kalongtung's Profile

第一次嚟呢個商場，商場有好多小舖頭，道路狹窄，唔少食店都接近滿客。當時時間係接近下午一點半。由於第一次嚟，所以唔知有咩好食，只好周圍行下望下先，行到呢間餐廳，睇佢門口感覺佢係有良心嘅舖頭（睇返之前啲相有連儂牆），而且唔使等位，於是就決定係度食😀呢度同普通車仔麵店舖嘅叫法一樣，揀麵底、揀餸。我就有選擇困難症，揀咗好耐，最後無揀麵，揀咗飯😂呢度嘅落單方法係用水筆畫係膠餐牌上，我交咗之後，姐姐問我要咩汁，有牛腩汁同沙嗲汁揀。本來以為揀車仔麵先有汁，所以無圈到要咩汁。最後揀咗沙嗲汁。問姐姐可唔可以另上，佢話可以，都幾體貼👍我揀咗白菜、午餐肉同滷水蛋配飯，好似好唔典型嘅車仔麵叫法😅但佢有呢啲嘢揀，自己又想食就無所謂啦。同埋，車仔麵嘅好處其實就係自己想食咩嘢就可以揀👻食物5-10分鐘左右送到，好多飯同餸，食到好飽。除咗份量，味道都唔錯。白菜唔會太過油膩，而味道亦鹹度適中。煎午餐肉有兩塊，味道就無咩特別好講啦😂至於兩隻滷水蛋好入味，就咁配飯食都好正💦個沙嗲汁好重味，無論係糖同鹽應該都落咗唔少，有可能係因為平時落係湯麵度，所以重味啲，好彩叫咗另上😳整體而言，呢餐飯性價比算高，環境唔算差，餐廳整潔、座位唔迫，可以慢慢食享受一下。有一個唔好地方係，雖然餐牌寫咗wifi密碼，但連唔到去用，不過麵只係好次要嘅問題。…Read More

星期日下午3點幾嚟到呢間位於工廠大廈嘅咖啡店。嚟到嘅時候店內八成滿座，但店員都好快就安排咗我地入座。店內佈置簡潔，感受令人放鬆。我地坐係窗前，可以望到觀塘區嘅街景同藍藍天空。店員一開始問我地介唔介意坐窗位，我地當然唔介意，有風景好過無風景啊😂好多時，顧客去咖啡店都唔係為飲啡，或者唔係只為飲啡，而係食嘢。呢度都唔例外，而因為呢度嘅廚房係開放式，所以成程都聞到好香嘅嘢食味道。而我地過嚟只係為咗坐下、飲下嘢、傾下偈，所以無叫嘢食，叫咗Iced Americano同Iced white coffee。咖啡味唔算好濃，但合格有餘。成個環境舒服，店員有禮貌，過咗享受嘅一個鐘。…Read More

星期六下午6點左右嚟到，係我哋前面有兩枱人（各兩人）排緊隊等入座。由於上網睇到其他食客話要排好耐隊，所以我哋都早啲到，避開煩忙時段。等咗10分鐘左右，店員就安排我哋入座。店內位置唔多，所以每張枱之間非常接近，店員亦只會少少空間去上菜，但佢哋都做得好好，無撞到人、跌食物。而整體嚟講，整個食店環境尚算舒適，店內以黑色為牆身，配以不同風景圖同海報。呢度有好多唔同味道嘅咖哩，例如蕃茄、黑豆、傳統印度咖喱。淨係睇餐牌都要用好多時間💡我哋最後決定叫青咖喱（即係菠菜底），其中一個原因係因為佢唔辣🥰咖喱跟餐會有沙律、飯同酥餅。飯嘅分量應該有一碗半，而酥餅只有一塊，整體嚟講稍為有啲貴。味道方面，咖喱唔算好重菠菜味，但夠香，配飯同餅都好夾。睇落分量有啲少，但其實係啱啱好可以送哂啲飯😋我哋亦叫咗個印度特式薯仔餅（Aloo Tikki Chaat），薯仔餅做到外脆內軟，內裡嘅薯蓉同粟米粒好夾，亦有足夠調味。反而面頭嘅醬汁未必太夾，甚至會啲人會覺得太辣。整體嚟講呢餐唔差嘅，食得舒服，店員有禮貌。食完嘅時候，店外已經大排長龍🍛…Read More

中午12點嚟到，餐廳有偏向越式嘅檬粉，亦有咖哩飯。當時未到lunchtime，所以餐廳未有其他食客，姐姐亦幫我探熱後叫我隨便坐就ok。到我落單後，先陸續有其他食客到達。餐廳姐姐都好好咁為食客營造舒適環境，電視會選擇播放媒體嘅網上直播，而唔係播大台👍🏿由於未有其他客人，食物基本上1分鐘就嚟到。叫咗個雞絲檬粉，雞肉尚算充足，有數條菜絲。調味就自己落魚露，多少自行決定。另外我叫咗熱檸茶，熱飲$3，總數$48。整體嚟講，呢一餐滿意有餘，食物味道唔會好特別或好差（呢樣同我叫咩食有關），但環境絕對加分🚀…Read More

呢間同葵興站距離唔遠嘅餐廳主打日式咖哩，我嚟到時正值中午12點時候，有兩三個人等緊外賣。由於呢度無冷氣、只有雅座，再加上落緊雨，所以今次決定外賣拎走。雖然呢度叫野菜咖喱事務所，但我無揀咖喱，揀咗D餐：和風南瓜雞肉煮配飯。等咗5-10分鐘外賣就準備好，一開始店員無問飲咩，最後先問返我，先至發現熱同凍綠茶都係免費嘅。飯同雞肉嘅分量都好充足。南瓜雞肉以鼓油煮，清淡得嚟味道亦足夠。雞肉唔會煮到太硬，南瓜亦唔會太爛。$42連綠茶絕對算係咁喇🤩…Read More

上網見到呢間麵包店有好多新奇款式嘅麵包，所以就去行街前嚟買包包食🤩店內所有麵包都係先以膠袋獨立包裝，相對衛生😚由於呢度有好多唔同款嘅包，所以都揀咗好耐🥰所有包都係$10幾，一開始都覺得有啲貴，但食落足料，唔會係空心包。加上款式特別，有心思，所以其實唔貴🍽…Read More

上網見到呢間餐廳嘅pizza幾靚，特別被蘋果pizza吸引，所以我地決定係度食個晚餐💡我地嚟到嘅時候大約5:15pm，因於屬落場時間，餐廳未開，但當時已經有3個食客排緊隊。而餐廳門外嘅告示就寫住6pm先會開始晚餐時間。我地繼續排隊，慢慢餐廳門外就聚集咗短短嘅隊伍。5:40，職員開始安排食客入餐廳，由量度體溫到安排位置都好快手👍。當時餐廳大約4成座位有客坐。我地叫咗Gorgonzola cheese and apple pizza同sweetcorn nuggets。侍應一開始未幫我地斟水，但落單後都即時發現，並主動遞上兩杯水🎃我地本來預pizza要比較長時先到，但落單後10分鐘pizza就到，nuggets就5分鐘左右就到🚀Nuggets有少少甜，一粒粒票米肉好食，最好要襯熱食！Pizza芝士味香，片片薄蘋果亦令賣相吸引。但係原本預期有有更重蘋果味道，但整體而言就係芝士味佔9成，蘋果味佔1成。味道而言不失為一個好味嘅pizza🍽入餐廳時，職員話用餐時間係75分鐘，但由於上菜速度夠快，到買單時亦只係用咗45分鐘左右。計埋加一服務費，最後$260🔥除咗食物唔錯，呢度環境舒適，職員有禮貌，體驗不錯👍…Read More

坪洲一角小小的一間麵包店😚我地正午12點度，呢度有普通麵包店會賣嘅包，我地係門口揀咗陣包。最後買咗一個雞尾包($6)同一塊南乳芝麻餅（黑白）($4)，總共$10👌店舖哥哥好快拎咗食物比我地，亦好有禮貌👍芝麻餅脆口，有芝麻香味，邊行邊食🍽欣賞街道景緻一流📸…Read More

南記位於KCC商場地下，離葵興地鐵站數分鐘，位置算方便。今晚6點左右到，餐廳尚算多人，食客接近坐滿餐廳，但未有人排隊等候。入到餐廳，職員便馬上為我們量度體溫，快手安排入坐👍餐牌選擇較一般茶餐廳少，但中式小菜、西式焗飯、炒粉炒麵、車仔麵都可供選擇😚最後喊咗個番茄雞扒焗飯🍚，同滑蛋蝦仁飯🍤。蝦仁飯10分鐘內到，但焗飯就差唔多20分鐘先到，當時蝦仁飯已經開始凍😕但係焗飯擺盤有心機，唔似好多餐廳，呢度會用麵包磚做碟，飯放裡面。除咗雞肉同番茄足夠、漿汁濃度適中之外，呢個飯影相打卡亦都一流🚀至於蝦仁飯，味道不過不失，分量亦都充足🥳餐廳裝潢簡潔，收銀處有figure、海報作簡單裝飾🎃整體而言，絕對推介大家一試😋…Read More