sandy326's Profile

鍾意食辣既我，行過旺角街頭見到呢間農川，價錢又唔算太貴，點可以唔入去試下，入到去望到個餐牌都已經樣樣都想食，最後叫左三樣，分別係焗蜆，水煮魚同埋鹽水雞。落左單，等左一陣就已經開始上菜，有得食，個鹽水雞既份量係例牌既，不過個人感覺就覺得都係細份左啲，好彩個味都唔差。焗蜆上到枱，職員會用刀仔界開啲錫紙，再翻開佢，就可以見到啲蜆的，啲蜆都幾大隻，有啲肉地，個味好好食，好惹味，啲汁用黎撈飯都好正到水煮魚上枱既時候，個份量都幾大，一大碗，配料仲有芽菜，青瓜，薯粉等等，一定夠飽，味道唔錯，唔會辣到食唔到啲食材既味，總體黎講都抵食又好味！…Read More

每次去親九龍城就一定會食既泰國菜，有時仲要為左食佢，專登入九龍城，吸引力大到呢耐唔耐就心思思想食泰國菜，但奈何唔係間間都岩心水，而興隆就係食咁多次，都覺得好好食既一間，每次必叫既生蝦，雖然份量比初初食既時候少左啲啲，不過都無阻我對佢既喜愛，點生蝦既汁更令我越食越想食！泰式燒肉炒椰菜苗同香葉肉碎炒飯又係必食之選，總覺得其他地方既味道始終係爭小小，成日都覺得興隆既係好食啲，今次仲食左串燒同椰汁雞湯，串燒就雞肉會比較好食，點埋個醬，簡直一流。而椰汁雞湯就帶有類似冬蔭公既酸味，都唔錯既，不過我就鍾意飲冬蔭公多啲。…Read More

今晚去開旺角買野，行行下突然想食韓國菜，但又唔想食連鎖店既，想試下新野，行到內街見到呢間韓國菜，睇落有小店既感覺，就決定入黎試下。環境唔算太大，食物既價錢都中規中舉，睇完餐牌之後，叫左兩個石鍋湯配飯既餐，一個係辣牛肉湯，一個係辣海鮮豆腐湯，落左單之後先上前菜。前菜味道就一般啦，唔算太出色等左一陣，兩個鍋就到喇，可以食得，賣相都唔錯，辣牛肉湯入面有芽菜，粉絲，小小既牛肉，不過牛肉就有啲老，但係個湯既味都係正常既辣湯味。個豆腐湯就幾足料，有蝦，蜆，雞蛋，豆腐等等，味道都還可以，兩個湯既份量都唔少，都唔差既。…Read More

又到一年一度既聖誕節，今晚就去左板長度食，本身見到有幾個鍋都諗住試下，但係太好賣，已經賣哂，之後就叫左一個炙燒三文魚既set餐，都有好多野食，有一個炙燒三文魚飯，半隻芝士龍蝦，一碗蜆既麵豉湯，仲有一個細細地既cheese cake。因為係兩個人食，所以叫多左個蜆烏冬同西京燒魚，先講個炙燒三文魚飯，魚生好新鮮，輕輕燒過既三文魚入口即溶，份量足夠一個人食，芝士龍蝦啲蝦啲肉係彈牙，唔會霉，一句講哂，好食！個蜆烏冬個湯好鮮甜，烏冬煮得岩岩好，配埋啲蝦乾同昆布，成碗烏冬連湯都食哂！西京燒魚燒得好香，啲魚肉好滑，一夾就夾到，點埋沙律醬食簡直係一流！cheese cake食落既感覺就有啲似mousse cake，但都幾有芝士味，都算唔錯今餐真係好滿意，$3xx有咁多野食，仲有一杯梅酒，真係幾抵…Read More

岩岩去完日本返黎，都仲好掛住日本個啲野食，咁岩去開太古，點可以唔去aeon行下，一行aeon就行到唔知時間，又到左食飯時間，睇左幾間餐廳，終於決定食呢間既燒魚定食。望住個餐牌樣樣都想試下，最後決定試下兩個人氣商品，分別係《 鹽燒鯖魚定食》同埋《燒花魚定食》，仲有就係甲羅燒！落左單唔係等左好耐就已經有得食，條燒花魚好大條，開邊燒好配上檸檬汁，啲魚肉岩岩好，唔會過老，真係好好味。條鯖魚都有返咁大條，味道岩岩好，唔會太咸，加埋檸檬汁味道仲清新啲，仲有個麵豉湯好足料，好好飲，又大碗。個甲羅燒都好好食，啲蟹膏份量好多，上面鋪滿蟹籽，蟹肉，同埋蔥，撈埋食味道真係一流。呢餐係性價比高既一餐，既可以滿足下我掛住日本食物既心，食物既味道仲要唔錯。…Read More