Kaden Yuen's Profile

啱啱喺法國返黎冇耐又開始掛住法國菜了，咁啱有朋友介紹呢度出品唔錯之餘亦係一個打卡好地方一黎到果然冇介紹錯，門口大大個凱旋門已經帶黎濃濃嘅法式風情，雖然我地冇訂位但我地都好好彩可以被安排坐室外嘅位置，出邊就係尖沙咀夜景，風景一流講返食物，食法國嘢梗係唔可以錯過生蠔啦，因為都想留肚食其他野，今次淨係叫住一隻試試水先，雖然得一隻，但係擺盤都唔會失禮人，蠔本身都係冇得彈，新鮮並夾雜住淡淡海水味下一道菜就係香草牛油焗田螺，焗蝸牛就食得多，田螺都係第一次試，隻隻田螺都大大隻，搭配麵包一齊食認真唔錯，跟住就係香蒜鮮大蜆扁意粉，水準依舊一流，意粉彈牙搭配蜆肉，口感非常清新，最後一道菜就係法國經典菜式油封鴨髀，做法都幾正宗，估唔到返到香港都可以食到咁正宗而又唔貴嘅法國菜，推介！…Read More

裝飾風格以韓國街頭風為主！香港少有的韓國特色餐廳！菜式方面各式各樣，大多數都係韓國街頭可以食到或者食到嘅都有。韓式泡菜豬肉鍋的湯底令人驚艷。我一入口就感受到了泡菜的酸辣風味的濃郁滋味。這種結合讓湯底既具有豐富的層次感，又帶來了一種獨特的口味體驗。隨後，我嘗試了其中的配料——豬肉片和蔬菜。豬肉片鮮嫩多汁，肥而不膩，入口即化，與湯底的味道相互融合，令人回味無窮。而蔬菜的加入為這道美食增添了豐富的口感和營養價值。我將蔬菜放入湯底中煮熟，吃起來既爽口又營養均衡。韓式泡菜豬肉鍋還搭配了傳統的配菜。我品嚐了一些韓國泡菜、蒜蓉和辣椒醬，它們為這道美食增添了更多的風味和層次。酸爽的泡菜和辣椒醬的辛辣味道相互輝映，使整個鍋的味道更加豐富多樣。甜辣炸雞，醬汁好多包圍着炸雞，辣味唔算特別出，食唔到辣又想試吓嘅朋友仔都一定冇問題。炸流心芝士豬扒，呢個10分推介，芝士可以拉絲，豬扒炸到酥脆，配上流心拉絲的芝士，口感10分豐富。必試！另外飲品方面都有各式各樣，無論你想飲酒類定係飲品類，選擇都不少。最後價錢方面，價錢屬於親民，份量都好大，員工嘅服務態度都不錯。…Read More

今日行開加連威老道，竟然比我發現呢間收埋喺嘉蘭圍嘅泰國菜。舖頭裝修好骨致，坐喺門口吧台望住條街飲啤酒，彷彿置身曼谷街頭。言歸正傳，今次黎就梗係搵好野食，睇下餐牌，除左大路泰國菜式，竟然仲有生蠔刺身，一場黎到當然要試一試，搭配埋泰式辣醬一齊食，竟然出奇地夾，別有一番風味跟住就輪到啲傳統泰國嘢啦，第一味當然係每次食泰國菜都必點嘅小食拼盤，每樣小食都係香脆可口，絕對係超水平嘅前菜再黎就係泰式豬頸肉，原先以為係串燒咁上，點知上到黎係咁大份我地三個人都夠晒食，八十幾蚊咁大份認真抵食，食得泰國菜點少得整返個椰青呢，而家咁濕熱嘅天氣飲返啖真係透心涼，清甜滋味飲完椰青水可以不埋啲椰子肉一齊食，又可以當做一道甜品…Read More

旺角呢啲旺區食日本料理唔會平大家都知，今日偶然比人發現左呢間平民價錢嘅日本嘢，仲唔試試佢？地方闊落，仲有大量卡座提供，都算坐得舒服。食物種類都幾多下，壽司、刺身、燒物、天婦羅、拉麵等等經典日本菜應有盡有，果然係五臟俱全海膽刺身一大板都係148，喺今時今日嘅香港地簡直不敢想像，加多兩隻78嘅室津生蠔就組成左我地嘅前菜刺身拼盤生蠔鮮嫩多汁，海膽新鮮，完全唔似係呢個價錢可以比到嘅。跟住就輪到燒物，燒鰻魚串，鰻魚汁惹味十足，肉質鮮美第一食呢個月見免治雞肉棒串，雞肉串點生蛋汁食，學到嘢仲幾好食添餐後甜品我地叫左個芝士蛋糕，唔好以為喺日本餐廳食芝士蛋糕就一定會中伏，呢度嘅芝士蛋糕拍得住出邊賣緊六七十蚊嘅甜品店，同呢間日本嘢一樣都係性價比極高…Read More

今日去誠品行下睇書，無意中發現左呢間藏身於書店中嘅cafe，餐牌嘅食物似乎好吸引就決定入黎試下。好好彩今次有海景位坐，望住維港景色嘆美食真係一流餐廳提供嘅水都好特別，係添加左備長炭嘅水，飲多兩杯人都精神唔少。我地今次就嗌左波士頓龍蝦意大利飯，半隻龍蝦上，一個人食都夠晒飽，意大利飯口感濃郁又不流第二道菜就係蟹肉芝士pizza，有蟹肉嘅pizza都係第一次試，食落認真唔差，同burrata cheese十分之夾，有意大利風味之餘，蟹肉亦增添唔少新意，可以話係一味出色嘅創新pizza餐廳仲有好多其他唔同嘅美食提供，其中有嘅黯然銷魂飯其實我地今次都好想試試，但食完兩道菜之後實在太飽了，下次一定要再黎試下佢…Read More

最近旺角開左好多串燒餐廳，今日黎嘅呢間又係開左冇幾耐，門口已經明碼實價擺左個餐牌喺度，仲有新張優惠添。品種都幾豊富，都係平時食燒烤會嗌嘅嘢食，一坐低店員就推介我地食生蠔，而家做緊優惠38蚊有兩隻，咁我地當然要試一試啦。一上菜，果然名不虛傳，蒜蓉足料，生蠔亦都多汁嫩滑，唔會燒到過晒龍。另外都推介大家黎到都要試下烤羊肉串，28蚊兩串真係唔算貴，羊肉香口仲要唔酥，拍得住大牌火鍋店嘅出品 每除此之外，仲有錫紙系列同埋小食類都係推介，小食我地就叫左炸饅頭，黄金蠔仔同埋椒鹽魷魚鬚，每一樣出品都非常高質存伏，大家可以放心燒烤店都會有好食嘅炸物 唔好唔記得仲有燒烤比食嘅金針菇，呢度亦都唔會欠奉。最後就係非常考究燒烤店功力嘅烤茄子，食落認真係有驚喜嘅…Read More

對上一次黎好似已經都係一年前聖誕前後嘅時間，難得過黎觀塘呢邊，梗係過黎翻撻呢間高質cafe。門面唔使多講，木系簡約風格，仲寫住可接受private booking，附近返工嘅朋友可以考慮黎呢度搞teambuilding。鋪頭內都一如既往咁坐得好舒服，伴隨住柔和嘅音樂，一杯咖啡加一本書應該可以喺度坐一個晏晝。今次下午時間黎，未食中午飯黎個all day breakfast就完美了，份量依然十分足夠，煙肉同腸仔焦香夾住麵包食又可以當三文治咁食。跟手黎到甜品tiramisu，夾住中間嘅手指餅帶出甜而不膩嘅口感，絕對適合想食甜野又怕太甜嘅朋友。最後就係呢個Oreo 牛角包窩夫，牛角包大家就食得多，夾住Oreo同雪糕一齊食相信就比較少見，但係偏偏佢地嘅味道又好夾絕對比到驚喜大家。一年後嘅水準依然保持到，抵讚…Read More

兩條友喺尖沙咀，一個想食西餐，一個想食日本野可以點算？推介大家試試呢間日式西餐，亦即係日本常見嘅洋食門口望到餐牌已經忍唔住流晒口水，又日本豚肉又和牛咁，一於黎試試你咩料食物選擇認真唔少，有牛扒、和牛飯、意粉仲有黑毛和牛漢堡。我今次就試左呢個燒美國黑毛和牛青森溫泉玉子，加多18蚊就可以轉成定食，有湯同薯仔沙律，算係幾抵食，大家千其唔好錯過。個和牛飯賣相唔錯，肉質亦都係鮮嫩多汁再撈埋隻溫泉蛋食，認真一流洋蔥湯亦都十分暖胃，啱晒最近返冷天氣飲，薯仔沙律都幫助埋消化。跟住就黎到甜品，靜岡抹茶紅豆窩夫，好特別嘅口味，窩夫本身偏鹹，搭配住紅豆同抹茶又別有一番風味，啱晒想食甜品又怕太甜嘅朋友。呢種食物質素同呢個價錢喺尖沙咀黎講算係性價比一流推介一試…Read More

今日搵食搵到黎佐敦，見到呢間收埋喺廟街樓上嘅地中海菜，梗係唔會放過佢喇。餐廳裝潢十分有格調，伴隨柔和嘅爵士樂，係三五知己飯聚嘅好地方，估唔到廟街都有咁chill嘅西餐食餐廳供應嘅都係典型嘅地中海菜，我今次就試左呢個新鮮生蠔混合盤先，188蚊有6隻法國蠔同西班牙蠔食，除翻開都係三十蚊左右一隻，認真唔算貴，啲蠔隻隻都有手掌咁大，肉質肥美多汁，仲有陣海水味，係大海嘅味道跟住就係呢個西班牙海鮮飯，十分足料而且正宗，怕濃味嘅朋友可以加兩滴檸檬汁中和返啲咸味，仲會略帶清新口感。再黎就係呢個蒜香辣大蝦，辣辣地而且略帶香口十分開胃，一啖一隻都幾過癮。最後就黎到甜品西班牙油條，亦即係churros，一上台熱辣辣趁熱食十分真真正正甜而不膩最後竟然比我見到呢個牌468蚊有十隻蠔加一枝酒，真係抵到爛，下次一定要試…Read More

食過佢喺銅鑼灣嘅分店，今日食過翻尋味黎到k11呢間開左冇幾耐嘅新分店。鋪面裝潢十分精緻，完美融入左商場個格調，令人感到好舒服，一入門口就係一個大大嘅open kitchen，帶比人一種衛生整潔嘅感覺一坐底就見到呢樽裝住備長炭嘅水，拿拿臨飲多幾啖，人都精神啲睇下餐牌，好多野都想試試，但係見到龍蝦真係抵受唔到誘惑，即刻嗌左兩個龍蝦意粉慰勞下自己先，上菜速度都幾快，落單唔使幾耐就有得食，龍蝦肉幫我地起好晒，基本上用叉一叉就叉起到啲肉，唔使整唔糟手，番茄意粉酸酸甜甜亦都十分開胃，配上兩個聖女果，食得十分滿足餐廳仲供應好多其他種類食物，有漢堡包，烤肉同埋沙律等等，可惜今次已經比左個胃比龍蝦意粉，下次黎一定要試埋其他招牌菜…Read More

好耐冇食過放題，今日口痕就黎食下大瀛喜位置十分就腳，旺角站E2出口一出就到。好彩撞正今日閒日，唔使點等位，基本上一入就有得食。午市黎講，餐牌選擇都十分多，壽司刺身炸物一應俱全，出邊仲有自助區供應品種唔少嘅小食雪糕仲有飲品太耐冇食過魚生，黎到呢到當然食返夠本，雖然話係放題，但係刺身嘅質素認真唔失禮人，三文魚十分肥美，仲有北極貝亦都好鮮甜，出品抵讚跟住就有呢個火炙壽司，老老實實唔會差過外面散嗌嘅日式料理，值得一試。再黎就係呢個天婦羅炸物，有炸蝦炸茄瓜炸蟹柳等等，最好食當然係呢個炸蝦，encore完一次又一次。出面甜品吧，仲有好多小食任君選擇，葡撻紫薯丸呢啲都十分值得大家試試。總括黎講，呢度食物選擇多，上菜速度快，絕對係日式放題嘅高質之選…Read More

今日黎到旺角搵食，摸下摸下摸左黎呢間隱世嘅樓上cafe。一入到黎，地方十分闊落，座位坐得非常舒服，餐廳位於金雞廣場25樓，由窗外望出去成個油尖旺嘅景色盡收眼底，我地黎嘅時候正值黃昏時間，窗外日落伴著晚霞十分有feel講返食物，呢度都係以輕食為主，但都不乏主食嘅dinner set，我地首先就叫左呢個小食拼盤，食物種類十分豐富，炸蝦炸蟹鉗甚至炸蠔都應有盡有，香脆可口，值得一試。呢度嘅特飲唔單止靚，個名仲未非常得意，我就嗌左呢杯飲品叫做節制外觀賞心悅目，飲落仲唔差，係一杯色香味俱全嘅飲品跟住就係呢個黑松露帶子鮮菌燴意大利飯，呢度整主食真係絕不馬虎，味道拍得住兩三百蚊嘅西餐廳出品。再黎就係呢個蜜糖芥末單骨雞翼，又係香口嘢單骨雞翼亦都十分適合怕整污糟手嘅人士食。最後就係甜品，紐約芝士蛋糕，擺盤十分精美，味道亦都唔會失禮人，為呢餐作左一個完美嘅結尾…Read More

今日慕名專程過黎沙田呢邊試試呢間由YouTuber 開嘅大排檔，位置都幾好搵，就開喺一田隔離。有別於傳統大排檔較為簡陋嘅裝修，呢度裝潢十分有港澳特色，細心睇仲可以見到好多微辣嘅彩蛋，有留意開嘅fans黎到一定會心一笑。黎到食物啦，第一道就係呢個冰鎮素咕嚕肉，老實講如果唔係事先知道係素肉，食落口感的確拍得住真肉，酸酸甜甜十分開胃，再黎就係呢個米酒雞，上菜十分吸引眼球，再食埋字真係淋左米酒喺側邊再開蓋，十分惹味，雞肉質嫩滑，內裡釀入嘅雲耳金針亦都十分入味。跟住就係呢個yelo咖哩大雜燴，材料都十分豐富，有魷魚、柚皮、魚蛋等等，樣樣嘢都煮得好入味，再加埋個咖哩汁，簡直係白飯殺手最後就係甜品啦，呢個士多啤梨味嘅格仔餅配上3.6牛奶簡直一流，奶香濃郁，為呢一餐作一個完美嘅結尾…Read More

今晚突然想食啲香口嘢就諗到呢間一直未有機會試嘅串燒店，好彩黎得早可以walk-in，大家黎食之前最好都book定位先，事關我地坐低冇耐，陸陸續續已經有預約左嘅食客坐滿成間鋪呢種燒烤爐真係啱晒懶人，就咁成串擺上去就識自己轉，仲燒得好均勻冇平時人手燒咁易燒燶，喺呢度真係要讚下講返食物，常見嘅豬牛羊雞海鮮當然少不了，竟然比我地發現仲有棉花糖同雞蛋仔供應擺上去燒兩燒再流心嘅口感認真過癮，但大家記得唔好燒太耐，唔係嘅話會融晒落台面。成個爐都係肉串，望到都流晒口水，肉醃得好入味，基本唔使點落調味料都好夠味。哈哈，睇下我地唔驚唔覺已經差唔多塞滿成個簽筒，大滿足飲品方面，舖頭大多數都係提供枝裝飲品，免卻我呢啲要飲大量水嘅人要行多幾轉。最後仲會有哈根達斯雪糕做甜品結尾…Read More

又黎天天食海南雞喇！上次喺銅鑼灣食過之後就一直心心念念想再食，因為啲食物認真出色今次就黎到左佢嘅圓方分店，座位都係一樣咁闊落好坐，環境十分舒適。睇下餐牌，真係花多眼亂，樣樣都好想食，選擇困難症又黎料，我地兩個爛鬼乾脆又嗌左個雙人餐，樣樣都有啲。首先就係呢個螺片燉雞湯，雞味濃郁，確實好飲再黎就係呢個水果沙律同埋黃金軟骨，都係好出色嘅前菜，好快就比我地兩個清晒碟，然後就係呢度嘅主角，海南雞同埋油飯喇個雞依然出色，肉質鮮美嫩滑，加埋呢個油飯簡直食到停唔到口啊，呢煲飯完全修補左我地平時喺出面食海南雞飯唔夠飯食嘅遺憾。差啲唔記得左呢個鴛鴦菜花，相信唔鍾意食菜嘅朋友都會鍾意食。跟住呢個豆腐花又係出色，真係第一次食咁滑嘅豆腐花，喺出面真係未試過咁滯，推介最後意猶未盡，我地又嗌左呢個山楂丸子，山楂味十分出，又係一道出色嘅甜品…Read More