tarepeggy's Profile

lunch 價格唔錯，而且份量夠，天氣轉涼後行過嚟唔會熱。韓國人主理，小菜都好好味。極力推薦石窩拌飯，啲飯焦好香口好開胃，停唔到口。豆腐海鮮湯好足料，味道微辣惹味，愈飲愈開胃。食完捧住個肚慢慢行返公司，完美…Read More

見到報紙介紹，就約朋友嚟試吓。舖頭裝修好骨子，清清哋又唔俗，已經好鐘意。坐低之後冷氣好凍，侍應仲好細心咁提供披肩，WOW之前有見過報紙介紹特色湯，即刻叫咗2盅試試。佢哋用茶壶裝，唔講真係以為飲茶。個湯好濃味，雞腳又煲到好腍，飲完個身即刻暖返哂，連披肩都可以唔洗用。跟住仲叫咗4個小菜，蒸蛋、咕嚕肉、叉燒同埋菜。以前去茶樓，茶芥成日會有碟酸蕎頭。估唔到我響碟咕嚕肉度見到。大大粒又爽又脆，食唔停口。D咕嚕肉都好好味，賣相又靚。真係食得好開心！可能因為我哋坐卡位（唔洗驚4個人坐會逼，好闊落），靜靜哋又可以傾偈，食飽飽歎吓茶，好耐冇咁輕鬆了。…Read More