lan_lee7121's Profile

牛角新開台式火鍋，社交媒體極力吹捧，終於搵到時間去一試。平日嘅午市2點，唔算多人排隊，店內冷氣認真麻麻，只有近風口位比較涼，其他位就愈食愈熱。湯底點左麻辣鴨血同酸菜白肉，未淥野前酸菜鍋夠酸，但只可加清湯，愈來愈淡 之後淥咩都冇味。另一個辣湯鴨血得兩舊，不過有得落單就算。開前狂sell台式小食賣點，黑糖珍珠尚可、但香芋飲到成口粉又過甜。炸野基本上咩味都冇，鹽酥雞完全唔脆…最噁心係果兜鹽水雞，冇味、肉又霉就算，但仲一陣雪臭味，好似清水煮雞咁肉片還可，但所謂咩封門柳上左一堆肉碎，見到都唔想食完全冇胃口。整體感覺好失望，午市100分鐘，晚市cp 值又唔抵…一次夠數，唔會再試，出面有更好食更抵嘅台式火鍋，與其賣行廣告不如用呢啲錢去提升返個食物質素啦…Read More

之前黎過幾次，一直都覺得好滿意，所以今日見係屯市睇完戲就順便再黎食。服務差左，空碟積好多都冇人清，之前好主動又有人自動會加湯，但今日又冇。叫左$248，但而家有啲食物變左自助自己出去拎，又冇左凉拌小食…唔建議嗌$248以上嘅餐，唔值呢個價錢。食物質素亦都冇之前咁好，有轉封門柳簡直可以用「碎上」形容..之前覺得佢地嘅炸野好食，而今次就麻麻。到比錢嘅時候又一直冇人過黎收….好失望，愈黎愈差，我唔會再去。…Read More

買外賣買左超過70蚊，可能會有人覺得去一間咁嘅舖頭買70好傻，但果一刻我就係想食辣野。點知打開一睇，呢到只係得30蚊嘅份量….雲吞、豬紅平時有三舊嘅得返兩舊，肥牛得一片，腸砌唔到完整一條…….舖頭環境污糟邋遢，夾食物嘅盤碟碟都有污跡垃圾，份量愈來愈少，快啲執，唔好阻地方…Read More

之前都聽過十八樓雞煲，但就一直都未有機會食到。咁啱今日去旺角，原來係呢邊新開左分店，梗係去試下啦。去到嘅時候比較早所以冇咩人，入到去都有少少驚喜，空間比想像中大，估唔到仲有懷舊香港元素嘅裝修，如果有外地朋友黎香港可以帶佢地一遊。今次嗌左個小辣雞煲，上得都算快👍辣度合乎我想要嘅小辣，好野味，醬汁濃度都啱啱好，雞肉入味又好嫩。平時食到麻麻地雞煲嘅話通常食幾舊就即刻轉打邊爐，但呢個雞煲真係好啱我口味，食到停唔到好鐘意呢到有冬瓜茶、桂花烏龍呢類選擇，唔甜冇氣啱晒消濟。雞煲食到咁上下就掃QR Code 落單，食物都上得好快。有好多一般雞煲店未必齊嘅menu,滋補花膠、豬肚豬腸、是日海鮮....我真係要讚爆呢到嘅脆鯇骨腩，爽到索索聲，平時自己係街市買一斤都好貴，呢到任食真係不得了啊..呢餐都未食完已經開始諗下次幾時再黎過喇😂食到最後梗係唔少得甜品啦，有一般軟雪糕同乳酪雪糕，呢到嘅乳酪雪糕唔係好綿滑果種，而係有少少沙冰嘅質感，我覺得都唔錯。埋單出去見到有好多人排隊，呢個時勢仲可以有呢個盛況，證明十八樓雞煲嘅質素真係令大家慕名而黎。整體黎講除左食物質素、環境好之外，自助式嘅感受都唔錯，出去食放題最憎就係遞落單紙但舉極手都冇人見到。呢到用電話落單，連湯都可以自己加就完全冇呢個問題。我已經諗緊下次幾時再黎好喇…Read More

一時興起想bbq，貪呢到近近地...點知就中左伏。有d額外收費唔問唔知，佢地唔會主動講，想側側膊唔多覺。服務員冇禮貌，態度好差，一入去拎位就見到佢地已經黑口黑面。未食就已經成肚氣，飽晒。環境污糟到死，坐係到都見過幾次甲甴出黎..食物質素同人一樣咁差，唔新鮮，d肉好似放係室溫好耐咁，唔敢多食..唯有食d比較穩陣嘅熟食、面包、腸仔之類。食物種類都唔多，好普通，但因為質素唔好變相選擇好少。覺得呢餐好蝕...總括黎講呢個場真係好垃圾，冇下次…Read More