lambie's Profile

北角新開的燒味舖。同brand喺其他地區都有分店。由於北角唔多有好食嘅燒味 (個人認為)，所以本著一試無仿的心態去試試。門口最突出嘅係400蚊唔駛嘅片隻鴨。諗過買隻試吓，不過自己又唔識片，所以都係費事。於是叫咗個叉燒燒肉飯雙併拎走。價錢只係廿幾蚊，開開心心返屋企試。味道都叫中上 (廿幾蚊嚟講)。正當食到尾咬到叉燒：有骨嘅😠，仲要一嘢挫咗落牙肉度😫極低級嘅問題。食咗咁多年叉燒第一次食到有骨。我係老人家咪死得？永久blacklist。(唉人哋新店一嚟就負評... sor囉)…Read More

細細個 (2X年前)，嚟到北角已經見到呢一間店 (主要係記得門口個雕像)。諗住做到咁多年，應該都掂啦。點知出事囉...外賣【菠蘿炒飯】同【海南雞飯】(各$58)。份量上係正常的 (參考大X樂果D)【菠蘿炒飯】- 外觀：冇腰果冇肉鬆。- 味道：除咗菠蘿之外冇咩味。- 評價：真係菠蘿 + 炒飯。完。【海南雞飯】- 外觀：隻雞嘅顏色好慘，有骨(平身都ok)。- 味道：隻雞好鞋！好唔掂- 評價：大X樂果D快餐店都比佢好，咁點解仲可以叫自己做泰菜？- 額外：附送一個湯，鹹到傻咗。結論：sorry冇相。外觀上冇咩特別。但老店... 不如退休啦。…Read More

之前在黃埔Greyhound Cafe嘅體驗尚算不錯因此是日中午決定與友人在九龍塘分店用餐點知係一個中大伏的開始素有聽聞Greyhound的食物之份量不多但完全不料今次上菜份量猶如冷飯剩菜的少entree：蘑菇湯不錯如選的沙律則是不幸：還原後約為2片生菜，1/8-1/4個燈籠椒。即時向店員反映，店員言lunch係咁main：炒金邊粉幾好選沙律(express lunch set)則是中伏。問題同上選Angry pasta，上菜後即如其名，我不覺得份量比自己淥一個公仔面多。但味道幾好重點之重sidedish：點了041A 泰式沙爹雞柳串上菜的則是拎起了一串後，友人方赫然想起menu上顯示是3串(3對)向店員反映則回覆了一句「圖片只供參考」就打發顧客....咁店家不如放夠50串上去，供大家慢慢參考？另點了其他餐點，味道可以，份量細小返去睇一睇咩集團：即係明哂…Read More

之前發現北角呢間名為Malty的酒吧，滿心期盼係一間好嘅Whisky Bar，因此同friend一齊去飲嘢。打開menu確係有多款Scotch同Japanese Whisky，同場亦有Cocktails、Wine同Beer呢D酒吧必備嘢。呢度whisky 1 dram都唔係平($90+)，不過我覺得咁勁打得Malty上自己招牌，都應該係掂所以都唔介意畀。咁就要咗佢 Tasting Menu A嘅 Dalmore 12y / 15y / 18y ($300)。一拎過嚟就馬上失望。一個Tasting Menu你同我用Shot glass上仲要收我$300？因為用shot glass上，仲要冇得估足唔足秤！失望透頂，自拆招牌。冇下次。有加一以及nuts fee (好似$38/2person)…Read More