Chocopric's Profile

母親節帶牛魔媽黎食616大滿足！門口有架餓靚之van 好易認入到去既裝修都好懷舊 有馬賽克同霓虹燈仲有扮九龍皇帝寫字 經openrice Book17:30 可以食100分鐘早左3個字到未開 但職員好好 快手搞掂手頭野就安排我地坐住先睇下menu好彩分到坐每個位都有椅背既枱仲要5個人圍住一張枱有兩個爐哥以叫兩個湯底唔使溝亂味 不過牛魔媽無咁高要求 要左一個鴛鴦湯底（牛清湯配沙嗲湯）等張枱多d位放牛同烏冬😍😍 下次一班人黎可以book呢間圍埋坐 去開銅鑼灣個間係長枱唔係咁鍾意 唯一失望無左麻辣湯底但沙嗲湯底都好正好濃郁小辣 配牛一流牛既質素同其他分店一樣好點埋汁料既秘制牛汁 一試難忘唔知係咪新舖 未有酒牌無616招牌啤俾呀爹飲 5個人飽到上心口都係150蚊唔使 （經openrice 有折又有得儲miles！正！）食到咁好質素既牛 抵過去食連鎖店火鍋放題 …Read More

大病一場口淡淡好想食辣 男人帶左我黎呢到企係門口見佢裡面個個枱面都有一大碗辣椒就俾佢吸引左 衝左入去原來個d係干鍋 但我都係鍾意有湯兩個人叫左個水煮牛肉個精萃除左牛肉就梗係個同個底d入哂味既薯粉 好煙un 既紅薯厚寬粉 一條都無剩牛肉入味鬆軟亦好多開頭唔係好辣 好重味 但又唔會令你之後好口喝好過癮超滿足叫左枝鴻福堂銀菊露 好神奇 第一啖已經解哂辣飲咩奶茶檸茶凍水飲奶食砂糖都無呢個銀菊露咁快解到辣！好掂 下次食辣我識飲啦…Read More

很多年前 喜匯仲起緊既時候 係灣仔放工好想食泰國野 咁岩見到地盤對面有間好舊好殘既舖 無人係入面 就由勇字當頭入去（無錯 睇開我d文都知我對無人入去食既野特別勇於嘗試 其實係想靜靜地食個飯唔使逼） 點知今次錯了 原來係未開始晚市先無人 但侍應姐姐都叫特坐下先照落單開爐原來好多外國人黎食 咩國藉都有 係無香港人就係咁 食過翻尋味之後就算唔係灣仔返工 每次黎灣仔都會食 今日書展行到腳斷要醫肚梗係又返黎呢度今日爆場 又係全部外國人 飲左d酒佢地有d興奮 嘈到爆勁興奮咁唔理啦呀姐我好肚餓照舊叫香辣雞碎炒飯 蝦醬炒飯 蒜蓉通菜 炸蝦餅一order完就聽到大廚 heehehumhum既炒野聲 每碟出黎都好有鑊氣亦因為咁 每次既咸度都唔同 今日蝦醬炒飯偏咸 蝦餅都略遜 但都唔失望 有罐泰版可樂依舊正既凍奶茶 仍然過癮既炒飯最後希望呢d特色小店係灣仔重建過程唔會被淘汰 …Read More

次次去土瓜灣都會幫襯我既飯堂（香港地） 但每到月尾都會唔捨得食今日又到土瓜灣正諗住去雲貴川食個米線醫肚既時候發現隔離呢間唔顯眼既牛腩面大慨因為我每次都係夜晚先游走於土瓜灣 肥佢長期拉閘無留意到見無咩人心口掛住個勇字就入去好乾淨既小店幾個老人家食面 望望餐牌 叫左碗雲呑河走青同崩沙腩河走青仲有可樂（係玻璃樽仲要係大size!)湯頭偏淡 牛腩湯香 無味精大碗到我食唔哂 但為左唔浪費都努力食食食食完飲啖可樂正小店另一好處 很清靜 （老闆當然唔想） 但我作為顧客唔使同人逼 安落食碗麵 係種幸福會多d幫襯 食得多雲南米線 有時覺得港式面仲正…Read More

又話難食其實都唔係試下無壞既味道係特別主打既都有試 個樣係幾好既 味道最難忘都係個黯然銷魂肉燥飯食到呆左 點解會有wasabi 真係頂唔到 我指個胃 魚蛋如果老細加辣都可以再食 …Read More

去既時候係星期五7點FRD 子去等係等拎CALL機拎列CALL機佢話10點20會有枱真係好準等左3個幾鐘終於CALL機震真係興奮到要振臂歡呼一下 對住佢成個腦都諗住佢會突然震好緊張10點既時候仲係好多好多人同好多人而加先排隊(好治癒幾時先食到你)有D人會係等既期間去第二度食飯雖然我地一行3人都差D忍唔住咁做但好彩無堅持!食完大家都無後悔佢個正餐係好食過CHEESECAKE 真心正餐全部都好大份, 我入去見到兩個女仔食一個沙律+STEAK , 個沙律剩返一半個薯蓉原封不動, 已經食到呆左我地2男1女就算餓左成晚都唔敢叫得多呢個份量岩岩好, 剩左少少薯都係, 但個薯係好好食架其實但我地絕對高估左自己個甜品胃 / 低估左個CHEESECAKE3個人3個Cheesecake真係舉白旗好彩有杯LEMONADE 回一回氣但都係食唔哂, 打包唔好浪費好飽, 食完都12點lu.....好滿足, HAPPY FRIDAY!!!!…Read More

黃大仙中心開左好多新野, 今日黎呢度試  不過不失, 但係呢區無咩日本野好揀, 除左元氣, 呢間真係幾好當然咁講得 梗係有得進步既空間"珍寶海鮮赤蝦丼" 成隻手咁大既蝦, 有DD 腥, 帶子有兩小片扣左D分但三文魚厚切加返分超飽烏冬普通啦無咩口感, 湯超杰, 唔鐘意, 仲有4大塊蕃茄岩岩好可以砌返做一個雞扒薄身, 皮脆, 肉唔鞋但都唔係JUICY啦..."芝士玉子卷"玉子太甜, 好彩有芝士但口感幾好一層層的綠茶白玉個4粒白玉好難食, 唔煙UN, 粉得黎又散, 即刻NUR 返哂出黎綠茶雪糕結實又好滑, 見到點點綠茶粉, 奶味比茶味稍重  偏甜, 都唔錯…Read More

食完飯同朋友8點幾黎到無咩人抺茶控朋友們梗係要試下唔同濃度綠茶啦另外仲試左椰子灰, (朋友話食唔出椰味但見到椰絲...個人唔鐘意) 同埋薰衣草綠茶(朋友話唔知食緊咩, 有花味無綠茶味)最後揀左....... 左: 荔枝+70%抺茶; 中:洋甘菊桂花烏龍+50%抺茶; 右: 開心果+40%抺茶先食40%, 好濃, 但唔係好滑, 少少奶味但又無坊間甜品舖食開既咁奶, 幾好50%...個茶既回甘長d.....但唔講其實分唔到...70%  個甘味last 好耐, 仲竟然滑過40同50, 但好大球, 食到一半應該食唔到, 好彩有個荔枝中和下荔枝味........三個字..好荔枝, 無其他更貼切既形容, 好似好廢話但佢好多果肉仲甜到同真荔枝一樣     洋甘菊桂花烏龍.....好驚喜, 第一啖覺得好怪, 但之後個烏龍茶香一出就好正夾少少花香, 好好好好味開心果, 有烘過既味, 但唔知點解佢好溶其他都唔係溶得好快  下次試埋玫瑰紅茶先…Read More

幾個月之前已經聽聞過大坑有間MODERN 的茶室叫jrink, 已經好想去拜訪一下本人鐘意喝茶, 唔鐘意咖啡, 因為啡比較燥飲完好唔舒服, 奈何香港周圍都係coffee shop, 要飲茶就要去酒樓jrink 就好似coffee shop 咁但就係飲茶, 第一次聽已經心心眼, 隨即follow 佢ig, 好期待有時間親自去一次終於去左試, 見到門口有free sample, 有D 遊客經過都會飲下但我梗係唔試SAMPLE 啦直接入去雖然係假期, 點幾鐘去到都無咩人, 搵個位坐低先個環境好舒服, 成幅牆都放滿茶罐實在有太多選擇都唔知揀咩好佢有個櫃係放滿左小小既樽仔裝住唔同既茶可以聞下揀下你想飲咩我最後揀左ROSE 同男朋友SHARE 再叫左個APPLE CRUMBLE CHEESECAKE (咁岩仲有海鹽焦糖粒粒送<----超好味)另外仲有個CORNER 你可以自己溝茶今次試左 ROOBIE + ROSEBUD + OSMANTHUS 仲有好多好多, 店員好有耐性同好NICE幫我同介紹D材料我無聽錯既話好似係1蚊1g 大約仲有label 俾你寫返你隻專屬茶名同conbination掛住整中間都無影到相  我會再黎架!!!!!!…Read More

朋友推薦黎呢度食北京填鴨見OPENRICE 好多正評心諗今次正啦可以食好野一入到去  嘩好正好有童年回憶既酒樓裝修 D 侍應又好好  有禮貌好有笑容又好HELPFUL佢地推介鮑翅餐, 朋友們都係唔食魚翅既 所以決定散叫第一碟京蔥炒牛肉一上台就心知今次中伏了點解係橙色食落仲要係好似用叉燒醬炒既第二碟麻婆豆腐, 好多豆腐, 個心當堂定哂即刻叫碗靚仔點知無麻又無辣  又好咸     拍得住平時茶餐廳碟頭飯........但茶餐廳個價平好多.....第三碟小籠包真係喊出黎一開籠無煙既, 唔使驚夾爛個小籠包, 個片厚過7仔叮叮小籠包都唔使驚「辣」親個嘴因為裡面無湯汁既中間係暖暖地味道就一般般, 有一陣薑味...萬眾期待既填鴨上場師父一路片我地一路流口水鴨片係脆既好有油香    隻鴨係真心好好食不過係就咁食個鴨個皮厚都OK啦我接受到但包完咬落去成口粉....脹住個口食左兩塊我地放棄哂  就咁食D鴨真係食到嬲嬲豬呢間野真係做遊客生意同區大都烤鴨既鴨同佢差唔多  (呢間仲多D肥膏 ), 但其他野全部都唔得如果淨係想食鴨可以黎呢度     否則同區有更好既選擇.....…Read More