肥尼's Profile

終於有得休息喇，同朋友番大陸揼骨，第二日起身中午去試左呢間店，竟然出乎意料之外，好好味！去到剛開舖不久，選了近玻璃窗的位置，二話不說即看餐牌，點了幾個得獎野食，有金牌小籠包（¥26/6只），鍋貼，炸醬麵，蔥油麵，鹵蛋（¥7），豆沙小籠包，每樣都好好味，金牌小籠包皮薄有肉汁好juicy,鍋貼底部煎得夠脆，鹵蛋入味夠煙un,炸醬麵個麵質好煙un,個肉醬都整得好味，食完仲喺隔離超市搵果只麵，幾蚊已經好大包，原來係陽春麵黎，仲買左番香港添。甜品竟然冇豆沙窩餅，所以叫了個豆沙小籠包代替，不太甜，不漏，又係皮薄餡多，好多豆沙啊！每款野食都介乎¥十幾至¥廿幾蚊左右，埋單兩人都係食左¥127，以為要¥200或以上，點知唔駛，仲送左張¥30coupon比我地，下次一定會再幫襯，茶位¥4/位，都幾抵食，我同朋友食到仲想encore添，不過肚子已被填滿了，唯有下次啦！…Read More

今日同個fd出荃灣睇戲，買左飛未夠鐘之際要揾野醫肚先，就去左大鴻輝中心睇吓有咩好野食，大約六點幾，諗住walk in行去大鍋口睇吓有冇位打邊爐，點知排隊等lift既人龍好長，反而小肥羊果邊lift冇咩人等，於是上左小肥羊打邊爐，今次係兩星期內既第二次打邊爐，上到去冇咩人，坐低就叫左個秋冬藥材湯底，睇吓有咩食，每人送3両羊肉卷，我地去個時間係$138/位，任飲加$18,茶位$10,酸菜$10/枱,另須加一，有康師傅冰紅茶，綠茶，蜜桃茶，橙汁汽水等！野食叫左雲吞，蒙古肥牛，響鈴，羊肉粉，丸類，虾滑，墨魚滑等等，仲有我地既最愛蝦添，因為只知而家度度打邊爐未必有蝦食，本人最愛果度既羊肉粉，煙煙奀奀咁，唔駛淥太耐就食得，雲吞都好爽，入面真係食到有蝦，響鈴細細卷，沾了湯好入味，送既羊肉卷都好味，不羶！蒙古肥牛都ok,另外仲有小食可以點，試過皮蛋同口水雞，但皮蛋不太糖心，口水雞都係普通，一向打邊爐都每次飲得一罐野對我㴝講，今晚飲左三罐，仲要講吓佢既湯底，完全不用豉油或什麼調味都已經夠哂味，佢加湯都係加番上湯，不會加清水，整體㴝講，今次又一餐好滿足，食得飽飽既邊爐，值得再來！…Read More

是日星期二，朋友邀約食飯，喺唔知食咩好既情況下，朋友提議去打邊爐，由於上一次試左稻香，於是今次去食久違了的海港，以前食過，佢既雲吞係最好味，所以今次番去再食，點知。。。。五點九開始可以打邊爐，一入座坐低一口氣叫了10樣野食，二人飲了兩三枝啤酒，點了“安格斯肥牛”，“魚皮”，“珊瑚蚌”，“雲吞”，“響鈴”，“駝鳥肉”，“生菜”，“三文魚刺身”，“蠔”，“火灸芝士丸”，“豆腐芝士丸”......鴛鴦湯底。安格斯肥牛同圖片不附，細碟到呢，仲要賣$88,質素差！駝鳥肉又厚又un,魚皮大塊又鹹，響鈴又大舊，賣相極不討好，生菜又黃又整棵，冇搣過咁！雲吞肉同蝦既比例唔得囉，只有果兩只丸食得吓人，珊瑚蚌都算爽，不得不提三文魚，$42/10塊，又唔肥美，仲食到腥味，又唔新鮮，呢餐真係食到火滾，咁耐冇食，而家啲野仲差過以前，2人埋單仲$61X,又貴又唔好食，仲差過稻香，又貴過稻香，難食到冇朋友，真係一山還有一山低，低處未算低囉！咁既價錢出去出面可以食兩次啦，所以真係不可一不可再囉！…Read More

每次提到要食炸両，腸粉，而家都離不開呢間水上人，即叫即整，炸両內既油炸鬼好脆，就算加左塊粉皮包住，外賣自取番到公司依然脆卜卜，只售$13, 一盒打開滿滿的，一盒已可作一個午餐了！還有My 飛佛豬潤腸，售$12, 一碟三條，豬潤粒切得適中，咬落好爽好有口感！亦試過佢既皮蛋瘦肉粥，但料少，啲料碎濕濕，擺一陣攪幾攪，已開始變水...…Read More

早收工，多數都同mama去左呢間酒樓飲茶，這裡的下午茶一點四十五分就開始，平日都冇咁多人，到星期日就超多人，一到夠鐘啲人就會蜂擁而出去拎野食，經過一輪狂風掃落葉之後，出面想食既點心已經食不到，差不多兩點幾至三點果段時間已經開始冇乜野食，只係得番啲抵食夾大件既野。試過蝦餃同燒賣都算ok既，蝦餃都算大粒，有蝦爽口，但第二次去已經皮厚左啲，冇咁好食，魚翅餃就蒸得比較淋，但竟然比我揾到而家酒樓好少有既蜂巢炸芋角，奶皇飽麻麻地，偏甜。燒肉飯$21.8,但燒肉只有4-5舊，飯多。叉燒蘇酥皮比較厚左啲，餡少！豉汁蒸鳳爪都好食，仲有雞札，韮菜餃都可一試，去到都來不及人快，春卷，腸粉，大排檔既野食及想試既點心都比人一掃而空。侍應不夠，等左陣先揾到人執枱及沖茶，兩個人叫了5-6個點心，埋單大約$90-$120，好飽呢...…Read More

前晚星期五，收工同個朋友去左上水試新野，㴝左橫濱食放題，個朋友話好想食日本野喎，book左18：30，點知18:00就去到，所以提早食，因為佢話18：30前入座係$178/位，另加一，為時兩小時！枱與枱位置比較窄，兩人比左一人枱，都放唔哂啲野食，店員最後加多張枱比我地咋！一開波緊係試佢既刺身啦，大路野(三文魚，魚，北寄貝，赤貝，甜蝦，帶子等等...)但係每塊都好細塊，北寄貝仲要比人一開二，叫左炸物，有南瓜天婦羅(太淋)，我既最愛炸蝦天婦羅(又厚粉)，唯一食得吓既係吉列炸蠔，另外仲叫左羊架(算大塊，juicy)，七味雞軟骨(good)，蘿蔔豬軟骨(蘿蔔好入味)，芝士忌廉藍青口(1客四粒，但太多忌廉汁囉)，牛柳粒(唔太un),炒什菜(good),仲有個焗蠔，焗完只蠔唔知去左邊，超細粒，不過都幾好味，啲芝士冇蓋過蠔味，串燒叫左牛舌，虎蝦等等，都ok,飲品有道地烏龍茶，清酒，梅酒，柚子蜜等等...最後又叫多round刺身，甜品有牛奶公司迷你雪糕杯，點了朱古力同我最愛既芝麻味，點知話芝麻咪冇哂，拎左個芒果味㴝，咁又好過冇啦！其實仲有啲野都冇叫，不過，呢餐整體上都覺得麻麻地，有要求既我會繼續四圍去覓食，滿足我對食既慾望......…Read More

，今晚同5個同學仔去呢間稻香打邊爐聚會，本身諗住book七點鐘既，點知佢話今晚有酒擺，所以只可以book六點半鐘，我們一坐下便點了一個醉雞窩湯底，仲加埋蝦都係$138左右，只後就叫左黑椒牛丸，肥牛，駝鳥肉，刀削麵，稻庭烏冬，雲吞，水餃，腐竹(一卷卷果只)，仲有唐生菜，鯇魚片，秀珍菇等等......先講吓黑椒牛丸，真係好正啊，淥起黎又爽又大粒，仲有d腐竹卷，淥幾淥就食得，超正囉......d丸超一般....爽﹗駝鳥肉好滑好淋....正啊﹗仲有雲吞，都係正既野，有蝦0係入面既，其他有d地方食到都冇蝦既，假野黎囉.....佢冇任食既時段，碟碟都係逐碟計，刀削麵我見佢咁闊咁大塊，未食過所以試左少少，又唔錯喎，可以一試，稻庭既烏冬都ok架，都唔駛淥好耐，可能0係d湯底入面淥過既關係，一"挾"上黎食都唔駛加任何調味，食落都好正架﹗墨魚丸又係彈牙爽口，樣樣都ok......所以今晚我覺得係ok既一餐啊﹗埋單6個人都係$879，除番開，每人都係一百四十幾蚊，都值得既....整體上都ok架，講吓講吓，都好懷念d牛丸同雲吞，仲有腐竹卷.................…Read More

...今日星期六，個fd打黎約我食晚飯，都唔知去邊食好，之後等多一個朋友，決定三個人去打邊爐，開頭諗住去金香漁港架，不過之後決定左去呢間囍宴。因為我有個朋友讚話都ok，咁咪去試吓囉﹗點知......因為星期六晚，我地驚超多人，所以八點幾去到搵位，果晚真係好多人，比左張細枱我地，仲要係d人夾實既中間，入同出都比較麻煩，出去拎汽水都超麻煩，d waiter又好難入到黎換碟，最後....唉﹗緊係招呼不週啦﹗...好喇，輪到講吓野食啦，我地叫左個沙嗲鴛鴦窩，叫左肥牛，羊肉片，牛筋丸，香菇貢丸，芝士腸，鮮蝦水餃，鮮枝竹，唔知點解冇雲吞﹗...點知激到我爆，羊肉片超羶，牛筋丸就黐牙，芝士腸就一d芝士味都冇，仲要皮"un"既，d鮮枝竹一地一淥就"淋"，唔知點解呢度果d就淥左好耐淥極都係"un un 地"硬硬地既。仲有啊，d象拔蚌成pat野成攤水咁拎黎，淥完d fd話超難食，d汽水又唔夠凍，唉....我都未食過一餐超難食既打邊爐架，唯一一種食物係可取既，食得吓既就係鮮蝦水餃喇...果晚仲99蚊一位，任飲任食2.5小時，我地要11:15就要埋單﹗唉....都唔知食左d 咩落肚，成肚氣囉，係超激氣果只啊﹗冇下次啊....頂﹗…Read More

呢個星期一放假，同了一個朋友上了大飽口福食buffet，佢都係聽朋友講話好食，終於今次試到喇。我地唱完k先過去，過到去都係6:30pm，可能星期一關係，都唔係好多人，大把位，我地緊係揀梳化位坐啦...一坐低就喝了一杯紅酒，不過麻麻地0者......:(....之後就勁拎野食，我最鍾意係佢既三文魚啊﹗好新鮮...一碟都有成6塊，仲有用紅寶石換既野食，我地兩個人得兩粒寶石，換左一個翅同一個鵝肝share，個鵝肝勁正囉，一入口果種感覺好正啊﹗.....兩個人吃了三百零四蚊人民幣埋單，仲抽到兩張15蚊既cupon，下次又可以上去食過喇﹗今次真係不枉此行，個場好大，d燉湯都好好飲，我地不停勁拎三文魚食，仲有係生蠔，都幾新鮮，唔錯唔錯..........仲有點心食啊﹗d蝦餃好大粒，塊皮就厚左少少。小籠包都不錯，好多汁...d甜品就麻麻地，唔係太甜就係果層蛋糕底好硬囉﹗:(....其實大飽口福整體上都唔錯，值得一試同值得再去架﹗…Read More