同事簡左牛角。黃埔呢間有個好處，就係等嘅人唔多。我地去到已經入得。我簡左其中一個lunch set，138有5款肉加仼添牛角飯，仲有杯野飲。肉係高上嘅肉，份糧岩岩好，呢個價錢唔係咁易搵到第間有呢個質素。…Read More

係紅磡番工，一定要食1仔冰室。價錢相而，份量ok，質素唔差。我每次尼都係食叉燒系列，今次叫左個滑蛋叉燒飯，蛋滑叉燒足，女仔可以叫少飯。lunch尼講，性價比唔錯。…Read More

我只係叫左個台灣蛋餅試，因為我每次去台灣都好中意食。但失望嘅係佢個蛋餅真係未水準，個餅太厚又硬，咬到牙胶痛，個汁同個蛋餅又唔配。見佢新開試試，但睇嚟仍有準步空間。…Read More

今日叫左個勇記海南雞飯，食完心諗又多間飯堂了😀好有驚喜，雞皮脆口雞肉滑，有淡淡嘅班蘭葉味。油飯唔會食到成口油但又有油香，醬汁唔會太搶但又調到味。價錢又唔貴，推薦俾係付近番工嘅你👍🏻…Read More

本身見天氣熱，坐低食碗糖水，叫左碗台式冰，尼到嚇左一跳。估唔38蚊會成坐山咁高😂仲幾足料下，有芋圓，涼粉，紅豆，豆腐花，滿滿嘅練奶，每一啖都食到唔同嘅味道。細食嘅可能兩個人食一個都得。…Read More

個個都推薦陳通記嘅沙嗲牛，今日難得嚟到一定要試試佢。我叫咗個沙嗲牛肉公仔麵，望落去啲顏色比平時嗰啲更濃郁，食咗一啖沙嗲，發覺佢幾重花生味，再食佢啲沙嗲牛肉，先發現牛肉係新鮮牛肉。整體來講係真係幾高分，每一啖嘅沙嗲味都好濃好香。…Read More

漁樂以我所以唔係日日都開，我之前有幾次去都撞正佢唔開，今次終於食到啦！我地叫左炸蝦，炸魚，炸洋蔥同魚湯，老闆話d海鮮係長洲獨有嘅。個人最中意係炸蝦，連殻食嘅，細細粒係幾特別。魚湯幾新鮮，feel到無味精。…Read More

佢一開門我就入左去 因為聽講下就好多人排到。入面無好豪華嘅裝修，但就佈置得好舒服。我簡左杯波蘿冰滴咖啡，無想象中咁甜，但波蘿味都好出，同淡淡嘅咖啡味融洽得幾好！！…Read More

今日去長洲camp，係條街到行左一陣已經好熱！咁岩見到長洲泳室無人排隊，即刻入左去抖涼。我叫左個泰式奶茶冰，好似飲緊真係一杯泰式奶茶咁😂成個冰好足料，d芋圓加紅豆都好好食。…Read More

入去裝修已經唔同一般嘅中菜廳，但係一點時尚但係又不失貴格，座位有圓枱都有方枱。今日同屋企尼食午餐，叫咗一個骷髏骨，招牌乳鴿同少少點心。招牌乳鴿都keep到好好食，流沙包外觀就非常吸睛。咕嚕骨有幾特別用冰鎮嘅，外皮特別脆口，咬落肉都唔差，有d肉汁嘅。仲嗌左個薑汁炒芥蘭，廚師好有心機，芥蘭界開一條條，令到芥蘭唔會太難咬。…Read More

呢間咖啡店之前已經試過，但今日見到佢喺西貢新開張，就想走過去試一試。叫咗一杯斑斕味咖啡同埋一個黑豆mouse tart。咖啡有淡淡的斑斕味，mouse tart亦都唔會太甜。咖啡店位置開得幾好，除咗室內室外都可以擺好多枱燈，我諗應該算係西貢市中心座位較多嘅Cafe。…Read More