（咸蟲mode）食好嘢's Profile

想黎食好耐，因為係素食餐廳，始終唔係好多人鍾意食素，口裡說得，身體卻很誠實，所以拖咗好耐都唔敢開口，終於有日，唔知點解，因緣際會，開口約了朋友陪同事前有向餐廳備註，本人最近發現自己有麩質敏感，感謝餐廳特意為我安排無麩質菜式🙏🏻紅蘿蔔薯仔湯 - 好有「肉」味，相信係味噌or菇菌類嘅功勞，因為本人亦係pescatarian將近十年，好耐無飲過咁有「肉」味嘅湯了😱有點驚為天人(可能係我太大驚小怪😅)芒果沙律 - 芒果微甜無酸味，沙律醬應該係自家製的，有蒜味，刻意製作成白醬嗰種杰身的質地牛油果藜麥飯 - 牛油果新鮮而熟成度剛剛好，需知道開到一個靚嘅牛油果嘅成熟度，係要經驗[溫馨提示，藜麥不是麥，作為麩質敏感嘅初哥，都係前排先知，根據維基所講(🤣)藜麥屬於莧科(是植物，非小麥，亦非穀物類）唔好俾佢個中文名呃咗(🤣)]昆布蘿蔔漬物 - 醬汁好味，似海蜇小食的味道(唔sure係咪腐皮?，所以食落口感真係好似海蜇)，另外有少量泡菜? 因為份量太少，朋友直頭感覺唔到有泡菜，如果多啲泡菜就更好了因為餐廳建議盡量輕聲細語，用饍嘅時候大家都下意識少用電話，專注純粹享受食物，味蕾感觀自然放大，簡潔的與朋友純粹的交流，感受純粹當下，我認為依餐係好舒服好舒服的晚餐p.s. 用饍前，參加咗逢星期一嘅純粹靜坐（非宗教儀式)，本身有間唔時🧘🏻‍♀️但未試過坐到一個鐘咁耐，係非常好的體驗…Read More

之前係大角嘴街坊幫襯開blendit，依家blendit都搬咗去太子了，我都搬離開了大角嘴lu畢打街嗰頭番工，食晏時間過黎依邊係有啲距離嘅，咁岩去開歌賦街買野，醒起the concept 喺附近，一定幫襯下啦本來想食yogurt bowl可惜今日咁岩greek yogurt 未番貨所以叫咗個salmon spicy hummus onion bagel再加個 berry smoothie with blue spirulina 因為我麻麻地cream cheese, 有得轉鷹嘴豆泥係非常好，應該無乜餐廳會有得咁配，真係超級讚，spicy都係bb辣，略微偏咸，如果淡番少少就好喇見到blue spirulina基本上係必定要order，唔係因為顏色呃like嘅，雖然今日咁岩著咗件一樣色嘅衫係身體問題需要先order嘅，要注意有啲病患唔適合食架，大家做好research 先或者問吓店員呀…Read More

上個月寫咗篇食評出唔到可能寫得太衰😂依家0分重作😂上個月食呢兜野真係🤯茄子兩粒，紅椒三粒，粟米芯都碎上，俾得三四粒砌埋剛好有一條粟米芯？🙄每粒都係2x2x2 cm size最大方就係荷蘭豆喇有五條喂，女人仔係細食，但係75蚊喎大約砌埋有一條粟米芯大約同粟米芯一樣大嘅一條茄子大約同粟米芯一樣大嘅一條紅椒同五條荷蘭豆其他全部係汁同飯其實我係好欣賞Pret間唔時都出新product同埋唔難食嘅個sauce係好味嘅印度風嘅青咖喱汁不是泰國風的青咖喱汁但唔好搞到好可憐咁啦***今日就好好多嘅雖然meatball 同車厘茄都係cut halfmeatball麻麻地啦，好粉，好重rosemary味但起碼都係正常女人仔份量同正常size先啦仲要平啲呢，好似係$56***雖然間唔時都食素，但平時無諗迴向買完之後突然諗到「迴向」呢兩個字順便記錄一下2022年10月20日一個告別式的日子願以此功德，迴向俾一位敬愛的老師(註：迴向係佛教術語，將善業功德迴轉而投向於某目標)…Read More

傳菜侍應培訓係咪好有問題呢有位男侍應整跌咗件食物喺枱面(如圖)細細聲「哎吔」，之後唔出聲走咗去我哋實在太天真，以為佢醒目，會換番俾我哋啦，點知等咗勁耐都無咁又係嘅，如果佢知自己錯，都會道歉，會講唔好意思，講番聲換番碟俾我地，之類卦無囉！走咗去囉！佢自己整跌架喎！跌到咁喎！離哂大譜！唔出聲當無事發生過？結果搵另外一位侍應cut單了事當晚放過咗佢啫但我會喺OpenRice寫佢囉P.S.另外有一位女侍應要大大力讚晚市帶位嗰位女士非常好禮貌有時間仲會幫其他同事執枱執得好整齊唔該嗰位男侍應效法嗰位女侍應啦…Read More

同好耐冇見嘅朋友食飯諗住靜靜地可以傾吓偈我係街坊平時見間餐廳都無乜人坐得都幾舒服女侍應幾好服務有介紹下餐牌佢介紹咗炸魷魚鬚，真係好好食，爽脆唔靭，唔咸，會食唔停口粟米脆片普普通通啦，牛油果醬好淡無乜味侍應有強調墨西哥夾餅係好細個，真係好細個，一人份量都會嫌唔夠，細都唔係問題，問題係個汁唔好食，好怪，直頭唔可以叫汁，係酸辣水嘅味…隻蝦就幾好爽口彈牙黑松露意粉都算多餸，有啲漿口好杰身，黑松露味就略嫌欠奉朋友本身一早睇中乳豬黎到個樣真係好靚好似炸子雞我唔食豬唔知咩味朋友話好滑好食但食到咁上下有啲漏P.S. 位男侍應有啲hea，朋友落單好似好唔願意落咁，叫斟水都唔理…Read More

那個香酥魚菲力帶我番去十年前喺士林夜市食豪大大雞排嘅感覺仲要絕對係過之而無不及魚肉非常厚身一絲絲的魚肉就似雞肉絲咁酥皮同豪大大雞排一樣酥脆可能我揀咗香辣味便當酥皮上面灑上的麻辣粉係麻辣控最愛嗰種香麻少辣旅行其中一個重要任務係追求美食帶來舌尖嘅震撼無得去旅行但有美食震撼真心 多謝 那個…Read More

要揀間有顏色取向嘅咖啡店有人向我介紹咗依間我係晏咗少少到大約下午一點十分我想要嘅三文魚賣晒店員話今日比較多客人另外有款雞的都賣晒了咁我就order咗個avocado toast大約一點十七分咖啡到了玩咗一輪電話等嘢食無聊同杯咖啡影咗一輪相再等咗一輪開始feel到唔對路隔離枱早過我到食物都未到再隔一陣見背後另一枱食客離開期間我聽到那位食客話「太耐喇」我見都一點四十分了我都催了一下單結果我等到一點四十七分實在不安走了店員有不停向我道歉我都好無奈我都想講Sorry因為我都唔知有無下次在中環開店午飯時間請不要讓食客等多過半小時真的…Read More

疫情嚴重少咗出街食，一排無幫襯，不知不覺換咗裝修同menu街坊幫襯過好幾次，湯so far都偏淡，飲過幾次南瓜湯，今次特別啲係紫薯湯，個蒜蓉包次次都好好味，脆口的之前主菜有三文魚架，好好味架，但依家menu無咗喇，比目魚都好味嘅，魚皮煎到金黃香脆，唔鯹無雪味，蔬菜次次都咸咗少少，黑色嗰塊唔知係乜，整體係份量少啲啫，唔係好夠喉呢印象中另一半都番兜依個羊架幾次，因為我個魚唔夠飽，試咗佢幾條闊條麵，個汁好好味，酸酸甜甜好開胃再黎drink & dessert, 是日餐飲有蜜桃紅茶唔使加錢，唔藥水唔酸少少甜味，聞到桃香味，伯爵茶布甸超級滑，牛奶雪糕好似係sorbet咁，兩款甜品感覺都似自家製，少甜啲，幾好，無咁罪惡無錯，依度係得四個course,如果要沙律都係每人加多5蚊啫，今次無加到，平時沙律有菜有水果有醋汁嘅，印象中個醋汁都好味嘅呢度兩個餐都係$307，當我加埋沙律加埋一都係$318，兩個人喎算抵食啦…Read More

Overall 食物質素好，但居然輸俾隻叉，下次要自攜叉用？街坊放工無book枱，當時餐廳未有客，侍應帶我遊走完一圈都係暗示我只可以坐高枱高櫈，到我揀好咗喇，張櫈又濕嘅...新餐廳穩陣起見，叫咗一個餐加意粉。餐湯好味魚湯有魚肉，餐包都岩岩好脆身。欣賞餐飲汽水送檸檬，因為出面無數餐廳檸檬要加錢。主菜意粉一般啦，唔係al dente。barramundi fillet夠滑，魚皮crispy，配菜薯仔有黑椒同蘆筍都好。終於要講重點，必先利其器，唔係其器利呀⋯ 一開口就出事，居然係因為隻叉？！叉嘅闊度係正常table spoon最闊嗰個位嘅闊度一樣。正常用table spoon食嘢，都未必啖啖都將整隻匙放哂入口啦，隻叉大隻到下下放入口都覺得好有威脅性，一唔小心就會叉中咀。我咀細無話可說，但連同伴正常咀型，佢叉意粉，叉一叉都嫌太多，要花時間慢慢挑走番啲意粉。總之就係大而無當啦⋯最後補充，腳短者食完腳痺。…Read More

老老竇竇，開張頭一個月都唔敢試的，因為分別有朋友及有街坊話食完肚屙...上個月頭冒c試吓，食完冇事；上個月尾再幫襯第二次，都冇事喎；第一次食：粉絲，好味炸菜，好味玉子豆腐，正常牛丸，偏粉魚皮，有1/4係"QQ"的...湯，淆底唔敢飲...第二次食（冇影相）：粉絲同玉子豆腐做膽酸齋，酸咗少少，我鍾意食酸野，所以都ok嘅龍蝦丸&蟹子丸，好實，唔鍾意...蜆蚧鯪魚球，超級大粒，外脆內軟，好味，好飽肚第三次食：酸齋，進步咗，無酸過頭，好味紫菜、玉子豆腐、粉絲，正常墨魚卷，有墨魚粒，好味Menu:…Read More

新手上路，不喜勿看如果你覺得女仔食嘢嘅時候鍾意相機食先就係港女嘅，咁我係囉...影完啲相又唔想下下post上fb好似曬命咁，post上依度最有建設性啦！間餐廳係夫君搵嘅，慶祝情人節緊係預早訂枱啦，多謝夫君睇吓有乜食先先嚟個頭冷盤，帶子新鮮，蓮藕片夠脆同有黑胡椒味，好似食黑椒味薯片咁，伴超細粒嘅蕃茄粒同青瓜粒，fresh~再嚟熱盤青口，青口唔會太過熟岩岩好，食到有一粒沙，芬奴忌廉汁第一次食，開頭食唔慣？好似有啲似牙膏味？，不過夫君好鍾意個汁海鮮湯好重龍蝦仔味，我發覺我自己越來越唔鍾意龍蝦湯，夫君覺得鯹我飲牛尾湯，ok嘅，夫君覺得酸青檸雪首葩清清個口，我好鍾意雪葩，食幾多都唔夠喉啦因為預早full payment訂枱，送兩杯sparkling，有酒味，我地極少飲酒，唔識comment主菜，夫君要牛排，離遠都聞到松露味，超級香，好味我要魚，個賣相好靚，全熟嗰件魚好香玫瑰味，第一次食玫瑰味嘅魚，好特別另外香草三文魚，生嘅但係真係暖暖地，超多香草，good甜品，心太軟唔太流心，我鍾意蛋糕底脆脆地配菠蘿雪糕都幾特別，有菠蘿肉但因為本人麻麻心太軟，亦麻麻菠蘿，又太飽，食唔哂第二朝我同夫君都要早起身，咖啡求其飲咗兩啖走人…Read More