Man9021's Profile

疫情終於完，身處外地好耐無見既朋友返嚟探親🥹，我哋就係觀塘租左間party room聚下舊，於是就係周圍搵下有咩小店買特別嘢食買上去食我地揀左幾間觀塘小店，呢間係其中一間間店唔大，一人主理，但都幾多款式我哋叫左以下嘢食：辣蕃茄粗直薯條$25麻藥飯卷$25黑豆醬蔥燒豚五花便當$60百香果蜜(熱)$13辣蕃茄🍅粗直薯條🍟薯條又粗又飽滿，裡面食到滿滿既薯蓉，番茄的酸甜與辣椒的辣味相得益彰，香辣惹味😋麻藥飯卷，即是韓式壽司🍣紫菜上灑咗芝麻同麻油，打開飯盒聞到超香的麻油香氣😉，飯卷內包了牛蒡、紅蘿蔔絲、醃黃蘿蔔絲，咬落去脆脆地，香得嚟又幾清新黑豆醬蔥燒豚五花便當🍱黑豆醬口味甜甜鹹鹹、 豚五花炆度淋淋地，加埋香蔥送飯，唔錯食完啲熱氣嘢，飲返杯熱百香果蜜潤下喉嚨，好舒服😉…Read More

疫情終於完結，朋友終於可以飛返香港探屋企人🥹有朋自遠方來，我哋係附近租左party room聚舊，所以周圍搵下有咩正嘢食🤭開party炸雞翼一定唔少得，上openrice 見呢個外賣店專賣雞翼，勁多味道，實有一款岩各人我哋叫左個餐$128，包12隻雞翼同一罐飲品外賣盒又幾特別，夠透氣，雞翼可以保持香脆👍🏻3款雞翼各4隻：港式避風塘蒜香雞翼，果然同佢個名一樣，有鑊氣，好有香港人既口味😆。外面沾左脆香既蒜粒同辣椒，裡面保留肉汁，香口惹味，值得推介黃金咸蛋黃雞翼脆口極邪惡🫢，雞翼充滿鹹香味，炸得岩岩好，鍾意食咸蛋黃既朋友不能錯過泰式冬陰功酸辣雞翼好特別，佢同出面食果啲唔同，出面果啲係表面淋冬陰功酸辣汁，呢間似連埋汁去炸之後再沾少少，所以一啲都唔膩酸酸辣辣，帶點泰色風既味道👅…Read More

早排朋友帶我去左德寶成商業中心二樓嘅一間地中海美食餐廳食飯聚舊🥰餐廳就係廟街牌坊嘅側邊，都幾容易搵。餐廳室內裝修簡單舒服，空間感十足，令人坐得悠閒自在🤤店內放有一個酒櫃，小型bar 枱，適合幾個朋友happy hour 聚會傾偈，飲番兩杯或者搞私人小形party😆芝士拼盤配烤麵包：有三款軟硬質感唔同嘅芝士併兩款菓醬及香醋同橄欖油，配上剛烤熱嘅麵包，散發麵包及芝士香味再沾上香醋嘅味道，外趣內軟非常好味 希獵餃子：新鮮整起嘅希獵餃子餡料係用左羊奶芝士同菠菜，餡料份量十足，味道好夾，無羊奶嘅羶味，餃子外皮脆脆哋，用來送洒🍷就最啱 香脆魚配阿拉比阿塔醬：魚塊切成剛好的尺寸，外面的脆漿唔會太厚剛好包住D魚塊，入面仲保留好多肉汁，配上個特色醬好味到食唔停呀！ 呢度環境舒服又唔嘈雜，食物有水準，下次再來！…Read More

呢間餐廳其實已經食過幾次，因為公司喺附近，貪佢環境舒服、座位寬敞、lunch set 都幾抵食。餐廳喺地牢，但接待處喺地面，而且門口放左好多有泰國特色既擺設，好易認。地牢面積好大，有好多卡位同圓枱，通道都好闊，仲有送餐機械人。我地今次叫左4人餐，有6款食物加飲品，人均點費$120拼盤 （蝦餅、魚餅各4件）：每樣都大大件，魚餅有淡淡香茅味，好正！蝦餅夠脆、肉厚而且彈牙，推薦。串燒沙爹（豬、牛、雞 各兩串）：雞肉最嫩最多汁，牛同豬都唔差，但相比之下就雞肉最出色。沙爹汁都好味，滿滿花生香、略帶甜味又唔會過鹹。燒豬頸肉沙律：豬頸肉燒到脆邊得黎唔刮口，沙律基底有洋蔥番茄菜絲等，我覺得洋蔥太多，如果加返多啲菜絲會平衡啲。個汁酸酸地好開胃，只有好輕微既辣。咖喱蝦配焗蒜蓉包：蝦係蘸上薄薄粉漿再炸，大大隻好爽口。咖喱毋有椰香、唔辣，略嫌配料太少，印象中只有洋蔥。蒜蓉包好好味，法包吸滿蒜蓉牛油，焗既㬎間控制得好好，夠熱夠香夠脆。建議唔點咖哩汁直接放入口。泰式炒什菜：雖然有‘’泰式‘’2字，但有別於坊間常見用既馬拉盞／辣椒。而係好中式咁清清地，但咁樣反而仲好，因為其他野都係濃味，呢度菜可以清下味蕾。泰式炒金邊粉：賣相好靚，金黃色蛋漿整成一個網包住碟金邊粉。味道正常，要讚既係有大量花生碎 同青檸，喺我眼中，呢個配搭係炒金邊粉既精髓。總結：每人$100多啲，有齊沙律小食前菜主食飲品，好滿足。…Read More

天氣轉冬🥶，胃口大增，大家都提議食自助餐或放題happy一下有朋友試過呢間韓燒話唔錯好豐富，岩三五成群去燒燒😆放題有三個級別，岩出雙糧豪d食最高級$318/位，食2個鐘，有齊豬牛雞海鮮小食，非常豐富😍當日係平日夜晚約七點，我上到黎，座無虛席，好彩朋友訂左位首先去雪櫃拎野飲，最少有兩個雪櫃，飲品都算多選擇😝我哋第一輪叫左蠔、帶子、西冷，我地一行四人，餐廳會預份量，唔會上太多造成浪費 贊🫡蠔燒熟後再點燒肉醬食出奇地好味，再加埋佢無限添加既蛋，正呀蝴蝶蝦伴他他醬、虎蝦、台灣胡椒香腸，燒到香噴噴，卷埋生菜🥬食，層次豐富🤤生牛肉石鍋飯熱辣辣送上黎，咋咋聲，撈勻後連埋飯焦食，脆卜卜辛辣麵出哂煙熱辣辣，口感煙韌，食過唔停炒粉絲粉絲煙煙韌韌，我哋再放落去鐵板燒兩野，好香另外再叫左d炸物：脆炸一口芝士、無骨原味炸雞、炸紫菜粉絲卷，味道正常，可以一試…Read More

留意到最近megabox開左間新泰菜，一於試下好唔好食🥳我哋一行5人無book位，好好彩安排到張角落圓枱，仲有塊簾私隱度十足午市套餐包前小食、主菜、飲品，每位百零蚊左右，價錢可接受我哋5人叫哂餐牌4款小食鹹蛋薯條堅好食，脆脆既薯條外面沾鹹蛋醬，好香我哋叫左兩份牛油果素菜米紙卷有3大舊，咬落去爽脆，味道清新，唔錯😋米泰無骨酸辣鳳爪正正常常春卷無咩特別冬陰功大蝦炒意粉午市套餐加$28，賣相唔錯，但味道普通，唔夠冬陰功味泰式炭燒豬頸肉青咖喱配椰香飯一上枱有d驚訝🙀，我哋再睇睇個餐牌真係青咖哩喎。青咖喱原來就係果兜野，份量同點米紙卷既酸辣醬一樣，非常少😂同一款兜裝醬同青咖喱，可以知道青咖喱既份量非常少芒果椰子沙冰🍧跟餐加錢，棉棉既沙冰上有芒果肉同椰漿，似甜品多過野飲…Read More

薈景自助餐不嬲都好有人氣，今次終於黎試下佢個自助晚餐😍首先，地點好方便，會展站出黎就係，就算落雨都唔洗擔遮，打8號風球都唔怕，可能可以walk-in 唔洗book位😆環境非常好，去過既自助餐中最正地方又大又企理，樓底高，座位💺夠闊枱與枱之間距離遠，唔會聽到隔離枱講野，情侶黎或一班朋友聚會岩哂自助餐區同用餐區分開，享用緊晚餐既時候唔會人來人往。自助餐區夠哂大，一啲都唔迫，refill速度滿意，唔會話好快無野食頭一轉拎左好受歡迎既凍海鮮🦞味道正常，唔會話有霉嘅感覺，合乎期望呢張係食到8點幾左右，都仲有refill龍蝦、龍蝦鉗壽司、冷盤無論賣相同味道都唔錯甜品曲奇餅🍪最好味。甜度適中，唔會遮蓋朱古力味，一定要食值得一贊係佢所有飲品包括酒係任飲，有日本酒、白酒、紅酒、啤酒、汽水，連capsule咖啡都有，鍾意飲野既人可以盡情飲😙…Read More

星期六瞓到自然醒😆，無咩野做就落旺角食過late lunch係openrice見呢間餐廳環境幾好，個景又幾靚，好似幾受歡迎，自己又鍾意食西餐甜品，就揀呢間食😙位置幾方便唔難搵，就係彌敦道仲有成個月先聖誕🎄，餐廳已經有聖誕佈置🧑🏼‍🎄，幾有氣氛因為係廿幾樓又有落地玻璃窗，所以望出去個view 幾靚😍，天氣幾好，心情都靚d呢個係是日lunch menu我叫左個野菌意大利飯，而甜品叫左火焰朱古力球野菌意大利望個樣都知好多菇🍄，岩哂我呢d菇控😍。菇味濃郁，每啖都夾雜勁多野菌，夠晒口感假期豪少少，加左$48有餐包、沙律、餐湯同野飲正正常常，熱朱古力再另加$15，大大杯又幾creamy 火焰朱古球幾有睇頭🤓，店員倒預熱既酒落去，隨即燒著個朱古力球，燒到咁上下店員會提醒吹熄佢，朱古力球會有焦香味，加埋d雜莓，酸酸甜甜又幾過癮🤣…Read More

星期四晚放工同同事揀左呢間餐廳食飯，位置係彌敦道好容易搵。餐廳環境以黑色做主調，一行入去感覺好cool😎今次叫左「日本刺身帶子 •明太子，長通粉」再加左杯抹茶湯力。長通粉一上枱真係超級香🤤因為加左櫻花蝦係裡面，而且每條長通粉都沾滿明太子醬，非常吸引😍帶子方面其實係熟既並唔係刺身，可能因為有煎過一面。整體黎講好推介👍🏼👍🏼至於抹茶湯力，似係tonic water+抹茶粉，抹茶好濃，飲第一啖時冇攪勻飲到好多抹茶粉😂整體來講係抹茶+酸酸甜甜嘅有氣飲品，呢個組合幾特別嘅食完額外再加左個tiramisu，有齊經典tiramisu既組合，層次幾豐富而且cream好滑😋呢個都係推介項目😂同事們叫左「雜菌•黑松露牛肝菌汁•蝴蝶粉」同玉子燒All day breakfast。食完明太子長通粉之後再食雜菌蝴蝶粉，顯得蝴蝶粉有啲啖味😂整體感覺幾健康至於All day breakfast就超豐富😍玉子燒仲好大條，下次再去我都會想叫呢個👍🏼…Read More

我bookmark 左呢間餐廳好耐，今日終於有機會試到，因為今朝咁啱過嚟尖沙咀呢度附近做嘢。企喺門口，已經俾佢嘅型格裝修吸引咗，入邊地方雖然唔係好大，但每台客嘅座位都唔會放得太近，所以錯落都絕對唔會覺得擠迫。我揀咗坐喺吧枱，可以望住個型仔咖啡師沖咖啡。我叫咗一客Tomato Mushroom Chicken Risotto，同埋一杯ten minutes 咖啡。嗰個意大利飯用料豐富，蕃茄味濃郁，啲飯粒好有口感，唔會太淋，亦唔會太硬，煮得恰到好處。另外，嗰杯精品咖啡，我都係第一次飲，苦中帶酸，酸中帶甜，非常特別，如果對精品咖啡有興趣嘅朋友可以一試。另外，呢間餐廳原來會做咖啡豆團購，如果大家對咖啡有研究的話，可以過嚟同呢度同咖啡師一齊研究研究吓。香港人梗係支持香港人啦，我諗我好快會再黎試其他菜式同飲品。…Read More

同媽咪行街買完野就去搵食，去咗呢間朋友介紹，係銅鑼灣利舞臺18樓嘅Dodam Chicken好耐冇食韓國嘢lu, 媽咪話想試d濕嘅，所以就揀左傳統d嘅蔘雞湯俾佢仲要係鮑魚人蔘雞湯tim! 一個湯都可以分到4碗嘅。人蔘味道唔算超重，但都飲得岀，同時又冇遮掩到d雞味。調味唔錯、幾清香👍，入面仲有2隻雞髀🍗、鮮冬菇同一隻鮑魚，難得煲湯嘅鮑魚唔韌👍另外我飲左杯橙汁，試得岀係鮮榨橙汁嚟，都算幾有誠意，上到枱我好快就飲晒都唔記得點影相🤣係幾大杯嘅食食吓有啲意猶未盡，就揀咗個松露薯條，份量都幾大嘅，有兩種薯，係薯仔同埋番薯，炸番薯條配上松露味係幾特別嘅，俾個like佢👍🏻…Read More

朋友係附近返工，大家都突然有種想打邊邊既感覺炎炎夏日正好打邊爐🤣日式邊爐食得多，今次就試下台式😁平日收工黎食，時間尚早，好彩唔洗等位，揀好食咩餐就即刻入得去坐天氣太熱關係，即刻拎左杯雪糕食🙄我地叫左澳洲M5和牛餐，任食和牛90分鐘一坐低好快就黎呢盤牛肉同海鮮呢盤牛神仙牛肉，雖然未聽過，但肉質非常幼嫩，可惜冇得任叫海鮮一般般，蝦好似有得任叫，但都係食牛好過😢掃QR code叫野食，款式算多，有前菜同熟食豆腐同鴨血係必食，唔記得影相😅炸物例如炸雞果d就麻麻地，唔係新鮮炸起，有d梗不斷地叫牛😆，上得都幾快，冇咩漏單人蔘雞湯底，清清地幾好…Read More

見好耐無食過泰國菜，就捉埋我住上水嘅舊同事試下呢間人氣小店😆見呢家人氣小店係Openrice無負評，所以我地幾期望都幾高入到黎裝修環境都幾舒適，見隔離台叫左招牌燒豚肉飯(定食)，賣相好正咁，於是就叫左一個黎share雖然價錢只係88蚊，但已經包一大碗燒豚肉飯、冬陰功湯、三色小食同埋跟餐野飲，大胃王都唔怕食吾飽😁冬陰功湯酸辣的平衡得幾好，飲完好開胃。燒豚肉大大塊，啖啖肉，燒到有焦糖既感覺，配埋d微甜既燒汁，送飯一流三色小食分別係木耳、Brownie和炸物，有凍有熱有甜有咸，好豐富ar 除左燒豚肉飯值得一試外，蘆筍雞翼串係必叫既，因為雞肉好juicy，同鮮嫩既蘆和紅蘿蔔係夾到無朋友最後，我叫左杯凍泰國奶茶做完結。…Read More

幾位朋友都好鍾意食自助餐，其中有位自助餐常客朋友推介食呢間，話一定岩晒大家我地想食星期五happy Friday，都幾full booking，要等一個月，咁受歡迎應該堅唔錯，唯有等啦一入到門口就見旋轉雪糕櫃，非常吸精，裡面除左有hagazen同movenpick，仲有d雪芭好耐冇食自助餐，一見到龍蝦🦞，立即拎左半隻食，算大隻，有肉汁，而且味道唔錯熱食望落唔錯，但太多正野，冇試到🥲鵝肝超正，煎得岩岩好，少少燶，鎖住d汁不停即煎，唔洗點排隊，食左兩件🥰自己好鍾意食甜品，所有留左肚食甜品。差唔多所有款式都試左，心太軟係最正，我朋友話好味過出面甜品舖食果d，我都覺得係🤣無論賣相定味道都掂過唔少甜品舖，即整即食，所以keep到流心😋檸檬撻酸酸地，幾有層次…Read More

喺深水埗嘉頓山睇完日落，到附近食晚飯。行過青山道見到門口貼滿小菜既相幾吸引，就決定喺呢間解決晚餐。我地入座時間尚早，六點零唔多人，但未到八點已經差唔多坐滿。環境光猛乾淨，枱與枱之間距離足夠，唔會逼亦唔會太嘈。我地4個人叫左5個餸米網蝦春卷外皮夠薄夠脆，唔油。細細條作為前菜係一個唔錯既選擇。椒鹽鮮魷粉漿做得幾好，薄薄包住塊鮮魷。火候控制得好好，表面炸得乾身而鮮魷啱啱熟，調味唔重手，食多幾塊都唔會膩。啫啫雞雜煲上菜時係會上一碟雞雜及一個預先燒到好熱好熱既砂煲，然後喺你面前先將雞雜放落個煲到。完全做到啫啫既精粹，有齊視覺嗅覺聽覺既刺激。雞雜應該係新鮮貨而唔係雪藏野，冇腥味冇雪味。腸同腎都好爽，好入味之餘亦唔會太鹹要飲水。砂煲芥蘭啫爽肉芥蘭爽脆，豬頸肉好味，蝦醬味好香，水準以上。黑椒牛仔骨都係砂煲上，黑椒汁濃稠剛好掛喺牛仔骨度，味道唔錯配飯一流，但部分有筋位太硬。總結﹕小菜有大排檔既鑊氣，衞生環境係酒樓既質素，服務態度好，份量足又唔貴，性價比高，啱晒一班人邊食邊飲邊吹水。…Read More